الموضوع: خطأ في برنامج الدراسات العليا للمتميزين

السلام عليكم ورحمة الله وبركاته :

شباب لقيت خطأ في برنامج ابتعاث المتميزين لدراسة الهندسة

وتقنية المعلومات للدراسات العليا في الدول اللي حددوها ، بحيث تلقى فوق في القائمة

المنسدلة دول ما كانوا واضعينها من قبل اللي هي فرنسا ، النمسا ، الصين , واليابان بينما الدول اللي

موجودة تحت بالكتابة الزرقاء هي كند ، استراليا ، نيوزيلندا ،هولندا ، ايرلندا و بريطانيا . المهم من أول

ما فتحوا رابط برنامج المتميزين من أمس الساعة 12 بالليل حتى الآن وهو ما تغير!!!!!! . كلمت الوزارة

اليوم و لا أحد رد علي .. طيب وشلون أنا ابغى أقدم على استراليا ومهيب من ضمن القائمة المنسدلة .!!

وش السواة الله يخليكم .؟؟؟؟ يجلس الواحد متعلق ، ولا أقدم على كندا وبعدين في التعديل أغير

إلى استراليا بعد ما يعدلون الخطأ ..

الله يجزاكم خير أنتظر منكم إجابة وفقكم ربي . . ودمتم ..

مواضيع عشوائيه ممكن تكون تعجبك اخترناها لك:

• هل المعاهد الاهلية كلها مو مقبولة
• مساعدة في بورنموث
• ضروري للماجستير
• مستقبلي هيضييييييييع لو محدش رد
• سؤال مهم للكل
• هنا اكتب ماتعرف عن تخصصات القانون الادارة التجارة المحاسبة القبولالدراسة
• بعض الاستفسارات عن معهد سجلت فيه
• كيفية معرفة أعتراف الجامعة أو الكلية لدي اللملكة العربية السعودية
• افضل معهد
• بخصوص الملحقيه
• دول الابتعاث غير أمريكا
• الى المبتعثين الماجستير هل تذكر في الخطاب انك موظف؟و
• سوأل عن
• امير الدموع اكمل التسجيل الاستمارة وفجأة ينهار
• أختبار التوووووووووووووفل
• ممكن تفيدونا عن مركز ترجمة معتمد في الرياض
• لندن لمده اسابيع
• شباب الفزعه تكفون ابي مكاتب تراسل امريكا
• يالله يا اهل الحاسب تكفون استفسار
• خبر سئ للمتقدمين واسف لاتعليق

اخي الكريم لا تقدم الا على الدولة الي تبيها ولا الوزارة ما فيه امل يغيرون الدولة لذلك اسئل واحرص يا الغالي قبل لا تقدم

جزاك الله خير أخوي هاوي 1234

وهذا اللي بيصير إن شاء الله ، بروح مصبح عندهم في الوزارة حتى أطلع بفايدة عن الخطأ في موقعهم ,

وإن شاء الله راح افيدكم عن اللي بيصير عااااااااااااااااااااااجلاً ................

الله يريح بالكم
بس أنا دخلت وحصلتها

السلام عليكم

اليوم رحت للوزارة الصباح الساعة 9 تقريباً وبحثت عن المسؤول عن البعثات الجديدة ، قالي أحد

الموظفين رح للمسؤول عن برنامج البعثات المتميزة الاستاذ/ هشام العمار ، فعلاً رحت لمه ، المكتب حقه

بعد المصلى على اليسار، قابلته وقلته عن المشكلة اللي في موقع الوزارة ، ثم بعد ما تأكد من كلامي قالي

خلاص رح نضيف بس استراليا ثم رفع السماعة وكلم أحد زملاءه وقال له إضف دولة استراليا لقائمة

برنامج ابتعاث المتميزين للدراسات العليا للتخصصات الهندسية والتقنية ، ثم سألته متى أقدر اسجل في

الموقع قالي بكرة !!!

قلت خير إن شاء الله أهم شي انها أنحلت قالي نعم بس لازم نبحث عن جامعات متميزة في استراليا عشان

كذا بكره تأكد من إضافتها .

هذا اللي صار اليوم لكن الأهم من كذا قلت له هل بتقبلون كل اللي رح يتقدمون للدراسات العليا

للمتميزين قال لا ، عقبها ضاق صدري ، قلت طيب كم راح تقبلون قال العدد كله 100 مبتعث !!!!!!

وش رايكم هل تتوقعون كلامه رح يكون صحيح ؟؟؟؟

اللي عنده معلومه الله يخليكم لا يبخل علينا ، ودمتم ........

يعني عدد الدول اللى كاتبينها اكثر من عدد الطلاب ؟؟؟؟؟؟
بيرسلون لكل دوله واحد بس

المسؤل عن برنامج المتميزين هو الاستاذ هشام العمار يعني العلم عنده