الموضوع: خبراء امريكا ساعدوني اول مرة بروح وخايفه

السلام عليكم ورحمة الله وبركاته
اخواني واخواتي .. قررنا انا وزوجي باذن الله راح تكون سفرتنا الى امريكا هذا الصيف .. بس حد خايفه لان انا علي التخطيط وهو عليه الدفع

بالنسبة للسفرة قررت تكون شهر او 20 يوم مقسمة كالتالي :
1- ( 4 ايام في نيويورك لزيارة المعالم السياحية هناك )
سؤالي الاول بالنسبة لنيويورك .. افضل الفنادق من حيث الموقع والسعر ؟

2- وجهتنا الثانية راح تكون اورلاندو علشان الاطفال
سؤالي الثاني .. كم يوم يناسب اورلادندو ؟ وماهي افضل واقرب الفنادق الى والت ديزني ؟ واذا عندكم نصايح للاماكن المقترح زيارتها في اورلاندو

3- تنصحون بلاس فيجس ؟ والا عندكم اي اقتراح ثاني ؟

انا ودي احط النقاط الاولى لرحلتي وبعدها راح اقرى تقارير مختلفه للي راحوا قبل بس حبيت في البداية استفسر عن هالامور وشكرااااااا

مواضيع عشوائيه ممكن تكون تعجبك اخترناها لك:

• شو باخذ معي اغراض؟افيدوني طول اعماركم
• ضروري ارجو المساعدة
• ارجو المساعده ياهل الخير ضروري
• احتاج برنامج سياحي لامريكا
• برتش ايرويز اختلاف سبلنق الاسم بين التذكرة والكردت كارد
• أباااااا دخون خواتي اخواني واشنطن دي سي
• عندي حالة معقدة شوية هل في أحد يقدر يفيدني فيها ؟
• مساعدة للسفر الى اورلاندو
• عاجل تفجير مبنى في منهاتن اخي هل انت بخير ؟؟
• خبراااء أمريكا أحتاااج مسااعدتكم ضروووري
• خط طيران رخيص وممتاز لأمريكا
• استفسارات لخبراء امريكا
• قررت استرجع جوازي من السفارة
• استفسار لاهل الخبرة
• ولاية اركانسس بالله معلومات عنها
• مده الرحلة في الموقع غير دقيق
• راعين ميامي تكفون
• مساعده في منهاتن
• تجديد الجواز والفيزا لا زالت فعالةماهو الحل؟
• سؤال بسيط جداا حول الكتابة تكون

اذا رحلتك بس 20 يوم
خليها 4 ايام نيويورك - 10 ايام اورلاندو - يومين ميامي
لاس فيجاس بتكون بعيده وماانصح فيها للاطفال لانهم ماراح يستمتعون فيها
لو حابين انصحكم بزيارة بافلو ( شلالات نياجرا ) يومين رائعه والاطفال راح يستمتعون وحتى انتم
ومنها الى نيويورك للعوده الى الوطن
يعني توصولون نيويورك تجلسون 4 ايام
ومنها بالطائره الى اورلاندو وتستاجرون سياره وتتمشون فيها وتروحون ميامي فيها
ومنها بالطياره الى مدينة بافلو ممكن تستاجرون سياره فيها واخر شي تطلعون بالطياره من بافلو لنيويورك

المشاركة الأصلية كتبت بواسطة أمونه
http://www.arabtravelersforum.com/tr...0/#post5163350

اذا رحلتك بس 20 يوم
خليها 4 ايام نيويورك - 10 ايام اورلاندو - يومين ميامي
لاس فيجاس بتكون بعيده وماانصح فيها للاطفال لانهم ماراح يستمتعون فيها
لو حابين انصحكم بزيارة بافلو ( شلالات نياجرا ) يومين رائعه والاطفال راح يستمتعون وحتى انتم
ومنها الى نيويورك للعوده الى الوطن
يعني توصولون نيويورك تجلسون 4 ايام
ومنها بالطائره الى اورلاندو وتستاجرون سياره وتتمشون فيها وتروحون ميامي فيها
ومنها بالطياره الى مدينة بافلو ممكن تستاجرون سياره فيها واخر شي تطلعون بالطياره من بافلو لنيويورك

هلا والله بأختى الفاضله امونه بعد أذن صاحب الموضوع أنا حاجز على لاس فيجاس وحاجز على بلفوا يومين شنو تنصحيني بالاماكن حق الاطفال غير الشلالات تناغرا

هلا اختي

انا مثلك هالسنه اول مره نسافر لامريكا

بس على ماعرفت من الاعضاء ان اورلندو وميامي حاااااااااره جدا في الصيف يعني مثل جونا في الخليج

انا اقترح عليك كاليفورنيا وفيها دزني لاند الي في لوس انجلس

شوفي خطه رحلتنا

نيويورك

لوس انجلس

لاس فيقس

سندياقو

سان فرانسسكو

نيويورك

مهو بشرط تروحين هالمدن كلها بس الأهم

انك تحددين مثلا نيويورك ثم بالطياره على كاليفورنيا وتحددين اي المدن ودك تروحيلها

والاخوان والاخوات ماراح يقصرون معاك

وبالتوفيق

Engkhadkhad

لان المدة فقط 20 يوم ولان معاكم أطفال

خلكم علي اقتراح أمونة ... اقتراح ممتاز.......ممكن اضيف لها مدينة هرشي ( مدينة الشوكولاتة) وهي تقع بين نيويورك و بافالو....

