بسم الله الرحمن الرحيم ..
في البداية أحب أن أشكر المنتدى و القائمين عليه من مشرفين و اعضاء .. لأن الجميع ماقصرو من نصائح و تقارير مفيده جدا ً جدا ً جدا ً ..
و من رد الجميل لـ هذا المنتدى حبيت اكتب لكم ملخص بسيط وان شاء الله ارفق فيه بعض الصور لـ رحلتي و سيكون ملخصي عبارة عن نقاط بذكر كل ما جاء فيها نقطه نقطه و إن شاء الله راح يكون مفيد لـ جميع المبتدئين في السفر لـ امريكا لأنها أول رحلة لي ..
- بصراحة فكرت بالسفر لـ امريكا بعد ما قصيت 6 سنوات دراسة جامعية و حبيت اجل هالرحله مكافئة للمجهود الي بذلته في هذه السنوات و كان القرار لـ امريكا لوجود صديق لي هناك سعودي
- الرحله كانت بتاريخ 27 / 1 إلى 18 /1 .. 20 يوم بالتمام .. وشملت فلوريدا - واشنطن - نيويورك
- مصروفي 5000 ريال سعودي .. تقريبا ً 1300 دولار
- الطيران كان عن طريق الخطوط البريطانية .. البرتش ايروايز .. تكلفة التذكرة بـ 3800 ريال .. ترانزيت عن طريق لندن 3 ساعات ..
تقيمي للطيران 8 / 10 .. رائع بكل شي الوقت و التعامل و كل شي .. بس الشي السيء جدا ً .. الضيق .. ضيق جدا ً جدا ً مافيه أي مساحة و المقاعد صغير
بالعوده كانت طيارتي ع الامريكان ايرلان .. وكانت المقاعد وسيعه و اكبر و اريح ..!!
فهذي المشكلة الي كانت بـ البرتش فقط .. و راح يكون درس لي اني ما راح اسافر الا ع الدرجة الاولى او رجال الاعمال لانها مغريه جدا
- الوصول كان لـ مطار ميامي
الطابور كان قصير لـ كبينة الجوازات و لغتي الانجليزية ضعيفه .. سألني ليش جاي .. و كم بتجلس و من وين لك فلوس اذا بتجلس هنا ..جاوبته وشكله ما اقتنع و انا صراحة ارتبكت قليلا ً .. فـ اخذ اوراقي و حطها بملف اصفر .. هنا بلعت ريقي و دريت اني جبت العيد ..
و وداني لـ حجره كبيرة لها و فيها الكثير ينتظرون .. هنا ارتحت وقلت مو لحالي انتظرت لمدة 3 ساعات تقريبا ً ولا احد ناداني و الناس تجي و تمشي وانا جالس .. بعدين شفته ماسك جوازي الاخضر وعرفت انه انا لاني انا الوحيد السعودي .. فـ قلت ارفع راسك انت سعودي ..
وشفتهم يسولفون و يشاورون بعض .. دريت ان السالفة بس تأخير نذاله فقط .. فـ ضبطت اعصابي لانهم منرفزين .. خصوصا ً إن الموظفين من اصول لاتينيه بعدين ناداني .. والموظف واضح انه صاحب لكاعه ( يعني يبي ينرفزني و يتعبني )
و أروح معه و تخيلو اسئلته فقط ..
ليش جاي ؟ و كم يوم ؟ و من وين لك فلوس ؟
وين كنت تدرس ؟ وش اسم مدرستك الثانوية ؟ و اي جامعة انت ؟ و متى تخرجت ؟ و وين بتسكن بأمريكا ؟ وش اسم امك و ابوك و ين مكان ميلادهم و تاريخ ميلادهم ؟ هل تدربت مع الجيش او على تمارين دفاعيه و اسلحه ؟
المهم جلسنا على هالإسئلة مدة ساعة كاملة بعد رحلة 19 ساعة
بعد اربع ساعات فك اسري و ختم اوراقي وقالي ان هالإجراءات ضروريه لانك اول مره تجي ولازم تعرف كل شي و لكل دولة قوانينها ... و طلعت و ما اخذت 5 دقايق لا وانا برى المطار و صديقي بإنتظاري
لكن بكل امانه مع اني جلست 4 ساعات بس تعاملهم صراحة قمة بالأخلاق و شتان بين اخلاق موظيفنا و موظيفنهم
- نصيحة لكل شخص اول مره يسافر .. اضبط اعصابك و نفسك و خلك طبيعي تمشي امورك .. بس انا لغتي ضعيفه و اتربكت في بعض الاسئلة و من حقه يأخرني و يسألوني كل هالاسئلة
و تراهم متساعدين جدا ً .. بس خلك صادق معهم .. برررد اعصابك ع الآخر
- طلعت من المطار و اخذنا فرره في ميامي شفنا اهم المعالم .. واتجهنا لـ ميلبورن .
- اقامتي كانت في فلوريدا مدينة ميلبورن الصغيرة الجميلة .. تبعد ساعة عن اورلاندو و ساعتين عن ميامي .
- اغلب الايام كنا نروح اورلاندو بما انها مدينه سياحيه و المولات فيها كبيرة وجميل ..
- الأماكن الي زرتنها في اورلاندو : 1- اليونيفرسال ( مدينه ترفيهيه خيالية بمعنى الكلمه ) و كانت التذكرة بـ 200 دولار تقريبا ً لـ يوم واحد .. و تستاهل صراحة .. وانصح الجميع اخذ التذكرة الإكسبريس لانه تدخلك الألعاب من طابور خاص بالإكسيبرس لان الانتظار بالعادي تجلس 20 دقيقة إلى نصف ساعة
2- فلوريدا مول .. وصراحة المجمع هذا عادي .. لكن لا يمنع زيارته
3- المالينا مول .. مجمع رائع جدا ً جدا ً .. و كل الماركات فيه ومش كبير مره بس ممتاز جدا ً و حلو .. وفيه مطعم تشيز كيك فاكتوري
4- ديزني داون تاون .. رائع جدا ً و فيه مطاعم و كافيها محلات هدايا و عروض حلوه .. أنصح بشده زيارته ..
5- داون تاون اورلاندو .. فيه بحيره رومانسية جميلة جدا ً .. للي متهاوش مع زوجته يروح هناك و صدقني يتراضون ع طول خخخخ
6- شارع الانترناشونال درايف .. فيه محلات و العاب و ملاهي و البيت المقلوب .. شارع جميل من اهم معالم اورلاندو لابد زيارته ..
7- الاوت لت .. بـ اورلاندو فيه 2 اوت لت .. فيه بعض الماركات غير موجوده بالآوت لت الثاني .. فـ انصح بزيارة الإثنين ع شان الواحد ما يتحسف خخخ .. و بصراحة .. أرخص شي بالآوت لت .. العطور فـ أرجوا من الي بيروح لا يوفر و يشتري كميات كبيرة لانها ارخص من هنا بكيثر أقل من 50 %
تقريبا ً هذه الأماكن الي زرتها في اورلاندو
نلتقي في الجزء الثاني بإذن الله
مواضيع عشوائيه ممكن تكون تعجبك اخترناها لك:
- الي بسافر في هذا الوقت يدخل ويرد
- استفسار لخبراء نيويورك
- الهجرة إلى اميركا من سوريا
- سؤال مستر قبل سنه في
- بريطانيا تطلب تأشيرة لنزول مطار هيثرو حتى لو كنت ترانزيت والله عجب
- التذاكر الداخليـه
- عاااجل جداااااا
- الامان في نيويورك وماجاورها
- رحلتي اليوم في الساء وعندي كم استفسارات مهمه و خدمتي ببعض الاماكن وشكراا
- شنو افضل الاماكن بلوس انجلوس ؟؟
- متى ما اقدر ادخل امريكا؟؟ سؤال عن الجواز والفيزا
- ارجوووووووووووكم ساعدوني
- تركي الفيصل غادر واشنطن بعد وداع العاملين في السفارة خيارات
- السياحة في المكسيك موضوع كامل وراح يعجبك
- برنامج يومين في نيويورك
- تجربتي لاستخراج فيزا من السفارة الأمريكية في الكويت غريبة
- برايكم ايهما افضل
- بالنسبه للعفش داخل امريكا
- شهر العســل في امريكا
- ألحقوني وأنصحوني
رد مع اقتباس
المفضلات