الموضوع: فندق حياة ريجينسي،،، وش سالفته؟؟

السلام عليكم ورحمة الله وبركاته!!
انا ياشباب طالع لليابان طوكيو ان شاء الله
ولازم اوقف بالفليبين يومين ... ماقدرت آخذ حجز بفندق المطار
قالولي في إحدى مكاتب السياحه (في الرياض) ان حياة ريجينسي قريب 3 كيلو عن المطار...
قلت زين خلينا هنا...!!
ومادري اليوم ادخل المنتدى يقولون بالقائمه السواداء
انا ابي اقعد ليلتين وماني طالع من غرفتي ،،
مابي الديره ،،، ولا ابي اشوفها ... يعني الغي حجزي الحين ولا وش اسوي؟؟
وعندي سؤال هم كم ياخذون في المطار علشان ندخل؟؟ هي بدون فيزا صح؟؟
وبالنسبه للتكاسي ياخذون دولار؟؟ وكم عملتهم بالنسبه للدولار؟؟
والتاكسي تقريبا كم ياخذ من المطار لحياة ريجينسي؟؟
وشكرا:24:

مواضيع عشوائيه ممكن تكون تعجبك اخترناها لك:

• الرجاء افادتي عن فندق روساس قاردن في مالاتي
• مطلوب فنادق في مانيلا
• بروكاي من مانيلا
• ممكن رقم سائق بمانيلا و بوراكاي اذا تكرمتو واماكن تستحق الزيارة ☺
• طلب مساعده عاجله
• رحلتي للفلبين من الالف الي الياء
• زلزال قبل قليل على العاصمة مانيلا
• رايكم بالجدول واساله عن فنادق سيبو
• تقرير عن رحلة حمودي الرساوي للصين والفلبين
• أريد السفر من مانيلا إلى تايلند بماذا تنصحوني
• الان في مانيلا وابحث عن شقة هل تفيدوني
• مساعدة في حجز الفندق
• أنا في مطار هونج كونج الآن
• فقط لمستخدمين ابل ايفون والايباد برنامج سياحة
• ممكن مساعدة ضروري
• استفسار عن مكاتب الاستقدام في الفلبين
• ياليت من يعرف اسم المنطقه
• ايهما أنسب للسفر للفلبين من ماليزيا أم من بالي
• استفسار ياخوان
• الاخوة الاعضاء الرجاء المساعدة بمخطط رحلة

هلا و الله بك اخوي hms_84

بالنسبة للفندق اللي بالقائمة السوداء اسمه ريجنس و ليس حياة ريجنسي ،،،

حياة ريجنسي فخم و ما عليه كلام و لو الود ودي تبعد عن حياة ريجنسي و تروح لفندق اكود او الشانقريلا بمكاتي عشان كل شي قريب منك ،،،


ولو تاخذ التاكسي من مكتب حجز الفندق اللي ببلدك يعني تخليه يسوي لك مع الحجز ان الفندق يجيبك من المطار او تاخذ تاكسي من المكار و بالغالي ما يتعدى 10 دولار و التكاسي بالعادة ما تاخذ دولارات الا اذا اتفقت معهم قبل ما تركب و تقوله بعطيك 10 دولار اذا طمع و طلب زيادة دولار لا تعطيه و بيلحقك لكن افضل انك تصرف من محل الصيرفة اللي قبل الجوازات


وقبل ما توصل للجوازات فيه مكتب صيرفه ممكن تصرف من عنده 100 الى 200 دولار

و في المطار ما ياخذون منك و لا شي و الفيزة لمدة 21 يوم مجانية و غاليا ال 100 دولار = 5500 بيسو

مثل ماقالك خوينا Kabayan هناك فرق بين الفندقين والفندق اللى انت حاجز فيه من فئة الخمس نجوم
اسكن فيه وانت مغمض تروح وترجع بالسلامة

اهلين بالشباب ...
الحمد لله والله ريحتوني .. استغربت انا فندق عالمي زي هذا مايكون زي كذا
وبالنسبه للاماكن انا مابي اصرف اكثر من مائة دولار لان الصرف بيذبحني بطوكيو
وابي اكون قريب من المطار مابي ابعد ...
الف شكر على الردود
سلاااااااااااام

عموما اذا كنت من ضمن المبتعثين من المؤسسة العامة للتعليم الفني حاول تسأل عن طريقة الدفع بطوكيو لان اذكر واحد من الشباب يوميته اكثر من 2000 دولار شامل سكن و تنقلات و غيره لكن اعتقد ان انتم بيكون السكن و الاكل و الشرب طايح عنكم و الله يعينك على الخساير ،،،

لا والله انا رايح على حسابي ... تعلم اللغه اليابانيه
واجازه كمان .....
تقريبا تكلفتها مثل دراسة اللغه الانجليزيه في بريطانيا ... انا بسكن مع عائله يابانيه
الله يعين بداية الايام ... انواع العيييييييد ، بس ان شاء الله اتعود
وانا الحمد لله الكتب عن طوكيو ماليه دولابي ... وموجود فيها احسن اماكن للصرف
شكرا لك اخوي