الموضوع: أفضل أماكن لتتابعون كأس العالم في أبوظبي

أخواني متابعي الرياضة

كلي حماس مع اقتراب كأس العالم ٢٠١٤ .. بالتأكيد بتكون سنة رهيييبة!!

اللي ما يقدرون يحضرون المونديال في البرازيل مثلي، نبا ندور على أفضل الخيارات عشان نتابع المباريات هالسنة، وعن نفسي أحب أتابع المباريات مع أصدقائي عشان الحماس هههههه،

عشان جي سويت بحث عن أفضل الأماكن اللي الواحد يقدر يتابع فيها المباريات بكل حماس وراحة وبأفضل العروض، وخاصة انه معظمها يكون في فترة المساء وهاي فرصة ذهبية عشان نستانس مع أصدقائنا

وهذه أخواني مجموعة من الأماكن اللي شفتها ممكن تكون مميزة لمتابعة مباريات كأس العالم ٢٠١٤ في http://www.arabtravelersforum.com/travelarab311/

خيمة فيرمونت باب البحر

للي يحبون الأجواء العربية وخاصة أن المباريات بتكون هالسنة فرمضان، تقدرون تجربون ….
فيرمونت باب البحر

اللي خصص خيمة ضخمة خارجية على الشاطئ عشان تستانسون وإنتوا اتابعون المباريات بجو مبرد ومجهز يكفي لـ ٦٠٠ شخص..

والجميل انه الخيمة فيها اربع شاشات عملاقة بالأضافة لـ 12 شاشة بلازما تخليكم تشوفون المباراة بوضوووووح يخليكم تحسون أنكم على ارض الملعب.

وبالنسبة للاسعار:
سعر الدخول للخيمة ١٠٠ درهم وتحصلون على قسيمة شراء للمشروبات، وطبعا تتوفر المأكولات حق اللي يجوع مع التوتر ههههههه

وإذا تحبون تتعرفون أكثرعن الخيمة والعروض اللي فيها تقدرون تتصلون على الرقم
026543238

وهاي الخريطة عشان تتعرفون على الموقع بالظبط

http://www.fairmont.ae/abu-dhabi/map...emapdirection/

فندق شانغريلا، قرية البري

وبعد عندكم خيار ثاني .. واللي هو
فندق شانغريلا، قرية البري

خيمتهم لها طابع عربي مميز مزودة بكل وسائل الراحة عشان تتابعون كأس العالم ٢٠١٤

وعندهم توزيع صوت رهيييب وصورة من اوضح ما يمكن عشان تستانسون بفوز فريقكم .



والجميل بعد ان الخيمة فيها جوائز وعروض مثل ربح طاولة لستة اشخاص والاستمتاع بالطعام والشراب اللي تصل قيمته ل ١٠٠٠ درهم.

ان شاءالله اروح هالخيمة وأفوز بشي من هالجوائز ههههههه

بالنسبة للأسعار:

الدخول 85 درهم شاملة قسيمة مشروبين منعشين يعني سعر حلو جدا.

إذا تحبون تتعرفون على تفاصيل أكثر تقدرون تتصلون على هالرقم
025098888

وهاي الخريطة

http://www.shangri-la.com/ar/abudhab...ap-directions/

قاعة دو في جزيرة ياس

قاعة دو من الأماكن الحلوة اللي تقدرون تحضرون كأس العالم ٢٠١٤ فيها، وهي قاعة غنية عن التعريف بموقعها المميز والجو الحلو اللي تقدرون تستانسون فيه.

وهالسنة

بتتحول قاعة دو لأضخم قاعة لعرض مباريات كأس العالم ٢٠١٤ في أبوظبي، ولا تنسون بعد انها تحتوي على قسم تراثي وبازار للي يحبون التسوق بعد المباراة او حتى تحبون تتمشون شوي خلال الشوطين.

وللي عنده أولاد الحلو بعد أن القاعة فيها منطقة للعب الأطفال واللي تقدرون تستغلونها خلال المباراة عشان تستمتعون بوقت اكثر راحة

ومن موقعهم الالكتروني أخواني تقدرون تعرفون تفاصيل أكثر
http://www.duforum.ae/en/events/world-cup/

وهاي خريطة الموقع

http://www.duforum.ae/en/the-location/

جميرا في ابراج الاتحاد

اكيد في وايد منكم للحين ما زارو جميرا في أبراج الاتحاد، فأنصحكم تجربونها هالصيف وخاصة عشان اتابعون مباريات كأس العالم ٢٠١٤ فهالمكان الرووووعة!

في أبراج الاتحاد تقدرون تتابعون المباريات وانتوا جالسين قريب البركة فأجواء وايد حلوة وطبعا مجهزينها بشاشات كبيرة ونظام صوت مميز عشان تندمجون مع المباراة لابعد حدود



وبعد تستانسون بأشهى المأكولات من مطعمهم المشهور نهام اللي محضر "منيو" خاص بكأس العالم ٢٠١٤

أحاول اتخيل الأطباق اللي ممكن يقدموها !!

