الموضوع: ما هي افضل وسيلة نقل من مطار زيورخ الى مدينة كونستانتز الالمانيه

بسم الله الرحمن الرحيم

السلام عليكم ورحة الله ايها العرب المسافرون


عندي استفسار محتاج مشورتكم يالربع

بإذن الله راح انزل زيورخ في 4/8/2014
الساعه 7:00 المساء

وراح استأجر سيارة من كونستانتز الالمانيه في اليوم الثاني 5/8/2014
لاني راح ارجعها مطار ميونخ في اخر سفرتي

استفساري
ما هي ارخص وسيلة نقل من زيورخ الى كونستانتز الالمانيه
والتي تبعد حوالي 67 كم من مطار زيورخ

اللي له تجربه او عنده معلومه زين يخبرنا بالافضل والاسعار


وان شاء الله بنعطيه كرتون فواكه

مواضيع عشوائيه ممكن تكون تعجبك اخترناها لك:

• شهر عسل في باريس وسويسرا
• حبايب قلبي هلمووو
• الى الجميع للاهميه
• رحلتنا الذهاب زيورخ والعودة باريس وطلعنا فيزا فرنسية هل فيه مشكلة ؟؟
• استفسار عن سويسرا بشكل عام أرجو المساعده !
• المواصلات في إنترلاكن تستحق إستئجار سيارة؟
• ممكن مساعده واستفسار
• ليالي في انترلاكـــاكتوبر ـــــن
• اسئلة ارجو لو تكرمتو تفيدوني فيها
• ساعدوني في كم استفسار عن سويسرا ياوجيه الخييير
• للخبراء واهل الخبره لاهتنم فزعتكم بشهر العسل
• ارجو الدخول لابداء اقتراحاتكم على مخطط رحلتي
• انتهيت من الحجوزات والترتيبات وبقي الجدول اليومي لأماكن الزيارة ؟
• أول مرة أسافر خارج المملكة وبروح أوروبا
• استفسار بخصوص قمة و قمه
• الي استلم الفيزا يدخل
• مهرجان إنترلاكن اليوم و صورة رائعة ومميزة
• رحلة لـــوي فيتــــون للارض الحنــــــون سويسرا
• عاجل القنصليه السويسريه مداومين غدا الخميس ؟؟؟؟
• تنسيق للاماكن سياحية ،،عاااجل

افضل طريقة للذهاب من زيورخ الى كونستانس هي بالقطار
وتوجد قطارات مباشرة تطلع كل ساعه من زيورخ ومدتها ساعه و 17 دقيقة
وسعرها تقريبا 31 فرنك سويسري

ولاتنسون كرتون الفاكهة ,,, وبحدد لكم انواع الفاكهة اللي احبها والعنوان في سويسرا
قبل ما تسافرون بكم يوم ,,,, هههههههه

يا هلا بالشيخ مقدم

هلا بك مليون ونص..
67 كم يقطعهم في ساعة و 17 دقيقه: وقت كثير ياخذ وسعر غالي ياخي
الشخص ب31 فرنك يعني ب 13.5 ريال عماني 135 ريال سعودي

كيف بخصوص الباصات او التكاسي كم اسعارهم ؟

ولا يهمك يالشيخ مقدم سلة الفواكة جاهزة

ويا شيخ ترى بس سلة ما فيها فواكه..انا قلت سلة فواكه
ههههههههههههههه

التكاسي غالية وممكن يوصل سعرهم اكثر من 200 فرنك والوقت 50 دقيقة

والباصات سعرهم اقل حوالي 15 فرنك ووقتهم اطول حوالي ساعه و40 دقيقة

اجل من الافضل استقل باص..
ما عندي مشكله فالوقت..

بس الحين هل من السهل الحصول على باص في مطار زيورخ الى كونستانت؟

وكيف اجراءات ركوب الباصات .. هل يحتاج تذكرة او حجز مسبق؟

وكيف اخبرهم بإني اريد اذهاب الى الفندق الفلاني..ولا ما يوصلوا الى الفنادق

وهل السعر يشمل الحقائب؟

يا هلا ومرحبتين..



في انتظار الاجابة على الرد الاخير...جزاكم الله خير

من مطار زيورخ الى كونستانس فيه قطارات مباشرة ووقتها ساعه و 7 دقايق
اما الباصات واللي اعرفه تطلع من وسط زيورخ ومش مـتأكد اذا فيه باصات تطلع من مطار زيورخ الى كوننتسانس مباشرة

والقطارات والباصات توصلكم الى المحطة في كونستانس ومنها تروحون للفندق اما مشي او بتكسي او بقطار او باص
على حسب موقع فندقكم

من خلال بحثي في جوجل ايرث يوجد مسالك للباصات..

