الموضوع: مقابلتي في السفاره بالتفصيل والحمد لله الفيزا بعد اسبوع

السلام ع

ليكم ورحمه الله وبركاته..........

اولأ: الحمدلله الذي وفقني وحصلت على الفيزا بس بعد اسبوع اروح استلمها.... وإليكم التفاصيل.....

صحيت من النوم 4.45 دقيقه فجراً وصليت الفجر والحمدلله بس بعد مراجعة ألأبلكيشنات يعني ما خليت فراغ في الأبلكيشن الا وعبيته يعني المهم والباقي اللي ما ينطبق علي مثل اسم الزوجه وتاريخ ميلادها حطيت none ورحة اخذت دش وحركت من البيت الساعه 5.40 دقيقه وماشي 220 للسفاره وصلت السفاره الساعه 6.00 تماماً :110: والله شوي وابي ابكي والمشكله كل اللي قبلي اعطاهم ورقه صفرا قلت الله يستر وجيت عنده وقلتله جووووووود مورنينج والأبتسامه حقتي اللي تجيب الشك قالي قووود مورنينج يو تو قلتله قبل لا يسألني اي سؤال (يو كان سبيك اربيك) قال نعم انا اتكلم لغه عربيه قلت والله النكبه قاعد يطالع في اوراقي
قال: حط اصباعك الأيسر السبابه على الجهاز وحطيته وقال الأن ضع اصبعك اللي في يدك اليمنى على الجهاز وقالي : ليش اخترت هذي الجامعه؟
قلت: وانا مربوش لأنها من افضل 100 جامعه في امريكا....
قال:ماذا؟
قلت في قلبي ويش ذي النكبه اللي انا فيها بس شكله ما سمعه وما انتبه اني مربوش لأنه والحمدلله يطالع في اوراقي....
قلتله: لأأنها معترفه لدى شركة ارامكو...
قال:جيد طيب ما اسم جامعتك؟
قلتله: وانا من الربشه قلبت اسم الجامعه وبرضوا ما انتبه ....
قال: بس سافرت إلى الأمارات والبحرين خلال هاذي العشر سنوات؟
قلت نعم.
قال: ما رحت سوريا ايران العراق؟
قلت: قلت قبل 11 سنه رحت سوريا مع الأهل سياحه..
قال:جيد.
وقبل لا يضعط شي على الكمبيوتر حقه وانا قلتله:ترى كنت اشتغل في محل وهاذي ورقه من العمل وانا مترجم الورقه ومصدقها من الغرفه التجاريه..
وشوي الأبتسامه اللي جات منه والله ريحتني قالي تعال الأسبوع القادم واستلم الفيزا وانا من الفرحه ما ني مصدق واعطاني كرت واخذ الجواز عنده ومكتوب في الكرت اجي استلم الجواز الساعه 3 ظهر قلتله شكراً يا كنج بالإنجليزي طبعاً...

والحمدلله انفكين من السفاره والحمد لله وعقبال الجميع إنشاء الله...........

ملاحظه:
قبل لا تسوي المقابله اقرأ المعوذات وآيه الكرسي وبإذن الله راح يوفقك ربنا....

وآسف على الإطاله.:24:

مواضيع عشوائيه ممكن تكون تعجبك اخترناها لك:

• رأيك يهمني
• سكن في لوس انجيليس
• أريد حل
• قيادة السيارة بدون رخصة دولية مساعدة عاجلة
• بنت الصقور ولا يهونون البقية دلوني على مكان لقضاء إجازة الكريسمس في الساحل الشرقي
• وما زال العناء موجود بالفيزا سنه و٧ شهور بالانتظار
• مساعده بخصوص الشنط المسموح فيها والرسوم
• وصلت امريكا ومتوووووورط بفيزتي السياحية معرف كيف تحويلهاياليييت الاخوان يساعدوني
• خبرا نيويورك ابي فزعتكم افزعوا لي الله يخليكم
• المصروف الشهري في امريكا
• الفيزا منتهية وابغا اسافر بالطائرة ؟
• استفسار بخصوص تذاكر الدلتا
• مشورة
• الطبيعة في امريكا
• ابي فنادق في اورلاندو في بانترناشونال درايف او كيسمي
• الجامعات الموقوف القبول من قبل الوزارة
• تغيير اجراءات الفيزا مع بداية السنة؟؟؟؟؟؟؟؟؟
• احترت بحجز الفنادق من فنادق لوس انجلس
• أستفسار عن شروط الفيز السياحية الامريكية لعام
• ترانزيت أيام قبل الإكمال الى لوس انجليس نييورك والا واشنطن برأيكم؟

الله يوفقك ومبرووووووووووووووووووك وعقبالي

بالمبارك يااخوووووي :24:

والله يوفقك و يوفق الجميع آآمين

و عسى تتيسر امووورنا بعد الفيزززا

هذا انا ماخذها وللحين جالس:105:

الله يعين ....

عسى بس الوزاااره ما تطلع لنا مشكلة اوووخررررى :110:

مشاء الله وعلى البركه وعقبال قرار الابتعاث ينزل

لك

أولا أبارك لك هذا الإنجاز الأميركي . .
أريد أن أسألك عن مدة صلاحية التأشيرة؛ فأنا سأحصل على آي تونتي لدراسة إنجليزي مدتها ثلاثة شهور فقط نظرا لأن ضماني المالي الشخصي كان يكفل لي الدراسة لهذه المدة فقط . . الآن كم ستكون مدة التأشيرة في هذه الحالة ؟ و ماذا أكتب في الاستمارة إذا علمت أني أرغب المكوث هناك حتى أنجز الماجستير ؟
سأحصل على ضمان مالي من الوزارة بعد إجرائي للمقابلة في السفارة.
لك تحياتي

مشكووووووووووووور

مبروك اخوي

واتمنى لك التوفيق والنجاح

تحياتي
العاشق الحزين

على البركة وعقبال قرار الابتعاث بكل سهوله ويسر انشالله

ع البركه وعقبال قرار الابتعاث

الف الف مبروك اخوي المملكي وعقبال قرار الابتعاااااااااااااث وبالتوفيق يا كنج ...............

ألف مبرووك

الله يوفقك إن شاء الله

مبرووووووووووووووووووووووووووووووووووووووووووووووو وووووك اخوي

الف الف الف الف مبرووووك اخوي المملكي وعقبال القرار انشالله


الله يوفقك اخوي وييسر امووورك

وعقبالنا انشالله تتيسر امورنا بهالوزاره والسفاره

بالتوفيق للجميع

اخوي المملكي فيه حاجه مافهمتهاا

كيف ابلكيشن كاتب فيه خمس سنوات وابليكيشن كاتب فيه المده بالاي تويني

ياليت توضح اخووووي

وماهي المده الي اكتبها بالابليكيشن؟

ماشاء الله ,على البركه وعقبال جميع الإخوان إن شاء الله , والله يسهل ونلحقكم إن شاء الله .:24: :113:

المشاركة الأصلية كتبت بواسطة معانق الدموع


اخوي المملكي فيه حاجه مافهمتهاا
كيف ابلكيشن كاتب فيه خمس سنوات وابليكيشن كاتب فيه المده بالاي تويني
ياليت توضح اخووووي
وماهي المده الي اكتبها بالابليكيشن؟



اول شي مبروك حصولك علىالفيزا يخوي المملكي .

اخوي معانق الدمووع :
انا الي فهمت من كلام اخوي المملكي ... انه جهز نموذجين حقت الفيزا ( 156 و 157 و 158 ) .... كأنه مقدم على طلبين.. الرجال خايف .., و حريص بنفس الوقت :109: بس بصراحه ماالومه

واحد من النموذجين كاتب فيه مده الجلوس خمس سنوات لدراسه البكلريوس مثل منت عارف ...
والثاني كتب فقط المده المذكوره بالاي تونتي .... الخاص بمعهد اللغه ..

على كل حال اخوي معانق الدموع : اذا القبول الي جاي لك من الجامعه قبول مشروط .. يعني الاي تونتي جايك من معهد ... في الحاله هذي تكتب المده الي بالاي تونتي حق المعهد .. .. عاده تتراوح المده مابين ( شهر الى 12 شهر ) حسب الكورس الانجليزي الي طالبه هناك ومكتوب بالاي تونتي ..
واذا خلصت الدراسه بالمعهد وانضميت للجامعه .. مدد الفتره .. ( كلم المعهد او الجامعه .. وهي تزبط امورك )


واذا القبول جايك من الجامعه .. قبول فوري .. بتلاقي الجامعه كاتبه بالاي تونتي .. ان المده 60 شهر .. يعني خمس سنوات ... بتلاقي هالكلام مكتوب تحت البرنامج الي راح تلتحق فيه بنموذج الاي تونتي

هذا الي المفروض يصير مع كل شخص بيقدم على الفيزا ا ..

