الموضوع: فنادق بنفس المستوى

السلام عليكم ورحمة الله وبركاته

حيا الله اهل الكويت عندي سؤال يارييييت الاقي له اجابه سريعه عندكم.

وهو اننا جايين الكويت باذن الله الثلاثاء القادم والمشكله اني قبل اسبوعين احاول احجز والفنادق فلللل.

والحين خلصت الفنادق اللي فبالي فياليت لو احد يعطين اختيارات لفنادق بس تكون بنفس مستوى هالفنادق:

المارينا
الكورت يارد
الشيراتون

لاني حاولت احجز فيهم وكلهم فل هالويك اند..

وعطاكم العافيه

مواضيع عشوائيه ممكن تكون تعجبك اخترناها لك:

• خاص لأهل الفزعة الكويتين أهلنا وحبايبنا
• أهم المعارض المقامة بمشرف من سنة إلى سنة
• مشروع القرية التراثية
• ابي شقه في السالميه ومالقيت
• زيارتي إلى مطعم جينز جريل للريوق
• ابغى محلات الطرح وغيرها ورحله ع البر
• صالون الهامه للرجال
• جاوبني فندق رخيص وقوي نجمات في الكويت؟ وين؟
• عروض وسيرك ومسرحيات وترفيه في الكويت هالاسبوع من مارس
• الملابس الكويتيه بتساعدوني ولا اظف وجهي انا وعفشي
• الى الخبراء في الكويت دخول
• للباحثات عن
• نخيتكم
• بليز ياأهل الكويت ساعودني قريبتي بتجي عندكم
• ملابس بالجمله
• ســـــــــــــــــــــــــــــــــــــــــــــــــ ـــــــاعدوني
• عاجل خبراء الصين الكرام وخصوصا بكين
• سفرتي القصيرة إلى درة الجزيرة
• توني جاي من الكويت وهذي تفاصيل الخط الدولي الجديد بالكيلو
• شاليهات السيشل

هلا اخوي تفضل هذه فنادق راقية ومواقع مميزة

مرديان تاور
جي دبليو ماريوت
هوليدي إن دوان تاون
لي مرديان (شارع الخليج)
فندق الكورنيش
هوليدي إن السالمية

تفضل هذا الرابط يمكنك الإطلاع على الكثير من فنادق الكويت
http://www.travel4arab.com/vb/showthread.php?t=91391

اخوي كويتي:

في البداية احب اشكرك على سرعة الرد.

ومشكور على الرابط بس انا ابي عن تجربة فنادق بنفس مستوى ال 3 فنادق اللي حطيتهم.
وعلى ماسمعت ان الماريوت قدييم
والهوليدي ان صغيير

فانا متلخبطة من كثر الفنادق..

اختي من قال ان الفنادق هذه 3 نجوم؟؟؟

فندق هوليدي إن دوان تاون فندق جديد لم يمضي على افتتاحة 6شهور وهو كبير وممتاز وهو 4 نجوم ولكن مستوى الخدمة والأثاث 5 نجوم

وجي دبليو ماريوت هو ذو تصنيف 5 نجوم وهو مجدد بالكامل قبل سنين وموقعه في شارع فهد السالم

اما المرديان تاور فهو 4 نجوم صحيح ولكنه جديد وهو يعتبر ضمن 12 فندق لنظام ارتك في العالم

وهذه صور من فندق مرديان تاور وهي خير دليل

هوليدي ان السالمية
غنى بالاس
الماريوت على ما اعتقد انه مجدد بالكامل
وحياج الله

اخوي كويتي من جاب طاري 3 نجوم؟!!

انا اقول ابي فنادق بنفس مستوى الثلاث فنادق اللي انا حاطتهم وهم المارينا والشيراتون ولكورت يارد وارجع لردي... عافاك اخوك واعتذر عن المغثه.


مسافرة كويتيه هلا وغلا ...
طيب هوليدي ان السالميه او الداون تاون؟

اختي نبت الوسم حياج الله بالكويت واتمنى لك اقامه سعيدة بس في ملاحظة خذو الحذر من البرد بالكويت وخاصة في الليل درجات الحرارة تنخفض الي اقل من 5 درجات بالليل

صادق كويتي انا لما دخلت على البي بي سي لقيت ان الثلاثاء الجاي درجة الحراره الصغرى 3

على الله بس نلقى حجز كل الفنادق فل .

ياجماعة شصاير عندكم ؟؟!! كل الفنادق فلللللللللل

على فكرة شرايكم بالموفنبيك؟ ووين هي فيه المنطقه الحره

المريديان تاور أنا سكنته وهو نفس الصور التي وضعها الأخ الكويتي وموقعه ملاصق لفندق الشيراتون من الخلف وهو جديد واغلب اللي ساكنين فيه رجال أعمال أخذناه في نهاية الصيف ب480ريال مع الفطور
بس عيبه الوحيد أنه جنب محطة الباصات الرئيسيه فتلاقي العمال بكثره في المنطقه

dona1....

الف شكر على ايضاح التجربة.

شكلنا اجلنا الجيه للاسبوع اللي بعده لان الظاهر فيه اجتماعات كبيره ومؤتمرات عشان كذا كل الفنادق فل.

والخوف بعد من وجود زحمة .

شاكرة لكم تفاعلكم اخواني...


لحظة لحظة لاتروحون ... بسألكم الحين ابي تصويت على الكورت يارد او الشيراتون.

من ناحية الفندق نفسه وغرفه وخدماته ومطاعمه واطلالته.

شاكرة لكم مقدما

^^^^^^^^^^^^^
غلب القادمون لمعرض الكتاب الدولي...

عليه زحمة مو طبيعية...!

انا انصحج بالكورت يارد


وحياكم الله بالكويت

صح ضاري فيه معرض الكتاب وفيه عدة مؤتمرات


رواان ... نصيحة بحطها فبالي. الف شكر

الكورت يارد احسن

مشكورة مسافرة ويعطيك العافيه

الكورت يارد افضل لأن اللوبي كبير ويشرح القلب والفندق كبير جدا وبة مركز تجاري راقي ومطاعم ومقاهي متعددة وهذه كم صورة للفندق

إخواني بالنسبة للموقع أنا أشوف إن الكورت يارد والهوليدي ان داون تاون والماريوت أفضل مواقع بفنادق العاصمة
وبالسالمية الهوليدي ان والمارينا
يعيب الشيراتون والفوربوينت والمريديان تاور (مع إن جميل) يعيبهم الموقع .

الف شكر اخوي رحال ... عطاك العافيه ومشكور عالصور


فهد الاحمد ... ماقصرت ومعلومات بحطه بالحسبان