الموضوع: استفسار عن شركات شحن مجربة

يااعضاء/عضوات ياكرام ...

احد منكم يعرف عناوين او ارقام او حتى اسماء شركات شحن في السعودية ومجربة تقدم خدمة الشحن من الباب الى الباب ، ماابغى استلم شئ من المطار !!

اللي يعرف الله لايهينة يتكرم علينا بكم اسم... وشكراً

ملاحظة: اخوي راح لشركة المؤيد وقالوا له مانقدم الا خدمة توصيل الى المطار فقط (Port To Port)!!

مواضيع عشوائيه ممكن تكون تعجبك اخترناها لك:

• سؤال للمقيمين في كنداأم محمد وجميع الأعضاء الكرام
• معاهد فقط
• ابي صور لنياجرا
• لولولولولول بسرعه جات
• استفسار ضروري جدا
• مين معااااي على الرحلة ؟؟؟
• من لديه معلومات عن اوتاوا فليضيف
• •°•ஐ•♥ الآن التقرير الكتابي المصوّر لكريم سبله ربوع تورنتو ♥•ஐ•°•
• احتاج الي سائق
• ارجو من أهل الخبرة مساعدتي
• الكرت الي يوزعونه في الطيارة
• مساساقا
• ذهاب الي كندا لاخذ اللغه
• خبراء كندا لو سمحتوا
• تذاكر وسائل النقل الشهريه تورنتو
• الحمدلله وصلنا مونتريال وهذا الي صار بلندن
• تحويل المبالغ الى كندا
• باتخبرك يا الضويحي
• ما رأيك في معهد أسبكت تورونتو لدراسة الانجليزي تكفاااا
• استفسار بسيط جدا

هلا وغلا

والله عندك اكثر من شركة , مثل FEDEX و DHL وعندهم خيارين بالتوصيل :

1- من الباب إلى الباب بس زيادة بالفلوس .

2- تختار أقرب فرع لهم قريب من منزلك .


وتقدر تستفسر أكثر عبر المواقع التالية :

FEDEX السعودية : http://www.fedex.com/sa

DHL السعودية : http://www.dhl.com.sa/publish/sa/en.high.html


بالتوفيق .. تحياتي و تقديري

وش دعوة عمر باشا !!!

ناوي تطفر فيني الله يهديك !!؟؟ وش مزين لك انا !!! لا لا لا يبة انا ابي شركة رخيصة ام قرش تكفى ، يعني من وكالات هالسفر اللي تشحن عن طريق البحر مافي مشكلة كأنك خابر لي شئ منها؟؟؟


الديتش الـ والفيديكس وهالطقة يرسلون الظرف الواحد ب 300 ريال فمابالك انا اللي ابي ابشحن 60 كيلو على الاقل!!!

اذا قد سبق وجربت اي شركة او وكالة شحن بالرياض الله لايهينك ابي الاسم أوالعنوان أو اي شئ...

على العموم ، مشكور وماقصرت على ردك وياعيني عليك حتى حاط الروابط وربي انك مبدع، ماقصرت والله :24:

هلا وغلا كولشستر

والله حاولت أخدمك بالي أقدر علية بس الشكوى لله . و أتمنى تلقى مرادك من بقية الاعضاء .

تحياتي و تقديري

يعني افهم من هذا ان هذي قولة صرف نفسك وبحريقة انت وعفشك!!!

افااااااااااااااااا والله البلشة بها العفش اللي ورطت فية ، المشكلة اني قبل لااسافر من السعودية حطيت عند اهلي صندوق صغير مرررررررة فية كتب وشوي ملابس شتاء كان وزنة مايتعدى 15 كيلو واقل بعد وقلت للاهلي اذا وصلت هنا بكندا واستقريت راح اعطيكم عنواني وترسلونة لي او ترسلونة على المطار واروح اجيبة لان شيلته خفيفة!!! سبحان الله وبقدرة قادر صار الكرتون وزنة 60 كيلو او يزيد!!! والوالدة الله يجزاها خير حالفة ان هذا موب شغلي ولاراح تنزل هي من الكرتون شئ!! المشكلة ان اقرب مطار يبعد عني ثلاث ساعات وفية ركوب عبارة ثم باص ثم غثاء

يالله لعل وعسى نلقى لنا احد قد شحن عفش ويفيدنا!!!

ماقصرت ياعمر وتسلم على الرد السريع وترى امزح معك لاتزعل اخخخخخخخخخخخخخخخخخخخ

مرحبمبووووووم

الله يخلي لك الوالدة يا كولشستر وبصراحة اي شئ منها يستاهل المشاوير الي ذكرتها :11ight: , يا رجال توكل على الله وخلهم يرسلون الصندوق و أترك عنك الكسل و حدد لك يوم تكون فية OFF و استلمة .

نصيحة : كل ما زادت المدة كل ما زاد وزن الصندوق :109:


بالتوفيق و السداد :101:

هلا و غلا

معلومة على الطاير قد تفيدك : مكتب الطيار يشحن لكندا الكيلو بـ 9 أو 10 ريال و تجي تستلمة من المطار , و الحد الأدني للدفع 450 ريال ( تقريبا 45 كيلو ) .


مجموعة الطيار للسفر و السياحة
ت : 4633133
http://www.altayyargroup.com


تحياتي

شكراً عمر على هالمعلومات ... ماقصرت يالغالي