الموضوع: سؤال محيرني عن الفيزا السياحية

السلام عليكم ....

يا اخوان اعذروني على جهلي لأن بصراحه فيه ناس جابو لي الاحباط من كلامهم اللي يقولي ماراح يعطونك الفيزا واللي يقول أن السفاره متشدده في أنظمتها ....

لكن أبي أسألكم بخصوص كشف الحساب أنا طلعته من بنك سامبا الثلاثاء والاحد الجاي المقابله يعني بيكون كملت الخمس أيام هل فيها مشكله ؟؟؟

وسؤالي الثاني أنا موظف حكومه أعطوني تعريف موظف موضح فيه الراتب والبدلات والاسم ورقمي الوظيفي وتاريخ إلتحاقي بالعمل بس ماهو موضح أسم الاداره اللي أشتغل فيها ولا مسمى الوظيفه هل فيها مشكله ؟؟؟

وسؤالي الثالث هل السفاره تاخذ التعريف وكشف الحساب والا بس يشوفونه ويرجعونه لي ؟؟؟

مواضيع عشوائيه ممكن تكون تعجبك اخترناها لك:

• سؤال بخصوص الفيزا
• استفسار بخصوص الفيزا
• انتهت المقابلة
• مشكلة ومقابلتي بعد كم يوم
• متى اعرف راسي من رجولي
• طرق استخدام الباص في ميامي او طريقة التنقل الارخص في ميامي
• اروجو المساعدة مخالفات السيارة
• انا ارجو مساعدتي
• الخطوط السعودية
• ابي اسافر امريكا بنهاية شهر مايو ولا سويت شيء
• استفسار بخصوص الفيزا للاطفال وانا لدي فيزا
• هـــــام لمن أراد ان يخاطب جامعة امريكيه
• بخصوص الجنسية الاغلى فى العالم
• ما هي الأماكن السياحية في لوس انجلوس و سان دييغو؟
• ابي مساعدتكم لان أنا في اورلاندو
• افيدوني ياجماعة عاجل جداً هل يمكن الذهاب للمقابلة بدون الجوازات القديمة
• فورم الجواز الأمريكي المساااااااااعدة
• بعد ايام موعد المقابلة وعندي بعض الاستفسارات
• الدراسه تبدأ في أغسطس إستفسار بخصوص الفيزا
• سؤال عن الكاس في أمريكا

وعليكم السلام ورحمة الله

حياك الله أخوي

بالنسبه للسؤال الأول: كشف الحساب لايوجد أي مشكله بإذن الله انا طلعت كشف الحساب قبل المقابلة بأسبوع مايدقق بس يشوف تاريخ الكشف جديد بشكل سريع حركة الرصيد خلال 3 اشهر ورصيدك الحالي فقط كلها بشكل سريع

بالنسبه للسؤال الثاني: غريبه جداً وش فايدة التعريف من غير المعلومات الأساسيه للإداره انا اللي اخبره يكون فيه اسم الجهه اللي تشتغل فيها ومرتبتك والمسمى الوظيفي وإلخ,,, تأكد منها ولاتنسى يكون التعريف بالإنجليزي ومختوم ترىالإداره لازم يكون عندهم نسخه أنجليزيه وإذا ماكان عندهم ترجمه من أي مكتب ترجمه معتمد.

السؤال الثالث: لا ماياخذ شي بس يطلع عليها وترجع لك ,, بالنسبه لي يوم مقابلتي سألني من المسؤول عن رحلتك قلت له انا قال ممكن أشوف كشف الحساب اخذه ورجعه قال اوكي بس ماسألني عن التعريف بس كان معي احتياط

المهم جلس اقل من دقيقه وقال فيزتك تمت الموافقه عليها واخذ جوازي فقط وقال رح لفيديكس سدد رسوم الجواز بموجب ورقة تأكيد الأبلكيشن وصلى الله وسلم على نبينا محمد

ان شاء الله تطلع من السفاره وإيصال فيديكس معك

بالتوفيق

أخوك

Departures

اخوي فيصل لا يوجد ما يحبط بأذن الله الاغلبية يتم منحهم تأشيرات ولمدة خمس سنوات صلاحيتها بأذن الله ,

اما خطاب التعريف الذي اشرت الية فهو ان شاء الله كافي ويفي بالمطلوب ,


بالتوفيق , , ,

أخواني شكراً لمروركم الكريم .... أفدتوني وطمنتوني ... الله يجزاكم خير

مسمى الوظيفة مهم في التعريف !!

والتعريف وكشف الحساب ممكن ياخذوه وممكن يشوفوه فقط وممكن ما يسئلوك عنها اصلاً لاكن الحرص واجب وهي من المطلوبات الرئيسية للسفارة !!

بالتوفيق ,,