الموضوع: محتار بين ياس ووتروارلد واكوافينشر اتلانتس ؟؟

وعليكم السلام أخوي

والله معك حق تحتار بين الأثنين

انا مع اني جربت المدينتين لكن اتحير لما احب ازورهم مرة ثانية

بالنسبة للأكوا ادفنشر الحديقة جدا حلوة وفيها تشكيلة العاب جدا رهيبة ومنها اللي صدق تختبر حبكم للمغامرة وقوة تحملكم للألعاب اللي بدها قلب قوي ففيها العاب مثل بوسايدون وقفزة الايمان اللي تحتاج لاشخاص يحبون الألعاب الخطرة

لكن بنفس الوقت فيها الكثير من الألعاب العائلية اللي تمضي فيها العائلة وقت رائع مثل المزلقة اللي تعبر بحوض اسماك القرش وغيرها من الألعاب اللي توافق الأطفال الصغر عمرا وتقدرون تلعبون فيها بعد مع الدلافين وتزورون حوض الأسماك للتعرفون على الحياة المائية عن قرب.

وهذا رابط http://ar.atlantisthepalm.com/marineandwaterpark.aspx

لكن اذا عائلتك فيها أطفال صغار في العمر ممكن تكون ياس ووتر ورلد مناسبة أكثر لان الخيارات اللي فيها أكثر وفيها ألعاب وأماكن تناسب الأطفال. وبنفس الوقت تلاقي العاب حماسية كثيرة جدا وتنبسطون فيها كأهل. وفيها الكثير من الألعاب المميزة والجديدة مثل الدوامة اللي هي لعبة حلوة للعائلة تجلسون فيها علي مساحة مطاطية وتنزلون بسرعة في دوامة تعطيكم شعور بالحماس، وجبل دروب اللي يحتاج لقلب قوي وحب مغامرة، وبعد ليوا لوب اللي تنزلق بانبوب مغلق من ارتفاع شاهق وسرعة هائلة

وهذا موقع http://yaswaterworld.com/ar#home


والحلو ان الحديقين تقريبا نفس سعر الدخول ٢٥٠ درهم للشخص في اليوم

ان شاء الله اكون ساعدتك وما خليت قرارك أصعب

الافضل حسب وجهة نظري ياس ووتر بارك ابوظبي