الموضوع: ممكن مساعدة يا إخوان

السلام عليكم ورحة الله وبركاته

أرجوا من الإخوة اللي يقدر يدلني على محل بيع لوازم الرحلات في مكة يساعدني ومشكوووور

وإذا ما فيه أنا رايح الأسبوع الجاي الرياض ياليت تدلوني على محل ممتاز هناك , وتوضحون الوصف لو تكرمتوا لأن خبرتي في شوارع الرياض ضعيفة جداااااا

مواضيع عشوائيه ممكن تكون تعجبك اخترناها لك:

• وش قصة هذه الحيوان اللي أزعجنا
• الربيع في دوقة
• رحلة إلى خصب في عمان ابريل
• صور للمطر قطر
• من بشائر الخير اللهم أجعلها سقيا رحمه
• مشورتكم واقتراحاتكم وابتكاراتكم
• جزيرة فرسان الحالمة
• مكن سؤال يا اخون طريق الرياض الامارات وطريق من الامارات الى الدمام
• هذه المواقع مفيده بمناسبة الامطار والخير
• شعيب بقر والصمان
• كشتة نايلات
• عندي استفسار اريد خط سير من الامارات الي المدينه المنوره ومن ثم مكه وابها
• هااام ياجماعة الخير لوسمحتو ؟؟؟؟؟؟
• ارغب في السفر البري بالسياره من ابوظبي الى مصر
• أول غطسـة لـي فـي بحـر جميـرا
• الرحلة الجنوب غربية من السعودية هـ
• يالله لاتحـرم وطـنــّـا من السيـل
• جاء وقته جاء وقته جاء وقته
• الـرمــال الـحـمـراء
• ياويــــل حااااالي عالفـــري

أخي سعودي مميز
حياك الله في الرياض
ويوجد فيه أيضاَ محل آخر غير اللي دلك عليه أخوي ساز نور وهو برق الحيا محل كبير جداَ من دورين وعلى مايبدو لي أنه أيضاَ موزع للسنيدي اللي في بريده
أما موقعه وأنت جاي من المطار ومتجه جنوب إطلع مع مخرج 15 ولف يمين وأول يوتيرن يجيك خذه كي تتجه شرق وبعد ما تتعدى أول إشاره بتقريباَ 1كيلو إنظر يسارك وستجده
علماَ إن هذا الطريق معروف بطريق ( ال100 )

وإذا أشكل عليك أي شي علمني متى بتجي وإبشر بسعدك


محبكم ابوريان

كل الشكر والتقدير والمحبة لكما أيها الفاضلان ( ساز نور ، الشبرمي ) على مساعدتكم , وفعلا الوصف واضح و ما يحتاج .

وفيتوا وكفيتوا والله يجزاكم خير .

الاخوه الاعضاء تعبت وانا ادور على فراش ((كيس)) يكون مريح كل ماشريت واحد طلع به عيب مشكلتي بالنوم مااحب التقييد وكثير الحركه ايضا الفراش اذا كان كبير الحجم يضايق بالسياره وخصوصا اذا اضفت معه بطانيات ومخاد 0000 ونتظر الفزعه الجو زان والكشتات قربت ابي بالتفصيل وشكرا مقدما

أخوي سعودي مميز
محل برق الحيا دور واحد مو دورين
ما عليش إظربت عندي الفيوز شوي وضيعت بينه وبين السنيدي

تحياتي

أخوي سعودي مميز كما قال الأخوان ساز نور والشبرمي (العليان ، وبرق الحيا ، ) من أشهر المحلات ومن وجهة نظري الشخصية أن برق الحيا أفضل لأهل البر والكشتات
كذلك هناك على الدائري الشرقي بين مخرج 12 و11 باتجاه الشمال محل رحلتي لابأس به بس عليه شوي الغلا وأن بغيت تتعمق أكثر عليك بالغرابي داخل البطحاء فيه محلات كثير تصنع الفرش والخيام
وتقبل تحياتي وسلامي لأهل مكة الحبايب




أخوي المزيد فراش النوم المميز هو ماركة (الدريويش) ممكن تحصله في معرضهم داخل مركز المنتجات الوطنية في الرياض على طريق الملك فهد في حي العليا مقابل مركز الحبيب الطبي
بس أحرص لايكون فرو داخل لإنه يضايق كثير أنصحك بالبطانة الداخلية قماش

أشكر الأخوة اللي ردوا علي وأنا رحت الرياض ومريت على برق الحيا لأن سبحان الله صدفة خير من ألف ميعاد كلمت واحد من الشباب يشوف لي شقة , قام حجز لي في الشقق اللي جنب برق الحيا , فبدون أي متاهات أروح لبرق الحيا وأرجع مشيا .

الشكر موصول للجميع

الحمد لله على سلامتك
وعساك أخذت لوازمك
وتراي تحت الخدمة إذا إحتجت شي

الله يسلمك يا الشبرمي وما قصرت يا الغالي وبيض الله وجهك , وبصراحة المحل أكثر من رائع لدرجة أنني اشتريت بعض الأشياء التي لم تكن في البال .

ومشكور مرة أخرى

تقبل شكري وتحياتي يا الأخ الفاضل حايط علا .

محبكم في الله