الموضوع: رايح مع العائلة و خايف ومتوهق

السلام عليكم ورحمة الله وبركاته

الله لا يهينكم يا جماعه محتاج فزعتكم

أنا رايح اندونيسيا 1 أكتوبر إلى 14 أكتوبر

طبعا بكون أنا وولد عمي وكل واحد معه زوجته

وودي اروح لأربع منااطق ( الجبل _ باندونق _ بالي __ جاكرتا )

الميزانية كل شخص 10000 ( طبعا موضوع التذاكر خالصين منه برى الميزانية)

_أبقى التوزيع المناسب لهذي المناطق

_وهل يمكن نسكن بالجبل بفله واحده تكون لك واحد خصوصيته ( غرفه منفصله بحمامها)

واذاا امكن ذالك أذا احد يخبر لي فله أهم شيء الأمان

_بالنسبة لباندونق وين السكن المناسب فيه بأسعار مناسبه

وهل يمكن الذهاب من باندونق إلى بالي مباشره من غير الرجوع إلى جاكرتا

_بالنسبه لبالي ودي بسكن مناسب للعوائل و أيش الاماكن اللي ممكن أزورها ببالي بحيث تكون مناسبه للعوائل

تكفون يا شباب والله متوهق وخايف وناس تقول زحمه ما راح تلاقي سكن و ناس تقول ما فيه أمان خاصه وأني مع عوائل
تكفون افيدوني

مواضيع عشوائيه ممكن تكون تعجبك اخترناها لك:

• ابي رايكم فيها
• شنو افضل مدينتين للساحه
• تكاثرت الضباء على خراش ياقوم هلموا الي ببرنامج سياحي
• استفسار
• محتار شهر العسل تكفون عطووني الحل
• ارجو المساعدة كم يبعد مطار دنباسار عن سمينياك و فين مكان فيلا مناسبة
• اول مرة اسافر اندونيسيا الفزعة يا اخوان
• استفسار عن حجز من اندونسيا الى السعودية
• سؤال من فضلكم
• مشكلة بونشاك و يوم السبت والاحد
• ممكن مساعدة
• فديت قلوبكم شوفوا جدولي كيف
• محلات اﻵوت لت فاكتوري في باندونق
• مسافر إلى اندونيسا واتمنى مساعدتكم
• ابحث عن افضل مساج في بالي
• خيار جيد للسكن في بونشاك لشخصيين عزابية
• فيزا الراجحي
• تذآكر اندونيسيا استفسار وبحث عن أفضل الأسعار
• استفسار عن تذكرتي
• كم مزيانية 13 يوم في اندونيسيا

شف يا حبيبي انا بالجبل لا تسكن بفله موحشه جدا ان سكنت واول مره اسافر مع زوجتي اسكن يسيروني 2 ورخيص 270 اول اقل لاتحجز اي مكان اكثر من ليله يمكن تغير رايك خصوصا اذا جيت انا حاط براسي برنامج 9 ايام لكن شكلي ابخليها خمسه ايام وارجع

الجبل بسيروني
باندونق استون تروبيكانا واهم شي السواق حاول يكون من الجبل عشان ما يزعجك واذا قدرت تنسق سواق في الجبل وسواق في باندونق يعني يكون من باندونق عشان يتغدى وينام عند اهله وتفتك لا يطلب منك طلبات احسن وبجاكرتا سواق احسن ويا كثرهم

لكن والله اكثر شي ضايقني هالسعوديين يحسبون الله في السعوديه والله شفت كبار وشكلهم متزوجين ومعهم بنات يحسبون الله غافلا عنهم........................اهم شي ايتعد عنهم

حفظك الله انت وعائلتك ومن معك

تسلم أخوي مقدام الخير
أنا سمعت عن فندق سيروني كثير
بس كان خاطري اسكن بفله تكون مناسبه ومحافضه وأمنه
ياليت أي احد يعرف لا يبخل على

ما قصرت اخوي مقدام الخير على النصايح
يعطيك الف عافيه

المشاركة الأصلية كتبت بواسطة هاوي سراب
http://www.arabtravelersforum.com/tr...6/#post6196746

السلام عليكم ورحمة الله وبركاته

وعليكم السلام ورحمة الله وبركاته

الله لا يهينكم يا جماعه محتاج فزعتكم

أنا رايح اندونيسيا 1 أكتوبر إلى 14 أكتوبر

طبعا بكون أنا وولد عمي وكل واحد معه زوجته

وودي اروح لأربع منااطق ( الجبل _ باندونق _ بالي __ جاكرتا )
اذا امكن تلغي باندونق وترجع جاكرتا من الجبل وتطير على بالي
الميزانية كل شخص 10000 ( طبعا موضوع التذاكر خالصين منه برى الميزانية)
طيب جدا بس لازم الاحتياط
_أبقى التوزيع المناسب لهذي المناطق
الجبل 4 ليالي باندونق ليلتين بالي 6 ليالي جاكرتا ليلتين
_وهل يمكن نسكن بالجبل بفله واحده تكون لك واحد خصوصيته ( غرفه منفصله بحمامها)
نعم يمكن. انا لقيتها في مجمع كوتا بونقا ويمكن تلاقيها في فلل ثانية سواء بمجمعات أو منفصلة
واذاا امكن ذالك أذا احد يخبر لي فله أهم شيء الأمان
مجمع كوتا بونقا الأمان 100% حاطين بوابات وأمن وسكيورتية 100%
_بالنسبة لباندونق وين السكن المناسب فيه بأسعار مناسبه
والله ما أقدر أفيدك في باندونق
وهل يمكن الذهاب من باندونق إلى بالي مباشره من غير الرجوع إلى جاكرتا
نعم يمكن عن طريق مطار باندونق ولكن الرحلات محدودة من جاكرتا كل بعد نصف ساعة رحلة رايحة لبالي اذا مو أقل من نصف ساعة
_بالنسبه لبالي ودي بسكن مناسب للعوائل و أيش الاماكن اللي ممكن أزورها ببالي بحيث تكون مناسبه للعوائل
ابحث عن الفنادق الموجودة في منطقتي سمينياك أو نوسا دوا وفيه بعض الفنادق اللي تناسب العوائل في المناطق الثانية انا رحت لفندق هارد روك وفندق جياكرتا في منطقة كوتا ولقيتها مناسبة للعوائل وخاصة اذا انت طلبت بعيد عن المسبح
تكفون يا شباب والله متوهق وخايف وناس تقول زحمه ما راح تلاقي سكن و ناس تقول ما فيه أمان خاصه وأني مع عوائل
تكفون افيدوني
لا تتوهق ولاتخاف الامور سهلة وبسيطة وإنتم ماشاء الله تعتبرون قروب مجموعة يعني أموركم تتسهل بإذن الله وعن الزحمة لاتشيل همها الفلل كثيرة خاصة للعوائل ومجمع كوتا بونقا والمجمعات الثانية الخاصة بالعوائل بتلقى فيها فلل لأنو العوائل قليل في الوقت اللي انت بتروح له.. وبالتوفيق أي استفسار انا متابع لموضوعك



طبعا أنا كنت في الجبل وبالي قبل ااسبوع ومن واقع التجربة قلت هالكلام هذا لاتأخذ بكلامي إذا ماعجبك

بالتوفيق ..

انصحك بمجمع كوتا بونقا امان وخصوصية تامه واسعار مناسبه

المشاركة الأصلية كتبت بواسطة نويدر
http://www.arabtravelersforum.com/tr...6/#post6197028


طبعا أنا كنت في الجبل وبالي قبل ااسبوع ومن واقع التجربة قلت هالكلام هذا لاتأخذ بكلامي إذا ماعجبك

بالتوفيق ..



الف شكر أخوي نويدر

والله أنك طمنتني كثير

الله لا يهينك ولا يحرمك الأجر

ولك مني الدعاء وأنا مسافر

المشاركة الأصلية كتبت بواسطة khaleid zhranei
http://www.arabtravelersforum.com/tr...6/#post6197042

انصحك بمجمع كوتا بونقا امان وخصوصية تامه واسعار مناسبه




مشكووور أخوي خالد

يعطيك الف عافيه