الموضوع: ساعدوني بارك الله فيكم

السلام عليكم , مسآ‘ئكم / صبآ‘حكم , خير وسعآ‘دهـ
اولا :بغيت استشيركم انا ناوي اسافر اندونيسيآ
بالصيف بالضبط تآ‘ريخ ..
28 / 7 / 2011 .. إلى 8 / 8 / 2011
او .... /
بشهر سبتمبر اللي هو 9 ميلادي
اي وقت احسن بالجو والاسعار والنزهه .... !

ثانيا : بغيت منكم :
افضل سعر وأي خطوط .. واللي حجز يعطيني
رآ‘بط الموقع .. + افضل الاماكن ومدة الايام لكل مكآ‘ن
مع العلم انا وزوجتي
يعني موب طلعت شبآب .. والمدهـ هي عششر أيآ‘م .. قابله للزيآ‘دهـ
اذا ماكانت تكفي في رأيكم , وخبرتكم ..
كم تكلفة المدهـ ..
وماالافضل في التنقل , تآ‘كسي
ام إستأجار سآ‘ئق بسيآ‘رته للتنزهـ .. ؟
وإذ1 في ششي ثآ‘ني برجع اسألكم .. .

بانتظآ‘ر ردودكم , ربي لايهينكم .

مواضيع عشوائيه ممكن تكون تعجبك اخترناها لك:

• شهر عسل في نهاية شهر يناير
• آستفسآر يَ آلغآليين
• استفسارات للرضيع
• شكر واعجاب واستفسار
• خبراء معشوقة الجميع دولة اندونيسيا السياحية أحتاج مساعدتكم
• استفسار
• السلام عليكم سؤالي تكفون نبي من عندة علم الله يوفق ويسعد من يعلمني
• تكفون يا اهل العمه تكفون ردو
• محتار في افضل الاماكن للسكن في جاكرتا
• ما هي متطلبات فيزا سنغافورا واندونيسيا ارجو المساعدة الرحلة قريبة ان شاء الله
• الصين
• هل يوجد فرع او وكيل لمكتب كاها في جده
• هل يوجد في بونشاك هناك فله لعائلتين يقدرون ياخذون راحتهم فيها
• ترتيب جدول رحلتي الي جاكرتا وبالي وباندونق وبونشاك
• فزعتكم يالاجاويدضعوا النقط على الحروف بخصوص سفرتي
• اول مشاركة لي بهذا المندى الغالي
• في بالي
• أنا بأسافر مع زوجي وبنتي لأندنوسيا أول مرة ومدة الرحلة 20 يوم
• تكفووون يا اهل الخبره افيدوني
• ابي مساعدة من عاشق الشلالات الابدي واخواني في المنتدى

المشاركة الأصلية كتبت بواسطة قنوع القنوع
http://www.arabtravelersforum.com/tr...2/#post5296302

السلام عليكم , مسآ‘ئكم / صبآ‘حكم , خير وسعآ‘دهـ

عليكم السلام ورحمه الله وبركاته
وصباحك عسل ان شاء الله

اولا :بغيت استشيركم انا ناوي اسافر اندونيسيآ
بالصيف بالضبط تآ‘ريخ ..
28 / 7 / 2011 .. إلى 8 / 8 / 2011
او .... /
بشهر سبتمبر اللي هو 9 ميلادي
اي وقت احسن بالجو والاسعار والنزهه .... !

اخي العزيز
بالصيف ماانصحك ابد تاريخ ذهابك قمه الزحمه والكلام يطول في ذالك...
اما شهر سبتمبر اللى هو بعد عيد الفطر اكيد افضل واقل زحمه من الصيف بكثير
اما الجو ماكو فرق تقريبا
الاسعار الصيف مرتفعه عشان موسم واما بعد العيد اقل بكثير
النزهه كذالك الصيف زحمه وبعد العيد اخف يعني تأخذ راحتك ..

ثانيا : بغيت منكم :
افضل سعر وأي خطوط .. واللي حجز يعطيني
رآ‘بط الموقع .. + افضل الاماكن ومدة الايام لكل مكآ‘ن
مع العلم انا وزوجتي

أفضل سعر تحصله فى النت خش ولفلف في مواقع الخطوط وكل ماحجزت بدري تلاقي ارخص
مثال الخطوط السعوديه تحجز عن طريق الموقع وتدفع كذالك عن طريق الموقع يعطيك خصم 10%
وعلى ذالك شف وش اللي يناسبك ...وطبعا اكيد ارخص من الصيف
اما رابط الموقع تحصله فى جوجل واكتب اى خطوط ويعطيك سهل جدا
بالنسبه افضل الأماكن ماخبرتنا وش تفضل بتوزيع الايام وتقدر تشوف تقارير الشباب وتختار والاماكن كثيرهـ

يعني موب طلعت شبآب .. والمدهـ هي عششر أيآ‘م .. قابله للزيآ‘دهـ
اذا ماكانت تكفي في رأيكم , وخبرتكم ..

