الموضوع: مطعم شابستان

يعطيكم العافية إخواني
أمس وانا طالع من الدوام (والجو بارد:11ld: ) حبيت آكل أكل دسم فقل وين وين - ماكو إلا ناخذ رأي المدام ورسينا على مطعم شابستان - فندق كراون بلازا :101:
طبعا لا يخفى عليكم المطعم أطباقه إيرانية:114: (وانا أحب الأكل الإيراني بس مو كل المطاعم تضبط الطبخات:108: )
وأخذنا أحمداني (كان نايم قلنا زين يمدينا ناكل قبل لا يقعد ويعفس المطعم .:101:
المطعم بشكل علم أكل جيد وحلو وفيه بعض الاطباق مميزة والبعض الآخر متوسط والسعر جدا جدا معقول يعني الطلب شخصين (سيت منيو) وعدد 1 عصير وواحد ماي السعر 13:500 دينار
طبعا عندهم منيو تختار منه ما تحب ويوجد سيت منيو مكون من :
1- إختيار نوع شوربة من أربعة أنواع (وإحنا شخصين إخترنا شوربة آش رشته :24: :24: وسوب جو)
2- بوفيه السلطات (جيد وعندهم المتبل روعة من أحلى ما يمكن)
3- طبق به مشويات مشكلة (كباب وريش وشيش طاووق وقطعتين فيش هامور بحجم الشيش طاووق)
4- ثلاثة أنواع من العيش (الرز) أبيض وأصفر وشبنت - رز معاه خضرة الشبنت)
وإليكم هذه الصور
صورة الممر
https://s.yimg.com/qn/travel/data_tr...p?photo=123911
وهذه صورة بوفيه السلطات - والنافورة الصغيرة
https://s.yimg.com/qn/travel/data_tr...p?photo=123912
ومثل ما تشوفون النقوشات واللوحات
https://s.yimg.com/qn/travel/data_tr...p?photo=123913
الكوفي شوب (فوشون شوكولاته وحلويات ) وهذه عروض خاصة له .
https://s.yimg.com/qn/travel/data_tr...p?photo=123914
ومثل ما تشوفون الطبق الرئيسي الكباب و الفش أحلى مشويات
https://s.yimg.com/qn/travel/data_tr...p?photo=123919
الشوربة مع اللبنة أو الروب (بس شوي روب ثقيل) وايد حلوة
https://s.yimg.com/qn/travel/data_tr...p?photo=123921
قبل وبعد الأكل هاهاها:109:
https://s.yimg.com/qn/travel/data_tr...p?photo=123920
وبعد ما خلصنا قعد أحمداني ولعب بالشوك - (لسان حاله يقول مو بس إنتوا انا بعد معاكم:109: )
ويوم رحنا لبوتيك فوشون (محل صغير عن اللوبي بالفندق يعرض منتجات فوشون ، أحمداني أصر إلا ياخذ كاكاو تقديم (مسك وحدة ومارضا يردها ) سألت بكل الكيلو قالت 30 دينار!!:112: بصراحة غالي أغلى حتى من باتشي بس طعمه عادي بصراحة شريت كم حبة عشان اسكت الصغير وهم عشان انا والمدام نذوقه 6 حبات ب2:100
الحقيقة المطعم بشكل عام حلو وقعدته حلوة يستاهل الواحد يزوره
سابقا ما كنت آكل بكراون بلازا إلا بأيام زمان إفطار وغدا وعشا بالنوخذة بحري وامس لأول مرة أجرب شابستان وطلع مستواه طيب .
جربوه وإنشالله يعجبكم

مواضيع عشوائيه ممكن تكون تعجبك اخترناها لك:

• الي الاخ ضاري
• بزوركم الخميس ابي جدولة رحلة
• فنــــادق الكــــويت
• تكفون ابي اسافر الكويت فيدوني
• احـدث واجمـل الصــور للكــويت
• مطعـم قيصــر ♥
• استفسار ساذهب في مارس قوانزوا السكن المحلات بخبرتكم
• عدنا لكم من جديد
• الفنادق رقم الهاتف رقم فاكس ّ موقع الاكتروني لكل فندق اماكن السياحية
• شقق مع غرفه للسواق
• الكويت و صور من الطائرة
• افضل للسكن جراند تاور للشقق الفندقيه او بودل ماعندي سياره
• دليلك الى الكــــــويت مجمعات فنادق مطاعم تكاسي
• الاماكن السياحية في الكويت
• طلب واتمنى ما تردوني
• اين ابراج الكويت والحديقة الترفيهية وحديقة الحيوان ويوم البحار في الكويت
• الخطوط الوطنية الكويتية تلغي رحلاتها للمنامة وعمان ودمشق وجدة
• مقارنة بين مطعمين في الكويت؟؟
• أول مرة أسافر خارج السعودية إلى الكويت إستفسارات
• نموذج سياحي لدوله الكويت للمشاركه

ما شاء الله عليكم بالعافية أخوي فهد الأحمد تراني جوعان أنتظر بس وقت الغداء وأنا ما أطلع من الدوام إلا متأخر تكفى لا تزيد المواجع ، المطاعم الإيرانية حلوة وأكلهم طيب للي يضبطونه .



الله يعطيك العافية على هالتقرير الطيب ، لو إنك أثّرت علي نفسياً وباطنياً :109: .


مع خالص التحية والتقدير ،،،


أخوك المحب : ناظم

عليك بالعافيه اخوي بواحمد يعني مديها جلو كباب الله يهنيك التقرير شفناه وقت الظهر يعني اي اكله تصير حلوة وشكل الكباب مع قطعه الهامور روعه عليكم بالعافيه

الحقيقه الفندق هذا ما اروح له الا حق النوخذه حق الزفره

عزيزي ناظم الله يعافيك
وحاضر أفا عليك لا تتألم نفسيا ولاشي :109: حياك الكويت ونقوم بالواجب وأخليك تاكل من نفس المطعم :222:
مشكور على المرور:113:

الله يعافيك أخوي ناصر وصدقت الهامور كان طعمه أحلى من الشيش طاووق وبدون زفره
وطبعا النوخذة ما عليه كلام وما أروحله إلا اذا كنت يوعان حدي (عشان أطلع قيمته هاها:109: )

[align=center]
[cell="filter:;"][align=center]

عساك على القوه اخوي فهد

والمطعم حلو ولكن يعيبه انه مو كبير والممر ضيق وحاطين بوفيه السلطات والحلو في الممر بس اكله حلو
قبل نهاية رمضان وصل ضيف من السعودية وهو من أهل المنتدى وقضى نهاية رمضان والعيد بالكويت وعزمته هو وأهله وانا والاهل في المطعم وعجبهم بصراحة حتى انه ثلاث يوم راح له مرة ثانية
عموماً الساعة المبارك وترى الحق .... راكبك ..... راكبك .... شلون تتغدون وأحمداني رفيجكم وصاحبكم بالسيارة ما تغدى عليك حق انت والمدام ...
والحق هو :: تذاكر لعب بمائة دينار في المدينة الترفهية أو فرح لاند أو حولي بارك أو طفل المستقبل:109: :109: [/align][/cell]
[/align]

يعطيك العافيه اخوي فهد على التقرير

عزيزي الباب العالي مشكور على المرور وفعلا مساحة المطعم صغيرة ولكن لو لاحظت إن الطاولات متوزعة على اليمين وعلى اليسار يعني اللعدد كافي ، خاصة إن بالفندق سبعة مطاعم تقريبا مع الكافيه
ونقطة بالنسبة للوبي (رغم إن الفندق يعتبر قديم نوعا ما وحتى غرفه ليست كلها مجددة ومع هذا تشوف إن اللوبي مستغل بشكل ممتاز والمطاعم متوزعة بطريقة حلوة :24: ما يضاهيه إلا فندق الكورت يارد طبعا باللوبي)
وبالنسبة للحق اللي علي ، مو مشكلة صح الغلط راكبني من راسي لي كرياسي هاهاها :109: بس توه على المدينة الترفيهية عمره الله يحفظه سنة وشهرين.
شاكر لك مرورك:113:

أختي روان مشكورة على المرور

عليكم بالعافية وعساه مداخيل العافية
ومشكور على التقرير والصور ويبيله غدا فيه

المشاركة الأصلية كتبت بواسطة فهد الأحمد
http://www.arabtravelersforum.com/tr...4/#post1018714

عزيزي ناظم الله يعافيك
وحاضر أفا عليك لا تتألم نفسيا ولاشي :109: حياك الكويت ونقوم بالواجب وأخليك تاكل من نفس المطعم :222:
مشكور على المرور:113:



تسلم طال عمرك وكلّكم خير وطيبة يا أهل الكويت وراعين واجب .

مع خالص التحية والتقدير لك أخوي فهد .

أخوك المحب : ناظم

الله يسلمك أخوي ناظم ويحيي أهل السعودية

وين هالمطاعم فهدماطلعت الا يوم رجعنا من الكويت:105:
مشكور على مجهودك:113:
وبالعافيه عليكم الغدا

يعطيك العافية


وبصراحة المطعم رائع واكله لذيذ:24: واسعاره جيدة:24:

واللي يزور الكويت لازم يزورها هذا المطعم




وفندق كراون بلازا جميع مطاعم الموجوده فيه ممتازة

درة وعاشقة أوروبا حياكم الله :101:
الإخت درة : متعمدين ننزل هالموضوع ألحين عشان ترجعين للكويت مرة ثانية وثالثة ورابعة هاها:109: :109:

يعطيك العاااافيهفعلا حلو
انا مجربته من زمان

سلام عليكم
الله يعطيك العافية

الله يعافيك أخوي ريح الشرق

عليك بالعافية
الصراحة رخيص وااااااااااااااايد بالنسية لبتقي المطاعم

بالعافية يا عسل

ويعطيك العافية على التقرير الرائع


بالتوفيق الدائم للجميع

عليكم بالعافية اخوي بو احمد
للأمانه مطاعم كراون بلازا كلها مميزة
و من اكثر المطاعم الي ارتاح فيها ولها
بس مدرى متى يخلصون من الصيانة كأنهم طولوها :105:

و ماقصرت على التقرير


تحياتي ...........

المشاركة الأصلية كتبت بواسطة متكه
http://www.arabtravelersforum.com/tr...8/#post1052398

عليك بالعافية
الصراحة رخيص وااااااااااااااايد بالنسية لبتقي المطاعم



شكرا اخوي متكه و الله يعافيك

المشاركة الأصلية كتبت بواسطة عاشق ^^ سفر
http://www.arabtravelersforum.com/tr...0/#post1052420

بالعافية يا عسل

ويعطيك العافية على التقرير الرائع


بالتوفيق الدائم للجميع



الله يعافيك وإنشالله أضيف لكم تقارير أخرى

المشاركة الأصلية كتبت بواسطة الباحثة
http://www.arabtravelersforum.com/tr...7/#post1052557

عليكم بالعافية اخوي بو احمد
للأمانه مطاعم كراون بلازا كلها مميزة
و من اكثر المطاعم الي ارتاح فيها ولها
بس مدرى متى يخلصون من الصيانة كأنهم طولوها :105:

و ماقصرت على التقرير


تحياتي ...........

إختي الباحثة فعلا كلامج عندج أيام زمان وبعد النوخذة
ومشكورة على المرور وإنتظري القادم ومع سلسلة من المطاعم المختارة .:101:

والله حلو .. انا مجربه من زمان واكله حلو

بس مافيه حركه وايد ..

وتسلم على التقرير أخوي بوأحمداني ..

المشاركة الأصلية كتبت بواسطة Traveler Q8i
http://www.arabtravelersforum.com/tr...0/#post1053650

والله حلو .. انا مجربه من زمان واكله حلو

بس مافيه حركه وايد ..

وتسلم على التقرير أخوي بوأحمداني ..



مشكور أخوي ترافيلير كويتي
وأنتظر الجديد .:101: