السلام عليكم
احبتي خبراء واعظاء هذا الصرح الكبير ...
بعد التحيه ..
اولاً اود شكركم على كل ماتبذوله من جهد في مساعدة اخوانكم فسأل الله ان يجعله في موازين حسناتكم ..
احبتي الكرام وبعد جهد وتعب في وفرفره في تقاري الأعظاء ومن منتدى لمنتدى حتى وصلت لبرنامج اتمنى بأن يكون هو الأنسب لي ..
وهذا البرنامج هو النهائي بأذن المولى عز وجل طبعاً هذا بعد مشاورت واخذ رأي اخي الغالي ابو تركي اللي مهما قلت فيه من كلمات والله لن اوفيه حقه فهذا الرجل بذل الكثير من اجلي وانا متأكد بأنه كان واقف مع الجميع فايعلم الله بأني لن انسى ماقدمته لي ياابو تركي سواء سافرت او لم اسافر لا قدر الله فكل الحب والأحترام لك يالغالي ولاهانو الاخوان الكرام مثل اخوي المصباح والكوكب الطائر وابن السعودية وجميع من في المنتدى و من وقف معي ومع غيري في المنتدى ..
عموما اسف طولت عليك..

وهذا هو البرنامج النهائي وبنتظار ارائكم وتعليقاتكم عليه وكل اللي ابغاه هوا الترتيب الصحيح للمناطق وعدد الأيام لكل منطقه نظرا لأهميتها واستحققها ..
وقبل ان ابدء البرنامج لفت انتباهي في احد اتقارير فندق رائع وجميل جداً والحقيقه اني بنشرت عنده وحبيت ان اقيم فيه ولو ليله هوا منتجع كامبونق سامبريون في جاروت فهل تنصحوني به ام لا ..

البرنامج وهوا من ترتيبي ولكن ماادري هل هو صحيح ام لا لذلك حاب اشوف رأيكم فيه ولكم الحريه في التغيير...

- ليلتين في جاكرتا فندق ميركيور انشول على المحيط

- ثلاث ليالي في بونشاك فندق سيروني

- ليله واحده في بوقورو ( محتار في فندق نوفتيل وفندق استون بوقورو ) اعطوني الأفضل من حيث الفخامه والموقع ( وماهو رأيكم لو اخلي ليلتين في الجبل وليلتين في بوقورور؟)

- خمس ليالي في باندونق يتخللها ليله في جاروت -وليلتين في لمابانق -وليلتين في باندونق ..
( ابغى الترتيب الصحيح لهذه الخمس اليالي من حيث التسلسل لكل المدن اعلاه في باندونق ) وقبل كل شي هل تنصحوني بهذا الخيار اللي هوا جاروت ولمبانق وباندونق او اني الغي جاروت واكتفي بالمبانق وباندونق؟ )

طبعاً السكن راح يكون في باندونق فندق سيناس ليلتين ماهو رائيكم في الفندق ؟
وفي لمابانق منتجع جرسيا سبا او منتجع جدوال
وفي جاروت منتجع كامبونق سامبريون

- ليلتين في جاكرتا ليلتين فندق اكماني او فندق لومير محتار فيهم فلأول استهواني لأنه فخم ونظيف جداً كما شاهده في تقرير اختنا الفاضله سارونه
اما الثاني هوا فندق لومير فأغراني قربه من سوق الأتريوم وبالمناسبه ماهي المطاعم التي في هذا السوق ..

احبتي الجدول شويه ملخبط لذلك انا اطلب منكم ترتيبه حسب الأولويه والتسلسل وياليت تعطوني بكامل التفاصيل وارائكم
عن الفنادق المختاره حتى ابدء في عملية الحجز من الآن ..

علماُ بأن الرحله في شهر سبتمبر يعني بعد العيد ب خمسة ايام فقط فهل هذا الشهر يعتبر موسم يعني راح تكون التكاسي والمواصلات والمطاعم غاليه ام انه غير موسم ؟
وطبعاُ الرحله عائليه يعني اعظائها انا والمدام وابني عمره اربع سنوات ونص

كل الحب واشكر والتقدير لك احبتي وبنتظار ماتجود به خبراتكم والله يجزاكم الف خير ..

مواضيع عشوائيه ممكن تكون تعجبك اخترناها لك: