الموضوع: اخر الأخبار من الفلبين

وصلنا والحمدلله البارحةالى مانيلا مساءاالساعة 9.30 بعد ان تأخرت الرحلة قرابة الساعة في مطار جدة كالعادة:5: نظرا لعطل في جهازالتكييف وفي النهاية سافرنا الى الرياض على الرغم بأن الرحلة دايركت وكان مازال التكييف عطلان:112: مافتحو حتى النوافد حسبهم الله:109: المهم طلعو ركاب وصلحو التكييف و بعد وصولنا سكنا في فندق اكسفورد حجزت قبل السفر عن طريق الانترنت المستوى لهذا الفندق متوسط ورحنا في نوم حتى الصبح ومع الظهر قلنا نصلي بالسفارة وركبنا تكسي ب120 بيسو وكان مقلب طلعت السفارة تبعد 5 دقائق مشي عن الفندق دخلنا مباشرة للسفارة الدور الثالث وصلينا الجمعة وبعدها نزلنا الدور الأول وسجلنا جوازاتنا عندهم وقابلنا الاستاذ عبدالعزيز العبدالله وجلسنا معه شاب في قمة الادب والاخلاق نصحنا عدة نصائح سوف ابينها لاحقا وسلمنا عليه ورجعنا للفندق مشيا (لم نجد فندق اكسفوردفي الائحة السوداء بالسفارة) التتمة لاحقا

مواضيع عشوائيه ممكن تكون تعجبك اخترناها لك:

• برنامج ساعة لزائر مانيلا
• لسه وكاله
• رحله علاجيه في الفلبين
• اريد شقة رخيصة لمدة شهر
• هلا بالجميع طلب توضيح أكثر؟؟؟؟؟؟؟
• عندما تعشق الفلبين تقرير الفلبين كما لم تراها من قبل
• سؤال مهم و عاجل جداااا
• أستفسار بروكاي
• شقق سومرست سالسيدو أم اسكوت ماكاتي
• كيف اقدم من مكاتب الاستقدام هناك
• رحلتي للفلبين من الالف الي الياء
• بالاوان جنة الجزر الأستوائية
• جيتكم بكم سؤال افيدونا يارجال
• كم سعر البيسو بالريال
• صور ما بعد الاعصار اكتوبر
• استفسار عن جزيرة بروكاي
• إستفسار عاجل وسريع
• لأول مرة للفلبين لمدة أيام
• عندي بعض الاسئلة اتمنى اجد الاجابة
• أستفسار عاجل لخبراء الفلبين لو سمحتوا

الحمد لله على السلامة

لا تكون الطائرة هي نفسها الي اخذتنا بالصيف لجاكرتا وكان تكييفها عطلان

الظاهر ان الخطوط ماعندهم الا ها الطايرة

ننتظر منك تقرير اخباري يومي

استمتع بوقتك

الحمد لله على السلامة ونبي الرحله مفصله وأنا أخوك

الحمد لله على ســــــــــــــــــــــــــــــلامتك.
ومنتظرين التقرير اليومي.
شوقتني للوردة وأنا قدني مشتاااااااااااااق حيل ومنتظر موعد السفر وجالس اجهز العده للسفر قريبا ان شاء الله..............

الاخ قمران حمدالله على السلامه لو سمحت ابغى اسأل بكم حجزة بفندق اكسفورد وهل حجزك سويت وهل الحجز عن طريق الانترنت ارخص امل الافاده وشكرا

الحمد لله على ســــــــــــــــــــــــــــــلامتك

الحمد لله على السلامة اخوي
وابي اطلب منك طلب بما أن السفارة قريبة من فندقكم وهذا عمل انساني
انا عندي الوالد فيه فشل كلوي وابي اسال عن زراعة الكلى في الفلبين لاني سألت قالوا الفلبين احسن من باكستان ومن غيرها فياليت تسأل السفارة اذا عندهم اسماء مستشفيات موثوق فيها واذا بعد تسال عن الاسعار التقريبية عن زراعة الكلى ولك الاجر والثواب والله يجزاك خير اخوي وترجع لاهلك سالم وغانم

حمد الله على السلامة

بالنسبة لاعطال التكييف وانقطاع الكهربا على السعودية صارت معي اكثر من مرة وبصراحة مثل هالاعطال تخوف خصوصا اذا كانت رحلتك 9 ساعات بالجوا

عبدالعزيز العبدالله الرقابي احد موظفي السفارة والمسؤل عن تسجيل الجوازات ونعم الرجل

رحلة سعيدة والله الله بالجديد والمفيد

الحمد لله على السلامة ونبي الرحله مفصله وأنا أخوك

الحمدلله على السلامه

الحمدلله علي السلامــــة

وانشاءلله ترجعون سالمين غانمين..............

