الموضوع: نزهة ثلاث أيام في الخيران

[align=center]

السلام عليكم ورحمة الله وبركاتة

منتزه شاليهات الخيران

إخوتي وأخواتي يعتبر منتزه شاليهات الخيران أحد المشاريع التابعه لشركة المشروعات السياحيه ويعتبر وجهه هامه طوال السنة للمواطنين و لجميع المقيمين و الضيوف ممن يطلب السياحه المحليه .

معلومات :ـ

يعتبر منتزه شاليهات الخيران بحق مدينة سياحية متكاملة من حيث التنوع والإعداد ، ذلك أنه يضم 195 شاليهاً مقسمة إلى ثلاثة أنواع:

123 شاليها عادياً، 48 شاليهاً صممت وفق نظام الاستديو ، و24 شاليهاً من الطراز الملكي الفاخر، وقد زودت هذه الشاليهات بأفخم الأثاث وأرقى الخدمات الفندقية، كما اشتمل المنتزه على أحواض سباحة، وملاعب رياضية (تنس، كرة قدم، كرة طائرة، كرة سلة، رماية) وناد لليخوت، ومدينة ترفيهية صغيرة للأطفال، وصالة لألعاب الفيديو والكمبيوتر، وسوق مركزي، ومركز طبي، وحضانة أطفال، ومسجد، ومصبغة للملابس، ومجموعة من المطاعم الفخمة.
( المعلومات منقوله من موقع شركة المشروعات السياحية الكويتيه )





و شاء الله ان تذهب أختكم الباحثة للمنتزه هي والعائلة الكريمه برجالها و نسائها و شبابها و شاباتها و ما ننسي أطفالها طبعا وذلك لمدة ثلاثة ايام 7- 8 - 9 / 4 / 2004

و اليكم الجزء الأول من بعض الصور للمنتزه وتلك الصور أخذتها من الفيلم الذي التقطته بكاميرة الفيديو فرجاء يا خبرائنا أكرر وأقول عن التعليق على صفاء الصور يعني (الخبراء يمتنعون ) :surf . بس ابشركم أخيرا شريت كاميرة ديجيتال و برتاح و بريحكم

لقطات عامه من المنتزه منها ما أخذته على البر ومنها ما أخذته خلال الجوله البحريه ..























بعض الرياضات البحرية في المنتزه











الي اللقاء بالجزء الثاني إن شاء الله .



تحياتي ............[/align]

مواضيع عشوائيه ممكن تكون تعجبك اخترناها لك:

• وش الافضل موفنبيك او النخيل
• شقق مفروشه
• ابحث عن مطعم اشاز الهندي
• استفسار قبل زيارتي الي الكويت
• ندااااااااااااااااااااااااااااااااااااااااااااء الى اهل الكويت الغالين
• عشاءنا في مطعم أوفنتي بالاس
• عاجل من يعرف اين هي قنصلية الكويت في الخبر ؟
• استفسار عن الفندق الدولي في السالمية
• عيدي بالكويت غير
• فندق ومنتجع سيك السالميه
• صور للكويت من الاقمار الصناعيه
• افيدوني يا أهل الكويت
• الخطوط الجوية الكويتية
• © مطع ــــم ريــــوق ©
• سوق الفقع
• رايح الكويت بعد بكره الاربعاء ۔ وابي مساعده صغيره عااااجله
• صور على السريع من المركز العلمي
• اسواق الكويت وطبيعتها ومواقعها
• معرض المنتجات السورية يبدأ ؟؟؟
• ما هي أفضل شركة تأجير سيارات في الكويــت

[align=center] يعطيك العافيه على الصور الحلووووه

ومبروك الكاميرا الجديده وبانتظار كل ماهو جميل وجديد

[/align]

[align=center]

السلام عليكم ورحمة الله و بركاته

الجزء الثاني ..

على فكره معني كلمة خيران هي جمع لكلمة خور
و تعريف مصطلح الخور هو عباره عن (بحيره مائيه أو لسان من الماء ممتد داخل اليابسه ) من معلومات المدرسه أشوى ما نسيت

و يقع مشروع الخيران على خوريين هما ( خور مفتح ) ( خور عمي )

خور مفتح مفتوح من جهة البحر تماما و يتأثر بمده و جزره .

خور عمي مغلق من جهة البحر الا من شي بسيط .

