الموضوع: سؤال عن التنقل بالقطار

السلام عليكم اصدقائي العرب المسافرين





ساعدووووني



بصراحه عيزت وانا ادور معلومات واجمع ..





اول شي انا حاجزه شهر 12 لباريس .. المهم انا هدفي ديزني لاند وما ودي اروح باريس نهائيا لكن



لكثره الايام قررت اني اقسمهم بين امستردام وبلجيكا وديزني وباريس





الحيييين السؤال المهم





عن القطار بينهم



انا جد حابه اني اسافر بالقطار لكن سمعت من الكثر انه ماينفع حق اللي معاه شنط كثيره



ومبدئيا احنا 4 اشخاص وكل واحد معاه شنطه كبيره



الحين هل تنصحون انه بهالوضع نسافر بالقطار ؟؟؟





وشي ثاني الشنط وين تنحط بالقطار ؟؟؟؟



وشي ثالث السفر بالقطار اروح نفس الوقت اذا انا حاجزه من قبل وادخل على طول ويمشي القطار ؟؟ اقصد اذا رحنا قبل الموعد بوقت عادي ادخل الشنط واقعد انتظر موعد الرحله ولا مايفتحون الباب الا بحزته ؟؟

مواضيع عشوائيه ممكن تكون تعجبك اخترناها لك:

• استفسار مهم عن لاديفانس ارجو مساعدتي
• مطلوب فندق قريب من الشانز
• الفزعه تكفووووووووون شنغن لغير موظفه
• كـــــــان مدينة المشاهير و الاسترخــاء
• مساعدتكم يا اخوان رحلتي بعد ايام استفسار عن استأجار السياره
• بخصوص المسافة بين باريس و ميونخ
• محتاجة لردكم عاجلاً
• ترانزيت في مطار شارل دي جول (باريس)
• باريس ياحلوها
• هل يغني كشف الحساب البنكي عن خطاب التعريف بالراتب من جهة العمل ؟
• أرجو المساعدة وفقكم الله خطوط طيران الى باريس
• خبراء باريس احتاج الى استفساراتكم
• احتاج خبرة اهل الاختصاص مسافر الى النمسا و ايطاليا و سويسرا و فرنسا
• ساعدوني في الانتقال من باريس بالقطار جزاكم الله خيرا
• نصائحكم يا الرحالات
• تكلفة السفر إلى فرنسا
• استفسار عن مدينة نيس واخر عن شركات الاتصالات
• مساعدة لباريس لمدة 3 ايام
• طلب مساعدة من ذوي الخبرة في اوروبا
• استفسار عن الجو في مارس في نيس جنوب فرنسا

وعليكم السلام



ويتجدد اللقاء بعد طول غياب هههه



التنقل بالقطار مريح جدا

اذا انتوا الاربعه كبار ومعاكم 4 شنط فالوضع عادي جدا

كل شخص يسحب شنطته ويركب بيها القطار

الشنط لها كبينه خاصه صغيره بين كل كبينتين كبار الي يكون فيها الكراسي

الشنط بتكون فوق بعض يعني اغراضج واغراض غيرج



القطار ما يفتح الا قبل الانطلاق بوقت قليل يمكن ربع ساعه او ثلث ساعه بس لانه في الغالب ما يكون موجود ( الا اذا كانت اول رحله بينطلق فيها ؟؟)

اهم شي تكونون عارفين كراسيكم في اي كبينه و على طول توقفون يمها



الافضل تكونون قبل مده في المحطه عشان من يوصل القطار توقفون في لكيو عشان تدخلون لانه يصير زحمه

ماقصرررر اخوي fanda

اي والله تجدد اللقاء انا اتمنى لك رحله ممتعه

مرحبا اختي اموركم طيبه ان شاء الله اذا كل واحد بشنطته
ونفس ماقالت اختي ام ريم
لازم تعرفين انتي بأي كبينه عشان تكون قريبه من القطار
والقطار الي ينتقل من دوله لدوله ينتظر فتره اطول لو كان قطار ينتقل من مدينه لأخرى داخل نفس الدوله
يعني تكونون بالمحطه على اقل تقدير قبل الرحله بنص ساعه
اذا دخلتو الكابينه الخاصه فيكم يوجد نفس الليوان يعني موزع بين الكباين هنا مكان الشنط وبعدها تجلسون في اماكنكم


بالنسبه للحجز يفضل تحجزين قبلها لاتحجزين بنفس اليوم لان من دوله لدوله يعني الاماكن تروح اسرع وعدد الرحلات اقل
وبعد لان السعر المنخفض يخلص وبعدها تنجبرون تحجزون بسعر اعلى


وفي رحلات دايركت من محطه Bruxelles-Midi في بروكسل
الى
محطه Marne la Vallée-Chessy الملاصقه لدزني لاند


موقع القطارات الهولندي


SNCB


https://www.b-europe.com/Travel/Prom...TrainSelection




بالتوفيق

شكرااا جميعا ..



