الموضوع: كم يوم اقعد في نيويورك لاس فيقاس ولوس انجلوس ارجوكم ساعدوني

السلام عليكم

اخواني واخواتي

حبيت بس استفسار بسيط اذا حد يقدر يرتبلي جدول حلو

انا وزوجتي وولدي الصغير حبينا انروح امريكا اخر هالشهر

وحبينا انروح كذا مكان

نيويورك ولاس فيقاس ولوس انجلوس وديزني لاند

انا بروح لنيويورك اول شي وبعدين الى لاس فيقاس وباخذ سياره الى لوس انجلوس

وبعدها بروح لديزني لاند وبعدها برجع لنيوروك وبعدها برجع للدوحه

ابي اعرف كيف اروح لهالاماكن اكيد من نيويورك لفيقاس بالطياره

لاكن كم يوم اقعد في نيويورك في اول مااوصل وكم يوم في فيقاس ولوس انجلوس وديزني لاند

فياليت اترتبون الايام

وابي اعرف كيف استأجر سياره وارجعها للمطار في فيقاس او لوس انجلوس لو برجع نيويورك

وانا بقعد حوالي من 20 يوم الى 25 يوم

مواضيع عشوائيه ممكن تكون تعجبك اخترناها لك:

• فنادق بلوس انجلوس ولاس فيقاس للاسبوع الجاي
• استفسار عن دينزني لاند كاليفورنيا ؟؟
• ماهي ارخص شركة طيران الى امريكا ولو ترانزيت ؟
• افضل الاماكن السياحية في نيويورك
• قررت اروح بورتلاند ولكن
• عاجل جدا بخصوص طلب التأشيره الخاص بي
• ممكن مساعدة
• الرجاء المساعده
• ماهو الفرق بين و
• ممكن مساعده الله يخليكم بخصوص القارمن
• استفسار
• خبراااااااااااء امريكاااااا بلييييييز هليب مي
• استفسار مهم قبل لا نشتري التذاكر ونتوهق بشهر العسل
• ابي فنادق مجربه في فيلادلفيا واورلاندو ميامي بليييييز
• ايش اقرب ولاية أو مدينه لكندا
• السفارة الأمريكية بالرياض بين عام م وعام م
• ماهي اجراءات تفتيش مطار واشنطن ونيويورك
• الاماكن السياحية في نيويورك و سان دييغو ولوس انجلس وسان فرانسيسكو
• سؤال في حالة الغاء الفيزا من قبل الجمارك
• الحمدلله

الافضل 3 ليالى فى نيويورك وبعدين بالطيارة الى فيقاس3 ليالى وبعدين تاجر سيارة بفيقاس وتروح بالسيارة الى سان دييغو3 ليالى وبعدين بالسيارة الى لوس انجلس 10 ليالى وبعدين ترجع السيارة بمطار لوس انجلس و تروح بالطيارة نيويورك ليلتين..........دزنى لاند فى لوس انجلس
http://www.arabtravelersforum.com/travel687479/

http://www.arabtravelersforum.com/travel439220/

http://www.arabtravelersforum.com/travel501320/

http://www.arabtravelersforum.com/travel474428/

اخوي عزيز شكرا للجدول الحلو

بس انا ماراح اروح سان دييغو لاني برجع نيويورك ااخر شي بقعد فيها اربع ايام

فبيكون
3 نيويورك
3 لاس فيقاس

وبالسياره الى لوس انجلوس 6 ايام في الشمال و4 ايام في الجنوب في الجنوب ياليت اتقولي وين اسكن عشان ديزني لاند

وكيفيه الذهاب لديزني وكم التذاكر لشخصين كبار وطفل عمره 4 سنوات وكم بتكفينا

وكم تكلفة الطيران الداخلي من نيويورك الى لاس فيقاس ومن لوس انجلوس لنيويورك

ونسيت شغله مهمه عزيز

في فيقاس وين احصل محل استأجر منه سياره وكم تكلفتها

وهل اقدر اسلمها في مطار لوس انجلوس عشان ارجع لنيويورك
وتسلم على الرد

وايد 7 ليالي علي نيويورك.....غالية جداً وممكن تشوف كل شي في 3 ايام.....

دزني في اناهايم( مدينة بالجنوب) ممكن تقعد في اناهايم او ايرفاين

ايرفاين افضل وارقي من اناهايم.......
دزني يومين بالكثير....وممكن يوم فقط... التذاكر انواع وأسعار مختلفة .. تذكرة يوم واحد لمدينة ملاهي وحدة بسعر....وتذكرة يوم واحد للمدينتين بسعر..وتذكرة ليومين بسعر.....يعتمد شنو تبي تختارانا أشوف انك تاخذ تذكرة صالحة ليوم واحد فقط للمدينتين الملاهي وهذي سعرها 105 دولار للكبار والاطفال ب 99 دولار !!
بس احرص تروح بنص الاسبوع علشان الزحمة تكون اخف وتروح بدري


تقدر اكيد تاجر سيارة بفيقاس وتسلمها بلوس انجلس.....الاسعار اذا سيارة صغيرة ممكن ب 40 دولار باليوم مع التامين تذاكر الطيران الداخلي ...كل ما حجزت بدري السعر ارخص... شوف واحجز من الان