بسم الله الرحمن الرحيم
 انا اسمى طارق 19 سنه من الاسكندريه/مصر
واتعرفت على واحده امريكيه عن طريق الفيسبوك. وكانت نازله القاهره لل سياحه. ف قابلتها . المهم هيه بعتتلى دعوه مدتها 3 شهور. انا مكانش معايا باسبور . ف عملت الباسبور ولسه مستلمه النهارده. الباسبور بتاريخ 9/8/2010
انا لسه طالب وبدرس ف الجامعه. واخدت افاده من الجامعه عشان اعمل الباسبور. ومكتوب ف الباسبور طالب
انا ف سن التجنيد. وليه جيش بس عشان طبعا انا لسه بدرس. ف ماليش جيش الا اما اخلص. المهم انا اتصلت بالسفاره عشان استفسر عن شويه معلومات. طلبوا منى الاتى
1-الباسبور بتاعى


2-نسخه من باسبور اللى بعتلى الدعوه


3-نسخه من الدعوه نفسها


4-وصل بدفع رسوم الابلكيشن . ( انا مش عارف الابكليشن ده انزله من ع النت ازاى. واعمل اي بالظبت. ياريت المساعده ف كده. وازاى اطبعه واروح بنك ال CIB وادفعه. كل الاجرائات دى. انا مش عارفها يا ريت المساعده فيها)



5-صوره 5*5 الخلفيه بيضا ووشى كله باين


6-ما يثبت انى هارجع تانى مصر. انا قلت للى كنت بكلمه من السفاره ع التليفون. انى لسه طالب. قالى هات ما يثبت. قلتله ان مكتوب ف الباسبور طالب. وتاريج الاصدار بتاع الباسبور لسه جديد. ماردتش عليه وكان متعصب كده مش عارفه ليه. ف ياريت المساعده . ايه اللى انا محتاج اجيبه معايا عشان يثبت انى هارجع تانى. او الكلام ده. انا لسه طالب. وعندى امتحانات.ولازم انزل قبل الامتحانات. الدعوه ب مده 3 شهور. يعنى اجيب افاده من الكليه . انى لسه طالب. ولا ايه. ياريت المساعده
)





السؤال الاول


انا بس عايز اعرف كذا حاجه. لما اروح المقابله. البس ايه. انا لحد دلوقتى مش عارف. فيه ناس تقلى البس رسمى. وناس تقلى البس عادى. انا عن نفسى مش عارف. انا رياضى و بمارس رياضه الكيك بوكس. وكمال الاجسام. وجسمى كويس. ف مش عارف البس ايه. حاجه تبين جسمى. ولا البس حاجه عاديه خالص. ولا البس بدله رسمى. انا مش عايز البس حاجه تديهم فكره غلط عنى. وانا عرفت ان المقابله دى كل حاجه.

السؤال الثانى


انا عايز اعرف ايه نوعيه الاسئله اللى هايسألوهالى. هل هايسألونى ايه علاقتك بال بنت دى. هيه البنت لما اتصلت بالسفاره وبعتت الدعوه. قالت انى صديق. وان هيه بعتتلى الدعوه عشان انا ساعدتها ف تقضيه وقت ممتع ف مصر . يعنى كنت بفسحها ههههههههه
المهم هيه قالت انها باعتالى الدعوه عشان اجى وتعمل معايا الواجب يعنى. تردى الجميل. انى ازور امريكا. وحددت الولايات اللى هاتروحها وانا هاروحها معاها. لو سألونى اقلهم ايه. وايه الاسئله اللى احتمال يسألوها. وايه تانى هايسألونى عليه. واتصرف ازاى. عادى بطبيعتى. اضحك. ولا اخلينى عادى. ولا ايه. انا عايز بس اعرف هايسألونى ايه

السؤال الثالث

انا ايه المستندات المطلوب منى اجبها بخلاف كل اللى ذكرته. انا اقدر اجيب افاده من الكليه . انى طالب. لازم احضر الامتحانات. دى سهله
ايه اللى اجيبه تانى بخلاف كل ده. انا لسه قدامى حوالى شهر رمضان كله قبل المقابله . ف عايز اعرف ايه اللى اقدر اعمله.
انا مش بشتغل ولا حاجه. انا لسه بدرس. ف مهنتى ف الباسبور ف البطاقه طالب. ايه اللى لازم اجيبه تانى معايا للمقابله . عشان حكايه انى لازم اجيب حاجه تأكد انى هارجع مصر بعد ال 3 شهور.

يا ريت حد يساعدنى . عشان انا محتار ومش عارف اتصرف ازاى
يا ريت الاخ المحترم Impact
انت السبب انى اشترك ف مكتوب. عشان انا كنت بعمل بحث ع جوجل. ولقيت كل المواضيع بتاعتك. واللى حضرتك رديت عليها. انا عملت الموضوع ده. على انى أأمل ان حضرتك تفدنى .
وشكرا









مواضيع عشوائيه ممكن تكون تعجبك اخترناها لك: