الموضوع: رحلتي الاولى الى اوربا صيف

السلام عليكم ورحمة الله وبركاته
ان شاء الله ناوية اسافر بعد العيد لهولندا 5 ليالي وبلجيكا4 ليالي وفرنسا 4 ليالي عبر خطوط ال klm .كل التنقل بين الدول بالطيران ماعدا من بروكسل الى باريس بتكون بالقطار من محطة midi .
حجزت فندق hotel residence Fock بباريس لليلتين ومحتاره هل امدد سكني بباريس واخر يومين اطلع من الصباح لدرزني والا اسكن بدزني ..بس ماابي اضيع وقتي وانا اغير في الفنادق واتنقل ..والي مخوفني التنقلات التكاسي غالية والمترو ماقط استخدمته وانا رايحة لحالي مع بناتي 13 سنه و9 سنوات ...اتمنى تنصحوني باامن وارخص الطرق للتنقل في باريس ودزني وكذلك شنهو تنصحوني اسوية للسياحة في باريس هل اخذ التورز والا اروح لحالي واشوف الاماكن ...وماهي الاماكن السياحية الي تنصحوني فيها في باريس

وهل دزني فيها شي غير الحديقتين ؟ يعني لو سكنا فيها في شي ثاني نقدر انسويه هناك ؟ والله محتاره اسكن طول الفتره بدزني واجي باريس يوم اشوفها والا اسوي العكس لاني احس ان السكن في فندقبن ب4 ليالي متعب ..

اش تنصحوني فية ..جزاكم الله خير من الموبايل

مواضيع عشوائيه ممكن تكون تعجبك اخترناها لك:

• نداء عاجل بخصوص السكن الأفضل
• هل هناك مضايقات للمتحجبات في فرنسا
• فندق اليورو ستار
• هل تتوقع يمشي معاي فكل أموري هـــــنـــــــــــــــــــاك
• استفسار عن الفيزا
• الفزعه يااهل الفزعه الله يوفقكم
• باريس التي رأيتذكريات ومشاهدات من عاصمة النور والجمال
• مساعدة يومان في باريس
• ذكرياتي الفرنسية بين باريسبوردونانت و كوليور
• رأيكم وفزعتكم
• تذاكر برج ايفيل و الباص الأحمر
• ذكريات عائليه في باريس
• مطار باريس اورلي او مطار شارلي ديقول
• تقرير رحلة ابو السلاطين لفرنسا صيف
• استفسارات كثيره عن باريس
• ممكن موقع حجز مع قروبات سياحية
• تم وضع البرنامج و الآن مساعدة في الفنادق و التنقلات فرنساسويسراالمانيا
• ليون نزهة السائح ومنهل الطالب
• احتاج مساعدة لتخطيط رحلة الى مدن فرنسا باريس ومدن اخرى
• استفسار بخصوص الشنقن للمربية

..

دزني مافيها غير الحديقتين وجنبها قريه فيها للاوت لت ومجمع جميل
الافضل تسكنين بدزني يومين و باريس باقي المده
التنقلات بالمترو امان والكل مجربه ونادرا تصير حالات سرقه وكذا
حاولي ما يتاخر الوقت فيكم وانتوا برا الفندق
http://www.arabtravelersforum.com/travel900575
شوفي هالموضوع للاماكن السياحيه في باريس
اختاري اللي يعجبك

وعليكم السلام

تنقلاتك بين الثلاث دول ممكن تكون بالقطار
من امستردام الى بروكسل الى باريس
4 ليالي كثيره على بروكسل فكري ببروج معاها
او زيدي يوم عالاقل لباريس

اذا بتخصصين يومين لديزني فالأفضل تسكنين في ديزني
مشوار كل يوم بطقينه 45 دقيقه رايح ونفسها في الرده
ديزني فيها البارك والاستوديو والفيلج الي فيها مطاعم ومحلات تسوق
وفي قبل ديزني بمحطه الاوت لت ويمه مول تسوق بعد

وعليكم السلام ورحمة الله وبركاته
زيدي باريس يوم
احرصي ايام ديزني ما تكون ويكند
يوم كامل للبارك ونص يوم اوت لوت والاستديو
في باريس بالمترو
حددي ايامك ايش تصادف من ايام الاسبوع

مشكوريين الغاليين فيصل FANDA ,ROMH على الاقتراحات والمعلومات جزاكم الله خير
..بس للاسف التذاكر اخذتها فالتغيير الان صعب ....لكن عندي بعض الاسئلة )
اعزائي انا باروح مع بناتي 13 و9 سنوات من كذا احتاج ارتب التفاصيل كلها لان اذا لا سمح الله صار شي انه الكبيرة الوحيدة بالرحلة

بالنسبه لهولندا : ان شاء الله بنوصل 31 يوليو الساعه 7 صباحا الى 5 اغسطس 2:30 ظهرا طيران الى بلجيكا
1)شنهو ارخص واسهل طريقة للوصول لفندق Holiday Inn Express من مطار Schiphol ,وبالعكس ;وكم الاسعار تقريبا
2)هل اخذ تورز لكل يوم بامستردام من مكاتب التورز والا احجزها مقدما من النت ؟ صديقتي اقترحت http://www.city-discovery.com
3) والا اروح بالمترو واتمشى بالاماكن واستكشفها ؟
4) ممكن جدول لزيارات الاماكن السياحية لمده 5 ايام ؟ وكيفية الوصول لها ( مهمة كيفية الوصول رحم الله والديكم -لان ذاكرتي المكانية كلش مو تمام . انا بالبحرين اضيع ساعات

بالنسبة لبلجيكا ؟
ان شاء الله بنوصل 5 اغسطس 2:30 ظهرا لمطار Brussels Airport
1)شنهو ارخص واسهل طريقة للوصول لفندق NH Hotel Stephanie من مطار ;وكم الاسعار تقريبا
2) اخطط اخذ رحلات لبره بروكسل لبروج ودلفت وغيرها من الاماكن شنهو تقترحون على من مواصلات وكم اسعارهم التقريبيه ؟ وهل اخذها من مكاتب سياحة اهناك والا اخذها من النت ؟
3) كيف اوصل لمحطة Midi Railway Station من الفندق وشنهو ارخص طريقة ؟ وكم الاسعار المتوقعه ؟
هذي جزء من تذكرة KLM سالتهم ما عطوني تفاصيل التذكر...مثل رقم القطارورقم الرصيف وماادري كيف الوضع اذا لا سمح الله فاتني القطار وش تنصحوني فيه؟

4) كم ساعة قبل وقت القطار لازم اكون بالمحطة ؟

والان اسئلة باريس (مدينه النور والجمال )

5) اي محطة قطار اقرب شي لفندق Hotel Residence Foch لاني ان شاء الله باوصل بالقطار المغادر من بروكسل يوم 9 اغسطس الى 13اغسطس (الي يصادف السبت والاحد والاثنين والثلاثاء) والاربعاء صباحا الرجوع ان شاء الله الى البحرين
وهل اخذ تكسي من المحطة للفندق ؟ لان بيكون معاي شناط ؟ والا في محطة قريبه من الفندق ؟

الوصول بيكون تقريبا على الظهر ففكرت اني اظل في باريس واستفيد من اليوم خصوصا انه سبت ودزني بتكون زحمة . اش تنصحوني اسويه بنص يوم ؟ ورجاء كيف اوصل له ؟
الاحد بيكون سياحة بباريس ان شاء الله . ماادري اخذ من مكتب سياحة والا اروح بالمترو ؟
الاثنين والثلاثاء ان شاء الله باروح بالقطار من الصباح الى دزني وبارجع بالمسا اليوم الاول الحديقة والثاني الاستيديو ولو في وقت اروح اشوف الاوت لت
من اي محطة اركب والى اي محطة انزل (دزني ) وبالعكس
شنهو تواقيت الحديقة و القطارات ؟
تنصحوني اشتري تذاكر لكل حديقة ليوم والا اشتري الحديقتين ليومين ؟ وكم اسعار التذاكر ؟
شنهو ارخص طريقة لشراء تذاكر دزني ؟ النت ؟ والا الفندق بباريس ايرتبون لي ؟

سامحوني على كثرة الاسئلة ..