بس الحين اريد اعرف كيف تحجز الباص..وكيف اجرائتهم..؟


هل اجرائتهم مثل التكاسي او يختلف؟

السلام عليكم ورحمة الله وبركاتة

ان شاء الله سفري بيكون بتاريخ 4/8 مع المدام لشهر العسل

الوصول لمطار زيورخ في الساعه 19:00 بتوقيتهم
اعتقد عندهم لسه العصر..مثل ما سمعت المغرب عندهم ع حدود الساعه 9

المهم انا بستاجر سيارة من مدينو كونستانز الالمانيه..لاني العوده للوطن راح يكون من ميونخ
واذا اخذت سيارة من زيورخ راح يكون سعرها غالي جداَ ..انا اخذتها الحين ب 2500 ريال ولما قارنته مع لما اخذها من زيورخ وارجعها ميونخ طلع المبلغ تقريبا 4000 يعني فارق 1500

الحين وش تفضلون؟
انزل المطار واستقل قطار مباشرة من المطار الى مدينة كونستانز وانام فيها ليله وفاليوم الثاني اروح لمكتب التاجير واشل السيارة

او
اوصل المطار وانام في زيورخ تلك الليله وفي الصباح استقل القطار الى كونستانتز واروح مباشرة اشل السيارة

لاني حصلت كونستانتز حلوه ..وفيها حديقة الورود وبقربها مدينة بريجنز ممكن اتمشى فيها

ولكم مني كرتون فواكه
في انتظار ارائكم واقتراحاتكم

كرتون الفواكه فيه فاكهة وإللا نفس الاولي فاضي ,, هههه

من وجهة نظري يما ان القطارات مباشرة من مطار زيورخ الى كونستانس فالافضل انكم تطلعون على طول الى
كونستانس وفي صباح اليوم التالي تستأجرون السيارة وتزورون جزيرة الزهور

ولاتنسى كرتون الفاكهة

يا هلا بمقدام..
ههههه...لا هالمره متروسه برتقاله وحده


الخطه كانت كذا...بس خفت لا نوصل مرهقين ونتاخر في المطار وبعدين نتاخر في القطار
وبعد القطار ما بيوصلنا للفندق اللى فالكونستانس ..ويمكن يدخل علينا الليل واحنا في طريقنا الى كونستانتز

فشو رايكم من هالناحيه

برتقالة وحدة تكفي واحسن من ولا شي ,, بس الكرتون ارجعه لك والا احتفظ فيه ,, هههه

عندكم خيارين
الاول ,, الوصول والذهاب مباشرة الى كونستانس
والثاني ,, توصلون وتحجزون فندق قريب من المطار واليوم التالي تطلعون الى كونستانس بالقطار

مع اني افضل الاول ولو فيه شوية تعب ,, والقرار راجع لكم

لا يا خوي لازم ترجعه ..
what you think, it is free

ترا هذي الجمله اللي ملخبطه بعقلي " والقرار راجع اليكم "

شكله الافضل اني استريح في زيورخ واطلع في اليوم الثاني
عن المشاكل..

السلام عليكم ورحمة الله

حبيت استفسر عن اسعار الجاكيتات حق البرد الرجاليه والنسائيه
كم اسعارهم في سويسرا واروبا عموماً

لاني جتني فكرة اني اشتري الملابس من سويسرا وقت الوصول

هل تنصحوني؟

السلام عليكم ورحمة الله وبركاته

سفرتي قريبه باذن الله 4/8
راح انزل مطار زيورخ وانام فيها لليله
وفي الصباح بروح مدينة كونستانتز الالمانيه عن طريق القطار
من مطار زيورخ..لاني بستاجر سيارة من المانيا
لان رجعتي للوطن من ميونخ..فالسعر يكون ارخص

الحين اريد احجز قطار من مطار زيورخ الى كونستانز
لشخضين انا والمدام
ما هو افضل موقع وافضل قطار ممكن احجز فيه
بشرط اقدر احجز كرسيين مع بعض..ويكون القطار شوي مريح


مشكورين

وعليكم السلام ورحمة الله وبركاته ::


حياك الله اخوي .




بالنسبة للطريقة ..لإهي مجربة وسهلة عن طريق اتباع الخطوات في هذا الرابط :


http://www.arabtravelersforum.com/tr...b=user_related






وممكن اول ما توصل زيورخ ..من محطة قطار المطار تقطع التذاكر الى كونستانس .




وبالتوفيق

تشكر عمي ميدو ع الرد الجميل..

ما شاء الله شرح كافي ووافي..
من خلال الموضوع اللي عطيتني اياه..حصلت موضوع السويس باس

اذا كان عندك خلفيه عن هذي البطاقة
فهل مجديه ان اشتري مثلها
علماً اني فقط
بستخدم القطار مرة وحده من زيورخ الى كونستانتز
وبروح لقمة الجنجراوف اللي بإنترلاكن اعلى قمة
سمعت فيها تخفيظات 50%
وبروح للشلالات..
وبروح لحديقة يورب بارك
وغيرها

بس طبعاً بالسيارة...لاني بستاجر سيارة

فهل مجدي اني اشتري هذي البطاقة؟؟

يا مرحبا ...


بالنسبة للسويس باس المناسب لكم مع وجود سيارة ..هي السويس باس هاف فير ..واللي تعطيكم خصم 50 % على جميع المواصلات السويسرية.


وراح تستفيدو منها اذا كات مجموع انشطة الفرد الواحد اكثر من 220 فرنك سويسري .


يعني لو كانت عندكم قمة اوروبا 170 فرنك ..مع اي قمة اخرى مثلا 90 فرنك ..راح تستفيدو منها بالتأكيد .


وكل ما زادت الانشطة زاد التوفير ..وهكذا .




قيمة البطاقة 120 فرنك سويسري للشخص الواحد ..لمدة شهر .




ويمكنكم شراءها عند الوصول الى سويسرا ..من اي محطة قطار .








وبالتوفيق

بارك الله فيك عمي..

واذا اخذنا السويس باس وش المشكله..كم قيمتها؟؟

لان المواصلات راح تكون مجانية..
لاننا احتمال بنركب الباخرات
مثلاً لزيارة شلالات جس باخ
وقطار من زيورخ الى كونستانتز

وبعد بنروح للشلالات التريميل باخ

فهل ترى انها مجديه في هذي الحاله؟؟

قيمة بطاقة السويس باس للفرد البالغ لمدة اربعة ايام فقط ب 435 فرنك ..


يعني حدود 1827 ريال .


http://www.swiss-pass.ch/en/swiss-pass/




قيمة الذهاب بالباخرة من والى الجس باخ ب 65 فرنك .


قيمة القطار من زيورخ الى كونستانس 31 فرنك .


المجموع 96 فرنك . = 403 ريال .




وهكذا .....




يعني هل مجموع تنقلات الشخص الواحد في الاربع ايام ..يوصل اكثر من 435 فرنك ؟؟


اذا ايوة ..راح تفيدكم .


اذا لأ ..ما راح تفيدكم .


==========================


بالنسبة لسسويس هاف فير ..

..احسبو قيمة كل مواصلات للشخص الواحد البالغ ..اذا طلعت فوق 220 فرنك..راح تستفيدو من البطاقة .
اذااقل ..البطاقة تطلع عليكم بخسارة .






راح تقولي كيف ؟ اعطيك مثال: الصعود لقمة اوروبا مثلا..يكلف للشخص 170 فرنك ..مع زيارة شلال الجس باخ 65 فرنك ..مع صعود لقمة اخرىب 90 فرنك ..الخ . المجموع = 325 فرنك ....بدونبطاقة الهاف فير.



ولو معاك البطاقة ..قيمتها 120فرنك + نفس الانشطة اللي فوق بس 50 % من قيمتها . يعني : 120 + 85 + 35 + 45 = 285 فرنك .



فيبقى انتم استفدتم من البطاقةبتوفير (325 - 285 = 40 فرنك )



ترى هذا مثال..والا االانشطة اللي راح تسويها كثيرة ..وعاد عندك الحساب ...اذا كثرت الانشطةبيكثر التوفير.




وبالتووفيق

ما شاء الله عليك..

الحين فهمت كل شي تقريباً..

راح تفكيري بعيد بالاول..الله يرزقك الجنه ع التوضيح

استفسار ثاني بارك الله فيك: اذا جربت هالشي
سمعت ان المطاعم في سويسرا بالعموم غالية

هل عندك قائمة بالمطاعم الحلال في انترلاكن وبيرن
يعني ممكن احصل عندهم اسعار مناسبة

او في عندك خطه ثانية لتخطي ازمة غلا الوجبات؟؟؟

اللهم امين واياك ..


بالنسبة للاكل ووجبات العشاء ..فالخيارات كثيرة وجميلة ...ومنها ماهو غالي ..ومنها ماهو مقبول .


مثلا ..ماكدونالدز ..الوجبة تقريبا ب 13 فرنك .


وجبة الشاورما في المطاعم التركية ب 8 فرنكات اذا ما خاب ظني .
(لا تحسبيها مثل المسخوطة اللي عندنا ..ترى الساندوتش ممكن ما يخلص )


البيتزا التيك اواي تقريبا 10 فرنكات .


المطاعم الايطالية في حدود 50 فرنك لشخصين .


المطاعم الهندية توصل الى 80 فرنك لشخصين


المطاعم العربية ..+ 80 فرنك لشخصين


وهكذا .


على حسب الطلبات يعني ..تعتبر هذه ارقام تقديرية .




فمثلا ..من وجهة نظري ..افطار جيد في الفندق صباحا ..مع وجبة عشاء من بعد الساعة السادسة مساءا ..كافية .
يتخللها العديد من المانشيز ..كريبس شبسات شكاليط ايسكريم وهكذا .




هذا رابط للعمدة ..ابو عزيز ..راح يفيدكم :
http://www.arabtravelersforum.com/travel687631/






وبالتوفيق