الموضوع: مساعده برحلتي الاولى لأوروبا ابي برنامج مرتب رجاء يا اصحاب الخبره

السلام عليكم
مرحباً جميعا انا وزوجي حابين نروح رحله لأوروبا وهي اول رحله لنا لأوروبا شفت كذا تقرير انه الواحد يقدر يروح اكثر من دوله منه النمسا وألمانيا وسويسرا وفرنسا او إيطاليا مع بعض بس ماعرف وشي الدول القريبه من بعض وأي دوله أوصله ومن اي دوله أغادر للسعوديه اتمنى مساعدتكم لي
الرحله بتكون بعيد الأضحى ان شاء الله تقريباب4 أو 5 أكتوبر الأيام ما حددنا ممكن من 15الي 16يوم ابي برنامج حلو نقدر نشوف فيه كذا دوله وأبي حسب الأيام اللي عندي نروح أحسن الدول ومن وين نقدر نستأجر السياره وين نسلمها وكيف يكون التنقل بين الدول لآني مااعرف شيء أبدا وهل لازم تأشيره وكيف نستخرج التاشيره؟؟ ابي الأشياء المهمة اللي تفيدني هاذي الرحله حلمنا ابي يطلع كل شيء مرتب ودعواتي لكل من يرد علي وشكرااااا. من الموبايل

مواضيع عشوائيه ممكن تكون تعجبك اخترناها لك:

• مدينة الطفل في فيينا
• رحلتي بالصور الى سوريا اتمنى ان تعجبكم
• استفسااار ضروري عن الجو فى شهر فبراير للأهمية
• اتمنى مساعدتكم
• استفسار طارئ سفارة النمسا بالخبر اين
• استفسار عن النمسا لعائلتي
• فندق أحسن أماكن في النمسا
• احدثكم من كابرون اليكم آخر واهم المستجدات بالاضافه لاستفسار بسيط
• ااااخر مساعدة قبل الحجز
• ابغي وجهات سياحيه لكل منطقه الي عارف يدخل
• الله يسهل الامور
• محتارة بين زيلامسي و كابرون
• النمسا في شهر مارس
• شرايكم قررت اغير تاريخ رحلتي
• استفسار عن فندق في كابرون
• نصيحتكم يااخوان
• خبراء النمسا مساعدتكم
• الموعيد فل في السفاره ايش الحل
• الله يجزاه الفردوس اللي يساعدني
• النمسا وسويسرا اواخر سبتمبر

المشاركة الأصلية كتبت بواسطة يامور اوزدان
http://www.arabtravelersforum.com/tr...0/#post8321724

السلام عليكم
وعليكم السلام ورحمة الله وبركاته
مرحباً جميعا انا وزوجي حابين نروح رحله لأوروبا وهي اول رحله لنا لأوروبا شفت كذا تقرير انه الواحد يقدر يروح اكثر من دوله منه النمسا وألمانيا وسويسرا وفرنسا او إيطاليا مع بعض
ايه نعم هذا صحيح تقدرين تروحين الى كذا دوله
بس ماعرف وشي الدول القريبه من بعض وأي دوله أوصله ومن اي دوله أغادر للسعوديه اتمنى مساعدتكم لي
الدول القريبه من بعض هي النمسا والمانيا وسويسرا شوي بعيده (تقريبا اربع ساعات بالسياره) وايطاليا تعتبر بعيده شوي نفس سويسرا اما باريس فتعتبر الابعد بينهم يعني من سويسرا تقريبا 8 ساعات بس تستاهل الزياره
شوفي الخريطه على قوقل عشان تشوفين الدول وكيف ترتيبها وتعرفين المسافات وغيرها
ودخلي على موقع كياك او احد مواقع البحث عن الطيران عشان تشوفين قيمة التذكره
موقع كياك يبحث لك عن ارخص تذكره بين مواقع الطيران
http://www.kayak.com
انصحك بالتركيه (حلوه ورخيصه)