وننتظر كل ما هو جديدك...

الحلقة الثانية:101:
كانت نصائح السكرتير الثاني بالسفارة عبدالعزيزالرقابي وفقه الله
1)اهمية السكن في المناطق الآمنة مثل مكاتي والتسجيل لدى السفارة جوازك رقم جوالك ومكان سكنك وذلك لو حدث لك أي عارض لاسمح الله يسطيعوا الاتصال عليك وايضا السفارة تقوم احيانا بدعوتك في بعض المناسبات مثل الاعياد للزيارة والمعايدة وممكن يعزموك على مفطح او اثنين المهم اللي يجي:36_11_15:
2)عدم اخذ أي اوراق او كروت او مغلفات ممكن يكون فيها كمية صغيرة من المخدرات ملصقة في هذه الاشياء وما تحس الا والشرطة طبت عليك وممكن يلحقوق الى سكنك بالتنسيق مع اللي يعطوك الكروت ويجروك معهم الشرطة وتبدأ المساومة واللع يعينك تعطيهم المقسوم المناسب لهم وتمشي حالك
3)اخيرا المفروض على كل سعودي يمثل ارض الحرمين أي يظهر بأفضل صورة لهذا البلد وهذا واضح مايعرفو انك سعودي حتى ينادوك (هبيبي وخبيبي في بنات ويسكي)

عموما رجعنا من السفارة إلى الفندق وشوي جت موظفة مكتب استقدام ترونها طبعاعجوز عمرها 55 المهم وقابلنا العمالة الى المغرب وبعدها تعشينا بيتزا هت ورجعنا الى اكسفورد وشوي وصاحبي يقولي وشلون المساج قلت في نفسي اليلة غير المهم ماحبيت اكسر بخاطره طلبنا المساج وشوي وصلت الست وقالت تبغوه بالزيت ولا جاف صاحبي مو فاهم قلتلها بالزيت وخلصينا قال لي صاحبي ممكن تخرج علشان نسوي المساج قلت ماني بطالع خفت صاحبي يتوهق معاها بدوي وأول مرة يطلع من السعودية اتفقنا في الاخير ابقى في الصالة بس اشترط اني مهوبشي ناحيته بدأ المساج وبعد ساعة وهي مخلصة وصاحبي يرتجف ومن التعب نام مباشرة -صراحة ماشفت مثل صاحبي في النوم من يوم طالعين وانا اقله مشكلتي اني مااقدر انام وانا في السفر قالي وانا مثلك مايجيني نوم ويوم طلعنا مااسمع الا نخيره :thumb_ico وماصحي الا ونحن فوق مانيلا ولما وصلنا صكها نومة حتى ظهر اليوم الثاني صراحة حاسده على ها النوم:112: .......التتمة في الحلقة التالية

حيا الله الشباب جميعا
الاخ سعودي شكرا على مرورك فعلا احزن على خطوطنا السعودية لما اقارنها بالماليزية والا الامارتية وبالذات الماليزية مع الكراسي الجديدة السرير فعلا فندق وليس طائرة عقبال مايصحو ربعنا
الاخوان ساري المسافروتارقت وسمارت ونايف وكوسة صراحة اسم حلو مع اني ماأحب الكوسة ورجنت مو عارف يعني ايش هذا الاسم الله يعطيكم الف عافية وراح نواصل باذن الله
بالنسبة اخوي ماجد الحجز بالانترنت افضل وارخص ومن تجربة سكنت اول ماصلت اكسفورد 74 دولار حجزي عن طريق الانترنت ومن ثم ذهبت في فندق اخر ومن ثم رجعت لفندق اكسفورد مباشرة اعطوني نفس الجونيور سويت غرفة مع صالة واجهتها زجاجية كاملة يعني مطل واسع مباشرة من الفندق 107 دولار
يعني بالانترنت احسن واريح
الاخ الكاس
اسأل الله ان يشفي مريضكم ويمتعكم بعافيته
لحسن الحظ اني لما سكنت في فندق سمرست ملينيوم تكلمت مع مسوؤل صالة الجامنزيوم المسبح والصالة الرياضية عن هذا الموضوع من باب الفضول وهو يعرف شوي عربي لانه اشتغل في السعودية20سنة ويقول ان المرضى اللي سكنو في الفندق يمرو عليه يعطيهم علاج طبيعي بعد العملية بالذات الشياب عشان يرجعو للمشي بسرعة يقول عملية زرع الكلى في الفلبين افضل وآمن وتعمل في المستشفيات الكبرىلكن بطريقة غير رسمية يعني مايسجلو في الاوراق زراعة كلى يسجلوها بأي اسم اخر ويقول تكلفتها مابين 100000و80000 بيسو يعني بين 8000 الى 6000 سعودي وافضل تسكن مع والدك شفاه الله في فندق هادئ مثل سمرست ملينيوم لكن شوي غالي

