الموضوع: مسافر جديد لأوروبا ومحتاج المساعده

السلام عليكم ورحمة الله وبركاته ,,,

كيف حالكم جميعاً ..؟


انا عندي عددت استفسارات وياليت تساعدوني ...


انا ومعاي 3 شباب حبينا نسافر لأوروبا .. طبعاً ماقد سافرنا لأوروبا .. وان شاء الله بتكون هذي السفره الأولى وبمساعدتكم لنا .. طبعاً موعد السفره راح يكون قبل الاجازه الصيفيه (وقت الاختبارات) نبي قبل الزززحمه هههههه


س1/ بالنسبة للتنقلات هل يفضل نستأجر سيارة او نستخدم القطارات والتكاسي والباصات ..؟


س2/ اللغة الانجليزية هل بتكون عائق لنا بالسفر ؟


س3/ مدة الرحلة راح تكون 14 يوم .. والمدن اللي نبي نزورها (النمسا-ميونيخ-سويسرا) ابي رأيكم في تقسيم الايام على المدن ؟؟

س4/ اجمالي المبلغ للسفره راح يكون 40 الف تقريباً هل هي كافيه او تحتاج للزياده ؟

وباقي عندي اسئلة كثيره .. بس قلت مابي اطفشكم من الاول ههههههههههههههههههههه

تحياتي لكم حبايبي وبانتظار ردودكم ..!

مواضيع عشوائيه ممكن تكون تعجبك اخترناها لك:

• أول مررررره أسافر لأوروبا رأيكم في المخطط التالي للرحلة
• محتاج مساعدة
• اخواني : رجاءً احتاج الى جدول سفرية لشهر العسل
• هل زيلامسي تستاهل يوم كامل ؟
• للي عنده خبرة بزيلامسي
• االلحم الحلال
• صور من رحلتي العائليه الى سوريا صيف
• تغير في خطة شهر العسل
• ارجوا المساعده في طقس النمسا وايطاليا وفرنسا في شهر ميلادي الجاي
• ما رأيكم في مخطط رحلتي و الفنادق أوروبا اغسطس ألمانيا النمسا سويسرا
• احتاج مساعدتكم لحجز الطيران الدمام فيينا ميونخ البحرين
• يوم مابينالنمساايطالياسويسرافرنسا
• شهر العسل في النمسا ارجو المساعده
• هل يوجد في سوريا
• استفسار من فضلكم بخصوص رحلة عرسان
• كيف احجز موعد بالسفارة النمساوية بالرياض؟
• فلا او شقة فندقيه راقيه بكابرون
• مساعدة في جدول الرحلة والحجوزات الداخلية
• استفسار عن رحله سالزبورغ
• استفسار عن تغيير الفنادق بعد استخراج تأشيرة الشنغن

وعليكم السلام ورحمة الله وبركاتهـ

اهلا وسهلا

رحلتك 14 يوم 13 ليله

جدولك وصولك ميونخ

ميونخ ليله
سالزبورغ ليلتين
زيلامسي 5 ليالي
انترلاكن 4 ليالي
لوزان او ديفون ليله

السيارة افضل مع الرخصه الدوليه وبقية طلباتها
تستلمها من ميونخ المطار اسهل
وتسلمها في مطار جنيف ويوجد ضريبة التسليم في دولة اخرى 200 يورو تزيد اوتنقص قليلاً

ومبلغ 40 الف واربع اشخاص اتوقع يحتاج زياده وفيه طريقه كيف تعرف كم تكلفك الرحله راح ارفقها لك في رد اخر

واللغه ليست عائق إن شاء الله اذا معاك جهاز garmin nüvi واحداثيات او عناوين جاهزه
وفيه تقرير بدون لغه سوف ارفقه لك إن شاء الله

الميزانيه في النمسا


جرب هذة الخطوات
1- جرب اسعار الشقق لانها اوفر من الفنادق في الاماكن اللي تبي تسكن فيها ودونها عندك
2- شوف حجز السيارة كم يطلع عليك ودونها عندك
3- متوسط الصرف في النمسا تقريباً 100 الى 150 يورو في اليوم تزيد او تنقص قليلاً
4- سعر التذاكر
5- سعر التأشيرات

اجمعها كلها وتعرف كم لك وكم عليك .....