ولمعلومات أكثر أكيد تقدرون تتصلون على

028115555

أو إذا تحبون تتعرفون على الأبراج موقعهم تقدرون تقرأون http://www.arabtravelersforum.com/travel898373/

فندق وسبا القرم الشرقي أبوظبي

وللي يحبون يحضرون المباريات لكن فمكان بعيد عن الزحمة .. اكيد بيكون القرم الشرقي هو مقصدكم عشان تستانسون وانتوا تشجعون فريقكم المفضل بجو حلو وممتع

جلستهم بتكون على سطح الفندق ومع المنظر الخلاب والخدمة المميز أكيد بيكون هالمكان واحد من خياراتكم عشان اتعيشون جو المباريات وتكون ليلتكم مميزة بعد

بالنسبة لي أحس هالمكان من الأماكن اللي احب أجربها وخاصة انه متابعة المباراة بتكون مميزة.

وهذا أخواني رقمهم عشان تتصلون وتحجزون أمسيتكم

026561000

أوتقدرون تقرأون عن الفندق والسبا في موضوع أخوي عامر لمعلومات أكثر http://www.arabtravelersforum.com/travel905438/


والحين وقت السؤال المهم أخواني :
شو فريقكم المفضل هالسنة وشو المكان اللي بتختارونه عشان تشجعون فريقكم المفضل؟

شاركوني

مواضيع عشوائيه ممكن تكون تعجبك اخترناها لك:

• القريه العالمية
• طالع دبي الخميس وش رأيكم؟
• ابحث عن افضل صيدلية متخصصة للجلدية في دبي
• شقق عائلية بالهفوف
• بليزززززززززززز رابط طيران العربيه بسرعه
• استفسار عن شرائح الاتصالات اذا تكرمتوا
• رحلة لمدة خمس أيام
• ترانزيت في دبي
• دبي تستقبل غرفة فندقية في النصف الثاني
• فزعتكم ياهل الامارات يالنشاااامى
• ما أفضل ملاهي في دبي ؟؟ ضروووري جدا
• بليييييييييييز ممكن تدخلوون هوون
• هل الطريق من الدمام الى الأحساء سالك؟
• الجو الان في المنطقة الشرقية
• اتمنى منكم المساعده بخصوص رحلتي
• شقق من يفيدني عنها ولي طلب صغير
• جدول رحلتي لدانة الدنيا دبي ارائكم فيه؟؟
• مساعده ونصيحه اطلبها فى تاجير سياره بدبى
• افتتاح فندق «جي دبليو ماريوت» التابع لطيران الإمارات نهاية العام الحالي
• استفسارات عاجلة ارجو التكرم بسرعة الاجابة

تسلم اديكم اماكن مميزه لمتابعة كاس العالم

و انا من مشجعي الفريق البرتقالي هولندااااااا

الشكر لك أخوي http://www.arabtravelersforum.com/user588868/ نورت الموضوع

هولندا فريق جدا قوي هذه السنة وما شاء الله عليهم في لهم فرصة كبيرة يوصلون النهائيات

البارح جربت قاعة دو لمباراة المانيا والبرتغال

المكان كان كثير حماسي لمتابعة المباريات ومع ان المباراة كانت حماس من طرف واحد هههههه
مبروك لالمانيا

لكن نصيحة تجربوها في كأس العالم

يعطيكم العافية خوش اماكن
بس احس الواحد بيقعد يصارخ ويندمج بالمباراة
والاماكن العامة بتحد من تشجيعه ههههه
شكراا لكم

ههههه صحيح كلامك أختي توبليرون

لكن مثل هيك اماكن متخصصة... ما تفرق فيها اذا تحمستي زيادة للمباراة بالعكس الغريب اللي يجلسون وما يشجعون

فالكل حولك متحمس معك
وما حد ينتبه على الثانيين

خدي راحتك المباراة الجاية ولا يهمك ههههه

ههههههه يمكن
جربتها في لندن كانت اخر مباراة
وقعدنا بمقهى انا قعدت بره
بس شفت الشباب
والله يضحكون تشوفهم يتحمسون بس مايقدرون
يبدون رايهم حييل
يعطيك العافيه

اخوي مسافر

تتميز دائما بما تقدم
وطرحك جميل ورائع للمواضيع

تحياتي يا راقي

أختي تبليرون احب احييك على روحك الطبية

احيانا استغرب من اللي يروحون مباراة ويجلسون مثل اللي يحضر حفلة كلاسيكية او يحضر مؤتمر
ما في أجمل من الانسان يكون على طبيعته ويتصرف باحساسه بهذه الدقيقة

انا بالنسبة لي اذا احببت اوقف بمنتصف الشارع واصيح لفرحتي ما بقصر ههههه

أخوي قايد يا هلا فيك نورت الموضوع

الشكر لك ولتواجدك معنا

لكن ما خبرتنا مين تشجع هذه السنه؟

الماني

وبتاخذ الكاس هالسنه

اهم شي اسبانيا وطلعت ,,,, والبرازيل مابتكمل

وكلماله الحماس يزيد

معلومات قيمة و موضوع متكامل اشكرك عالفايدة

هلا فيك أخي..
أي الفرق تشجع في كأس العالم؟

متابعه ممتعه للجميع ..