يعني نيويورك 3 ليالي وبعدين بالسيارة هرشي ليلتين وبالسيارة بافالو ليلتين وطيران علي اورلاندو للمدة المتبقية.... مافي داعي لميامي

صح فلوريدا حر ومطر لاكن مو مثل عندنا بالخليج!! اورلاندو تعتبر المدينة الاولي بالعالم للترفية العاءلي.

الأخ المزعج / يوجد في منطقة Buffalo غير الشلالات مدينة العاب حلوة و مناسبة للأطفال يقضوا فيها يوما كاملا لأن بها العاب متنوعة و العاب مائية و أنصح بالذهاب اليها .
و تبعد عن Dawon Tawon Buffalo حوالي Ml. 30 من جهة الشرق اسمها Darien Lake واسأل عنها رسبشن الفندق يدلونك عليها و يمكن تشتري التذاكر من عندهم . .
اتمنى لكم رحلة سعيدة . . .

اشكركم جميعا وانا عجبني اختيار امونة وعزيز 20012001
يعني نيويورك 3 ليالي وبعدين بالسيارة هرشي ليلتين وبالسيارة بافالو ليلتين وطيران علي اورلاندو للمدة المتبقية....
وانا راح اقرى التقارير الي تخص هذه الولايات
بالنسبة لفندق في اورلاندو ويكون قريب وحلو من والت ديزني واليهال يستانسون منه شنو تقترحون علي ؟ وحتى في نيويورك ابي فندق حلو ومميز وسعره مناسب يعني مايتعدى 250 دولار بالليلة هذااا الحد الاعلى وشكرااااا

انا مع خبيرتنا امونة

حبيت استفسر

اورلاندوا مهيب مثل ماعرفت حاره في الصيف يعني تصل الى 40 درجه في النهار او اكثر


واورلاندو هي ولايه مستقله وقديش تبعد عن كاليفورنيا

وفيها طبيعه ولا

اورلاندوا حارة لاكن ليس مثل حر الخليج !! يعني العظمى ممكن توصل الى 34 درجة في شهر 7 اشد الاشهر حرارة !!
ولاكن الرطوبة احياناً تتعب !!

الامطار تلطف الاجواء لانها مستمرة طوال السنة !!

الطبيعة رائعة لان ولاية فلوريدا اصلاً غابات !!

اورلاندوا مدينة وسطة ولاية فلوريدا !!

تبعد عن كاليفورنيا بالطائرة 6 ساعات !!

بالتوفيق ,,

الف شكر على هالمعلومات

ياجماعه محد جاوبني بخصوص الفنادق
احنا ست اشخاص ونبي فنادق باسعار معقولة في نيويورك وبالنسبة لاورلاندووو انا مو عارفه النظام هناك لان لما يورو دزني باريس سكنت في نفس فندق ديزني واكيد اليهال يبون نفس الشي ان في اورلاندو نسكن داخل عالم ديزني فشرايكم ؟ بليز ساعدوني الله يوفقكم لان الاسئله في موضوعي زادت وانا سؤالي الاخير محد جاوب عليه

في اورلاندو سكنا في فندق فندق روزن شنقل كان رائع جدا وسعره رخيص لكن ليس قريب من دزني
تحتاجون سياره للتنقل في اورلاندو
الغالب يسكن كم يوم قريب لذرزني ليلتين او 3 طبعا لان دزني اولاندو اكبر من يورو دزني

في نيويورك الافضل البحث عن فنادق في منهاتن ( جربت السكن في شيراتون ) يوجد 2 في منهاتن شوفي الانسب لك عن طريق موقعهم في النت

انصحك تحجزين عن طريق اكسبيديا راح يقدم لك افضل الاسعار وراح تشوفين الصور

التقارير فيها صور للفنادق وتجربة الاعضاء وكثير فيه عن اورلاندو ونيويورك
اعرف انك ملخبطه وحايسه في الموضوع لكن صدقيني راح تكون عندك صوره اوضح اذا تفرجتي على تقارير الاعضاء لانها تحتوي على صور ومعلومات هائله

اسم الفندق : Mela Hotel في نيويورك

كراون بلازا تايم سكوير نيويورك
بعض الفنادق في منطقه التايمز سكوير:
W New York Times Square
Westin New York Times Square
Hilton Times Square
New York Marriott Marquis Times Square
هذا اللنك لموقع الياهو وفي خريطه تفاعليه و تقدر تحدد المنطقه الي تحب تسكن فيها و تشوف الفنادق و تختار الي يناسبك.

http://travel.yahoo.com/p-map-191501...york_city_ny-i




Fairfield Inn في اورلاندو
Marriot Grande Vista اورلاندو

هذا بحث سريع وحصلتهم لك

حياتي امووووووووووووووووووووووووووووووووووووووووووووون ماقصرتي
بس اذا صار عندي استفسارات ثانية بعد ما اقرى التقارير راح احطها في نفس هذا الموضوع .. لاتنسوني