الاشياء الممكن عملها للتوفير
1- اخذ معاك بعض المعلبات والاكل من السعوديه وانتبه لوزن الحقيبه
2- السكن في الشقق
3- تقليل التنقلات وتغيير السكن
4- سيارة ديزل
5- تناول وجبة واحده في مطعم والباقي في الشقه
6- السكن في فنادق او شقق في زيلامسي او كابرون توفر بطاقة زيلامسي كابرون الصيفيه
Zell am see - kaprun اللتي تخولك لدخول اغلب الاماكن السياحه مجاناً والبطاقه تستفيد منها من تاريخ 15 مايو الى 15 اكتوبر

الميزانية في سويسرا


جرب هذة الخطوات

1- جرب اسعار الشقق لانها اوفر من الفنادق في الاماكن اللي تبي تسكن فيها ودونها عندك
2- شوف حجز السيارة كم يطلع عليك ودونها عندك
3- متوسط الصرف في سويسرا تقريباً 150 الى 200 فرنك في اليوم تزيد او تنقص قليلاً في سويسرا
4- متوسط الصرف في المانيا تقريباً 100 الى 150 يورو في المانيا تقريبا

5- اسعار التذاكر

اجمعها كلها مع بعض وشوف كم تكلفك ...


الاشياء الممكن عملها للتوفير
1- اخذ معاك بعض المعلبات والاكل من السعوديه وانتبه لوزن الحقيبه
2- السكن في الشقق
3- تقليل التنقلات وتغيير السكن
4- سيارة ديزل
5- تناول وجبة واحده في مطعم والباقي في الشقه
لان ممكن تكلفك وجبه في مطعم هندي اللي هو تاج محل اللي في انترلاكن 250 ريال

معلومات عامه حول الاماكن السياحيه
1- ممكن يكلفك الصعود الى قمة جنقفراو 600 ريال للشخص والافضل تلافيها والصعود الى قمة تتلس ارخص منها ولكن ما ادري كم بالضبط ممكن الاكتفاء بقمة كابرون بالنمسا ببلاش مع البطاقة ..
2- ممكن يكلفك الصعود الى قمة frist وتجربة الزحليقه اللي فيها تقريباً 650 مو متذكر السعر بالضبط ولكن في حدود هذا المبلغ لشخصين
3- ممكن يكلفك تجربة البارشوت مع اخذ الصور اللي يصورها لك المدرب تقريباً 170 فرنك =700 ريال للشخص

وفي الاخير
انت من يحدد الصرف
اتق الله حيث ماكنت فهذه نصيحه من محب ....

تقبل تحيااتي

هذا التقرير بدون لغه للاخ ياسر الغامدي

http://www.arabtravelersforum.com/travel880394/

المشاركة الأصلية كتبت بواسطة mohammed0019
http://www.arabtravelersforum.com/tr...5/#post8135665

الله يعطيك العافيه يا شخص ما ... وماقصرت يالغالي
وبالنسبه للمبلغ مو مشكله راح يتم الزياده الى 50 الف واكثر ..
يعني محطة الوصول ميونيخ .. والعوده من جنيف او زيورخ

طيب لو يكون مسار الرحلة .. الوصل فيينا والعودة من سويسرا .. هل فيها اشكاليه من التعب والارهاق

طيب بالنسبه للفيزا ( الشنقن ) لو بطلعها من السفاره النمساويه .. هل تواجهنا مشكله اذا كان الوصول لميونيخ اول شي . ولا لازم يكون اول محطه لي النمسا ؟؟

فيينا تبعد عن زيلامسي 350 كم اما ميونخ 160 كم تقريباً والسيارات في المانيا ارخص من النمسا
وابعد طريق من زيلامسي الى انترلاكن 500 كم تقريباً ولكن الطريق جميل وهذا ممكن المرهق بالنسبه للشباب عادي تتحملون
انا جربته من زيلامسي الى انترلاكن الجبال والطبيعه والانهار شي جميل ..

بالنسبه للشنجن هذا الرابط فيه الاستفسارات ضع استفسارك وتحصل الاجابه إن شاء الله
رد مبدأي الشجن تطلعه من الدوله الاكثر اقامه وليست دولة الوصول ولكن هل يأتي تغيير في هذة السنه الله اعلم
اذا كانت حجوزات الفنادق حقيقه ماعليك .
تأشيرتي كانت سويسريه و وصولي ميونخ وكان الوضع عادي .. لانها الاكثر اقامه .

المشاركة الأصلية كتبت بواسطة mohammed0019
http://www.arabtravelersforum.com/tr...5/#post8136285

طيب يالغالي ..

لو تكون محطة الوصول فيينا . والعودة من زيورخ . هل فيها اشكالية من ناحية التعب والارهاق ..

وفيه سؤال ثاني تحملوني بكثرة الاسئلة ههههههههههه

بالنسبة لضرائب الطرق كيف طريقتها .. هل طريقة تسديدها عند تسليم السياره .. أو التسديد عن طريق المنافذ ؟؟

الوصول تمت الاجابة
العوده زيورخ
زيورخ تبعد عن انترلاكن 117 كم تقريباً
اما جنيف عن انترلاكن 220 كم تقريباً
اختار الاسهل فيها

بالنسبه لضرائب الطرق
هناك منافذ او بالتحديد من خروجك من النمسا الى دولة لخنتشتاين على ما اتذكر 9 يورو
بالنسبه للطرق السريعه في استكرات تحصلها في محطات الوقود
في النمسا استكر الخط السريع لونه وردي تأخذه ب 8 يورو لمدة عشر ايام وتشتريه اول ما تدخل النمسا وانت جاي من ميونخ اول محطه تقابلك في دولة النمسا وقف واشتريه والزقه ع الزجاج الامامي في الجهه اليمنى

اما في سويسرا
وانت خارج من النمسا يقابلك مكان تحصيل الضرائب اللي علمتك فيه تعطيهم 9 يورو وبعد ما تعدي النفق تحصل محطه في اليمين مباشرة او بعد كم كيلو خذ من عنده استكر الضرائب لونه اخضر ب 40 فرنك سويسري

اسم الاستكرات تاكس روود road taxes

اما المانيا اذا استأجرت السيارة منها لا يوجد ضرائب

تقبل تحياااتي

الله يعطيك العافيه .. والله تعبتك معاي

اجل على كذا يستحسن استخراج الفيزا من سفارة النمسا لأنها راح تكون اكثر اقامة فيها ..

بالنسبة للقياده في اوروبا بشكل عام .. انا سمعت من الاكثريه انها ممتعه ولا فيها صعوبة .. والبعض يقولي اذا انت تقود في الرياض بتصير سهله عليك في اوروبا هههههههههههه

رأيكم ان القياده سهله ولا كيف ؟؟

وانا متخوف من الضرائب حقت الطرق .. سمعت من البعض انها رسومها غاليه شوي عاد مدري هو صادق ولا لا هههههههه

والمعذره طولت عليكم بالكلام .. بس الواحد وده ينحاش من المكاتب واسعارهم المبالغ فيها ويستفيد من هالمنتدى افضل

ربي يسعدك ويوفقك على هالاجابات ...

السؤال / يعني لو استأجر السياره من المانيا واطلع فيها للنمسا او سويسرا ماعليها ضرائب ..

ولا قصدك في المانيا فقط ماعليها ضرائب

المشاركة الأصلية كتبت بواسطة mohammed0019
http://www.arabtravelersforum.com/tr...6/#post8136336

الله يعطيك العافيه .. والله تعبتك معاي

اجل على كذا يستحسن استخراج الفيزا من سفارة النمسا لأنها راح تكون اكثر اقامة فيها ..

بالنسبة للقياده في اوروبا بشكل عام .. انا سمعت من الاكثريه انها ممتعه ولا فيها صعوبة .. والبعض يقولي اذا انت تقود في الرياض بتصير سهله عليك في اوروبا هههههههههههه

رأيكم ان القياده سهله ولا كيف ؟؟

وانا متخوف من الضرائب حقت الطرق .. سمعت من البعض انها رسومها غاليه شوي عاد مدري هو صادق ولا لا هههههههه

والمعذره طولت عليكم بالكلام .. بس الواحد وده ينحاش من المكاتب واسعارهم المبالغ فيها ويستفيد من هالمنتدى افضل

بخصوص القياده سهله في الارياف جداً ولكن التزم بقوانين المرور والمدن راعي الخطوط اللي تجيك ع نفس الخط احيان عند الاشارة تجيك مسارين واحد سهم سيدا والثاني سهم يسار امشي مع السهم اللي تبيه ولاتسرع حتى مايصيدك ساهر بالعربي خلك نظامي

وضرائب الطرق مثل ماعلمتك

واشوف المنتدى افضل بكثير من المكاتب السياحيه خدمه بالمجان
دعوه في الغيب افضل من 1000 ريال ....

