الموضوع: لكل الي يعرفون لكندا تكفون الفزعهـ

السلام عليكم ورحمة الله وبركاته

اخواني الكرام اخوتي الافاضل

قررنا انا والاهل اننا نسافر بالصيف الى كندا

وبصراحه انا ما اعرف ايش شيء هناك ولا احد من العائله يعرف اي شيء


انا الي عرفته من الاخوان ان 2 ريال سعودي = دولار كندي و 11 .. ( مثل الهلله بالسعوديه )

وحنى قررنا انها تكون على طيران الإمرات وهو المفضل للعائله بس لو اي طيران ثاني عااادي
وقرننا بعد ان تكون رحلتنا 3 اسابيع وتكون مقسمه على المدن و القرا الي هناك
بس للاسف ما اعرف شي حتى عن التنقل و السكن والكل


وعندي سوال عن التسوق هناك كيف وش المناطق والامكن والمدن المشهوره بالتسوق

وحنى ما نبي سكن غالي لان حنى عددنا 5 اربعه بالغين و طفله

وابي اسئل عن السيارات مثلنا القياده على يسار

ودي لو الشباب المختصين ينضمون لنا جدول بسيط بس مبداين وترى يا شباب يهمني السعر لاني

ابغى احسب كم تظلع علينا السفر بالكامل وحنى نقزرها بالكل اي شي وما نبغى فندق وركات شقه نظيفه وفي منطقه قريبه لم الاماكن الزين وامنه وهذا اهم شيء

ودي اسئل عن الفيز بكم و كم يبي لها مده على شان تخلص

وبس

و يا رب تفيدوني

واي واحد يفيدني الله لا يحرمه من اي شيء يبغاه ويوفقه ويوفق اهله والي يحبونه ويدخلهم الجنه يا ربـ

وسلامتكم

مواضيع عشوائيه ممكن تكون تعجبك اخترناها لك:

• العمله المتداوله
• اللي يعرف اي شي عن ولايه نبراسكا
• الطقس في تورنتو؟
• يا اهل الفزعة يا عالم ساعدوني
• انا هكذا ماذا اعمل؟؟؟
• ايهما أفضل السفر الي النمسا أو كندا
• * تكاليف المعيشة و الدراسة في كندا *
• ضمان المؤسسة المالي
• افيدون بكيفية الشهور
• السلام عليكم ورحمة الله وبركاته
• افضل فنادق كندا الموصى بها 2017
• السكن بتورنتواسئله واجوبه
• بليز ياعرب ابي مساعدتكم تورنتو
• شـــتـــاء بـــارد جـــدا
• تورنتو مين يفيدني ابدعيله الله ييسر اموره
• هل الطريقه هذي يعاقب عليها القانون الكندي ؟
• ماهي أفضل مدينه لتعلم اللغه الأنجلزية؟
• توثيق الاوراق و الشهادات
• أدعوا لي شباب؟؟؟؟؟؟؟؟
• أنا أنوي السفر إلى كندا بماذا تنصحونني ؟

وينكم يا شباب

تكفون ابي لو معلومات بسيطه وش العاصمه وش احسن طيران وبكم تقريباً للشخص البالغ روحه ورجعهـ
في الصيف

وابغى اسئلع عن الشقق بكم اليوم وش المدن الزينه للسياحهـ

وهل 3 اسابيع تكفي ؟؟

يا شباب وينكم تكفون الفزعهـ

أهلا أخوي
الطيران ؟؟ يعتمد على مدينة الوصول لأن فيه طيران يوصل فانكوفر وفيه طيران أتاوا وتورنتو .. حدد أي مدينة ؟؟
أنا حديثة عهد بكندا .. لكن عندي مايفيدك عن فانكوفر ... حيث أني أتواجد فيه الأن للدراسة ...
الميزانية ؟؟ أتوقع تكون مرتفعة ... لأنكم ماشاء الله خمسة أفراد .. وكذلك تعتمد على معدل صرفكم في اليوم .. وكم مدينة بتزورون .. وأي نوع من الفنادق تختارون ...
أنا موجودة إذا إحتجتوا شي ...

طيب اخوي هل كندا نفس الغلا في لندن لاني رحت لندن وشفت المووت الحمر
هل 50الف تكفي للرحله من اولها الى اخرها واعيد حنى ما نبي فندق ضخم وغالي عادي شقق فخمه حول الفندق بس ارخص و الاكل احنى ماك و طقتهـ تمشي الحال حنى نشتري بش الشراء خله علينا بدون الخمسين الفـ

وينكم يا جماااعت الخير

......................

كندا أسعارها مو رخيصة بس مو غالية بمستوى لندن

يكون التنقل بين المدن عن طريق القطرات و الي يسمونهم ال via rail , أسعارهم تعتمد على الرحلة بس رخيصة و معقولة ! و هذا الموقع للقطرات و تقدر تحجز منه بعد : http://www.viarail.ca/en

التسوق أحسن شي في تورونتو و مونتريال ( وفانكوفر بس مازرتها للأن ماعندي فكرة ) :

تورونتو :
مناطق التسوق كالأتي : التسوق الرخيص و البوتكيات المحلية ( وايد حلوة و تحصل أشياء غريبة ) تتواجد في queen street و church street و التسوق المتوسط يتكاثرون في younge street و dundas st و مجمع ال eaton centre المناطق المجاورة ... و أذا تبي الماركات عندك ال bloor st W. و yorkville أنصحك حتى لو ماتبي تشتري شي تزور البلوور سترييت فظييع و راقي و كافيهات حلوة .. ماقدر أجمع كلمات توصل جمال هالشارع !!

مونتريال عند ال Ste-Catherine, St-Laurent, Sherbrooke كلهم تسوق في تسووق و حتى المشي في هالمناطق يرد الرووح الجو يكون حلو هالفترة و طابع المدينة وايد جميل !

و لما توصل أسأل المارة عن الأماكن بعد .. كندا شعبهم راقي و محترم و أكيد بيساعدونك و يمكن يمشون معاك و يوصلونك بعد ..

بس أخوي يارت لو تحدد المناطق أحسن عشان أقدر أساعدك في الفنادق و المناطق الأمنة بس بعيطك مثال على تورونتو :

عندك كل فنادق الماريوت marriot ممتازي بالذات الماريوت الي بجنب ال eaton centre و عندك بعد ال metropolitan يكون قباله مسجد و بقربه مركز شرطة خخخخخ يعني منطقة آمنة

و هم فنادق ال hilton و ال four season حولين و يكونين في bloor street و أهي أفخم منطقة في ترونتو بس النظر هناك فيه متعة !! بس أسعارهم شوي غالية يعني حوالي 400 دولار الليلة ..

أنصحك تبتعد عن المناطق الي تكون في ال entertainment district لانه تكون مزعجة بسبب كثرة الملاهي الليلية و الديسكوز و البارز و هالسوالف خلك عند ال finanancial district و حوال ال younge street

بالنسبة لأاسعار الفنادق تترواح مابين 160 الى 500 دولار - يعتمد على الفخامة و المنطقة ( خلك قريب من ال city centre حق ماتخسر فلوس في التنقل ( لا تنسى انا تورونتو مدينة كبيرة ) ,, يكون التنقل فيها بال subway و سعره يكون أقل من 10 ريال ( لا تنسى تأخذ جدول الرحلات من أي محطة بترونتو )

و طبعا لا تنسى ال cn tower في تورونتو و ال canada's wonder land حق الأطفال عبارة عن disney land وايد حلوة و ممتعة كمان في تورونتو و هم ال toronto zoo ( حديقة حيوان - فيها النمور و الأسود و الدببة خخخخ )

و هم النياغرا فالز لازم تزروهم حوالي ساعة من تورونتو و بعض الفنادق توفر رحلات للشلالات أسأل أول ماتنزل الفندق و أسألهم عن خريطة و جدول رحلات و tours للعوايل ...

بالنسبة للفيز تاخذ من أسبوعين لي 3 أسابيع يعني لازم تقدم من الحين و أتوقع تكلف حوالي 400 ريال للشخص اذا ماخاب ظني .. تقدر تدخل على موقع السفارة بالرياض و تحصل كل المعلومات

و بالنسبة لي كندا من أجمل الدول الي زرتها و أكيد راح تكون أحلى رحلة في حياتك

و أتمنى أكون ساعدتك و بالسلامة انشالله
أخوك من البحرين طالب في كندا

و أذا عندك سؤال أسأل و بحاول أجاوبك ...

الله يجزاك خير

أفضل بلد في العالم اخترتوه
فيها كل شي
اولا بالنسبه للفيز حنا الصيف الماضي رحنا ما طلعوها بدري
و الدولار الكندي يقارب الامريكي بالصرف مافي فرق كثير
رحنا على مصر للطيران و كنا حاجزين قبل بـ 3شهور من السفره علشان التذاكر تكون ارخص و مباشره اخذنا من القاهره الى مونتريال 11 ساعه اسواء شي انه مافي شاشه امامك بس شاشات صغيره معلقه و سماعات بالنسبه للسياحيه اما البزنس فكان في شاشات
اول شي رحنا مونتريال و قعدنا يمكن 5 ايام و سكنا في الماريوت إلي بسانت كاثرن موقعه ممتاز جدا قريب من كل شي
الاماكن إلي تزورونها هناك ممكن انكم تسئلون الفندق يدليكم
و كل فندق عموما تلقون في اللوبي بروشورات عن الاماكن السياحيه
و من التشاينا تاون في هناك فندق اتوقع الهولدي ان فيه مكتب رحلات سياحيه فظييييييييييييييع استمتعنا برحلاتنا معاهم
كانت روحتنا تقريبا 23 يوم بس زرنا الجزء الشرقي من كندا
فانكوفر بعيده و ما عندنا وقت بس ان شاء الله لنا عوده لزيارتها
و كل رحلاتنا مع قروبات سياحيه
اول ما توصلون روحو للمكتب و شوفو الرحلات و سوو جدولكم من هناك
اخذنا معاهم 3 اتوار
اول واحد كان يوم كامل لكويبك ستي
و بعدين اخذنا تور خمس ليالي 6 ايام رحنا معاهم عدة ولايات و مدن و قرى
ثالث تور كان مدة ليلتين 3 ايام رحنا تورنتو و نياقارا فولص

امتع شي السفر مع قروب يكون كل شي منظم و مرتب
لو رحنا حنا لحالنا كان يمكن اخذنا شهر
بس لان انتظام و مواعيد
اسعار الاتوار حلوه
السكن إلي يسكنوك إياه بعضه يعني و بعضه حلو كأثاث بس كنظافه كلهم نظاف
بالنسبه لسفر مع قروبات ابد ما حسينا باي مظايقات حنا كنا متحجبات
و الشعب الكندي حبيب

و سوق مونتريال فظيييييييييييييييييييع

رحلة ممتعه ان شاء الله