الموضوع: لفاح السبيطي صور

السلام عليكم ورحمة الله

هلا وغلا بكم اخواني وحياكم الله ..

هذي بعض الصور لرحلتنا ( لفاح السبيطي ) عصرية الجمعه 20 ابريل طبعا الجو ممتاز كان والحمدلله توفقنا ..

اول ماحركنا من الميناء ..


في طريقنا لمكان اللفاح ..


اول سبيطي صدناه


وهذا السبيطي سبحان الله قفز بالطراد وحنا نسير وضربني بكتفي طبعا فزعت وش اللي طلع لي من البحر وضربني ..!! حمدلله الله سلم ..!!!










تحياتي لكم جميعا ..

مواضيع عشوائيه ممكن تكون تعجبك اخترناها لك:

• ممكن مساعدة بخصوص مناقل الشوي
• السفر من العراق الى مصر عن طريق الاردن بالسيارة
• الي ناوي يروح الى اوروبا بالسيارهارجو الدخووول
• جزاكم الله الخير ابغى صور منتجات محلات السنيدي وثمن كل منهاوطريقة وثمن الشحن لمصر
• بالصور رحلتنا الى وادي لجب في جيزان مرورا بالعين الحارة على حدود اليمن
• هل يمكن تجربة الغوص لشخص لم يسبق له التدريب بااحد الجزر الأوربيه مع مدرب طبعا
• اخر الأخبار عن الصمان وماحولها
• الاحتيار في الاختيار الجزء ا
• ترقبوا رحلتنا المكوكيه من غابات النماص الى غابان كسب على الحدود التركيه
• أريد خط أبها المدينة المنورة
• رحلة صيد لدولة تنزانيا من النداوي
• التخطيط لرحلة برية
• عشرون خطوة لتجهيز سيارتك قبل السفر
• شهر عسل بسفين كروز
• رحلة بحرية بخليج عمان
• فطـور إنتركونتننتـال
• طلب بسيط
• رحلتي الى مدائن صالح والعلا
• كشتة خفافية وخبيزات لذيذة وشهية في نفود الغضاء بعنيزة صورة
• البحـث عـن الذهـب الابيـض

يعطيك العافية عزيزي ،،، وبانتظار اجابة علي مستشارنا الصيني ،،،،

لأني أريد اسال معاه

يأتي الليل بنجماتهِ ونسماتهِ والبحرُ بنشواتهِ ..

ماأحلاك ياقطر
ماأحلا بحرك ومائك
تتقاذفنا الامواج .. وهانحن مع الحبيب احلى قطري لاعدمناه ..
انت بستان من الابداع والتميز المستمر ..
شكراً لك ايهاالحبيب .. ولطالما تمنينا ركوب البحر وصيده ..
والايام القادمة حبلى بذلك الصعود ..
لك شكري وتقديري ولاتحرمنا المزيد ..









اخوك المحب

يا سلام عليك ، بالفعل ابدعت ..

ولي مع البحر ذكريات . الله يذكر ايام بروق بالخير ..!!


اخوي / من اي بحر هالسبيطي ..!!

يبدو هالموضوع سوف ينال اعجاب الكثير ..


وموفق يارب .

مرحبا أخوي,,
هذي المواضيع إلي أبغيها...........................
ممكن تحط لنا صورة (الميرور) إلي إستخدمته؟ وشونوعه؟
الهامور الصغير صدتوه بنفس الميرور؟

تحياتي,,

منورين بالردود والله .. والله يعطيكم الف عافيه يارب ..
اخوي ابوضرار هات ماعندك من اسأله ..ولايهمك الحصيله تختلف من وقت لآخر مره 3 ومره 6 ومره 10 وهذا رزقك وانت وحظك وانا ماكثر ساعتين لان اللفاح يعتمد على بداية السقي ( المد ) ولكن الحمدلله الصيد مضمون فيها بإذن الله وطبعا نصيد باللفاح والحداق ولكن اللفاح اسرع الصيد .. وطبعا هذا الوقت احسن وقت حق لفاح السبيطي ابريل ومايو .. ومن السهل تجد قارب للإيجار وحتى لو تبي مركب موجود :surf ..
الله يعطيك العافيه اخوي الباخص على كلامك الكريم يالغالي ولا هانوا الربع ..
هذا بحر الشمال وذكرتني ببروق اخوي شرقي ايام والله يازين بروق والله
وهذي صوره للعده كلها .. خيط وميدار وربيانه بلاستيكيه .. قطها واسحب :115:


تحياتي لكم جميعا ..

لاعدمنا الطيبين اهل قطر الغالين

ماشاء الله كل الصيد الطيب الله يبارك وبالخيط بس !! ماهنا سنانير والا الامر بسيط مايستاهل ..
لكن الخيط كم مقاسه والميدار بعد ؟
وهل البلاستيكه ( الربيانه ) هل الاصلح والا يصلح بعد اسماك صغيرة ؟

عوماً ونستنا الله يونسك دتيا واخرة يالغالي ..
هاه متى رحلتنا البحرية القادمة ترانا نبيها قبل الرطوبة لاعدمناك .. بس تكفى نبيها وابومطر ويانا ..





اخوك المحب

هلا هلا بالغاليين والله .. وربي يعطيكم العافيه ..
الخيط مقاس 100 والميدار رقم 6 والربيانه البلاستيكيه افضل ..
تقدرون تجربون انتوا بانواع اخرى ..

تحياتي لكم ..

المشاركة الأصلية كتبت بواسطة الباخص
http://www.arabtravelersforum.com/tr...2/#post1192172

لاعدمنا الطيبين اهل قطر الغالين

ماشاء الله كل الصيد الطيب الله يبارك وبالخيط بس !! ماهنا سنانير والا الامر بسيط مايستاهل ..
لكن الخيط كم مقاسه والميدار بعد ؟
وهل البلاستيكه ( الربيانه ) هل الاصلح والا يصلح بعد اسماك صغيرة ؟

عوماً ونستنا الله يونسك دتيا واخرة يالغالي ..
هاه متى رحلتنا البحرية القادمة ترانا نبيها قبل الرطوبة لاعدمناك .. بس تكفى نبيها وابومطر ويانا ..





اخوك المحب

ابشر بسعدك يابو عبدالرحمن ، حياك قطر وابشر .

على فكره طراد 34 قدم موديل 2006 تحت امرك ، بس حياك يابو عبدالرحمن .
بس شرط ما به موج :109: خبرك البحر ..!!:109:


وبانتظاركم ( انت وابومصعب وباقي الاحبه ..)

وموفقين يارب .

اخوي الغالي / احلى قطري ..

هاه فيه امكانية احداثية المكان ولا سر ..!!

وهذا السبيطي ، هو الغاية

هلا وغلا بكم والله ومحد خلص السبيطيه غير بومطر الله يذكره بالخير :115: ..
خلاص نروح كلنا رحلة جماعيه ان شاءالله قبل الرطوبه طبعا .. وحياكم في بلدكم الثاني ..
رجل شرقي مافي شئ سر افاا عليك ماجلان وراعي ماجلان تحت امرك ولايهمك والمكان قريب مته مابقيت اي شئ ارسل رساله خاصه ولا يصير خاطرك الا طيب ..

تحياتي لكم ..

مشكور احلى قطري على ابداعات الي تنور المنتدى فيها

تقبل تحياتي,,

--------------------------------------------------------------------------------

ماشاء الله عليك أخوي

جميل صيد الـــسمك

يعطيك ألف عافية على الموضوع

تحياتي لك

احلى قطري يعطيك الف عافيه على الموضوع

أخوي انا من السعودية و حبيت تخبرني من وين يمكن نستأجر البانوش و كم يكلف ؟

تحياتي لك

يعطيك العافيه
خوش سمج