الموضوع: ظروري تكفون ولايه اوريغون

أولا السلام عليكم
ثانيا والله انا بفش خلئي فيكم على قولة اخواننا السوررين هههههههههههه
ثالثا ابي ذا السفاره مطلعتلي قرون صارلي شهر وانا اتصل وارسل فاكسات وايميلات وياغافلين لكم الله اهئ اهئ:110: شسالفه يالربع شقصتهم لايكون سكروو هههههههههههههه وقفلو على الفيزا..

والله يانا تعبت تعب بس ربي يعوضه انشالله

على كل حال مابي اطول عليكم ياشباب بس انا جاني قبول من ولايه اوريغون مدينه اشلاند ياليت وتكفون تكفوون تفكوون لاقالها عتيبي ردو عليه والا بتصير مذبحه هنا ههههههههههه يلعن ام علوم القبايل:11ight:

شرايكم بمدينة اشلاند بولاية اوريغون هذي مقارنه بالمدن الثانيه مثل بورتلاند وغيرهاوياليت تعطوني تفصيل عنها من ناحيه اسعارها لاني بصراحه بعتمد على 1219 دولار حقت البعثه :110: ولد فقر ههه وجمال المدينه وجوها والناس اللي فيها وعسا مافيها تعصب لايكون تورطنا يارجال:114: ابيها من جميــع النواحي ياليت باقرب وقت تكفوون يالربع لاني بصراحه اخترتها على عماها هههههه بس رب صدفه خير من الف ميعادوايها افضل السكن سكن طلاب او مع عايله من ناحيه تعلم اللغه بسرعه والراحه النفسيه تكفوون ياليت يكون تقرير شامل عن المدينه او ردرو استفيد منها تكون كثيره واي واحد من نفس المدينه هذي بيروح بعثه يعلمني او يظيفني على الاقل نعرف بعض ونكون على تواصل دايما وياليت تعطوني بعد معلومات عن سانتا باربرا من ناحيه اسعارها وجوها وكل شي فيها

اتمنى انكم تردوون علي ظروري باقرب وقت وتشوفولي حل مع ذا السفاره اللي رافعتن ظغطي ههههههههههه بس شنسوي :110:

انتظركم على احر من الجمر

مواضيع عشوائيه ممكن تكون تعجبك اخترناها لك:

• فيزا سياحية في غير البلد الاصلي
• سجلت في معهد ELS في اوهايو Cleveland في جامعة Case Western Reserve...
• في اليوم الي استلمت فيه مشلح التخرج دقو السفاره
• لوس انجلوس، الولايات المتحدة الأمريكية
• سكن في اورلاندو
• ضروري مدينة ايرفاين وخاصة الاخت بنت الصقور
• ماهي أسئلة مقابلة موظف السفارة الأمريكية بالرياض
• نيويورك لمدة يوم واحد
• المساعدة في ترتيب ايام وسكن مدن الساحل الغربي الساحل الغربي
• استفسار ومساعده لو سمحتوا
• انطر الموافقه من سبوع لي اسابيع
• فنادق لاس فيقاس؟
• مراسلة الجامعات الأمريكية
• الكرت الأخضر وش معناته
• الرجاء المساعده
• كيف اسحب جوازي من السفارة
• مخطط رحلتي الى الولايات المتحدهارجو المساعده
• ياريت حد يساعدنى فى اسرع وقت
• موعدي الأربعاء القادم جوان أرجو الدخول
• اتمنى تفيدومي؟؟

ميزة oregan طبيعة خلابه و مافيها tax فيها عرب و سعوديين كثير قريبه من seattle اهلها مررررره طيبين وهذا اللي اعرف

في hatha el link ملتقى الطلاب السعوديون في امريكا
http://www.saudiclub.us/almoltaqa/fo...0&daysprune=-1

اذا انت بتروح لاورجون انت قدامك ثلاث مدن لاتفكر في رابعه الاوهي : بورتلاند وايوجن وكورفالس ..

بورتلاند كبيره مره وحلوه وطبيعتها حلوه واكثرها سعودين وخليجين بشكل ماتتصوره انا هالكلام جايبه من واحد يدرس بها يقول عدد الطلاب السعودين والعرب خيالي .... وايوجن مدينه صغيره او قريه جوها حق دراسه مافيها صخب المدينه يعني الجامعه احسن مافيها وبرضو كورفالس نفس الشئ .... والجامعتين اللي بايوجن وكورفالس اقوى من اللي في بورتلاند ...

ياحبايبي ياغالين ياعسل انت وياه هههههه معصب ترا لووول

انا ابي مدينة اشلاند شرايكم فيها من جميع النواحي اسعارها وناسها وفيها عرب او لا ودراستها وطبيعتها كل شي فيها..

اهئ اهئ والله شكلي لحالي بالجامعه محد معي والله هالورطه شكلي بلغيهاا..

الفزززعه يابنت الصقور الشعب مطنشني ترا بنجن هههههههه

طلع الشيب براسي والسبه ذا المدينه اشلاند اللي ماعرف شقصتها شكلها جايه من تحت الارض محد يعرفها ههههههههه

والسبب الثاني السفاره لابو ابليس ههههههههه عصبت بقووه

بنتظركم ياحلوين

شرايكم بمدينة اشلاند بولاية اوريغون هذي مقارنه بالمدن الثانيه مثل بورتلاند وغيرها



آشلاند أصغر حجما يعنى قريه ... بس كطبيعه و شعب نفس الشي .. حتى الأسعار واحده تقريبا ... و الله دام جاك قبول فيها ، توكل على الله ...

اخوي ملك كيف الحال وعلى البركة القبول وعقبال الفيزا وانا جاني قبول جنبك في بوتلاند

بالتوفيق لك ابو فيصل واشكرك على مرورك الكريم

اهئ اهئ ابي واحد معي بمدينه آشلاند والله ياذا المدينه تعقدت منها قبل لااروحلها شكل مافيه احد معي فيها هههههههههه يلعن ام الفله ياحسااام

من ناحيه بتلقى سعودين فبتلقى وانا متاكد 100% بس وش تبي بالسعودين انا انصحك ابعد عنهم في فتره اللغه والله ترا بتنشب فيهم مايمديك تنفك عنهم بعدين وبعد اللغه بكيفك عموما مدينه ايشلاند مادامها في اورجون انا اضمنلك انها حلوه وناسها طيبين لان ولايه اورجون من اشهر الولايات احتواً على العرب

الامبراطور مشكور يالغلا

وشورك وهداية الله انشالله

واشكر لك ثاني مره مرورك يالغلا

ما سمعت احد يشتكي من اوريجن

سلام ,,,,,,, بالنسبة لولاية اوريغن فهي معروفة بانها جدا ممتازة للطلبة وسمعتها وسمعت اهلها جدا كويسة , بس بالنسبة للسكن فعندك وحدة من الثنتين أما سكن مع عائلة وهذا طبعا هو الصح بس خاضع لارتياحك الشخصي من ناحية السكن مع ناس في بيتهم كذلك خاضع للحظ لأن العائلات ماهي سوا يعني فية عائلة بنت عائلة , وعائلة اي كلام . الخيار الأخر هوا ان تسكن مع أحد الطلبة اللي بتقابلهم هناك ويدورون شريك في السكن وهذا كذلك خاضع لنفس النقطتين السابقتين اضافة الى أن دراستك وابحاثك راح يكون معظمها في الكبسة السعودية والشكشوكة . أما الخيار الثالث فلا انصح بة الا وهو السكن في الدورم اي سكن الطلبة لأنة عادة مايصلح لنا ومن الأسباب أن الحمامات اعزكم الله مشتركة ثانيا المطبخ مشترك ثالثا ازعاج وهستره على قولتهم وغرف مشتركة وفي النهاية غالي يعني سكن مع عائلة بغرفة خاصة وحمام خاص عند عائلة بنفس السعر او اقل او اغلى بمبلغ بسيط وهذا يحددة اسعار الأسكان في كل ولاية لكن انا متأكد أن عائلات اوريغن ماتتعدي 525 $ شهريا شاملة وجبتي الافطار والعشاء ويفترض ان معاملتهم تكون جيدة لأنك مصدر دخل لهم بس بشرط لازم تعرف الروللز اي نظام الهوستنج اي الأسكان عند العائلات مثلا التدخين يكون خارج المنزل اذا كنت مدخن, عدم الأسراف في استهلاك الماء والكهرباء ,وقوف سيارتك في مكان متفق علية وعدم مزاحمتهم في مواقفهم , التزام الأدب , عدم الأزعاج , المحافظة على النضافة , عدم التدخل في شؤنهم الخاصة , أحترام الجيران وحيواناتهم الأليفة اذا كانو يمتلكون شيئا منها , دفع الأيجار في الوقت المحدد , أبلاغهم أذا كنت سوف تنام في خارج المنزل ولو لمدة لليلة واحدة لكي لايقلقون على سلامتك , عدم أستخدام تلفون المنزل للأتصال بخارج الولاية او خارج امريكا الا بأذن مسبق ( وانا انصح عدم استعمال هاتفهم نهائيا او اعطاء اي احد رقمة منعا لأحراج الطرفين ) اما اخيرا فهو من الأفضل الا تدعوا اي احد من اصدقائك الى المنزل الا في حالات خاصة مثل اذا كنت مضطر لذلك مثل زميل سوف يذاكر معك او يدرسك ويمكنك ان تستضيفة بغرفتك الخاصة كما أن العائلات لاتسمح بذلك أذا ماكانت زميلة . اتمنى لك التوفيق وخليك جدي لما تروح لأنك رايح تبني مستقبل ودولتك ماقصرت عليك جالسة تصرف مبالغ طائلة على أبتعاثك ويجب أن يكون لها مردود أولا عليك ومن ثم على الوطن وسلامتك .

لافظ فووك ياعاشق الابتسامه

كفيت ووفيت حبيبي وانشالله بناخذ بنصايحك بس خلي يجي موعد السفاره المنحوس صارلنا فتره نرسلهم فاكسات ولامعطينا وجه ابدا

والتلفونات مشغوله..

ومالنا الا الصبر

Ashland تقع على الحدود الجنوبيه ل Oregan جنب Med Ford مدينه حلوه 4 ساعات عن Portland و 3 ساعات عن Eugene مدينه حلوه بعد ساعتين عن Crater Lake ( بحيرة على فوهة بركان) 5 ساعات عن San Fransisco
اتمنى اني افدتك

تسلمي وماقصرتي بس انتي حطيتيلي حدودها بس

وشأبي بحدودها انا ابي جمال طبيعتها وناسها ورخصها وهل هم متعصبين او لا واي افضل هي والا اوهايو من جميع النواحي..

طرار ويتشرط هههههههههههه

والف شكر لك على مرورك ياعســـل..

مدينه بورتلاند ماتصلح ابدا لدراسه اللغه الانقليزيه هل هذا صحيح لكثره السعوديين والخليجيين فيها؟

ما قصرت اخوي وفقك الله

هلا بالموجودين كلهم..........الرد طبعاً متأخر جداً.....انا من الطلبة الموجودين في المدينة من قرابة الشهرين.........المعهد Els صغير جدا جداً...عدم وجود فصول كافية لوضع كل مستوى في كلاس لوحده وانما يتم وضع تقريباً 3 الى 6 مستويات في فصل واحد...وهذه المشكلة التي تواجهنا....كذلك النقص في عدد المدرسات...وقد قدمنا شكوى على ذلك الوضع ولم يتم تداري المشكلة...وتمت مخاطبتنا للملحقية على ان ننقل الى جامعات اخرى او معاهد وتم الرفض.
اتمنى اخي الكريم ان لا تستعجل في رأيك وتفكر بتمعن شديد قبل الاقدام على هذه الخطوه

تحياتي

مادري وشتقصد المعهد اللي باشلاند او غيره؟؟؟

ايه نعم المعهد الموجود باشلاند.......وعلى فكره الصورة الموجوده على كتاب Els هي صورة جامعة جنوب اوريغون الموجودة باشلاند...واي استفسار انا حاضر اخي العزيز

ابدا احسن ولايه اوريغون رح ولاتفكر كثير نصيحه مني

يا جماعه الخير


السلام عليكم

انا شايف ان الموضوع قديم جدا ولكن بعد بحث في قوقل طلعلعلي الموضوع

وابغى استسفرعن الطلاب الموجودين في مدينه اشلاند لاني بقدم على جامعه جنوب اوريقون

واعطوني رأيك فالمدينه طبعا ارائكم كانت قبل سنتين او 3 سنين وابغى ارائكم الان


ياليت تساعدوني

عاجل جدا