وكلا الخوريين يقع علي جانبيه شاليهات إما أهليه أو سياحيه ..

واليكم صور من جهة خور مفتح













صور لميناء إنطلاق الرحلات البحريه ( المارينا ) سواء القوارب أو اللنجات الخشبيه .

كفتيريا المارينا من الداخل



مبني المارينا جهة البحر





خلال انتظار القارب و استعراض بالجيت سكي من قبل بعض الشباب



الخيران تحت المطر ليصبح الجو مع الغيوم سبحان الله ولا اروع منه و إختكم تحت الشجره تصور و غرقت يومها من المطر
لكن ميخالف كل شي لأجل العرب المسافرون يهون .:surf :surf









[img][/img]







لا حظوا البطة من بعيد ( فرحانه بالمطر )



ألعاب ناريه أطلقت مساء




وانتظروا الجزء الثالث والأخير و صور متفرقه


تحياتي ........................[/align]

[align=center]الله يعافيك ويخليك أخوي بو ملاك

والله يبارك فيك ان شاء الله إي والله إشتريتها علشان ارتاح عقب الي شفته من حوسه و عباله مع الفيديو

و أشكرك على المرور ,, و أهم شي تعجبكم الصور .



تحياتي .................[/align]

[align=center]
السلام عليكم ورحمة الله ويركاته

الجزء الثالث

هذا غدانا لليوم الثاني و ما عليه سامحوني ما عزمتكم عموما يمدى و تفضلوا و إن جت متأخره



صور متنوعه و مثل ما نقول بالمثل ( باجيه ولا يبات ) يعني باقي الصور شوفوها عن الحسافه















وإن شاء الله عجبتكم الصور


تحياتي .................[/align]

مشكورة وماقصرتي شغل عدل وزين ماشاءالله تبارك الله وتسلمين ومبروك الكاميرا

الديجيتل وياليت نعرف نوعها عشان نقرر إذا كانت الصور منها أو من غيرها

ههههههههههههههه شايف نفسي خبير فيه مانع أشوى كنت أفكر فيه مانع

وبعدين بصراحة خليتينا نتمنى زيارة الخيران وإن شاءالله تكون قريبا حتى لو في عز

الصيف مافيه مشكلة ننطبخ والعائلة سوا ومشكورة مرة ثانية على التقرير الجميل

والصور الرائعة وننتظر دايما جديدك بشوق وتمنياتي لك بالتوفيق أختي الغالية

[align=center]

السلام عليكم ورحمة الله وبركاته

هلا باخوي قلبي وحياك الله و الخيران و اهلها والديرة كلها يشرفهم زيارتكم انت و الأهل وكل الاخوان والاخوات وهذي الساعه المباركه ... بس اذا لكم نيه فعلا مثل ما قلت لكم من اول خلوها زيارتكم بالفترة من شهر اكتوبر - او نوفمبر الي مارس أو إبريل

و هالصور المتواضعه يا الخبير مثل سابقتهم من الصور موقفتهم من كاميرة الفيديو ( مو قلنا الخبراء يمتنعون )

واما بالنسبة للكاميرا الجديده للحين ما جربتها ومتي ما جربتها وشفت النتيجه مرضيه اقولكم اسمها و ان اتضح العكس فيا ويلها

وكل الشكر لك على المرور و الإطلاع و الله يوفق الجميع يا رب .



تحياتي ................[/align]

صور جميلة ومنطقة جميلة جدا بحطها في بالي اذا زرت عيال عمي عندكم

عندي سؤال بسيط الي هو وش نوع الكاميرا الفديو الي اخذ الصور منها لانها ماشاء الله فيها صفاء طيب وكم دقتها؟؟
انا اخذ صور من كاميرا الفديو الي عندي (سوني) في موضوع عن رحلتي في ماليزيا والصفاء احس اقل من صور!!


ومرة اخرى يعطيك العافية على الصور..

يه يه يه . شهالزين ..

بسألج .. خيران أحلى من منتجعات هيلتون ؟؟؟

لأني ناوي أجيب الربع ونروح لنا رحلة شبابية في أحد الدول القريبة . بس لين الحين ماقررت ..

