الموضوع: استفسارات عامه

السلام عليكم ورحمة الله وبركاته


اول شي احب اشكر كل من قام على هذا المنتدى الجميل والمفيد


مابغى اطول عليكم وحبيت استفسر منك الله لا يهينكم

قررنا انا وثلاثه من الشباب الذهاب الي بلاد العمه على قولتكم

انشاله راح تكون الرحله بتاريخ 29/9/1432 الساعه12.30 الاقلاع الى 17/10/1432العوده

وتم الحجز على الخطوط السعوديه

ونبي خطه سير بين جاكرتا / والجبل/ وفيه وحده ثانيه مدري والله وش اسمها

وانشاله اول مانوصل مخططين الذهاب الي الجبل

بس نبي فلل حلوه بمسبح واهم شي يكون فيها مكيفات ويكون الاثاث حلو ونظيف

مواضيع عشوائيه ممكن تكون تعجبك اخترناها لك:

• فزعتكم تكفون يشباب
• ابي فزعتكم معي تكفون لترتيب جدول لرحلتى السياحية الى اندونيسيا لمدة يوم
• استفسار
• العفش الزائد علي خطوط الجارودا ؟ كيف يتم التعامل بهذا الموقف؟ تجاربكم مع بقيه الخطوط
• هل الاف تكفي ؟؟؟؟؟
• الي عنده خبره لا يقصر علينا والله يكثر من امثالكم
• بدي سافر
• فيلا
• استفسار عن وقت الاقامة وعن الفنادق والأماكن
• محتاجه خبرتكم من وين اسحب فلوس
• استفسارات متعددة العضوة
• الفزعة ياهل الخبرة افيدوني
• استفسار بسيط من اهل الخبره
• استفسارات متعدده وارجو الاجابه
• استفسارات من عبدالعزيز
• محتاج مشورتكم
• من لديه خبرة في العمالة يفزع
• مجرد ســــــــــــــؤال
• مسافر لحالي لجاكرتا
• الله لايحرمكم الأجر

جاكرتا :
1- شقق استون راسونا
2- شقق كازابلانكا
3- شقق الباتافيا
وجميعها شقق فندقية اسعارها تتراوح مابين 300 الى 350 ريال لشقة 3 غرف الافضل .
السكن في الجبل :
ابحثوا هناك بانفسكم مع السواق افضل لانه بالعادة لو دلك شخص على فلة احتمال بنسبة 80% ستجدها شاغرة وهذي مشكلة الجبل الوحيدة ....ولو اني اعتقد انه هالصيف زحمه وراح تتعبون بالسكن وافضل الرحلات لاندنوسيا تكون بعد رمضان بشهر او بشهر 1 بدايه السنه الهجريه
السكن في بالي :
السن ست والريفر فيو ولم نسكن بفلل هناك ابدا لاننا مجموعه شباب وفضلنا السكن بشقق كل شخص له غرفه مستقله

خط سير الرحلة : 15 يوم :
جاكرتا يومين بالي 4 ايام الجبل 7 ايام تنزلون على بوقور منها وترجعون بالليل (ساعة بالسيارة) جاكرتا للتسوق والعودة ...
جاكرتا : زوروا الانشول (دنيا فنتازي + مطعم بندر جاكرتا)
الجبل : بحيرة الليدو + تامان سفاري + حديقة الزهور + حديقة الشاي + البراشوت + الشلالات واتوقع لاتستطيع زيارتها كلها لان كل وحده تقريبا يبيلها يوم غير ذلك ستزور بوقور وهذا يوم كامل فالافضل ابعاد باندوق عن الرحلة ...
بالي: هناك اكشاك تحجزون منها الرحلات والالعاب وكاسروهم بنصف السعر حتى تستفيدون

نقاط مهمه :
* الجبل لن تحتاجون لمكيفات ولا للمسبح لانه بيكون الجو بارد وراح تترددون بالسباحه مثلنا
* بالي للشباب تكفيها 4 ايام ونصيحه لاتكثرون الايام فيها لانها رطبه
* احجز من موقع البوكنق وريّح راسك من حمل المبالغ الكبيرة التابعه لهم وخصوصا السكن واحتفظ بالحجز على ايميلك واذا لم يجد حجزك الاستقبال طلعه له من ايميلك
* الاثاث بالفلل بامانه صعب تجده نظيف ولكن هناك طريقة حلوة لو رحت بحيث تشتري وساده وبطانيه وتنقلها معك افضل

: :: :: :: :: :: :: :: :: :: :: :: ::;
بالنسبة للحجز موقع بوكنق اشوفه ممتاز ومجرب ومعتمد بالنسبة لي ..بالنسبة للامان لاتشيل هم انت اذا حجزت ماراح ياخذون منك ريال واحد فقط حجز وتقدر تلغيه قبل موعد السكن ب24 ساعه على ماذكر .. سافرت انا واخوي وكان معه بطاقة ماستر كارد الاهلي وانا معي بطاقه تسوق الراجحي وكانت حجوزات بالي من جاكرتا سويناها ومجرد ماتدخل عنده وتعطيه جوازك خلاص على طول ينتهي موضوعك ويسألك هل تريد الدفع كااش ام من بطاقة الفيزا اللي معك ؟ ان شاء الله افدتك وأي سؤال حاضرين ..

بيض الله وجهك جاكرتاوي 999 كفيت ووفيت اجابات وجدول في قمة الروعة
تقبل تحياتي واحتراماتي

يعطيك الف عافيه اخوي جاكرتاوي 999 ماقصرت كفيت ووفيت بس الشباب متخوفين من بالي ومن المشاكل الي فيها ويمكن ماتكون بالخطه

اذا مالديكم الرغبة بزيارة بالي ممكن زيارة مدينة باندونق لمدة يومين او ثلاثه ايام

هذا شكله الي بيصير واحب استفسر ومعليش على كثر الأسأله لاني اول مره اطلع جاكرتا بخصوص الفلوس اصرفها من السعوديه ولا هناك احولها وش الافضل لان ممكن ما استخدم بطاقة الصراف الا للضروره واسف على الاطاله *

اذا هذا اللي بيصير حول من السعودية أربعه او خمسة الاف ريال
الى روبيات وأجعل الباقي ريالات ذات اللون الأزرق