السلام عليكم أيها الكرام وأيتهن الكريمات

أنا إن شاء الله مسافر يوم 28 مايو وراجع 14 يونيو

احنا 3 شباب نبغى نتمشى ونفلها ولله الحمد ليس بيننا من يبحث عن الخمور وغيرها
برنامجنا كالاتي:

1 يوم جاكرتا
7 أيام بونشاك
1 يوم باندوق
6 بالي
1 + يوم العودة جاكرتا

الأسئلة

1-جاكرتا هل تستحق أن نسحب يوم من بالي ونضيفه لجاكرتا " في حالة تأييدكم لذلك .. هل نجعله في الايام الأولى أم في الأيام الأخيرة؟؟

2- بونشاك هل تنصحوني بفلة مستقلة أو مجمع؟ ( من ناحية السعر والافضلية ) ؟ لأني سبق ورحت في فيلا مستقلة وارتحت بس الشباب يقولوا المجمعات أحسن وفيها حركة أكثر من الفلل؟

3- باندوق وحسب تقارير الاعضاء فيها مطار والفكرة من باندوق إننا نروح للمياة الكبريتية ومنها نطلع إلى بالي دون العودة لجاكرتا ( وهذي فائدة من الموقع ) فهل نضيف لها يوم على حساب بونشاك أم نجعلها محطة عبور فقط؟

4- بالنسبة لجزيرة بالي أول مرة أروح لها.... والصراحة أنا خايف منها كثير بس في نفس الوقت حرام نجلس كل الايام هذي في بونشاك وجاكرتا ... راح نطفش ( مو طفش قصدي نكرر الأماكن دون اكتشاف شيء جديد ) بس اللي معي أول مرة يسافرون وأخاف من كثر ما يشوفون يتعبوني معاهم؟ فهل أتوكل على الله وأروح بالي والا أكنسلها من الجدول ... علما بأني أنا واللي معاي ما لنا في الخراب .. كل هدفنا تمشية ومغامرات واستكشاف والله يثبتنا واياكم؟

5- في بالي ( بعد تأييدكم ) هل الافضل استئجار سيارة أم التكاسي أفضل ؟ من ناحية المصاريف؟

6- في بالي هل هناك دليل مختصر عن الأماكن السياحية والترفيهية مثل الغوص والقوارب المطاطية و البراشوت والاشياء الحلوة اللي فيها مغامرات؟

7- في بالي أين تنصحون بالسكن؟؟ فلل أو فنادق؟؟ طبعا السعر أهم شيء عندنا ما نبغى تزيد المصاريف

8- لو بغينا نشتري هدايا قبل نرجع وين نروح؟؟ نبغى الاسواق الشعبية الرخيصة؟

9- الشريحة الافضل في اندونيسيا وش هي؟؟

10- كم تتوقعون المصاريف على الواحد للاشياء المشتركة ... مثل السكن والسيارة والاكل؟

الله يجزيكم الخير وأنا عارف الاسئلة واجد لكن خابركم طيبين مع جميع من يسأل
لا حرمتم الاجر


تحياتي للجميع

مراهق عاقل
جدة
ملحوظة: كتبت موضوعي في أكثر من موقع

مواضيع عشوائيه ممكن تكون تعجبك اخترناها لك: