الموضوع: ياشباب انا رايح لأندونيسيا الـفــزعـة ،،

السلام عليكم ورحمة الله وبركاتة

اخواني اعضاء منتدى المسافرون العرب بعد التحية وبعد ،،,

نحن مسافرون على اندونيسيا لمدة 10 ايام

3 أشخاص

ويوجد لدينا مبلغ 15 الف من غير التذاكر

اتمنى افادتنا

ببرنامج مقترح للرحلة

مع العلم اننا نريد قضاء اخر يومين في جاكرتا

وللتذكير فإن رحلتنا ستكون

الذهاب بتاريخ 31 اكتوبر 2011م

واتمنى تفيدوني بسعر الرحلة
من جاكرتا لبالي على طيران ليون اير
واسيا اير

وازيدكم من الشعر بيت

احنا مخططين على بونشاك وبالي وللعودة لجاكرتا اخر يومين

ولكم التحية

مواضيع عشوائيه ممكن تكون تعجبك اخترناها لك:

• شهر عسل في اندونيسيا طلب
• كم استفسار لو سمحتو ا؟
• دردشه مساعده فزعه
• استفسار عن الاماكن السياحيه باندونيسيا
• اول رحله لي وابي معلومات كافيه
• افتوني
• ابغاكم تفيدوني بليز
• ماهي افضل طرق الدفع للفنادق ؟
• تعالوا بذا بسرعة حتى لو ماتدري وين الله حاطك رد
• احلا الايام في بلاد الاحلام نوفمبر 2010
• افضل فنادق جاكرتا للعرسان
• ارجو مساعدتي في جزيرة بالي
• كيف اوصل لجزيره بالي من ماليزيا
• آربد مكان استجمام لمدة اسبوع آرشدوني
• سؤال مهم يا جماعه
• من سافر على السعوديه هاليومين
• ساعدوني مسافره اول مره لبلاد الاندومي
• محتاج المساعـــــــــــــــده ضروري شهر العسل
• برنامج شهر عسل يووووم ارائكم
• جا وقتكم ياخبرائنا الأفاضل محتاج ارائكم

و عليكم السلام و رحمة الله و بركاته ..

ممكن تطلعون على بالي اول ما توصلون اندونيسيا ..
و يفضل حجز التذاكر من الان .. و تقضون فيها 4 ايام ..

ثم العودة لجاكرتا ..
و الذهاب مباشرةً للجبل ,, و قضاء 3 ايام ..

العودة لجاكرتا و قضاء آخر يومين فيها ..

و بالنسبه للبرنامج ,, يوجد الكثير من تقارير الاعضاء ..
نقارير عائلية .. و تقارير شياب ..
ياليت تتطلع عليها و تختار الانسب لميولكم من الاماكن السياحية الكثيره في كل منطقة ..

و رحلة سعيدة ان شاء الله ..

.

.

.

هلابك اخوي الكريم كنت اتمنى تحط تاريخ العوده حتى نكون ادق بالبرنامج لاني مادري عشر ايام من غير الذهاب والاياب

لاكن بحسبها بدون الذهاب والاياب

البرنامج المقترح من وجه نظري ...

5 ايام البونشاك ( الجبل )

3 ايام بالي

2 جاكرتا

يوم الوصول : لك خيارين ( ترتاح في جاكرتا او تروح للجبل على طول )

اول يوم : الجبل (يوم كامل للشلالات والي اعرفه فيه شلالين بالجبل واحد على ماضن اسمه الشلالات السبع وهذا تقريبا وسط الجبل والثاني على طريق باندوق في اعلى الجبل )

ثاني يوم : الجبل ( تامان سفاري )

ثالث يوم : الجبل ( البراكين والشلالات الحاره في باندوق تبعد تقريبا عن الجبل 3 الى 4 ساعات )

رابع يوم : الجبل ( بحيرة الليدو +البراشوت + مصنع الشاهي )

خامس يوم : الجبل ( حديقه الزهور + جوله مفتوحه على الدبابات )

سادس يوم : بالي (يوم بحري كامل زياره جميع الشواطى في بالي + الغوص والالعاب البحريه +المدينه المائيه )

سابع يوم : بالي ( التجديف بالقوارب وسط النهر وهي ممتعه جدا + فيه بحيره كبيره وجميله جدا بس ماني عارف اسمها

اكيد اذا قلت للسواق ودني بيعرفها )

ثامن يوم : ( شارع كوتا تمشى فيه + يوم مفتوح اي شي في خاطرك سوه ولاتنسى تعشى من المطاعم الي جنب

المطار ومطله على البحر وعلى مدرج المطاررر تشوف الطيارات الي تهبط بالمطار منظر جميل )

تاسع يوم : جاكرتا ( مدينه انشول وتشمل مدينه العاب +مدينه مائيه +عالم البحار )

عاشر يوم : جاكرتا ( زياره برج موناس + التسوق في المجمعات التجاريه )

المغادره الى ارض الوطن

بصراحه ماعندي خلفيه عن سعررر التذاكررر بسس من واقع تجربه وخلال سنتين ورا بعض طيران ليون غيررر دقيق في

مواعيده واخر مره لطعوني في مطار بالي 5 ساعات


ولاتنسى اخوي الكريم تطلع على تقارير الاخوان وتشوف برامج غير الي كتبت لك والي يصلح لك سجله الاهم تروح لمكان

وانت عارف تفاصيل كل شي حتى تكون رحله ماتنسى ابد وبالنهايه اتمنى لكم سفرررررر سعيد


تحياتي لك

شكرا ً اختي ام عزيز

بس بصراحه انا بطلع لبونشاك اول شي

عشان هناك فيه ناس من اصحابنا بنتظرونا

السؤال الآن

كم المبلغ اللي بيكفينا في بالي ؟؟؟

(( بصراحه نبي نفلهاا ))

الله يعطيك الف عافيه اخووووي مشاعر انساااان

بصراحه برنامجك جا على الكيف وزي ما احنا نبغى

بس الشي اللي اتمنى اعرفه

هل المبلغ يكفي ؟؟؟؟؟؟

(( وابشروا بأحلى تقرير ))

إن شاء الله تكفي وزود بسسس اهم شي خذ 5 الالف كاشش وخل الفين احتياط بالصرافه وقت الحاجه وإن شاء الله

ماتحتاجهن وترا الي بياكل عليك اكثررر شي بالي لانها غاليه شوي ويفضل انك تعامل بالدولارات هناك

وافضل شي احجزز من الحين لرحله جاكرتا بالي عشان تصير ارخص وان وصلت للجبل فيه مكاتب كثيرره هناك

رح وخذ لك باكيج كامل في بالي شامل سكن وسواق يكون افضل وانا في بالي العام جربت فندق فخمممم جدا جدا

ورخيص بسس ناسي اسمه اتوقع ان اسمه فندق بالي بس ماني متاكد وقبل شهرر كنت في فندق اسمه جاكرتا

على البحرر بصراحه ماعجبني افضل شي اخوي الكريم تشوف تقارير الاخوان وتشوف الفنادق الي عجبتك وتحجزز عليها

عن طريق موقع بوكينق ولا من نفسس المكاتب الي بالجبل هذي نصيحتي لك والله يوفقك اخي الكريم

ماقصروا مشاعر انسان وام عزيز


رحله سعيده