الرحله بتكون بعيد الأضحى ان شاء الله تقريباب4 أو 5 أكتوبر الأيام ما حددنا ممكن من 15الي 16
تاخرتوا شوي في الحجز وممكن تطلع شوي غاليه التذاكر وممكن تحصلون بعض الاماكن السياحيه مقفله (بس لاتترددون روحوا اوربا حلوه حتى لو بدون فعاليات)
ابي برنامج حلو نقدر نشوف فيه كذا دوله وأبي حسب الأيام اللي عندي نروح أحسن الدول
البرنامج الحلو اللي الاغلب متبعه
النمسا (فيينا + زيلامسي)
المانيا (ميونخ)
سويسرا (انترلاكن)
فرنسا (باريس) ولو انها بعيده بس تستاهل
ومن وين نقدر نستأجر السياره وين نسلمها وكيف يكون التنقل بين الدول لآني مااعرف شيء أبدا
تستأجرين سياره من مكاتب تأجير السيارات المنتشره في كل مكان (امرها سهل بعدين نتكلم عنها)
وهل لازم تأشيره
ايه نعم تحتاجين تاشيره (الشنجن)
وكيف نستخرج التاشيره؟؟
تستخرجينها من السفاره في الرياض او احد المكاتب اللي في جده او الخبر
ابي الأشياء المهمة اللي تفيدني
الاشياء المهمه ذا الحين واللي لازم تبدأين فيها ذا الحين
حجز تذاكر الطيران
حجز الفنادق
التامين الصحي (من التعاونيه للتامين بقيمة 200 ريال للشخصين تقريبا)
الدخول على موقع السفاره واخذ موعد لاستخراج الفيزا (في رأيي السفاره النمساويه اسهل سفاره لاستخراج الفيزا) وتجهيز متطلبات الفيزا (المتطلبات موجوده في موقع السفاره على النت)
هاذي الرحله حلمنا ابي يطلع كل شيء مرتب ودعواتي لكل من يرد علي وشكرااااا. (انما نطعمكم لوجه الله لا نريد منكم جزاء ولا شكورا)




الله يوفقك ان شاء الله

سويت لك بحث سريع عن تذاكر الطيران
ارخص تذكره على المصريه ب 2470 ريال تقريبا مدة الرحله 11ساعه
اما على التركيه اللي نصحتك فيها 6369 ريال تقريبا لان الحجز متاخر يعتبر
هذا البحث من الدمام الى فيينا
ومن باريس الى الدمام
ماادري وش اقرب مطار لكم
على العموم بحثي انتي وشوفي اللي يصلح لك
وحنا ان شاء الله بنساعدك

شكرًا اخوي الله يجزاك خير اقرب مطار لي القصيم او الرياض
بالنسبة للخطوط المصريه هي فلاي إن
؟؟
ممكن رابط للموقعهم
واحجز الذهاب الي فينا
والعودة من باريس
؟؟ من الموبايل

بالنسبة للتاشيره دخلت موقع السفاره النمساوية طلع اقرب مواعيد بشهر 9ميلادي وكاتبين فوق بعد أسبوع العودة مافهمت صح علي كذا وايش معنى العوده بعد أسبوع ؟؟ من الموبايل

عندي سؤال لو طلعت التاشيره من السفاره النمساوية عادي لو بدلت يعني يصير الوصول في باريس والعودة من فينا ؟؟ من الموبايل

المشاركة الأصلية كتبت بواسطة يامور اوزدان
http://www.arabtravelersforum.com/tr...7/#post8321817

شكرًا اخوي الله يجزاك خير اقرب مطار لي القصيم او الرياض
بالنسبة للخطوط المصريه هي فلاي إن
؟؟
لا مش فلاي ان
الخطوط المصريه ايجيبت ايرلاين
على العموم بحثت عن الرحله من جديد
من مطار الرياض الى فيينا والرجوع من باريس الى الرياض
شفت ارخص طيران الطيران السعودي بس ....
للاسف خط الرحله تطلعون من الرياض الى فرانكفورت في المانيا
وبعدها تغيرون طياره وتركبون على طيران اسمه نايكي (مااعرف عنه شي ولا عن مستواه) مدة الانتظار ساعتين
تطلعون عليه الى فيينا مدة الرحله كامله 10 ساعات
اما الرجوع بدون توقف من باريس الى الرياض مباشر
ممكن رابط للموقعهم
واحجز الذهاب الي فينا
والعودة من باريس

؟؟ من الموبايل



دخلي على موقع كياك
http://www.kayak.com
وشوفي الرحله المتوفره

بالتوفيق ان شاء الله

المشاركة الأصلية كتبت بواسطة يامور اوزدان
http://www.arabtravelersforum.com/tr...5/#post8321825

بالنسبة للتاشيره دخلت موقع السفاره النمساوية طلع اقرب مواعيد بشهر 9ميلادي وكاتبين فوق بعد أسبوع العودة مافهمت صح علي كذا وايش معنى العوده بعد أسبوع ؟؟ من الموبايل



اممممممم
ماادري عادة هم اللي يحددون مدة الفيزا نظرا الى مدة جلوسك هناك
بيعرفون مدة جلوسك هناك من تذكرة الطيران وحجز الفنادق
لانك بتقدمهم لهم مع تقديمك للطلب على الفيزا

بس بعد اسبوع العوده ماادري وش معناها؟؟

المشاركة الأصلية كتبت بواسطة يامور اوزدان
http://www.arabtravelersforum.com/tr...6/#post8321876

عندي سؤال لو طلعت التاشيره من السفاره النمساوية عادي لو بدلت يعني يصير الوصول في باريس والعودة من فينا ؟؟ من الموبايل



هو عادي اذا كانت اقامتك في النمسا اطول من باريس
لان القانون يقول تستخرجين الفيزا من الدوله اللي بتكون فترة اقامتك فيها اطول
واذا تساوت الفترات بين الدولتين تستخرجينها من دولة الوصول

بس سؤالك اللي فهمت منه انك بتستخرجينها من السفاره النمساويه على انك بتروحين فيينا اول شي وبعدين بتغيرين رايك وبتخلين باريس هي مدينه الوصول
طبعا هذا ماتصير او صعبه الحصول لانك بتقدمين تذاكر الطيران من اوراق الفيزا وبتقدمين حجوزات الفنادق.
كيف بتغيرين تذاكر الطيران ؟؟؟!!!
التغير سهل بس بفلوس..

انا توي ما حجزت شيء انا قصدي اطلع التاشيره من السفاره النمساوية ويصير الوصول لباريس بس اقضي اكثر فتره بالنمسا ومن هناك العوده . من الموبايل

على حسب معلوماتي يصلح وهذا الواجب فعله

والاحسن والاسهل من السفاره النمساويه من الموبايل

طيب دخلت على الخطوط السعوديه شفت الذهاب من السعوديه لباريس والعودة من باريس لسعوديه يطلع أرخص بكثير من أني اختار الذهاب من دوله والعودة من دوله اخرى سؤالي هل ينفع أني اختار الذهاب لباريس والعودة من باريس وأروح لألمانيا والنمسا وسويسرا وارجع لباريس مره ثانيه ؟؟وهل ممكن أني اسلم السياره باخر دوله أزوره وارجع لباريس بقطار مثلا وكم المسافات بين الدول بالسياره ؟؟؟
شكرااا اخوي تعبتك معي .. من الموبايل

او ارجع من اخر دوله أزوره لباريس بطيران اذا فيه وش أرخص طيران؟؟ من الموبايل

انك ترجعين من نفس الدوله ارخص من ناحيتين
الطيران بيصير ارخص والسياره لو رجعتيها لنفس المكان اللي اخذتيها منه بتطلع ارخص بكثير يعني ممكن تفرق الف او الفين ريال

بس مشكلتك في المشوار

طبعا تقدرين تستلمين السياره من باريس وتسلمينها في المانيا وترجعين بالقطار بس بيطلع عليك غالي القطار والسياره بتطلع غاليه بسبب تسليمها في دوله ثانيه
لو انك بتاخذينها من باريس وبتروحين تلفين اوربا وبترجعين باريس بالسياره بتصير السياره رخيصه بس مثل ماقلتلك مشكلتك المشوار طويل


من انترلاكن الى زيلامسي عشر ساعات بالقطار وخمس ساعات بالسياره

من انترلاكن الى باريس ثمان ساعات بالسياره يعني كم بالقطار؟؟ ممكن الدبل لو قارنها باللي قبل!!

طيب طيب

ردا على سوالك الاخير
من باريس الى انترلاكن ثمان ساعات
من انترلاكن الى زيلامسي خمس ساعات
من زيلامسي الى ميونخ ساعتين

وادا بغيتي تحسبين المسافات بالكيلو والوقت اليك الطريقه التاليه

تدخلين على قوقل
ثم على الخرايط
ثم تبحثين مثلا عن باريس
بتطلع لك الخريطه وبتشوفين سهم او دبوس على وسط باريس
ضغطي على الدبوس بزر الفاره الايمن
بتطلع لك قائمه اختاري من القائمه ( الاتجاه من هنا)
وبتشوفين على اليمين بتطلع لك قائمه فيه حرف ايه
وتحته حرف بي وقدام حرف البي مربع فارغ
كتبي في المربع انترلاكن مثلا
واضغطي الحصول على الوجهه

وبتشوفينه بيطلع لك الطريق وكم كيلو وكم ساعه يبغى لك عشان توصلين

اتمنى اشوف منك رد تقولين انك عرفتي تسوينها

بالتوفيق ان شاء الله
واي استفسار حاضرين من الموبايل

الطيران الداخلي غالي

يعني ممكن الف او الفين للشخص اذا مش اكثر

تقدرين تبحثين في موقع كياك وبتشوفين الاسعار
ممكن اكون غلطان بالنسبه للاسعار

http://Www.kayak.com

للاسف اوربا مافيه طيران اقتصادي مثل طيران اسيا في ماليزيا من الموبايل