الموضوع: ارخص وافضل طيران لامريكا

السلام عليكم ورحمه الله وبركاته


حابه استفسر منكم على افضل وارخص طيران لامريكا الذهاب بجولاي 2012 ان الله احيانا

ودي اقارن اسعار التذاكر واشوف وش الافضل احنا عائله من شخصين و3 اطفال الله يحفظهم

فكرت نروح من الرياض للندن نجلس كم يوم ومنها نطلع بالخطوط الامريكيه للوس انجلوس

وفكرت نطلع دايركت عن طريق الاماراتيه


كم ممكن تكلفنا التذاكر بالحالتين

واذا فيه اقتراح عندكم ياريت تساعدوني

مواضيع عشوائيه ممكن تكون تعجبك اخترناها لك:

• استفسار عن كم شغله بخصوص الفيزا
• رحلتي الي اورلاندوا اكتوبر
• هل يفيدني هذا الخطاب
• زوجتين الى امريكا
• مدينة فاير فاكس ولاية فيرجينيا
• جهاز الاي باد الأمريكي
• صور من عدستي مناظر طبيعية حول أمريكا
• نيويورك لمدة يوم واحد
• الاستفاده من وقتك بالطائره
• الى خبراء كاليفورنيا
• مخططي أمل التوضيح منكم
• استفسار للخبراء عن السكن
• أخوكم محتاج نصيحة لاتبخلوا عليه بها
• ممكن برنامج خاص لشهر العسل في امريكا؟؟
• طلب مساعده عاجله ولكم دعوه من الوالده
• عندي مخطط سفر لأمريكا وابي اقتراحاتكم واستشارتكم
• اخواني واخواتي سكان هيوستن للاهميه
• ايرفاين بكاليفورنيا
• عاجل عندي مشكله في تسجيل نموذج موعد المقابلة للتاشيره
• زيارة عمل

هلا اخت ستار
عموما افضل سعر وبلا منازع الخطوط السعودية من جدة او الرياض او الدمام
بعدها طيران الاتحاد
واذا بتروح من لندن افضل الخطوط الالمانية بعدها الفرنسية
بالتوفيق

اختي على حسب علمي المتواضع انه السعودية ارخص لك بكثير واوفر لانكم ماشاء الله عليكم خمسة اشخاص الله يخليكم لبعض
واتوقع حتى لو وقفتي بلندن في خطوط ثانية السعر راح يكون اغلى من الدايركت على الخطوط السعودية بمراحل

مشكورين وماقصرتو الله يجزاكم كل خير يارب

كلكم اجمعتوا ان السعوديه ارخص

الله ييسر يارب ويكتب اللي فيه الخيره

الافضل طبعا تنزلون في لندن علشان الجيت لاق و الصداع اللي بيجيكم من فرق التوقيت هذا غير تعب الرحله ..

هلا والله بالغاليه مزون

اخبارك من زمان عنك

رحتي امريكا اذا اي ياريت تعطيني اهم المعلومات وخاصه للشوبينق

قاعده اخطط للصيف الجاي اذا ربي احيانا ويسر لنا

اختي *ستار*

محدثك حاجز بالخطوط السعودية من الرياض الى نيويورك في اوكتوبر

الصراحة ما حصلت ارخص منها ,,, سعرها 3377 مسترجعة

فبما انك بتروحين مع زوجك وثلا اطفال فا،ا افضل لك السعودية بس هاا الله الله في الحجز المبكر تراني حجزت الرحلة قبل شهرين ونص من السفر

الا اذا انتي بتنزلين لندن كم من يوم فانا اسمع واحد يقول البريتيش اير لاين ممتازة جدا

تحياتي لك

هلا بك و الله شلونك ... ياحبك للسوق هههههه

رحنا الصيف هذا لكذا مدينه بس بصراحه البلد عاديه مو قد السمعه و السوق وسط سوق اوروبا و دبي احلا الا كانك تبين اشياء للصغار بيعجبك .. و الجو حار مره زهقنا و طفشنا .. صرنا مغير ندور بالسياره


اهم شي تختارين مدن بارده و تقللون التنقل و تخلونها سياره لان مطاراتهم مزعجه و طيرانهم سيء بمعنى الكلمه


انا ماعاد اروح لها .. الله يخلي اوروبا ارقى و اقرب و ازين جو ... و الله في نيويورك حسيت اني بالدمام هههههههه


و اذا صملتوا ابشري بكون معك خطوه بخطوه

بالنسبه للخطوط عامه كل ماحجزتي مبكر لقيتي ارخص
يعني لو تحجزين على الاماراتيه او القطريه او اللوفتهانزا للوس انجلس على طول افضل وللاسف فاتتني بسبب مكتب سياحي الله يسامحه
والسعودية ماتوصل لوس انجلس يعني بتروحين على نيويروك او واشنطن وبتاخذين طيران داخلي
انا حجزت على الاتحاد بس تحسفت لانه تعب بس فيها ميزه انهم متفقين مع طيران الاميركان اير لاينز يعني ان شاء الله تظمنين ماتفوتك الرحله باي شكل حتى لو فيها تاخير او اي شي هم مسئولين
حتى بالنسبه للعفش حقك تعتبرين نفسك على الاتحاد ماتشيلين هم الشنط ابدا
انتي بس شوفي لك شي ما يوقف كثير بحكم الاطفال

المشاركة الأصلية كتبت بواسطة mzoon
http://www.arabtravelersforum.com/tr...6/#post5929116

هلا بك و الله شلونك ... ياحبك للسوق هههههه

رحنا الصيف هذا لكذا مدينه بس بصراحه البلد عاديه مو قد السمعه و السوق وسط سوق اوروبا و دبي احلا الا كانك تبين اشياء للصغار بيعجبك .. و الجو حار مره زهقنا و طفشنا .. صرنا مغير ندور بالسياره


اهم شي تختارين مدن بارده و تقللون التنقل و تخلونها سياره لان مطاراتهم مزعجه و طيرانهم سيء بمعنى الكلمه


انا ماعاد اروح لها .. الله يخلي اوروبا ارقى و اقرب و ازين جو ... و الله في نيويورك حسيت اني بالدمام هههههههه


و اذا صملتوا ابشري بكون معك خطوه بخطوه



حيا الله مزون
بالنسبه لروحتك وش المدن اللي رحتي لها ؟
صدقيني لو تزورين لوس انجلوس بتغيرين فكرتك عن امريكا 180 (اتوقع ماجيتي لوس انجلوس او سان فرانسيسكو) على كلامك انها حاره اتوقع زيارتكم فلوريدا
ياليتك في كالفورنيا ما فيها ذاك الطفش او الزهق لانها كبيره يبي لها 3 اسابيع او اسبوعين على الاقل بس تتمشين في لوس انجلوس لحالها (مازلت احسك تتكلمين عن فلوريدا )

بس اهم شي عيدي الرحله لوس انجلوس وبتنبسطين ان شاء الله (نفس الاحساس معي)

وفعلا امريكا موب دوله انما قاره فيها الزين والشين والحر والبرد بس انا اول مره اسمع احد ما اعجبته امريكا

نصراوي عالمي

سعر السعوديه مغري صراحه شكلنا خلاص بنختار السعوديه

النمر

معلوماتك جدا افادتني مشكور وماقصرت


مزوون

شفتي كيف هههههه

تدرين ليه احب السوق برى لاني مافي مقارنه مع سوقنا هناك افضل واحسن وخيارات اكثر ولو صار فيه تخفيضات

تصير حتى على النيو كوليكشون وهنا لا القشاش بس

انا عندي قاعده من مشطبه على اسواقنا مااروح الا لشي جدا ظروري اكتفي بالتسوق من برى

الا انتي وين رحتي بالظبط ؟

ويالله ساعديني باذن الله ناوين الصيف الجاي نروح