نام مباشرة -صراحة ماشفت مثل صاحبي في النوم من يوم طالعين وانا اقله مشكلتي اني مااقدر انام وانا في السفر قالي وانا مثلك مايجيني نوم ويوم طلعنا مااسمع الا نخيره وماصحي الا ونحن فوق مانيلا ولما وصلنا صكها نومة حتى ظهر اليوم الثاني صراحة حاسده على ها النوم



عاد تصدق احلى نوم نوم مانيلا رهيبة بالنوم

انا اذا سافرت اغلب وقتي نائم النوم (ماسراب)

:112: معذرة للأخوة عن الانقطاع لإنشغالي بالامتحانات

زرت عدة اسواق في الفلبين صراحة مايوجد فرق كبير في الاسعار او الأصناف تعرف السوق صار مفتوح في العالم والشركات نفسها في كل دولة
لكن تتميز الاسواق بالحجم الضخم والفخامة العالية والتنظيم بالذات سوق اسيا اكبر سوق في اسيا
لما سكنا في سمرست ملينيوم صراحة بعدت علينا المطاعم العربية والحركة -المكان هادىء جدا تعشينا في مطعم كشمير قرب سوق روبنسون بعيد عن مكاتي بنظري افضل مطعم للعرب اكله ممتاز لكن سعره غالي واقضل من المطعم الايراني بمكاتي ومن ثم تمشينا في شاطي يسموه شاطىء المشي مكان جميا جداااا ومزحوم نزعا ما هذا كان اخر ليلة واليوم الثاني اخوكم من الصبح مجهز عفشه واعد الدقائق والساعات حتى وصلت الساعة 3 عصرا انطلقت للمطار -نصيحة لاتأخد تكسي الفندق عند مغادرتك للمطار سعره800 بيسو اكثر من 4اضعاف التكسي العادي حوالي 150-200 بيسو خلي الفندق يطلب تكسي عادي وتراهم يسجلو لوحته وبياناته عندهم المهم اخوكم جري للمطار واصف في كاونتر الأفق وفرحان وييجي الدور واسلم الست جوازي وتذكرتي وابتسامتي صاكها حتى اذني:115: واقولها لاتنسي مقعد شباك لو سمحتي وشوي تناظر لي و و ............................و..................... و..........................
حجزك على بكرة مو اليوم :36_1_29:
ككككككييف:36_1_28: قالت غدا الخميس وترى اليوم مافي اكانية انتظار على كل الدرجات
المهم قلت لصاحبي خلينا نرجع احسن ماننتظر بدون فايده /كمان اللي زعلني شاب هو وزجته طلعو للفلبين وماعندهم حجز عوده لهم 3 ايام ماحصلو اي حجز او امكانيه صراحه بهدل زوجته معاه صاحبي كلمه والله كان وده يبهدله لما شاف حال زوجته صورة لبعض السعوديين الغير منظمين مسافر بأهله بدون حجز
الحلقة الجاية................

السلام عليكم :
الرجاء إعطائي معلومات عن مانيلا من ناحية :
* سفري بسبب زراعة كلى لأبني .
1/ هل يوجد فندق قريب من المستشفيات المتخصصه بالزراعه وماهي أسعارها . وهل يوجد غرف فندقيه في هذه المستشفيات للمرافقين وماهي أسعارها .
2/ ماهو المبلغ الذي يكفيني للأقامه هناك لمدة شهر .
3/ هل يوجد فروع لبنوك سعوديه .
4/ هل يوجد في السفاره مكائن صراف باللغة العربيه .
5/ ماهي درجة الحراره عادة ً في مانيلا في شهر 2و3 .
وشكرا ً لكم .

مشكووووووووووووووووور

الحمدلله على السلامه
ويعطيك العافيه على المعلومات


تحياتي لك