الموضوع: استفسار عاااااااااااااااااااااجل ارجو الدخول ابي فزعتكم

السلام عليكم ورحمة الله وبركاته

كيف حالكم ياشباب

عندي استفسار بالنسبه للبعثات وياليت تستعجلون في الاجابه الله يخليكم لاني محتار ولازم اقرر ...

انا طالب في كلية الطب تخصص طب بشري في المستوى الخامس ( السنه الثالثه ) وقررت اني اكمل دراستي برا عن طريق البعثات ، والسبب انه الكليه الي انا فيها ماشاء الله تبارك الله ممتازه بالمره ؟؟؟ ( اتحفظ باسم الكليه ) المهم اخواني سؤالي هو هل اقدر اقدم على البعثات ولا لا ؟ انا سمعت انه لازم تكون مدة الشهاده سنتين بعد ماتتخرج من الثانويه هل الكلام هذا صحيح ؟ انا مستعد اعيد السنين هذي الي درستها بس اهم شي أتأسس صح واصير فاهم ...

وسؤالي الثاني ليششششششششششششششششششش مافيه بعثات على كندا ؟ والي يبي يدرس في كندا وشلون ؟

ياليت تستعجلون في الاجابه واكون شاكر لكم ومقدر

وشكرااااااااااااااا

مواضيع عشوائيه ممكن تكون تعجبك اخترناها لك:

• هل يلزم التسجيل بالملحقيه
• للأهمية من يعرف عن مدينة ورثنق يفيدني
• فرجينيا ياشباب ابي معلومات عنها اختكم عبير وعن جامعاتها
• ماادري ياشباب اذا هالمدينه تستحق العناء او لا المساعده ياغالين
• اطلب معلومات عن ولاية مونتانا مدينة
• الدراسة في أمريكا فلوريدا
• أبشركم جاني القبول وبانتظار موعد السفارة
• للتعارف للذين تقدموا لبعثات خادم الحرمين الشريفين للمرحلة الثانية
• وعد بمساءلة من أساء معاملة ميوالملتقى التعريفي صفرالمعجل عبر هاتف «عكاظ»
• دراسة اللغة الانجليزية ببريطانيا او امريكا ارجوا المساعدة
• مشروع قانون في مجلس النواب الأمريكي يطالب بوقف التأشيرات للمواطنين السعوديين لمااذا
• استفسار بخصوص معاهد اللغة الانجليزية
• استفسار
• شقه فى برايتون ارجو المساعده
• معاهد في واشنطن
• جوازي القديم أتلفوه ما في مشكلة؟؟؟؟
• التحويل لبرنامج الابتعاث للطالب السعودي الحاصل الامريكية
• تحذير تحذير إنتبه من معاهد اللغة تجارب وقصص
• الفزعه ياشباب
• مهم للأبتعاث

وعليكم السلام
هلا ومرحبا اخوي
ممكن تتقدم للبعثات, تقدم على بعثة بكالريوس, وتبتعث على اساسها (كانك تبدأ من الصفر), وبعد ماتخلص اللغة تعادل المواد, بس لازم تكون كليتك معترف بها, (اذا انت في جامعة الملك سعود فمافيه مشكلة)
اعرف الكثير من اصدقائي ابتعثو بهذه الطريقة, وانا كنت ناوي عليها, بس ماكان باقي لي الا سنة في البكالريوس, فغضيت النظر والان قدمت بعثة ماجستير وقبلت ولله الحمد
بالنسبة لكندا فللأسف مالها بعثات (لاتوجد اتفاقية حتى الان), خصوصا انها جيدة جدا في الطب واقوى من امريكا في بعض التخصصات, اذا تبي تدرس فلازم تروح على حسابك وبعدين تكلم الملحقية وتضم للبعثة
ولازم مايكون مضى على تخرجك من الثانوية اكثر من 3 سنوات وليس سنتين,,
تحياتي

حياك اخوي ومشكووووووووور على التجاوب السريع و مبرووووووووك على قبولك لدراسة الماجستير والله يوفقك

والله وانا خوك ياليتني في جامعة الملك سعود كان ماشلت هم الي فهمته انه ابدا من الصفر سوا كانت الكليه الي انا ادرس فيها معترفه او لا ، واذا كانت معترفه بعد ماخلص اللغه اقدر اعادل المواد واذا كانت ماهي معترفه ماأقدر اعادل المواد طيب والي يبي يبدا على طول من غير ماياخذ كورس لغه انجليزيه لانه لغتي الحمدلله كويسه هل فيه امكانيه ولا لا ؟ طيب اخوي هل تعرف كم قيمة الدراسه في كندا ؟ وهل فيه شروط معينه يعني لازم اجيب معدل 3.5 ثم احول على حساب البعثه ولا وشلون وطيب افرض جبت اقل من المعدل هذا اكمل على حسابي ؟

ويعطك العافيه وماقصرت

تقديري لكـ

حياك الله في اي وقت يالغالي,,
بالنسبة لسؤالك هل تقدر تدرس طب على طول بحكم ان لغتك الانجليزية ممتازة؟؟
فالشي اللي يحدد مستوى لغتك هو درجتك في التوفل,, لكل جامعة درجة تطلبها, انت شوف الجامعة اللي ناوي عليها واختبر نفسك واذا جبت الدرجة المطلوبة او اعلى منها ممكن تدرس الجامعة على طول, وهناك مراكز معتمدة لاختبار التوفل في المدن الرئيسية (الرياض-جدة-الشرقية)
فيه شباب طلعو لامريكا على طول درسو الجامعة لأنهم اختبرو التوفل في السعودية وراسلو الجامعة مباشرة

بالنسبة لتكلفة الدراسة؟؟
ما ادري والله بس اكيد غالي الطب

بعض الجامعات عنهم نظام حلو, وهو انك لو قدر الله وماعادلو لك مواد, وانت عارف نفسك وفاهمهها, ممكن تختبرها مباشرة اذا نجحت تسقط عنك المادة, (هذا في تخصصي , مدري والله عن الطب)
موفق خير

يعطيك الف عافيه اخوي ومشكووووووووووووووور وماقصرت

الله يوفقك وانشالله نشوف الموضوع ونستخير

شاكر لك رحابة صدرك اخوي

تحياتي