انا اشوف 10 ايام قليله شوي خلها 12 يوم يكون احسن عشان تقدر تحلل السفره ويكون عندك خيارات التنقل اكثر
وللمعلوميه يوم السفر والعوده غير محسوبه في السفره ...


كم تكلفة المدهـ ..

التكلفه خذ حساب كل يوم معدل 1000 ريال تقريبا شامل سكن ومعيشه وتمشي بجاكرتا
الجبل اكيد راح يكون اقل وعلى ذالك الخ...


وماالافضل في التنقل , تآ‘كسي
ام إستأجار سآ‘ئق بسيآ‘رته للتنزهـ .. ؟

في جاكرتا الأفضل تاكسي شركه بلوبيرد الأزرق
الجبل أفضل يكون معك سائق لزوم التمشي ...


وإذ1 في ششي ثآ‘ني برجع اسألكم .. .

بالخدمه طال عمرك وأن شاء الله ماراح نقصر معاك

بانتظآ‘ر ردودكم , ربي لايهينكم .



ارجوا اني افدتك ولو بالقليل

يعطيك الف عآ‘فيه اخوي هـآ‘وي ..
وآ‘فـي وماقصصــرت ..
.
.

خطر ببآ‘لــي ششــي بسييط .. ربي لا يهينك ..
جاكرتــآ‘ .. احجز لهــآ‘ من هنـــآ‘ ... ؟ وايضــآ الجبــل .. ؟
واي افضل المواقع للحجز , وهل افضل
الحجز عن طريق الموقع ام عن طريق احدى مكاتب الحجز .. ؟

اخي العزيز انا قبل يومين حجزت من دبي على طيران رويال بروناي ذهاب واياب مدة شهر وهذي راح اول شي تنزل في برواناي ترانزييت وبعدها تواصل السفر الى جاكرتا انا اخذت الترانزيت الطويل علشان اجلس لي فترة راحة في بروناي وكانت حلوة ارض خضرا وجوها جميل المهم سعر التكلفة كان 1750 درهم تقدر تقول زي الريال السعودي واذا اخذتها ورغبت انك تعمل زيي تجلس لك في بروناي مدة 12 ساعة منها ترتاح من طول السفرة ومنها تشوف هالبلد الجميل مدة 12 ساعة تقدر في وصولك لمطار بروناي تحجز لك على فندق من خلال المكتب الخاص بيهم وراح يعجبك السكن والمعاملة ولا تقدر توقف لك ساعتين تنتظر الطيارة في المطار سعر السكن فيها راح يكون لشخصين بـ 70 دولار تقريبا مايعادل 260 ريال وفيزا الدخول بتكون 5 دولار للفرد الواحد

إذا مارحت جزيرة بالي ماكنك طبيت اندونيسيا ..
مع كل احترامي الشديد لمحبين جاكرتا والجبل وباندونق ..
بااااااااااااااااااااااالي وبس ..

اخي العاشق ان شاء الله ازورها وتراني جديد على البلد مخي بالحيل استوعب العملة

هلا اخوي سسسلفر , انت رحت ورجعت ولا باقي ..
متى تاريخ حجزك ... ؟
والله لا يهينك .. حبيب قلبي
.
.

ولا يهون الاخ عآ‘شششـق , معلومه حلوهـ ,, من ششخـص أحلى ..

المشاركة الأصلية كتبت بواسطة Silver Jockey
http://www.arabtravelersforum.com/tr...2/#post5302152

اخي العاشق ان شاء الله ازورها وتراني جديد على البلد مخي بالحيل استوعب العملة

ان شاء الله تزورها ..
جزيرة بالي لا تكفيها اقل من عشرة ايام ..
اذا بغيت تنبسط فيها صح ..
سحر بالي وروعته يكمن في تعدد النشاطات السياحيه امامك ..
صحيح انها اغلى مقارنه بجاكرتا او الجبل او حتى باندونق ..
لكن الفرق مو ذاك الزود ..
فالبداية كنت متخوف من سفري لها ..
والان اصبحت متيم فيها ..
لا مقارنه بين جزيرة الخيال والاحلام بالي وبين الجبل ..
مع كل احترامي الشديد لمحبيه ..
اصبح الجبل مرتع لصغار السن .. الا من رحم الله ..