[center]بسم الله الرحمن الرحيم
الحلقـــة الأولـــــــى
[color="Blue"]احكي لكم في هالموضوع وقائع رحلتي الى كندا ( تورنتو ) بالتفاصيل الدقيقه .. مزوده بصور فيديو وفوتوغرافيه .. اول شي كان التخطيط على السفر قبل سنه ونص كنت ناوي اسافر لبريطانيا وما الله كتب .. والحمد لله كانت خيره لأني كنسلت سفرتي وصارت التفجيرات هناك ..
المهم بعدين فكرت اني اخلي السفره السنه الثانيه اللي هي الصيف اللي فات هذا .. واحترت بين كندا واستراليا وامريكا .. وبعد مشاكل الفيز حقت امريكا اللي سمعتها .. والتعصب الديني في استراليا .. ويوم قرأت كثير عن كندا .. شفت ان ولا دوله من اللي ذكرت تصفّ جنب كندا (( وكان شيء حقيقي لما رحت هناك وشفت بعيوني )) .. ماأطول علييكم :101:
بديت في فتح الموضوع مع امي واني بسافر ادرس شهر (( انا ناوي ثلاث شهور بس لو قلت ثلاث شهور يمكن يجيها شيء لاسمح الله )) المهم قلت ابدأ على خفيف .. وقلت شهر وبرجع وكذا وكانت رافضه الفكره تماماً وهي من النوع اللي يؤمن ان اللي يسافر برا السعوديه يمسكونه ويودونه قوانتانامو (( اتوقع النوعيات هذي من الامهات كثيره )) ههههه الله يحفظهم يارب ويخليهم لنا .. المهم وبعد محالات شتّـى وخدمات جانبيه (( مشاوير + تميلح + نفعه )) اقتنعت ولله الحمد .. وطاح تقريباً 80% من الهم اللي كنت شايله .. باقي الحين وشلون اقنع الشايب .. :114:
المهم وكّـلت المهمّـه لأمي .. ويوم من الايام بعد ماشفت الشايب في وضع جيّـد لفتح الموضوع أعطيت امي اشاره عشان تفتح الموضوع على انها تسألني وين بروح الصيف هذا .. وانا اقول يمكن اروح ادرس .. ونشوف ردّة الفعل اذا كانت مشجّـعه ولا محبطه .. ونفذنا الطريقه .. طبعاً الشايب سوّا نفسه ماسمع ولا كأن فيه ناس تكلم .. وانا طرطعت ماأدري هل هو موافق ولا لا .. تعرفون الحقران يقطّـع المصران وفي ذاك اليوم كان أول مره ادري ان هالمثل موجود على ارض الواقع !!!!!!!!!!! .. :105:
يوم ثاني سوينا نفس الطريقه .. ورد علي قال: السنه اللي راحت ماسافرات وكانت خيره وصارت المشاكل هناك .. والسنه هذي الله اعلم وش بيصير .. عشان كذا اقضب ارضك .. واغمز لأمي بحيث انها تدخّـل وتحاول تبين انها ماعندها مانع وان الوضع عادي .. المهم وبعد نقاشات حادّه . اقتنع .. والحمد لله انتهى الموضوع بعد تقريباً شهر من المحاولات .. وبعدين بديت في الجد .. وديت اوراقي لمكتب الفيفا (( مجمّـها من بدري )) وظبطت كل شي وارسلت الاوراق بدري وجاني شبه احباط يوم قالوا لي الفيفا ان اغلب الفيز يرفضونها .. وخليت اوراق احتياط عشان لو لاسمح الله رفضوا احول على استراليا دايركتمواضيع عشوائيه ممكن تكون تعجبك اخترناها لك:
- اسعار التخصصات بكندا
- ارجو المساعده في اسرع وقت بليز
- كالجري وانفلونزا الخنازير
- ممكن تساعدوني ارتب برنامج سفرتي ل كندا شهر
- انا اماراتي بغيت اسافر كندا مع الاهل
- الدراسة وفرصة العمل
- ياجماعه فيدوني انا وصلت حدي ودي اتعلم انجليزي
- تورنتو مين يفيدني ابدعيله الله ييسر اموره
- اسالة بخصوص الهجرة الي كندا
- مفتي السعودية يحرم السفر للدول الموبوءة بإنفلونزا الخنازير
- الفزعة عاجل استفسار عن الحمولة الي كندا عبر الخطوط السعودية
- ممكن سؤال عن كيفية الحصول على قبول
- اللــه يدخلكــم الجنــه ابــي معلومــات عــن
- استفساااار بسيط والرحلة قريب
- بعض الاسأله عن بعض المدن والمعاهدالي عنده معلومات عن القرى والمدن الصغيره في كندا
- ارجو المساعدة للسفر الى كندا
- الشيك الملغي من البنك
- كيف اروح رحلة الى جبال الروكي؟؟
- الشباب إللي في كندا أسعار أجهزة اللابتوب في كندا العزيزة ؟؟؟؟
- بطاقات الصرف الآلي في كندا
المفضلات