الموضوع: اللغة اللاتينيةالاسبانية كولومبيا اوالاكوادور اوالارجنتين

الى جميع الاخوه

ارجو اعطائي معلومات عن دراسة اللغة الاتينية
انا اتكلم انجليزي تمام ومحتار الحين اتعلم لغة لاتينية ولا فرنسية؟
وش رايكم وش تنصحوني؟

انا بصراحة ميال للغة اللاتينية ومحتار بين كل من اسبانيا -كولمبيا-الارجنتين-الاكوادور
وانا ميال للارجنتين او الاكوادور

وش تنصحون واذا فيه معلومات عن الدول هذي او مواضيه ارجوكم لابخلون على


وشكرا للجميع

مواضيع عشوائيه ممكن تكون تعجبك اخترناها لك:

• أنا مسافر للبرازيل شو النصيحة
• فنزوليا
• ودي أسافر للبرازيل بس مامدحولي مستوى الأمان ؟؟؟؟؟؟؟؟؟
• جولة في مدينة ريودي جانيرو
• تقرير عن البرازيل
• ارض المياه
• تقرير جامايكا المسافرون العرب من ساري
• سحر المحيط والصحراء مدينة أنتوفاغاستا، التشيلي
• ما متطلبات فيزا المكسيك ؟ للسعوديين
• كلموني سفارة البراريل بالرياض توهقت
• الأرجنــتين
• استفسار عن الارجنتين
• اسفسار عن كانكون
• هل يوجد تأشيرة للترانزيت في السفر إلى البرازيل او الارجنتين؟
• جنوب البرازيل ۔ أرجو الإفادة
• العاصمة الأرجنتينية تستقبل مزيدا من الزوار الأجانب
• ضروري محتاج مشورتكم بالنسبه لدراستي
• الأرجنتينجنون الكرة و شغف التانجو
• سؤالين عن البرازيل
• مساعده سعودي ساكن في الولايات المتحده يريد السفر الي البراغواي

انا الحين بتعلم الانجليزيه
والحمد لله امشي حالي


ولو بيدي تعلمت الاسبانيه لان نص امريكا يتكلموهـااا

وكمان لغه حلوه وممتعه بنفس الوقت

وتكون سهله جدا للي متعلم الانجليزيه ..

تحياتي لك

سلام عليكم

عزيزي أتوقع تتعلم لاتيني أسهل و أفضل

لأن الدول الي تتكلم لاتيني(أسباني) كثيرة لكن الفرنسي مالك إلا الدول الإفريقية

وبالنسبة لبلد التعلم عندك أسبانيا أكثر أمان من غيرها لكن يمكن أغلى

بعدها الإرجنتين أما كولومبيا هج عنها.الإكوادور ما عندي معلومات عنها. و بالتوفيق

و قلي وش يصير عليك لأني أنا مهتوي أتعلم و الحين ألقط كلام من بعض الأصدقاء.

بالتوفيق

اخوي ماك مشكور على المشوره واتفق معاك ان اللغه اللاتينيه ممتعه وشيقه
اخوي صدى الوجدان يعطيك العافيه على المعلومات وانا اتفق معك لكن انا بصراحه ماني هاوي اسبانيا وماعندي رغبه ادرس فيها مع العلم انه ماسبق لس الذهاب لها
بالنسبه للارجنتين انا هاويها او كولومبيا او الاكوادور
ادري ان كولومبيا خطيره وفيها المافيا لكن انا عندي اصدقاء من كولومبيا ويقولون المافيا في مكان بعيد ومنفصل واللي بحاله مايتعرضون له
انا بصراحه احترت بين الدول الثلاث لاني اعرف فيها اصدقاء لمكن انا اشوف ان الارجنتين هي الانسب
ولا وش رايكم؟
بعدين كم تتوقع المده اللي احتاجها حتى اتعلم؟
انا اشوف 6شهور كفايه؟
ولا وش رايكم؟

الصراحه انا اشوف افضلها اسبانيا
انا قد رحت لها الديره مررررره حلوه وامااااااان ومتطوره والشعب اوكي
بس مشكلتها انها اغلى من باقي الدول الي انت كاتبها

وش الله حادك تغرب عمرك في كولمبيا او الارجنتين او الاكوادور إذا انت خايف من الوضع الامني وأسبانيا غاليه

رح للمكسيك يتكلمون اسباني وفيه ناس تروح لها تاخذ كورسات باللغه الاسبانيه

مبدع ايطالي
المشكله ان المكسيك لهم لغتهم المكسيكيه يعني يروح لبلد لغته الرسميه اسباني افضل له

عزيزي الوادي البري

بالنسبة لكولومبيا كلامك صحيح عنها بس أنا إجمالاً ماني مرتاح لها مع إني أعرف ناس منها ويقولون زي كلامك

الأرجنتين مناسبه..وبعدين هم حول بعض تقدر تتنقل بينهم للتمشي

والبلد الي تعرف فيه أحد ترى ميزه كبيره لأنهم يساعدونك كثير من ناحية الأمان و إنك منت غريب(يعني وراك ظهر)

والسكن يزبطونك بالأسعار لأنهم أهل الديره و فوق هذا كله والأهم إنك ماتتعب عشان تكون صداقات أصدقائك موجودين و تقدر تتدرب معهم يعني نسنفيد كثير بالمحادثة

المده 6شهور مناسبة جداً لأن الواحد عادةً الشهر الأول يضيع عليه عشان ياخذ على وضع البلد و يتبرمج

والشهر الثاني و الثالث إستقبال وتعلم للغه بعد الشهر الثالث الواحد تجيه الجرأه أكثر إنه يتكلم بدون قيود كبيره عليه.
على فكرة أنا صدى الصمت مو الوجدان.هههه

د.وناسه\ المكسيك يتكلمون أسباني يمكن يكون عندهم لغه محلية ثانية لكن الرسمية الأسبانية

البرازيل هي الوحيدة المختلفه عن دول أمريكا الجنوبية يتكلمون برتغالي بسبب الإستعمار البرتغالي. لا ولا يواطنون الأسبانية بعد

وبالتوفيق للجميع

اتوقع 8 شهور افضل لانه الواحد يصير عنده الوقت الكافي انه يصير اخذ اللغه بشكل تمام

مشكورين شباب على المشاركه
لكن والله احترت من جد
بعدين المشكله اني موظف في السعودية وصعب اخذاجازه اكثر من 6 شهور وعلى قولتكم اسبانيا خلوه بس غاليه مره وكولومبيا حلوه بس خطيره يعني اعتقد الانسب الارجنتين؟
وبعدين وش رايكم انا اتكلم انجليزي تمام ومستواي متقدم بس مو زي اللي يتكلموها كلغه ام وبعدين انا اشتغل وادرس في نفس الوقت جامعه تحصص ادب انجليزي
وش اتنصحون ادرس لغه انجليزيه ولا ادرس لغه لاتينيه مع العلم اني درست في الصيف شهرين في لندن ومااستفدت ؟؟

يالغالي انا درست اللغة الاسبانية في جامعة الملك سعود كلية اللغات والترجمة ...

درست ترم بعدين حولت ودرست ترم في اللغة الالمانية بعدين انسحبت من الجامعه علشان جاني قبول في معهد الادارة تخصص شبكات كمبيوتر ,,,


عموما اللغة الانجليزية نمبر 1 عالمياً

اللغة الفرنسية نمبر 2 عالمياً

اللغة الاسبانية نمبر 3

اللغة الالمانية نمبر 4


اذا تبي نصيحتي انا ...

انصحك تدرس لغة فرنسية ... لانك راح تستفيد منها في السعودية في بعض الوظايف وراح تكون اضافة في رصيدك كخبره ..

اللغة الاسبانية لغة جميلة ... لكن ماراح تستفيد منها في السعودية وقليل اللي يعترف فيها ...


والقرار الاول والاخير لك ..