السلام عليكم ورحمة الله وبركاته
أخواني أعضاء منتدى العرب المسافرون
منو فينا ما يحلّم أنه يكون عنده جرأة النمساوي فيليكس بومغارتنر يوم قفز من الفضاء واخترق جدار الصوت؟؟
ومنو فينا ما يحب يعيش مغامرة فريدة يطلع فيها كل التوتر اللي عنده ويرفع الأدرينالين.
هالأيام، القفز بالمظلة مثلا، من المغامرات اللي يحب يجربها وايد ناس .. بعضهم يأجلونها لين يكونون مستعدين نفسيا لهالمغامرة، واللي ممكن يجربونها مرّة وحدة في حياتهم، لكن في ناس ثانيين يحبون يجربونها أكثر من مرة لين تصير هواية يمارسونها كل مرة.
اليوم أحب أخبركم عن محل
"مغامرات HQ "
المتخصص بلوازم ومعدات الأنشطة الخارجية واللي يمتد على مساحة 30,000 قدم مربع ويوفرلكم اللوازم اللي تحتاجونها للكثير من المغامرات
وللي تم إفتتاحه مؤخرا في دلما مول
وعنده معدات لمختلف الأنشطة البرية والمائية اللي تشمل صيد السمك، والغطس والتجديف وركوب الأمواج، والصقارة، والتخييم، والسير في الطبيعة، وركوب الدراجات الهوائية والقيادة على الطرق الوعرة بالإضافة لمجموعة من الملابس الخاصّة بهالأنشطة.
بس ! أحب أقولكم شي !!
"مغامرات HQ" مو بس محل تشترون منه الأشياء.. لا .. هو محل مغامرات بعد!! تتخيلون؟؟
فيه أجواء فريدة تقدرون تشتركون فمجموعة من الأنشطة والمغامرات المشوقة فالمحل،
ومن المغامرات الموجودة:
مغامرة "تسلق الجبال".
هني فيديو الافتتاح وبعض الأنشطة الموجودة فالمحل مثل التسلق والتزحلق وغيرها الكثير ..
والمحل يقدم بعد "نادي المغامرات" المجاني واللي يعطيكم فرصة تحصلون عروض خاصة بالأعضاء فقط، بالإضافة لدعوات لفعاليات لمتحدثين مميزين في مجموعات التواصل الإجتماعي. وفرصة للفوز برصيد تنفقونه على المغامرات داخل المحل، والكثير غير ذلك.
واكيد الكل متشوق يعرف تفاصيل اكثر عن المحل هذا هو الموقع الالكتروني أخواني : http://www.adventurehq.ae
وأرقام التواصل:
قسم المنتجات
+971 2 445 6995
قسم المغامرات واللعب
+971 2 445 8903
وهاي أوقات الدوام عشان إذا تحبون تروحون
أوقات العمل:
من السبت إلى الأربعاء: ١٠ص - ١٠م
الخميس والجمعة: ١٠ص - ١٢ منتصف الليل
المكان مناسب للصغار والكبار من عمر 4 سنوات (بصحبة الاهل) لين الكبار .. مافي عمر محدد مادامك تحب اللعب
بالنسبة لأسعار مدينة الألعاب ..
نص ساعة - بـ 50 درهم
ساعة - بـ 90 درهم (نشاطين مختلفين)
يوم كامل بـ 250 درهم
شو رايكم؟؟ المكان يجنن ولا ؟؟
وانتوا وين الأماكن اللي تحبون تروحونها للمغامرة؟ شاركوني
والسلام عليكم ورحمة الله وبركاته
مواضيع عشوائيه ممكن تكون تعجبك اخترناها لك:
- برنامج صغير لـ أيام في دبي رأيكم واقتراحاتكم ؟؟؟
- احداثيات فندق شانغريلا
- فزعه يااخوان
- نروح القرية العالمية أو لا وش رأيكم
- وشسالفة الايميل الي وصلني فندق اتلانتس
- الطلب لاهل الخبره
- اهل دبي الغوالي ممكن تفيدوني
- السفر مع رضيع الي دبي
- دليلك للسفر الى أبوظبي
- خايف من طيران العربية ومن وين اصرف العملة في المطار وهل القاء سيارات استاجر من عندهم
- برنامج ساعات ترانزيت في أبوظبي
- افضل فندق للعائلة؟
- عريس جديد ومحتاج مساعدتكم
- انطلاق فعاليات ربيع الشارقة
- محتاج مساعدتكم للضروره
- احتاج شقق فندقية مطله على البرج والنافوره الراقصه
- هل تنصح بالسفر لدبي
- استفسار للي يسافرون كثير
- الإماراتية وجولة ترويجية في الخليج
- عرب لينك سؤال لو ممكن
رد مع اقتباس
المفضلات