تحياتي لج ..
وصور ولا أحلى

ما شاء الله عليج
ما خليتي شي ما صورتيه
بس باجي حمامات السباحه كبر و الثاني نسيت اسمه مو امصورتهم

بس مشكلة الخيران انه اشوي غالي و دايما ماكو حجز و لا عاد بالعطل الرسميه و احلى شي اذا الجو حلو و يمعة الاهل
و يعطيج العافيه على هالصور الحلوه

[align=center] السلام عليكم ورحمة الله وبركاته

هلا و الله بخواني وخواتي و حياكم الله و ما قصرتو على المرور

أخوي بو معاذ منتزه الخيران متعه وإن شاء الله تنبسط إذا شفته ,,

بس حبيت اعطيكم فكره انه طريقه الدخول للمنتزه تسيربنظامين

-- نظام الزياره لمده يوم واحد والفرد يدفع 3 دنانير عند الباب رسوم دخول ..
-- نظام حجز للبيات ليله وأكثر و حاول تحجز بدرى أفضل لأنه الشاليهات كله فل وبس

أما الكاميرا فهي بانوسونيك و حاول انك تستخدم تقنيه التشغيل على البطىء و بمساعده الريموت الخاص فيها تختار اللقطات و توقف و أنا استخدمتها في بعض الصور وريحتني فقدرت اضبط الصور السريعه بالذات مثل صور الجيت سكي .

هلا أخوي بو محمد الله يسلمك ومشكوريا الخبير علي التشجيع
وبالنسبه للفرق فمنتجع هيلتون له جوه و الخيران له جوه بس الخيران اقل رسميه ومجال الانطلاق فيه أكثر و لا تنسي اغلبه من اهل الديره اما الهيلتون فمتروس اجانب ,, و فيه نقطه هامه بعد الي اعرفه انه منتزه الخيران عائلي و ممنوع الدخول فيه للعزاب يعني هات الأهل وحياك ,, و لا تنس تحجز قبله بوقت .
و هذا رقمهم للي يحب يستفسر عن الحجز من خارج الكويت و إن شاء الله يفيدونك .

المشروعات السياحيه .........5650111
منتزه الخيران ............ 3951122
مركز المعلومات ......... 5622560

هلا باختي مملوحه و حياج حبيبتي بعد شنسوى غالي غالي ولو راده لي جان أخذت هالكم فلس وسافرت فيهم لانه جملة المصروفات كانت تغطي قيمة تذكره واقامه لتايلند والا شرم الشيخ لكن بما اني هالأيام صحيا ما فيني شدة على السفر فالعوض ولا القطيعه
وبالنسبة لحمام السباحه فعلي حظي كان مسكر يمكن لانه الجو بعده مو مال سباحه غير اليوم الي كان مطر فما حصلت فرصه اصوره و ان شاء الله المره الجايه و اصور معاه صالات الالعاب و البولينغ و القطار و باركنج الجمال والحصن ..



تحياتي ...............[/align]

الله يعطيج العافية مشرفتنا الباحثة.. متعتينا بالصور الحلوة الله يمتعك

بس بصراحة شكلة مكان يحتاج له روحة غصب .. وبالرحلة القادمة بإذن الله

[align=center]

السلام عليكم ورحمة الله وبركاته

هلا بأخوي اول حبيب والله يمتعنا واياكم بالجنة ونعيمها اللهم آآآآآآآمين
و حياك الله في الكويت و بأي وقت و ان شاء الله تحصلك فرصه لزيارتها وتشوف المنتزه على الطبيعه .
وهذي الساعه المباركه .


تحياتي ............[/align]

حبيبتي الباحثه اشكرج من كل قلبي على المجهود الرائع ورحله ممتعه فعلا بالخيران


لك تحياتي ،،،

[align=center]
السلام عليكم ورحمة الله وبركاته

الله يسلمج ويخليج إختي أم فجر و ما قصرتي على المرور والمشاركه

و يا ليت تشدون حيلكم معانا وتحطون لنا هالصور الحلوه عن ديرتنا تراها تستاهل



تحياتي .............[/align]

الباحثه

مشاركاتك دائما اكثر من رائعه

[align=center]

السلام عليكم ورحمة الله و بركاته

حياك الله أخي فيصل .. و يا هلا فيك

و الاروع هو زيارتكم للمواضيع و مشاركاتكم الطيبه

فكل الشكر لك و للجميع .


تحياتي .............[/align]