المشاركة الأصلية كتبت بواسطة قايد
http://www.arabtravelersforum.com/tr...9/#post8279949

الماني

وبتاخذ الكاس هالسنه

اهم شي اسبانيا وطلعت ,,,, والبرازيل مابتكمل

وكلماله الحماس يزيد

والله أخوي هالسنة كأس العالم عجيب ما كان حد متوقع هالفرق الكبيرة تخرج

لكن المانيا والبرازيل من المتنافسين الأقويات هالنسة

وكنا ننتظر نعرف الفائز

ومعك حق الحماس كلماله يزيد

تسلم على الموضوع

وربي حماسخاصة شعب العين يستاهل تقدير والله
وعن تجربة عين

التجمعاااات تزيد من حمــــاااس المباريـات
و أفضــل بكثير من البيت

لكن ريح نفسك بيكون النهائي

الأرجنتين / البرازيــل

و الليلة ستكون نهاية المانيــا ( أن شــاء الله )

يعطيك العافية على الموضوع الحمااااااسي

تحياتي لك

الشكر لك أخوي http://www.arabtravelersforum.com/user584974/

أخوي http://www.arabtravelersforum.com/user589038/ الله يخليك

انت اللي تستاهل التقدير على كلامك الجميل مشكور أخوي

المشاركة الأصلية كتبت بواسطة A-S-H-R-A-F
http://www.arabtravelersforum.com/tr...1/#post8287361

التجمعاااات تزيد من حمــــاااس المباريـات
و أفضــل بكثير من البيت

لكن ريح نفسك بيكون النهائي

الأرجنتين / البرازيــل

و الليلة ستكون نهاية المانيــا ( أن شــاء الله )

يعطيك العافية على الموضوع الحمااااااسي

تحياتي لك

هههههه والله كلامك صحيح الحماس بين الصحاب ومع الناس خارج البيت بيعطي ميزة خاصة للمباريات

وبالنسبة للمباراة النهائية صدقني هالسنة ما عندي اي فكرة مين اللي ممكن يفوز
ممكن اي حد

ممكن الجزائر

شكرااااااااااااااااااااااااااااااااااااااااااااااا اااااااااا
بارك الله فيك ما قصرت والله ، اشكرك ووكل سنة وانت طيب

أخوي انس الشكر لك

سعيد بان الموضوع اعجبك

وانت بالف خير أخوي

ما قلتلنا مين تتوقع يكون الكأس من نصيبه السنة؟

انتهت بطولة كأس العالم
فكه والف فكه
من اليوم ان شاء الله بعرف انام
طول ايام المباريات خواني مسوين ازعاااااااااااج لا يطاق
وين المتعة في مشاهدة المباريات ابا افهم؟!
حرق اعصاب مو اكثر

وخلصت المباريات أختي وارتحتي هههههه

نوم العوافي ان شاء الله

وان شاء الله طلعوا من آخر مباراة فرحانين؟
يشجعون المانيا ولا الارجنتين؟

شوية حرق اعصاب ما فيها شي ولا شو رأيك

الله يعافيك ...

والله مادري يشجعون مين بالضبط

ما اهتم الا بكاس الخليج

فيها الكثير ... صراخات من كل مكان

بارك الله فيك ما قصرت

شكرا أخوي نورت الموضوع

الله يقدرنا ونحضر كاس العالم الجاي بالملعب ان شاء الله

شكرااا لكم و تقبل الله طاعاتكم .. كل عام و انتم بخير

المشاركة الأصلية كتبت بواسطة عبدالرحمن اده
http://www.arabtravelersforum.com/tr...5/#post8312875

الله يقدرنا ونحضر كاس العالم الجاي بالملعب ان شاء الله



آمين يا رب

ونشارف فريقنا فرحة الفوز

المشاركة الأصلية كتبت بواسطة abood_uk
http://www.arabtravelersforum.com/tr...7/#post8312897

شكرااا لكم و تقبل الله طاعاتكم .. كل عام و انتم بخير

الشكر لك أخوي

الله يتقبل منا جميعا

كل عام وانت بالف خير

ينعاد علينا بالصحة والعافية

الشكر لك أخوي http://www.arabtravelersforum.com/user591896/

يغلق الموضوع لانتهاء المناسبة
شكراا لكل من شارك اخواني الكرام
شكراا مشرفنا مسافر ابو ظبي