الموضوع: الأماراتيين إلي سافرو كندا بغيت فزعتكم

السلام عليكم أخواني وأخواتي

أنا جهزت أوراقي حق الفيزه الكنديه بس بغيت أسألكم شو المطلوب بالضبط حق الفيزه

الأوراق إلي جهزتها


TRV
Supplementrary Application Form

وصرة الجواز وصورتين شخصيات و 400 درهم

بغيت أعرف في أشياء ثانيه مطلوبه

مواضيع عشوائيه ممكن تكون تعجبك اخترناها لك:

• فنكوفر سياتل
• الكرت الي يوزعونه في الطيارة
• المعاهد المعترف بها في كندا !
• اجرآت الفيزا ، تمديد الفيزا الكندية ؟
• قبل السفر مقالة حلوة لتركي الدخيل
• ايجار سيارة في تورونتو وتسليمها في نياقرا كندا
• الدراسة في كندا
• استفسار بسيط
• بخصوص شحن طيران البريطانيه
• سوال بسيط
• خطوط سير الرحلات إلى أوتاوا
• خط سير رحلتي لشهر العسلوش رايكم فيني
• الحجز على ارخص خطوط من جدة الى هالي فاكس كندا
• افضل خطة سير لفانكوفر
• تكفووووووووون يخبراء كندا
• سلام حآآآر لأهل كندا ومخصوص لحبيبتي فانكوفر
• استفسار
• ممكن مواقع أستطيع الحجز عن طريق الأنترنت
• كينقستون الحالمةوجامعة الكوينز العريقةوبينهما سقطت تقرير مصور
• افيدوني اسكن للعمل والدراسه بفرنكوفر ولا فكتوريا

بعد مطلوب حسابج البنكي
و على ما اظن الخطة الي راح تكون
يعني اي ورقة من عند اي شركة سياحية فيه مخطط السياحة
التذكرة + الفنادق و هالشغلات
و تقدرين تيبينها من اي مكان سفريات و ببلاش

هلا بنت الشامسي ...
انا اماراتي وقدمت على الفيزا قبل شهرا تقريبا ...


المطلوب تعبي Application Form ,,, صورة من الجواز,,,,,, صورتين شخصيتان ,,,,, ورسالة من العمل ...... وفي السفارة بعطوج بعد Application Form بتعبيه ,,,,, ومبلغ من المال ,,,,,,,,,

ملاحظة ::::: لازم تكوني في السفارة قبل الساعة 10.30 صباحا .... وبتستلمي الجواز في نفس اليوم بعد ساعة ....

سوال اخوي ..
انا زوجي رايح ياخذ الاوراق ..
لازم اروح انا وياه و لا بس هو كفاية ؟؟

ياليت لو ترد بأسؤع وقت ممكن لاننا راح نقدم خلال هذا الاسبوعين

هلا أخوي سيف نحن سرنا البارحه وقدمنا عليها بس ردو كل طلباتنا قالو الصور لازم تكون خلفيتها بيضاء والأزواج لازم نعبي بياناتهم في فورم واحد الصراحه معاملتهم وايد زفته

وكاتبين لازم نذكر أسامي المسافرين إلي تحت 18 سنه بس نحن مافي حد بيسافر ويانا تحت هالسن بس بعد قالو أكتبو بياناتهم

وإلي يشتغل لازم رساله من العمل وكشف حساب من البنك
وإلي يالس في البيت وله طالب مفتك من السالفه

تعبونا ضربنا خط عالفاضي

بنوته الشامسي
لازم الكل يروح و لا عادي ريلي يروح و ياخذ اوارقي وياه ......؟

مب لازم الكل يروح

في نقطة التأمين الصحي .. لازم يكون عندج تأمينج الصحي دولي .. اذا كنتي موظفة ممكن يعطونج هالورقه الي تثبت ان دوامج موفرين لج التأمين الصحي

السلام عليكم .....


الاخت بنت الشامسي ....
مثل ماقلتلج قبل شو اللي لازم تسويه وبس ولا عليج من كلام حد انا متاكد من اللي اقوله.


انت عبي الطلب اللي عندج وفالسفارة بعطوج طلب ثاني .. اللي هو لازم تعبي فيه اسماء الاخوة والخواة ومب لازم بعد تكتبي كل الاهل 3 او 4 من الاخوة وبس ......
اما الطلب الاول تعبي فيه اللي بسافرو وبس ( يعني انت و الزوج)

هذا الكلام انا سويته قبل شهر تقريبا .... يعني متاكد من اللي اقولة ...

والله يوفج .....



ملاحظة ...( في السفارة طبيعة معاملتهم غير ما بتاخذي راحتج يعني ( مابحشمولج ) بس عادي ...
اتحملي كلها ساعة .........

مب لازم الشخص نفسه يروح عادي أي شخص يسير وياخذ وياه الطلبات بس لازم الطلبات تكون كامله وأي غلط في الفورم يردونه لو شخطه وحده غلط

باركولي طلعت الفيز بس عقب طلعت روووووووح أف من معاملتهم الصعبه ولا ربع سؤال الواحد يروم سأله

المشاركة الأصلية كتبت بواسطة بنت الشامسي
http://www.arabtravelersforum.com/tr...4/#post2669854

باركولي طلعت الفيز بس عقب طلعت روووووووح أف من معاملتهم الصعبه ولا ربع سؤال الواحد يروم سأله



مرحبا اختي كم اخذتي وقت لين طلعت لكم لفيزا


او اي احد يعرف يخبرني