السلام عليكم ورحمة الله وبركاته ............... تحية طيبة وبعد


في البدايه ساخبركم وضعي انا واحد من المتعثرين وعندي ضمان مالي وقبول مشروط من جامعة موصى بها من قبل وزارة التعليم العالي وعندي فيزا ولمن استلمت الفيزا سلمت اوراقي الاصلية ووقعت على ورقة التعهدات للوزارة من 5 شهور ولمن يصدر لي قرار ابتعاث بحجة ليس لدي خطاب سفاررة وقالوا انتظر البرنامج الجديد وكل مرة على هالحال ومشاوووير من الشرقيه الي الرياض وأخر مرة راجعت الوزارة قبل اسبوعين ودخلت دكتور المعجل قال لي المقاعد اكتملت للبرنامج القديم وقال لي انتظر اسبوع اسبوعين يمكن تنزل لستة اسماء اذا جت الميزانيه وبعدين نزلت الي صالح ال شيخ وحضرته مايجي الا بعد الصلاة ودخلت عليه وشرحت له وضعي قال لي معك خطاب سفارة قلت له لا قال لي مالك قرار ابتعاث وهذا هو حاله مع المبتعثين يدور الامور اللي تهحبطم وبعدين قلت له اوراقي الاصلية عندكم قال لي جيب صورة بطاقتك ومرني بكرة واخذ اوراقك انا طبعاُ سكت علشان حضرته لا يعصب واخذت نفسي وطلعت من المكتب وانا حالتي النفسيه تعبانه ومررره ومحطم فقلت انتظر الي اليوم الثاني وادخل على العطيه ودخلت على العطيه وقال لي مدام استلموا اوراقك إن شاء الله راح يصدر لك قرار مع الميزانيه ومايندرى متى هالميزانيه راح تجي وفي نفس اليوم قلت اقدم معروض للوزير وقدمت معروض وعطوني رقم للمعامله وراجعتهم بعد فترة المعامله نزلت من الوزير الي الثقافه وبعدين الي المعجل وبعدين الي صالح ال شيخ ورحت اشيك ايش صار عليها كان حضرته في اجازة ( منحاش عن العالم) وبعدين كان عطيت رقم المعامله لواحد موجود في الصاله وقال لي انتظر اشوي بنادي عليك وبعد ربع ساعه نادي علي ودخلت على علي الحريصي سكرتير صالح ال شيخ لان صالح اجااااااااااازة وبعدين سالته عن وضعي قال لي لسى ماجاء اعتمادك من الماليه فقلت له ناس بعدي مقدمه اوراقها وتستلم القرار وانا لا ليش قال لي ويش تبي اسوي لك ماجاء اعتمادك من الماليه وهو معصب وبعدين قال لي انتظر اسبوع اسبوعين وانا كل اسبوع اروح الرياض وطبعاُ انا موظف وكل اسبوع اغيب على امل فيه بعثه
وهذا انا هالاسبوووووووع باروح اشووووف وضعي واشوف اخرتها معاهم تعبت نفسياُ ومادياُ وجسدياُ .......... ولا بعد فوق هذا كل واحد شافني قال لي متى بتروح امريكا ويسخر على بس ويش اسوي مع هالوزارة حطمتني تحطيم ..................... ويوم السبت او الاحد باروح اشوف وضعي واذا مانزل لي القرار بقدم معروض للوزير مرة ثانيه لعلى وعسى يمكن يصير شئ
واسف على الاطاله وتحياتي لكم

مواضيع عشوائيه ممكن تكون تعجبك اخترناها لك: