الموضوع: ممكن اروح الكويت وابي مساعدتكم

انا ناوية اني اروح الكويت لمدة 3 ايام ممكن انا والوالدة بس وهذة اول مرة حبيت اعرف في امان بالنسبة لنا انة احنا حريم وين نسكن افضل فندق ام شقة وابي اعرف اسماء الاسواق اللي تبيع الجلابيات والملابس النسائية ومشكورين

مواضيع عشوائيه ممكن تكون تعجبك اخترناها لك:

• تقــريــري لغـــــداي المـصـــور فــــي مطـــعم رايــــــس
• ان شاء الله بنزوركم سؤال مهم
• استفسار عن تفصيل الملابس الرجاليه
• مطعم ليالي روز بالجهراء لايطوفكم
• ممكن معلومات عن متحف شركة نفط الكويت ؟
• استفسار؟؟؟
• أهنيء بوابة الكويت على هؤلاء المشرفين
• مشاريع الكويت المستقبلية
• صور لمجمعات الراية العوضي الصالحية
• مواصلات المطار
• أمطار الكويت اليوم بالصور
• كم استفسار محتاجه مساعدتكم
• بليز ياكويتيات
• ياريت تساعدوني في اختيار شقق نظام فندقي قريب من سوق المباركيه
• نموذج سياحي لدوله الكويت للمشاركه
• اهل الكويت استفسار لو سمحتوا
• ¨° تحية لجميع من في المنتدى °
• «كيدزانيا العالمية» تبرم اتفاقية حصرية مع شركة الشايع
• حالتنا حالة
• ارجو منكم مساعدتي

اختي الغالية كل دول الخليج امان والكويت احدى هذه الدول التي تتميز بالامان شرط اختيار اماكن وتناسب العائلة

بالنسبة للسكن يفضل ان يكون فندق وهذا الرابط انشاء الله يفيدك
http://www.travel4arab.com/vb/showthread.php?t=91391

بالنسبة لبيع الجلابيات في اماكن كثيرة ولكن معظم المحلات تتركز في مجمع الأوقاف داخل مدينة الكويت

المشاركة الأصلية كتبت بواسطة nor85
http://www.arabtravelersforum.com/tr...49/#post960421

انا ناوية اني اروح الكويت لمدة 3 ايام ممكن انا والوالدة بس وهذة اول مرة حبيت اعرف في امان بالنسبة لنا انة احنا حريم وين نسكن افضل فندق ام شقة وابي اعرف اسماء الاسواق اللي تبيع الجلابيات والملابس النسائية ومشكورين





حياكم الله بالكويت اختي نور

يفضل السكن بفندق ولاتحاتون الديره امان والحمدالله

بالنسبه للاسواق عندج المارينا وسوق شرق والمهلب والكوت

وعندج مجمع الصالحيه للجلاليب وعندج المعارض مثل بيت ديفا وكاريزما وبيت لوذان وبيت الشرق وبيت سدره وبيت بدره

هلا فيج اختي...
الجلابيات او الدراريع...باماكن كثييييييييره مثل:مجمع الاوقاف و العربيد
و
المعارض النسائيه:-
1-معرض بيت ديفا
2-معرض كاريزما
3-معرض بيت الشرق
4-معرض بيت بدره
5-معرض بيوت بهبهاني الشرق
6-معرض بيت لوذان

يعطيكم العافية ومشكورين بس حبيت اعرف اقدر اني اجر تاكسي او ليموزين وتقريبا كم التكلفة لنص يوم وحبيت اعرف اسعار الجلابيات متوسط الاسعار ومشكورين

تقدرين تاخذين تاكسي من الفندق

مشكورة روان يعطيك العافية

المشاركة الأصلية كتبت بواسطة nor85
http://www.arabtravelersforum.com/tr...11/#post961111

يعطيكم العافية ومشكورين بس حبيت اعرف اقدر اني اجر تاكسي او ليموزين وتقريبا كم التكلفة لنص يوم وحبيت اعرف اسعار الجلابيات متوسط الاسعار ومشكورين



اولا حياج الله نور انتي ويا الوالده في الكويت وراح تنورون الكويت
ثانيا ممكن تزورين الكويت في اي وقت ومافي اي مشاكل للاستقبال اذا كان قصدج وجود محرم والكويت واحد امن وامان وكل دول الخليج ولله الحمد

انصحج تسكنين في فندق افضل لج مع ان الشقق المفروشه كثيرة ورخيصه لكن الفندق اكثر خصوصيه ويتناسب معاكم
تقدرين تاخذي تكسي جوال ( ليموزين ) بالاجره او تقدرين تاخذينه ليوم او نص يوم بالاتفاق طبعا

بالنسبه للجلابيب اعتقد اللي تبينه موجود في مجمع العربيد في الفروانيه جلابيب ودراريع اسعاره ممتازة وهي الارخص في الخليج عموما والافضل من ناحيه الشك والتطريز ( على كلام الزوجه طبعا )

حياج الله بين اهلج واخوانج واي سؤال حنا موجودين وبصدر رحب

حياج الله اختي نور في الكويت
الاخت مرام ما قصرت عطتكم اللي تبونه
واماكن الجلاليب عندج في مجمع الاوقاف في مدينة الكويت
ومجمع العربيد في منطقة الفروانية
وحياكم الله

يعطيكم العافية كفتو ووفيتو اخجلتوني والله بس حبيت اعرف المدة بين الاسواق كم تاخذ

المشاركة الأصلية كتبت بواسطة nor85
http://www.arabtravelersforum.com/tr...77/#post961477

يعطيكم العافية كفتو ووفيتو اخجلتوني والله بس حبيت اعرف المدة بين الاسواق كم تاخذ



اختي نور لاتستغربين اذا قلت لج ان الكويت بكبرها كبر الرياض والمده بين الاسواق ماتقل عن عشر دقايق هذا اذا بين منطقه واخرى لكن يعتمد طبعا على الزحمه والتكاسي الجواله موجوده وبكثره

مشكور اخوي ناصر

هلا فيج اختي وحياج اله انتي والوالدة ولا تحاتين الديرة امان وانا انصحج بسكن بفندق مثل:
المارينا
سفير البستكي
كويت كونتنتال
الكوت يارد
الهوليدي ان
غنى بالاس........الخ

بالنسبة للدراريع:
مجمع العربيد بالفروانية
مجمع الاوقاف بالديرة
واذا تبين ارقام مصممات انا حاضرة نعين ونعاون
وحياج الله

مشكورة مسافرة كويتية بس حبيت اعرف الاسعار مثلا اغلى الجلابيات بكم وين القاهم والارخص بكم وين القاهم

الجلابيات تلقينهم بمجمع العربيد والاوقاف اسعارهم تتراوح مابين 50 الى 200 دينار واحيانا اكثر واق بشوي لكن هذه الاسعار المتعارف عليها

يعطيكم العافية