الموضوع: بخصوص شركات الجوال في كندا

السلام عليكم

انا حاليا في كالقري وصلت امس الحمد لله

انا بطلع لي رقم كندي ان شاء الله بس حبيت اسأل واتمنى تفيدوني عن الشركه الافضل والارخص للجوال .. سواء للاتصال للسعوديه او الاتصال على جوال داخل كندا .. واذا كان فيه عروض حلوه يا ليت تفيدوني فيها بعد .. والله يجزاكم خير ..

انا بانتظاركم ويعطيكم الف عافيه ..

مواضيع عشوائيه ممكن تكون تعجبك اخترناها لك:

• اريد كل المعلومات الممكنة عن الحياة فى كندا
• مبتعثة ضمن برنامج خادم الحرمين هل تذاكر السفر للمبتعث والمرافق على حساب الدولة
• مــحــــتـــاج خـــــبـــــرتــــكـــم ضــــــروري
• لأول مرةمن السعودية إلى كندا عن طريق البحرمساعدة لبداية المشوار
• مساعده عن فانكوفر؟؟
• سؤال عن معهد في تورنتو وعن افضل خط سير الى تورنتو ؟
• احدااااااااث الفيزه من التقديم حتى الاستلام
• للمقيمين بكندا الله يجزاكم عني خير الجزاء لاتبخلوا علي بمعلوماتكم
• ماهي افضل المعاهد لدراسة اللغة في كندا
• شركات الجولات السياحية في كندا
• التنقل داخل كندا مساعدتكم ياشباب كندا
• رحلة دراسية الى
• خدمة الأرصاد الجوية لكندا
• عاجل جدااا
• ما رايكم بمعهد ايسبكت بفانكوفر بكندا ؟
• مطلوب معلومات عن ولاية كوبيك بمعاهدها وجامعاتها
• كيف نعرف بدخول رمضان في كندا؟؟
• ترقبوا التقرير القادم عن كندا لما تفك ماراح تّسّك
• ممكن مساعدة بخصوص أماكن التسوق
• كيف سيكون الجو ؟

اخوي انا فتورنتو ومطلع شريحه من فايدو طبعا فاتورة والوضع اوكي ,,,,, طبعا عندهم باقات الاهم خذ باقه فايدو تو فايدو فري و باقه استقبال المكالمات فري ,,,,
الاتصال ع السعودية غاالي عشان كذا شوف بالأكشاك والسوبر ماركت تلاقي بطاقة اتصال اسمها تيربو وفيه بطاقات تانيه رخيصه 40 دقيقه للسعودية بــ دولارين ونص ... غالبا تلقاها عند الصينين والهنود

يعطيك العافيه اخوي rakeeb بالنسبه للبطاقه اللي قلت ب 2.5 دولار و40 دقيقه للسعوديه ما تذكر اسمها ؟ وهل هي مخصصه للجوال ؟ وكيف اشحن الجوال بهالبطاقه وهو فواتير ؟

وبالنسبه لجوال الفواتير باقه فايدو تو فايدو فري هاذي كيف اطلعها وش يطلبون مني بالضبط ؟ يحتاج اخذ الجواز معي ؟

وجزاك الله الف خير ..

انا سبق بأن استخرجت من فايدو فاتورة وكانت حقا روعه وكنت استخدم هذه البطاقات وبالتحديد استخدمت بطاقة مكالمات اسمه فيزا وطبعا تختلف المدة اذا كنت تكلم على جوال سعودي او على هاتف ثابت
والمكالمات على اي جوال كندي من فايدو كانت مجانية من الساعة 8 مساء الى الساعة 7 مساء والويك اند مجانا
وايضا استقبال المكالمات الدولية مجانا طوال الوقت

على ما اعتقد بأن المكالمات الدولية الصادرة من جوالك خارج الفترة من 8 مساء الى 7 صباحا هناك رسوم تحسب عليك حتى لو استخدمت البطاقة

اخوي بما انه لي سنتين في كندا انا بعطيك نصيحتي
الشركات شوف الي يناسبك من باقات ومن شركات الناس تمدح فايدو بس انا مع روجرز
وللاسف غلطتي في البداية ولو حاولت اني اغير ولا شيء راح اظطر اني ادفع ولا 400 دولار
عشان بس اطلع من الشركة كندا في الجوالات نظامهم جداً سيء لذالك لازم انت تعرف
استخدامك للجوال في ايش ؟

تكلم السعودية كثير ؟
تستقبل مكالمات من السعودية كثير او من كندا ؟
تكلم ارقام كندية في نفس المقاطعه كثير او في خارجها ؟

لازم انت تحدد الوضع بنفسك

على سبيل المثال اذا انت في شقه انا انصحك تقدم لك على تليفون ثابت ايجاره بالشهر 19 دولار
ولك شهرين بلاش اول ماتشترك التليفون هذا يخليك تكلم اي جوال ولا اي ثابت ولا اي رقم في امريكا بلاش

بتقولي طيب من الجوال اقدر اكلم بقولك صح بس الجوال اغلب الشركات معدا شركة بيل
تعطيك حد معين على سبيل المثال لو فرضنا اخذت ابو 1000 دقيقه في الشهر
اذا انت تكلم كثير راح تخلصها بدون ماتحس ونهاية الشهر راح تشوف فاتورتك 1000 او اكثر دولار مثل ماحصل مع كل السعوديين وهذا حتى لو كانت المكالمات المستقبله بلاش ؟ لحظ فيه بلاش وفيه شيء مو بلاش

معلومة ثانية انت الحين لمن تشتري البطاقة الي تكلم فيها السعودية انا انصحك بالبطاقة الي اسمها Good Call
هذي تعطيك على جوال سعودي 42 دقيقه وبالنسبة لثابت الى مال نهاية
وبصراحة تعتبر الافضل بيق تايم ولا غيرها كلها فاشله وتضيع فلوسك على غير سنع وهذه نصيحة مني لك انا الحين امتلك ولا 2000 كرت من جيت كندا لانه انا اكلم السعودية بشكل كثير
طبعاً الرقم الي تتصل عليه من المفروض انه مجاني لكن انهم يحاسبونك عليه وهينا يبداء الدرس ؟
الرقم هذا تتصل عليه من الهاتف الكندي بلاش بس من الجوال يحسبون عليك بعض الشركات مثل بيل ماتحسب عليك
بس بيل فيه عيب ومادري اذا تعدل ولالا الاول انك لازم تستخدم جهازهم يعني انسى رسائل بالعربي
والثانية انه اي مكالمة مستلمه خارج كندا محسوبه على ظهرك يعني كلم بلاش 24 ساعة في كندا
بس لاتستقبل ماكالمة دولية

عدة امور مادري هل انا شرحتها لك بشكل غير مناسب ولالا بس ان شاء الله انك تفهم علي

ايضاً اذا ماتحب تطلع ثابت تقدر تشتري رصيد في سكايب ويسمح لك تكلم اي جوال كندي ولا امريكي بلاش
والرصيد با 30 دولار مدة سنة طبعاً لاتفكر تكلم السعودية لانه بيطير الرصيد بس انت خلك ذكي واشتر البطاقة الي تكلم السعودية وحط الرقم تبعها وحط بعدها السعودية يصير بكيدا انت استخدمت الاسكايب في ماكلمتك للسعودية بدل الجوال
والصفاوة عسل مثل الجوال وعلى حسب سرعتك بس السرعة بكندا ما شاء الله تبارك الله مايحتاج اقول

اذا بغيت شيء ثاني اخوي او مافهمت علي انا اشرح لك من جديد
كل الي ابيه منك الدعاء بس اخوي


تقبل تحياتي

الله يعطيكم العافيه جميعا

اخوي d60 مشكور وما قصرت ..

انا اللي ابيه بالضبط تكون المكالمات المسقبله من السعوديه بلاش .. واتصالاتي على السعوديه اغلبها جوال يعني ما اكلم على ثابت بالسعوديه كثير .. والاستقبال والارسال بالرسايل عربي ..

وارسال المكالمات داخل كندا تكون اسعارها مقبوله والاستقبال اتوقع اكيد بلاش ..

وشاكر لك على المساعده والله يوفقك ..

المشاركة الأصلية كتبت بواسطة ابـو تركي
http://www.arabtravelersforum.com/tr...0/#post2370070

الله يعطيكم العافيه جميعا

اخوي d60 مشكور وما قصرت ..

انا اللي ابيه بالضبط تكون المكالمات المسقبله من السعوديه بلاش .. واتصالاتي على السعوديه اغلبها جوال يعني ما اكلم على ثابت بالسعوديه كثير .. والاستقبال والارسال بالرسايل عربي ..

وارسال المكالمات داخل كندا تكون اسعارها مقبوله والاستقبال اتوقع اكيد بلاش ..

وشاكر لك على المساعده والله يوفقك ..



انت كنك تقولي خلهم يطلعون لي بلان جديد او نظام جديد او بالاصح ابي جوال على مزااجي لووول
ابو تركي مافيه شيء كيذا هينا لازم يتربحون من وراك ومافيه شيء كامل مستحيل تلقاه
انا توقعت انت تبي شيء معين واحد بس تبيها كلها مارح تجي بس مدام كيذا بعطيك
حل ومادري يمشي ولالا لانه كل فتره في بلان جديد عندهم لذالك مادري

عموماً خذ لك روجرز او فايدو شوف الي يعجبك بس اول شيء تختاره وتحطه في القائمة

المكالمات المتصله مجاناً ( هذي الخدمة حقت اتوقع ابو 3 سنين اشتراك )
اذا حبيت تلغي الخدمة راح تدفع غرامة 400 دولار ؟؟

تطلب اظهار رقم المتصل

ماعتقد تحتاج شيء ثاني


بالنسبة للبلان شوف لك بلان يعطيك دقايق كثيره تتصل فيها سواء في وقت الذروة ولا غيره
او بالاصح اذا لقيت بلان الطلاب راح يكون لقطه هذا لك بس ماعتقد انك بتلقاه لانه انتهاء قبل 10 ايام اتوقع
وهو يعطيك 10 ارقام بلاش تتصل عليها في اي وقت بتقولي شسوي فيها الارقام هذي انا اقولك

اول شيء والمهم ان رقم البطاقة الي انت بتتصل عليه ومن تتصل على السعودية يكون مضاف ؟؟

لانك انت ماراح تكلم احد في كندا وان اتصلت عليه دقيقتين ولا 3 ولا 5 وانتهت السالفة
بس اذا بتدق من بطاقة اقل شيء ساعة ولا غيره واذا بتدق على ثابت سعودي من ساعتين وطالع
يعني مافيه امل الدقايق الي هم عطوك اياها بتخلص وبعدها بتبداء الحسابة وبيصير فيك مثل ماصار فيني
فواتير على 1700 ولا 900 وانت طالع

لذالك لازم تشوف لك بلان يعطيك رقم لو واحد مجاني وتحط رقم البطاقة وتتصل عليه بس


شوف هذا كله وجع راس لو عندك ثابت بلاش تتصل مايحتاج لا بلان ولا خربطه اي بلان بيمشي معاك كويس

وترى البلان الي اتكلم عليه مع التاكس والخربطة يطلع ابو 75 دولار
يعني لو مرسل رسائل وكيذا تصك ال 100
وهذا يعتبر عندهم غالي بس شسوي مابي اتوهق انا مثل اول

شوف وش انت اقرب فرع لك وشوف الباقات الي تناسبك بس احسبها مثل ماقلت لك