الموضوع: الفلبين التي رايت

السلام عليكم ورحمة الله وبركاته
اولا احب اشكر جميع القائمين والمنتسبين لهذا المنتدى الاكثر من رائع
ثانيا انا هذي اول سفره لي للفلبين
وجلست اتابع المنتدى فتره واراجع المواضيع القديمه واقرا رحلات الاعضاء وتحذيراتهم
وحقيقه استفدت الشي الكثير ووصلت لمطار مانيلا وماني من اهلها ههههههههههه
عارف تقريبا جميع المطلوب مني في المطار
وبما ان سفرتي بهدف علاج الاسنان فكنت احتاج اقامه اكثر من واحد وعشرين يوم
وفعلا توجهة للمكتب الي على اليمين قبل كونترات تختيم الجواز وعطوني فيزه 59 يوم
تاخرت عندهم يمكن نص ساعه بس
وبعدها اخذت عفشي وطلعت وكنت مكلم فندق تروبيكان سويتس في مالاتي في مانيلا
وحاجز عندهم ومطلعين لي سواق مع انه بثمان مئة بيسو
بس عادي ومضمون لاني كنت متخوف من كلام بعض الاعضاء
وسكنت في الشقق وبصراحه حلوووه سعر اليوم 2800 بيسو غرفة نوم وصالة جلوس ومطبخ وشغل محترم وامان بقووووه
وقريبه من سوق روبنسون الشهير
والدكتور الي انا رايح له في عماره جنب روبنسون في نفس العماره الي فيها مكاتب الاستقدام
ومن يوم الاثنين وانا كل يوم اروح له يخلع ويحفر ساعتين ثلاث واموري كلها ولله الحمد تمام التمام
وهذا بفضل الله ثم بفضل هذا المنتدى الرائع
فالله يجزاكم عنى خير الجزاء

مواضيع عشوائيه ممكن تكون تعجبك اخترناها لك:

• قرار شراء شقة في مكاتي قرار صائب؟؟
• محتار في اختيار المدن اتمنى المساعده
• يوم أين اقضيها ؟؟؟
• رحلتنا الى سيبو ستي و جزيرة ماكتان في شهر مارس
• ما هي أفضل خطوط للسفر الى سيبوا
• لمحبين البحر والطبيعة
• تنبيه للمسافرين الى الفلبين
• مسافر جديد
• للخبراء ممكن المساعده
• الكهرباء في الفلبين
• مسافر لاول مرة
• ما هو الفندق البديل لبيل اير سوهو في سعره
• اول مره اروح واريد المساعده ياشباب؟
• استفسار عن ضريبة السفر من الفلبين
• العلاج
• ابو حصاة والمستشفى
• الفزعه بالربع الفزعه تكغوووووووون
• ساعدوني بشغاله الله يخليكم
• ممكن استفسار تكفون اليوم او بكره عطوني العلم
• السلام عليكم ورحمة الله وباركااته

للمعلوميه ترا لغتي الانقليزيه ضعيفه جدا بس ربكم ميسرها
والطريف في الموضوع اني كنت معي رقم واحد اسمه محمد عراقي شغال في مطعم عشان يترجم لي عند الدكتور
دقيت عليه اول يوم وصلت ما رد
المهم انا مافيني صبر كلمت وحده من الشغالات في لفندق قل وصليني للدكتور وارجعي لاني ماكنت ادل عيادته
ورحت انا معاها ولما دخلنا العياده دخلت هيا على الدكتور شوي وهي راجعه لي
قالت الدكتور عنده واحد سعودي ولا يفهم عليه ياليت تترجم له ههههههههههه
قلت في بالي انا ادور مترجم وانتم تبوني اترجم لكم ودخلت وحصلته شيبه من نجران
وجلست اترجم له كلمه افهما وعشرين كلمه لا ههههههههههههههه
اتوقع اني جبت العيد في اسنانه لاني ماعاد شفته داخل العياده ههههههههههههههههه

وعليكم السلام ورحمة الله وبركاته

يعطيك العافية على التقرير المبسط لزيارتك الى الفلبين ،،، مع العلم اخوي انه المواضيع الي تكون فيها تفاصيل عن العلاج يمنع بإمر من الادارة ،،، دون التطرق الى اسم المستشفى وعنوانه وغيره من الامور عن العلاج ،،، والسموحه منك عزيزي واهلا وسهلا فيك ولو بعد غيبة عن المنتدى

تقبل تحياتي
بوراشد

مشكور اخوي على طلتك البهيه
وتحت امرك انت والاداره
ومشكوووووووورين بقوه لاني من جد استفدت الشي الكثير من هذا المنتدى
ومن التحذيرات
وحقيقه ما شفت اي امر سيء ولله الحمد
وللمعلوميه انا ما اطلع من الفندق الا تسع صباحا وارجع له تسع ليلا
ما اتاخر اكثر
ويمكن هذا من الاسباب الي خلتني ما اشوف اي مخاطر امنيه ولله الحمد
والفلبين حقيقه حصلتها احسن مما توقعه
ومن جد ابتسم تمشي امورك ههههههههههههههههه

وينك ؟؟؟؟؟؟؟؟؟؟؟؟؟؟

الحمدلله على السلامه

وطمنا الحين شلون الاسنان , سمعت ان الضحكه شقاقيه

اتمنى منك اخي العزيز تسولفنا يومياتك هناك وين تروح ووين ترد وشنو المواقف الي صارتلك ولو تدعمها بالصور نكون لك من الشاكرين

متابعينك