السلام عليكم
الحمدلله وصلت فانكوفر بسلام وقد كان لهذا للمنتدى فضل كبير علي وبعض المنتديات الاخرى بس حبيت اشرح لكم معاناتي مع السفاره الكنديه في الرياض علشان مايصير لكم زي الي صار لي
قدمت على الفيزه عن طريق ارامكس في 28 /5 يعني قبل الرحله بشهر بالتمام لاني سالت السفاره كم تجلس الفيزه وتخلصونها قال من 15 الى 20 يوم بالكثير وانتظرهم ثلاث اسبابيع مادقوا لا السفاره ولا ارامكس والله وادق على السفاره قالوا مانجاوبك الا على الايميل او الفاكس وارسل لهم ايميل يوم الثلاثاء واحتري الرد اربعه ايام ولا جاء والله ويضيق صدري اليوم الاحد والرحله السبت بعد اقل من اسبوع وارسل ايميل ثاني وانتظر يوم ولا ردو وارسل الثالث ولا ردو:112: يوم جاء يوم الثلاثاء وادق عليهم قلت لي 25 يوم ولا جاني رد وارسلت ثلاث ايميلات قالو ارسل فاكس بالانجليزي وقلهم ان رحلتك بعد اربعه ايام والله وارسل لهم و اقل من ساعه الا رساله على منهم جتني الجوال قالو ارسل تعريف عمل الوالدو كشف حسابه بالانجليزي مع اني معطيهم كشف الحساب حقي وقايل لهم انه انا الي بروح على حسابي لاني موظف المهم الوالد مسافر برى الرياض ولاهوب جاي الا بعد روحتي بيوم:114: قلت مالي الا اخوي الكبير اخذ من كشف حساب وتعريف ويالله الحق ارسلها بالفاكس الساعه وحده الظهر ودوامهم بخلص اربع العصر والله ويخلص دوامهم يوم الاربعاء بدون مايردون والخميس والجمعه مافيه دوام يعني بيداومون السبت وانا رحلتي السبت الساعه اثنى عشر الليل يعني ضاع الحلم راحت فانكوفر:110: يوم جاء يوم الخميس الليل قلت بروح ارجع تذكرتي للمكتب الي طلعتها من عنده عشان ماتروح علي فلوس التذكره 7760 الله يخلف يوم رحت لهم قال لازم تجي يوم السبت الصباح علشان الخطوط السعوديه مداومين مااقدر الغيها الحين يوم جاء يوم السبت وانا في طريقي للمكتب والتذكره معي قلت ياولد بجرب ادق على السفاره اخر مره وادق واقول لهم لي شهر مقدم والرحله اليوم الليل قال خلاص مر السفاره الساعه 12 الظهر ومعك التذكره خفت انهم بيسوون لي مقابله وخرابيط لانه مستحيل يسلموني الجواز الاعن طريق ارامكس لاني ماحاسبتهم ولازم ياخذون حسابهم والله وادخل على قسم الفيز في السفاره وقال وش اسمك قلت قيد الانشاء والله وينطل علي الجواز فيه الفيزه بتاريخ اليوم يعني ماحطوها الا بعد ماكلمتهم هوحلم والاعلم :109: واطلع من عندهم وعلى البطحاء سيده اصرف دولارت كنديه ب3.75 يعني زي الامريكي لانه مو متوفره في البنوك واقعد اشتري بعض الاغرض لاني ماكنت شاري اي شي من فبل ابد لكن الحمدلله لحقت اشتري بعض الاغراض الضروريه والباقي الله يعينني على الغلاء اشتريها من فانكوفر...........
واي سوال انا حاضر وتحت امركم...........مواضيع عشوائيه ممكن تكون تعجبك اخترناها لك:
- استفسارين بــس
- أريد دراسة لغة انجليزية بكــنـدا
- نموج من الأنترفيو
- أحد يعرف طريقة للحصول على فيزا لكندا من صنعاء
- ابنكم الجديد
- تذكرة لفانكوفر
- الابتعاث والمرحله الخامسه سؤال
- استفسار عن أفضل شريحة انترنت للجوال مسبقة الدفع
- توثيق الاوراق و الشهادات
- ايها العرب المتواجدون في اوتاوا مساعدة الله لايهينكم وشكرا
- رايكم نأخذ جولة حول أوتاوا بكندا ؟ موضوع ضخم
- يا شباب انتبهو من شخص اسمه غالب يسمي الي يلجاؤن له بالغبياء
- الرجاء من الأخوان مساعدتي عن هاليفاكس
- ساعدوني ابغى اهج
- ناوي اروح كندا مع عائلتي
- كل من حصل على فيزة كندية
- ممكن مواقع أستطيع الحجز عن طريق الأنترنت
- إستفسااار
- احتاج مشورتكم الله يوفقكم مشكله في الفيزا
- عـــاجل ومهم ، الفزعة ، سفرتي الاسبوع الجاي ابيها
رد مع اقتباس
المشاركة الأصلية كتبت بواسطة fms
المشاركة الأصلية كتبت بواسطة المجاهد هزبر
المفضلات