حبيبي اذا باقي استفسارات لا تخجل او تستحي الوضع عادي وضعنا في خدمتكم ...
تقبل تحياااتي
واهم شي لا تنسانا من التقرير وذكر ادق التفاصيل ....

ابد مانيب مستحي من احد هههههههههههههههههههههههههه
وبالنسبه للقياده انا افكر اخلي القياده في الارياف فقط.. اما ميونيخ افكر استغني عن السياره
طيب وشرايك بذا الجدول ابيك تعطيني رأيك فيه
فيينا ليله
سالزبورغ ليلتين
زيلامسي 4 ليالي
ميونيخ ليلتين
انترلاكن 3 ليالي
زيورخ ليله والعوده إلى أرض الوطن

هو مقارب للي قلتلي عنه بس عدلت عليه شوي

اذا تبي وصولك فيينا الغي ميونخ مالها لزمه وضيف ليله في انترلاكن وليله في زيورخ

السيارة من وين بتاخذها ؟؟

السياره راح اخذها من مطار فيينا ..
طيب المعذره يالغالي ممكن اعرف الغاء ميونيخ من الجدوول .. من الموبايل

هل سبب الغاء ميونيخ من الجدول بسبب الايام قليله على انترلاكن وزيورخ . ولا فيه سبب اخر ..؟

لازم نستفيد منكم هههههههههه من الموبايل

فكرتك حلووه يالغالي بس انا كانت فكرتي اطلع من النمسا واروح ميونيخ واجلس ليلتين بعدين اطلع على انترلاكن .. والله احترت .. انا ودي اروح اشوف ميونيخ بعد هههههههههه من الموبايل

طًِـِْيِّےْـَِّبِْ اذا ودك فيها مرها من سالزبورغ 160 كم والعوده في نفس اليوم ساعتين من سالزبورغ

من ميونخ الى انترلاكن 430 تقريباً بالسيارة
والسكن اذا شباب انصحك بالشقق طبخ ونفخ وفله ... اذا فيه احد يدخن انتبه لا يدخن بالشقه بعضها عليها غرامات

شقق افضل انا مع اخوي شخص ما واخذو شقق ع النهر تمام ههههههههههههههه

وبالنسبة للطبخ والنفخ لابد منها هههههههههههههههه ..
هل الافضل نشحن العزبة من هنا ولا نحصل كل شي متوفر هناك

المشاركة الأصلية كتبت بواسطة mohammed0019
http://www.arabtravelersforum.com/tr...3/#post8139893

الله يعطيكم العافية .

اجل على كذا المسافة بين سالزبورغ وانترلاكن بتكون بعيده ,, يعني لو تكون ميونيخ محطة توقف بينها بعدين التوجه الى انترلاكن مو افضل

ولا فيه طريق ثاني من سالزبورغ الى انترلاكن اقرب في المسافه

رأيكم وخبرتكم ..,,

طريقك من سالزبورغ مروراً ب انسبروك ومحطة التوقف تكون برينغز النمساويه او كونستانس ليلتين اول يوم جولة في المدينه وزيارة شلالات الراين واليوم الاخر لليورب بارك ومن اليورب بارك الى انترلاكن مروراً ب بازل

ايش تقصد بــــ اغراض الطبخ
هل تقصد اواني ؟؟
هذه متوفرة

ام تقصد معلبات ورز و بهارات و من هذه الانواع ؟؟ يعني الاشياء المستهلكه ؟؟
هذه الانواع تجيبها انت معك ....

شوف قسم الفنادق وابحث في بوكينج واختار اللي تبيه من حيث التعليقات الممتازة
واطرحه هنا ونحن نعطيك رأينا ...

هلا وغلا ,,,,,

الله يعطيك العافيه .. والمعذرة تعبتك وياي

وانا راح ابحث عن السكن من البوكينق وبطرحه هنا ان شاء الله

اااالف شكر يا شخص ما .. وما قصرت

بأذن الله اذا تمت هالسفره راح نوافيكم بالتقارير

وااااالف شكر لكم ..

وان احتجت لبعض الاستفسارات راح ارجع لكم ههههههههههه