اولا : انا حبيت اشكر مشرف هذا المنتدى وكمان كل الناس الى كتبت مشاركات ليهم او تعليمات
انا كمان حبيت اشاركم فرحتى وخبراتى
انا كان عندى ميعاد امبارح الساعة 8 صباحا طبعا انا مش نمت علشان السفر من الاسكندرية الى القاهرة حوالى 2 ساعة وكنت عايز اروح بدرى : روحت لقيت حوالى قدامى 100 فرد بس الحمدالله بعد الاجراءات
دخلت حوالى الساعة 8.15 دخلت واقعد وكنت مقدم انا وزوجتى وابنى 5 شهور بس انا حبب اقولكم الاوراق الى كانت معايا علشان الناس تستفاد
1- وصل البنك CIB
2- تاكيد الابلكشن طرف السفارة
3- صورة بخلفية بيضاء 5*5
4- طبعا الباسبور
5- خطاب من الشغل فى كاتى ( مسمى الوظيفة - المرتب - رقم التامينى - مدة العمل لدى الشركة - مدة الاجازة - وسبب التقديم - ويكون مقدم الى السفارة الامريكية طبعا )
6- الباسبور القديم علشان كان عندى اكثر من فيزا لايطاليا - تركيا - روسيا
7- كشف حساب بنك كان فى حوالى 70000
8- حجز طيران وهمى بس حجز فندق حقيقى وكل دا بتعملو شركات السياحة بحوالى 150 جنية
9- عملت لنفسى برنامج لمدة 15 يوم مطبوع لمعالم نيويورك
10- كان معايا عقد شقتى تمليك - سيارتى - محل ( مركز كمبيوتر ) . بس
المهم دخلت السفارة وطبعا احنا عارفين الوقت الى بنقعد قد اية والتوتر والخوف بس من كتر ما قاريت هنا فى المنتدى وهو انك تكون
1- واثق من نفسك
2- حافظ الابلكشن الى انت كاتبة
3- صادق جدا
4- متوقع اى سؤال غريب
5- مش متوتر ولا خايف
واقعدت انا وزوجتى وابنى ملطوعين مستنين وفاجاء يقولك الكمبيوتر عطل وقولت يبقى انا نحس ههههههههههشوية قالو خلاص وهنكمل شوية لقيت دورى جى بسرعة عملت البصمة وبعد كدا 10 دقائق ودخلت على المقابلة اولا هو مفروض بيسال انت عايز المقابلة انجليزى ولا عربى انا لقيت بيكلمنى انجليزى علطول انا سكت علشان انا بعرف انجليزى بس لو انت مش تعرف ممكن تقولو لا انا عايز اتكلم عربى ودا عادى ولا بيقلل من فرصة اخذك للفيزا
الاسئلة
1- عايز تروح ولاية اية فى امريكا ( انا قولت نيويورك )
2- سفرت قبل كدا امريكا ( قولت لا )
3- رايح لية امريكا ( سياحة )
4- قالى عندك كشف حساب ( قدمت كشف حسابى ) بس والله ولا شافو
5- قالى انت سفرت اروبا قبلت كدا ( قولت اة )
6- قالى فين ( قولت ايطاليا )
7- قالى لية ( قولت سياحة )
8- قالى عمر ابنك قد اية ( قولت 5 شهور )
9- قالى مبرررررررررررروك
روحت دفعت DHL واهو مستنى الفيزا يارب تكون خير
معلش طولت عليكم اوى بس حبيت اشاركم فى كل الاوراق والاسئلة
دا موقع السفارة : http://egypt.usembassy.gov/
دا موقع الابلكشن : https://ceac.state.gov/genniv/
وشكرا ليكم جمعيا وربنا يوافق الجميع
مواضيع عشوائيه ممكن تكون تعجبك اخترناها لك:
- لوس انجلوس شهر نوفمبر؟
- قصه شاب خليجي مع القسيس في امريكا
- تجديد الفيزا والسيفس
- احتاج معلومات عن تاكسس
- مساعدة عاجلة
- سلمنا بفضل الله من اعصار ريتا و ارجو من الاعضاء الاخرون تطميننا عليهم
- موعدي باقي عليه كم يوم
- شخص بياخذ عائلته معهكيف تدريس الاطفال
- ابي اسافر داخل امريكا بالطياره احتاج اخذ جوازي السعودي معاي او لا
- مصيبة غير متوقعة ارجو كل من لة خبرة يفدنى
- السفاره الخميس والجمعه
- هل يلزم ترجمة تعريف العمل و تفصيل الراتب
- استفسار
- ارجوا المساعده
- التأشيرة الأمريكية والسفر إلى سوريا
- ومغامراتها الامريكـــ في خمس ولايات ــية
- موعدي بعد ساعات بليز
- مطار دلاس قصة وصول
- ذهاب امريكا مارس
- لي اكثر من اسبوع وانا عايش في توتر من هالتأشيره
رد مع اقتباس
المفضلات