اسف يخوي معانق الدموع .. ادري اني تدخلت بشي ما يخصني بس حبيت اساعدك ..

بس انا ما زلت استغرب ... كيف تقول الموظفه لاخوي المملكي .. اكتب المده كامله .. وهي عارفه ان المده سته شهور ؟؟؟ شي عجيب فعلا..

ياليت توضح يالمملكي .. هل كتبت المده خمس سنوات .. وانت طالع لمده سته شهور كما هو مكتوب بالاي تونتي ....؟؟


تحياتي

مبروك أخوي والله يوفقك

مبارك لك يالمملكي

شكراً لكم جميعاً...

لتواجدكم وردودكم التي والله افرحتني جداً والله يعلم اني قد ايش سعيد بهذه الردود...

والله ما كنت حاط واحد في الميه (ماشاء الله) واحد خايف يحسد نفسه..:109: انهم يعطوني الفيزا بهذي السرعه..

بس لا تخافوا اللي ما جاء موعدهم في السفاره ترى المقابله سهله بالمره بس انا كنت مرعوووووب من كاونتر رقم 7 والله طببني فيه بس طلع حلييل بالمره وطيب والله كتب والحمدلله انهم يعطوني الفيزا...

ومن ناحيه استفسار اخي ــــ(شارع التحلية)ـــــ

والله ما ادري كم مدة الفيزا بس انا اللي قالت لي الموظفه والناس اللي قريبون لي في امريكا اكتب المده عامه لا تكتب المده اللي في الاي 20 لان الاي 20 يتجدد هناك في امريكا بس انت ان كنت تبغى تدرس بكالوريوس اكتب 5 سنوات بس ان كنت تبي تدرس ماجستير والله ما ادري كم المده العامه للدراسه الماجستير تأكد من الشباب....

ـــــــ(معانق دموع)ــــــــ

صحيح كلام اخوي (las vegas) كان معي ابلكيشنين حقة السفاره يعني نسخه من ( 156 و 157 و 158 ) النسخه الأولى كتبت فيها مدة المكوث في امريكا 6 شهر نفس المكتوب في الأي توني والنسخه الثانيه نفس السؤال بس كتبت مدة المكوث 5 سنوات.....

شكراً لأخوي las vegas ولكم جميعاً واي استفسار انا جاهز........

الف الف مبرووك....بس عندي استسفار اذا سمحت...:101:
انت تقول اول ما دخلت واخذت رقم رحت ودفعت على الكاشير....وشو الشي اللي دفعت له؟وكم دفعت؟...عفوا السؤال ممكن يكون غبي :101:

هلا بأخوي (ThE PrOGraMmEr)

انا اخذت رقم لتشييك الأوراق عشان يتأكد موظف/موظفه السفاره انه ما في شي نا قصك وبعد ما شيكت اللبنانيه على اوراقي قالتلي سدد رسوم السفاره عند الكاشير رقم 3 واعطتني اوراقي مع الجواز ولفتها بمطاط واعطيت اوراقي والمبلغ 380 ريال للكاشير واعطاني رقم المقابله وكان رقم 14 وبس.,...

ملاحظه:
(قبل لا تسوي المقابله اقرأ المعوذات وآيه الكرسي وبإذن الله راح يوفقك ربنا....)
جزاك الله كل خير والله يوفيقك

^^^
المبلغ هذا غير السيفيس ؟؟؟

اشكرك على ردك السريع وما تقصر اخوي :101:

مبرووووك .. و تستاهل يالغالي ..

الــــــــف الــــــــف مـــبـــروك

مبرووك
وعقبااااااااالنااا ياربي

مبروك اخوي المملكي الفيزا واطلعت شد حيلك ما بقى لك الا القرار

شكرا لك يا وحيد نفسه على التوضيح والله يعطيك العافيه :101:

مبــــــــــــــــــــــــــــروك أخوي الله يوفق الجميع وياك عاد الاسبوع الجاي الساعة 3 العصر الفيزا وياك أن شاء الله على طول اليوم الثاني للوزارة مع الشهادات الاصل وتوقع النماذج واهم شي صوره من قبول الجامعة . وان شاء الله اخر الدوام قرار الابتعاث معاك . باذن الله
الــــــــف الــــــــف مـــبـــروك
أخوكم باتل موعد السفر 25/مايو/2006 الرياض واشنطن_ سانت لويس - كاربودنيل
بالتوفيق للجميع

مبروك الف مبروك عليك اخوي **(المملكي)** حصولك على الفيزا ، وعقبال القرار والتذكرة والوصول بالسلامة بإذن الله عز وجل ...
وعقبالي والاخوان جميها..
وبالتوفيق للجميع...

شكراً :113: لمرور الجميع........

واقدر تعاونك وتشجيعكم لي والحمدلله حصلت على الفيزا اليوم وانشاء الله عقبالكم وعقبال قرار الأبتعاث وربنا يسهلها لنا ولكم انشاء الله ...

واي خدمات لا تترددوا........

المملكي الغالي كيفك اتمنى لك التوفيق ومسيره علمية موفقه ....
حبيت اسألك بخصوص مدة الفيزه اللي عطوك كم سنة ؟
انا مقابلتي السبت الجاي ان شاء الله ايش نصيحتك لي؟

هلا ب(اموت بالسفر)



وشكراً لك ولجميع الأخوان والأخوات هنا اللي باركولي وإنشاء الله تتيسر امورهم وامورنا بعد...

من نا حيه سؤالك بخصوص مدة الفيزا؟
والله انا اعطوني مدة فيزتي 8 شهور..

ومن ناحيه النصيحه؟

اللي ابي انصحك وانصح الأخوان هنا لما تسوي المقابله خلك عادي بالمره ترى الربكه مالها داعي.

ثانياً:
الأبلكيشن حق السفاره عبيه بالكمبيوتر افضل ولا تخلي فراغ يعني اللي ينطبق عليك عبيه واللي ماينطبق عليك اكتب none .

وركز اهم شي على اسم الجامعه وعنوانها ولازم تكون حافظها لأنه راح يسألك عنها وين تقع يعني في اي مدينه وايش اسم الولايه والسكن اكتب في الأبلكيشن السكن في نفس الجامعه وفي سؤال في الأبلكيشن بخصوص اكتب اسماء افراد عائلتك اكتبهم كلهم يعني الوالد والوالده الله يحفظهم لك واخوانك واخواتك وتذكر جنب الأسم ذكر/ انثي بالإنجليزي طبعاً وارقامهم وعناوينهم...

وفي شي مهم حبيت انبهك عليه ان كنت تشتغل او مازلت تشتغل جيب ورقه من العمل وترجمه وصدقها اختمها من جهة العمل والتصديق يعني مو لازم بس انا سويت هاذي الأشياء لأن ورقه المل راح تساعدك كثير وراح تشفعلك في سرعه الحصول على الفيزا...

وربنا يوفقك ولجميع الأخوان....

شاكر لك اخوي على اهتمامك وإحساسك الأخوي الراقي والرائع ...
وأتمنى لي التوفيق ولكم يارب ...

مبررررررررررررررررررروك يالغالي وعقبال قرار الابتعاث

وانا كمان سويت مقابله
لاني كنت بروح منحه الى امريكا اسمها Mepi على حساب الحكومه الامريكيه
ولكن والله اني في المقابله خبصت
وقالو بيردو لي خبر وما ردو
يعني افهم انهم زبطوني

ـــ(ملبورن)ـــ

شكراً لمرورك الذي عطر صفحتي المتواضعه وتشجيعك لي على الدوام واقدر لك ذلك واسأل الله عز وجل ان يجزاك خير الجزاء...

وتقبل تحيتي...

اخوك الأصغر **(المملكي)**


ـــ(walfarwi)ـــ


شكراً لمرورك ومن ناحيه السفاره لا تخاف راح انشاء الله يردوا عليك بالموافقه بس هذا اجراء روتيني تقوم به السفاره لبعض الطلاب....

اسأل الله ان يوفقك....

مبروووووووووووووووووووووووووووووووووك ياعزيزي (المملكي)
وعقبالنا و الشباب جميعا وبالتوفيق.................

بس والله لي حوالي شهرين انا قلت في نفسي انهم شلو ناس ثانيين.
بس عادي ان شا الله خير

ولو سمحتو عندي سؤال ايضا
انا اريد ان اذهب الى امريكا بفيزة عمل هل يوجد فيز عمل وكم حدود يجي سعرها لاني والله ضقت من اليمن وكرهان عيشتي (بس الحمدلله على كل حال)

اخوي المملكي ألف مبروك واذا تسمحلي بسؤالين

انت خريج اي عام ؟؟

وهل كنت تشتغل؟؟

(walfarwi)

والله يا اخوي مالي علم بخصوص فيزا عمل بس اسأل الشباب انشاء الله ماراح قصرون....


(كابتن)

هلا فيك يا اخوي من ناحيه سؤالك فلك الأجابه....

1/خريج 1423 / 1424 يعني حصلت على شهادتي يوم 1/5/1424

2/ من ناحيه الشغل ما اشتغلت قبل كذا بس انا جبت للسفاره ورقه اني كنت اشتغل (عند محل حق خدمات طلابيه حق واحد يقربلي) من عام 2003 يعني من عام تخرجي..


واي سؤال لا تترددوا....


اخوكم

**(المملكي)**

اخوي المملكي
هل تعرف احد عطوه الورقه الصفراء واتصاو عليه يعني كم قعدو ليما اتصلو عليه

المملوكي

ستكون مقابلتي في السفارة بعدة شوية ايام وكنت اريد ان اسئلك، هل من الافضل ان اخبرهم انه لدي
بعض الاقارب الامريكان هناك (حيث انهم وافقوا على استقبالي والسكن عندهم)، ام من الافضل ان اخبره
اني سأسكن في السكن الذي يؤمنة المعهد . حيث ان الدراسة على حسابي:114:
شكرا...

(القلم الحاد)


معليش يا اخوي تأخرت في الرد المهم اعرف كثير من الناس اخذوا الورقه الصفرا وعطوهم فيزا وماسمعت قبل كذا ان في احد اخذ الورقه الصفرا وماعطوه...الله ييسر امورك.....


(Rami Olaqi)

معليش يا اخوي تأخرت في الرد انشاء الله ما يكون جاء موعدك وما جاوبت على اسألتك..

والله يا اخوي يفضل انك تقول انك تبغى تسكن في الجامعه لأن واحد قبل كذا راح السفاره وسوا المقابله وسألوه وين تبغى تسكن قال في سكن خاص قالوله اعطينا اثبات لذلك......لذلك يفضل انك تقول في سكن الجامعه ولما توصل اسكن وين ما تحب....

اخوكم

**(المملكي)**

ياسلام
اليوم عملت المقابلة و قال تعال خذ فيزتك الأسبوع الجاي . . و كنت في شباك رقم 7 .
بصراحة بدعت أنا اليوم في الإجابات، و كنت بربار جدا و ضحووووك للغاية . . تصدق حتى إني طرحت عليه سؤال من كثر الميانة.
على فكرة أخوي المملكي، موظف المقابلة اللي في شباك رقم 7 ما فيه شبه لصاحب هذه الصورة ؟ على الأقل في طريقة الدقن أو اللحية.
http://www.aljazeera.net/mritems/ima...164183_1_3.jpg

1000000 مبرووووك وعقبالنا صار لي شهر من بصمت وكل يوم أكلمهم من أسبوعين ويقولون أناتظر لسى يخرب بيتهم ذبحني الإنتظار..

عقبال ما نفرح بك وأنت جاي بالشهادة يا بطل


ودمت لأخيك,,,

ــ(aseer2005)ــ

شكراً اخوي على المرور والمباركه اونشاء الله عقبالك ويدق عليك وتحصل على الفيزا في اقرب فرصه وتتيسر امورك انت والأخوان هنا....

ولك من اصدق تحيه....
[COLOR="LightBlue"]
اخوكم

**(المملكي)**[/COLOR

]

المملكي
انا السفارة عطتني موعدين (اصلا ارسلت رسالتين) واحد قريب هذا الشهر وواحد بعيد شهر 7 هل يعني ان الموعد الاول راح؟ ولا اني اقدر اروح الموعد اللي يعجبني؟

الف الف مبروك وعقبلى انا ايضآ انشاء الله

السلام عليكم
تصدقون بالله أنه في عام 2000 نويت أسافر أمريكا ,المهم يوم من الايام كلمت واحد من الاصدقاء وقلت له وش رايك تخاويني جدة نتمشى ونمر القنصلية الامريكيه ودي أفيز ,قال أوكي مشينا على بركة الله ووصلنا جدة صباحا ,رحنا البحر والساعة السابعة والنصف تقريبا رحت للسفارة(بعد عناء البحث عنها لاني ماأعرف وين موقعها) لما وصلت قالي رفيقي أنا أبجلس بالسيارة وأنت روح, المهم دخلت وحالتي كان يرثى لها الثوب ملعون جدة والوجة من التعب شاحب والنعال حالتها حاله والشعر كأنه متهاوش مع بعض , دخلت من الناس (مع الخيل ياشقراء ) لقيت الاوراق أخذت وحدة وبدأت أعبيها لما أنتهيت قلت لحارس الامن وين أروح قالي للمحاسب (باكستاني) عطيته الجواز والورقة وقال هات 200ريال فأعيته ثم قال لي قو أند كم فور كلوك قلت هاه قال روه روه أخر شئ أظنة قال لي أنقلع بالاردو أنا عرفت أن السالفة فيها الساعة أربع أرجع بس ليش الله أعلم طلعت لخويي قال هاه وش سويت قلت عطيتهم الجواز وقالولي تعال 4 , رحت أنا وخويي للبحر ثم نمنا في مسجد جنب البحر وبعد الظهر رحنا للبيك وأتغدينا . رجعت الساعه4 ولقيت في جوازي فيزا سنتين بدون أي سؤال ولا أستفسار حتى . الله يرحم أيام أول(قبل 11/9)
والسلالالالالالالالالالالالالالالالالالالالام

الأخوة الكرام
وشي الأبلكيشنات اللي تأخذونها معكم للسفارة هل هي Ds156?

(hatoon88)


هلا والله ومن ناحية الابلكيشنات هي 156 و157 و 158 ونتمنى للجميع التوفيق........


اخوكم

**(المملكي)**

مبروك أخووي مقدما على الفيزا وعقبال موافقة الوزاره بس عندي سؤال وشي الأوراق إلى عبيتها قبل لا تروح للسفارة ومنوين جبت الأوراق

السلام عليكم ورحمه الله وبركاته

انا سويت المقابله يوم الاثنين 10 جولاي وطرحني الله في شباك رقم 7 الله لا يوفقه واراقي كلها كامله وعطني الورقه الصفراء قال جب لي شهادات الثانوي كلها مع العلم اني دراستي ماجستير وكانت معاي شهادة الجامعه وقال جهزها وحنا ندق عليك انا اخاف يتاخرون علي ويطوفني موعد الدراسه هل اجهز اوراقي واروح للسفارة ولا انتظر الاتصال منهم الرجاء الاجابه وشكرا

..مادام ما بصموك انشاء الله ما يتاخرون .. جهز اوراقك المطلوبة وخليك جاهز لاي لحظة .. ومن ناحية تطويف الدراسة ممكن تاجلها ..

انا بالنسبه لي سويت المقابله في 6 مايو عند شباك رقم سبعه وكان طيب معي وصلات اضحك انا وياه واخذ الورقه الصفلاا واشر علي انتظار اتصال وقال لي ينتصل عليك بعد شهر لان باقي علي موعد دراستك شويه
والله ما كملت 29 يوم الا والسفاره تتصل وقالو ارسل لنا جوازك في الفيدكس وادفع حق الذهاب والعوده وارسلته يوم الثلاثاء والله ما جي يوم الاحد الا والفيزه عندي بالجواز
تحياااااااااااااااااااااااتي

السلام عليكم ورحمه الله وبركاته

مشكورين يااخوان على المشاركه الطيبه .
بس انا عندي استفسار بالنسبه للتبصيم انا بصموني بس السبابه فقط هل فيه تبصيم غير هذا وبعدين انا مالقيت الا شهادات اول وثاني لقيت ثالث ثانوي وهم طالبين علي الثلاث واذا كان لازم الثلاث ومن يون اجيب الشهادات الثانيه وهي غير موجودة عندي الاصل ضايع

طيب المتخرج له 3سنوات ولا إشتغل وش الحل أقوله جالس عطالي ولا أقوله كنت مشرف على بناء بيتنا

وقبل لا يضعط شي على الكمبيوتر حقه وانا قلتله:ترى كنت اشتغل في محل وهاذي ورقه من العمل وانا مترجم الورقه ومصدقها من الغرفه التجاريه..
طيب ممكن أسأل إلى جالس له3سنوات عطالي جالس على جيب الوالد وش الحل :110:

الف الف الف الف الف
الف الف الف الف
الف الف الف
الف الف
الف
مبروك
مبروك مبروك
مبروك مبروك مبروك
مبروك مبروك مبروك مبروك
مبروك مبروك مبروك مبروك مبروك
.
.
.
وعقبال قرار الأبتعاث
.
.
.
ودمتم بحفظ الله