احنا اربعه بينا طفل صغير ومن جذي متردده بسالفه القطار



قاعده احاول اقنعهم نأجر سياره بس خايفين من فكرة السواقه برا



وافكر بسالفه حجز سياره توصلنا بس كأنه اسعارهم واااايد

الجو في ديسمبر ما احسه يناسب للسياقه خصوصا اذا مو مجربين من قبل
الطفل اذا شايل عمره ما في مشكله بس اذا في ترولي يعني زحمه زياده مع الشنط
انت اكثر وحده ممكن تقيمين وضعكم لانه ادرى بالي معاج حركتهم شلون ، شايلين روحهم او لا ، .....
انه سافرت من باريس الى بروكسل وبالعكس ومعاي اثنين يهال وشنطه كبيره وترولي ولدي وهاندباج ، انه كان مسؤوليتي اليهال أركبهم وزوجي تكفل بالشنط الوضع كلش عادي كان ما حسينا بربكه ولا تعب مع انه احنا وصلنا قبل لا يمشي القطار بدقائق بسيطه بس

اوكي





محطه paris nord



شلون اوصل لها ؟؟



او بالضبط وين موقعها

اذا بالمترو توصلينهم عن طريق خط رقم 5 او حط رقم 4
او rer b الازرق او d الأخضر
يعتمد على وين سكنكم

المحطة تبعد حوالي ثلث ساعه بالتاكسي من الشانز اذا ما في زحمه

جربي باص بهبانيه
اذا ما تبين قطار ولا قيادة سيارة

المشاركة الأصلية كتبت بواسطة qa6ar911
http://www.arabtravelersforum.com/tr...7/#post8363257

مرحبا اختي اموركم طيبه ان شاء الله اذا كل واحد بشنطته
ونفس ماقالت اختي ام ريم
لازم تعرفين انتي بأي كبينه عشان تكون قريبه من القطار
والقطار الي ينتقل من دوله لدوله ينتظر فتره اطول لو كان قطار ينتقل من مدينه لأخرى داخل نفس الدوله
يعني تكونون بالمحطه على اقل تقدير قبل الرحله بنص ساعه
اذا دخلتو الكابينه الخاصه فيكم يوجد نفس الليوان يعني موزع بين الكباين هنا مكان الشنط وبعدها تجلسون في اماكنكم


بالنسبه للحجز يفضل تحجزين قبلها لاتحجزين بنفس اليوم لان من دوله لدوله يعني الاماكن تروح اسرع وعدد الرحلات اقل
وبعد لان السعر المنخفض يخلص وبعدها تنجبرون تحجزون بسعر اعلى


وفي رحلات دايركت من محطه Bruxelles-Midi في بروكسل
الى
محطه Marne la Vallée-Chessy الملاصقه لدزني لاند


موقع القطارات الهولندي


SNCB


https://www.b-europe.com/Travel/Prom...TrainSelection




بالتوفيق






شكرااااا عالتنبيه



كنت ناويه ارجع من بروكسل لي باريس ومن باريس لي ديزني



ماكنت عارفه انه في خط دايركت على ديزني

اخر سؤال



شنو الفرق بين الفيرست كلاس والسكند كلاس ؟؟؟

نفس نظام الطيران
في الغالب حجم المقعد والمسافه بينهم
البعض يقدم خدمات اضافيه للدرجه الاولى مثل واي فاي ، سناك بار ، ...

القطارات عموما مريحه جداً وأحس ما تفرق اذا اخترتوا درجه أولى او ثانيه الا اذا المسافه طويله

القطار بين امستردام وبروكسل وباريس جدا سهل

احجز التذاكر من موقع thalys وتوجه لشاشة محطة القطار قبل فترة كافية من موعد تحركهوتاكد من معرفة رصيف اللي يوقف عنجه القطار وبس