اشكركم مقدما يالغاليين وتسلمون ويسلم هالمنتدى الرائع

حياك الله
هولندا اسالي في بوابه دول اوربا الاخري وكذلك بلجيكا تقرير احلي من العقد جديد ولا انسي اخي طرزان عن القريه
نجي لباريس


5) اي محطة قطار اقرب شي لفندق Hotel Residence Foch لاني ان شاء الله باوصل بالقطار المغادر من بروكسل يوم 9 اغسطس الى 13اغسطس (الي يصادف السبت والاحد والاثنين والثلاثاء) والاربعاء صباحا الرجوع ان شاء الله الى البحرين
وهل اخذ تكسي من المحطة للفندق ؟ لان بيكون معاي شناط ؟ والا في محطة قريبه من الفندق ؟

كثير لكن الاقرب Porte Dauphine
لا فيه قريب شوفي الماب 8 دقايق مشي



الوصول بيكون تقريبا على الظهر ففكرت اني اظل في باريس واستفيد من اليوم خصوصا انه سبت ودزني بتكون زحمة . اش تنصحوني اسويه بنص يوم ؟ ورجاء كيف اوصل له ؟
كثير منها الباص الاحمر او زياره ايفل ويستحسن الحجز من قبل مع القارب والشانز
الاحد بيكون سياحة بباريس ان شاء الله . ماادري اخذ من مكتب سياحة والا اروح بالمترو ؟
ليش مكتب بالمترو
الاثنين والثلاثاء ان شاء الله باروح بالقطار من الصباح الى دزني وبارجع بالمسا اليوم الاول الحديقة والثاني الاستيديو ولو في وقت اروح اشوف الاوت لت
من اي محطة اركب والى اي محطة انزل (دزني ) وبالعكس
سواء راحتي من محطتك الي محطه شارلز ديغول ايتوال ومن هناك تأخذون الرير الاحمر A الي ديزني
شنهو تواقيت الحديقة و القطارات ؟
الحديق تفتح من 10 لكن ممكن تطلعين بدري افضل القطارات اخرها الي منتصف الليل
تنصحوني اشتري تذاكر لكل حديقة ليوم والا اشتري الحديقتين ليومين ؟ وكم اسعار التذاكر ؟
شنهو ارخص طريقة لشراء تذاكر دزني ؟ النت ؟ والا الفندق بباريس ايرتبون لي ؟
افضل كل يوم بيومه طبعا
النت ارخص
لكن مرات الفنادق تقدم عروض

الى الفندق افضل تاكسي حتى لو أغلى بس أريح

بعد ما توصلون اخذوا الباص الاحمر رحلتكم في الصيف والنهار طويل يمديكم تخلصون الروت كامل
تذاكر الباص تقدرون تشترونها مباشره من الباص

ماله داعي قروبات او مكاتب سياحيه المترو يغطي كل مكان
هذا الموضوع بساعدكم كثير عشان تعرفون اقرب محطه للمكان الي تبون تزورونه
http://www.arabtravelersforum.com/travel694189/

عشان ديزني من الشانز تاخدون RER A الاحمر الين محطه مارني لا فالي واذا تبون الاوت لت يكون محطه قبل ديزني

التذاكر يوم للبارك ويوم للاستوديو لانه ما راح يمدي الوقت تغطون الاثنين

nice topic

Gate France welcomes you