بسم الله الرحمن الرحيمانا اسمي محمد طالب بكليه طب اسنان فاروس اسكندريه فى سنه تالته داخل رابعه ان شاء الله وعندنا الجامعه عامله زى اتفاقيه مع جامعه من امريكا بنعملها زياره كل سنه طلاب بيروحوا ومعاهم دكاتره وكدة وهما بيجولونا وكدة المهم كان عندنا مقابله يوم14/7 كنت انا و بنتين ودكتور بتاعنا المهم لما دخلنا المقابله الدكتور الى كان بيتكلم فى الاول واما القنصل بدأ يتكلم قعد يسأل شويه اسأله الاول للدكتور وكدة والدكتور اداله الدعوه الى من الجامعه الى فى امريكا وكدة بس بتاعته هو المهم القنصل سألنا كلنا نفس الاسئله والسؤال الوحيد الى كنت مختلف عنهم انى مسافرتش فى حته قبل كدة ودى اول مره ليا اسافر ولما سالنا مين هيتحمل تكاليف السفر قلناله احنا المهم قال معاكم اثبات كنت انا الوحيد الى معاه شهاده بنكيه بحوالي 30.000 جنيه مصري وقالي مين الى حاططلك الفلوس دي وكدة وشويه اسئله كدة المهم ومسألناش عن اى ورق تاني مع اننا كان معانا دعوه من الجامعه وافادات وحاجات كتير كدة و قعد يكتب حاجات كتيير على الكمبيوتر قدامه وفى اخر المقابله خد الباسبور بتاعي على جنب كدة وبتاعهم التلاته على جنب تاني اداهم هما الفيزا وقالهم اتفضلوا ادفعوا للبريد الى هيوصل الباسبور البيت وكدة
وقالي اما بالنسبالك في اجرائات اداريه لازم تتعمل الاول الى هي Niv staus وبعد اداني ورقه بيضه وفيها الكود بتاع الحاله وقالي تخش كمان اربع او خمس ايام على الموقع وتشوف اول ما تلاقيها clearedابعت الباسبور بالبريد فانا استغربت قلتله طيب اية المشكله حضرتك قالي مافيش اى مشكله وكان مبتسم كدة قالي دي بس اجرائات اداريه وانتهت المقابله طبعا كنت زهقان جدا لاني مش فاهم اية الى حصل وبعد كدة كل ما اخش على الموقع الاقي يقولي ان الكود بتاعي غلط بس فى مننتديات كتير قريت ان دة عادي وبعدين بيتغير وبيقول انها تحت الاجرائات بس فى ناس قلقتني لقيت مكتوب انا بقالي 9 شهور وكدة والى بقاله 6 شهور على ما اتكتبله ابعت الباسبور وعاوز اضيف انه سألنا ناوين تسافروا امته وقلناله 12/9 وانا طبعا مش عارف كدة انا هترفض ولا هتقبل والاجرائات دى بتطول ولا اية وكل الكلام دة ياريت حد يفهمني افادكم الله وانا اسف على انى طولت عليكم وشكرامواضيع عشوائيه ممكن تكون تعجبك اخترناها لك:
- الترانزيت بمطارات امريكا؟؟
- ضروري ياعيالي للخبراء في لوس انجلوس
- مواقع تفيد الدارسين في امريكا
- واشنطن
- خبراء نيويورك ايش رايكم في فندق
- بخصوص الفيزا الدراسية السياحية
- بخصوص الفيزا
- رحلات نيويورك وواشنطن
- أفضل فنادق ثلاث نجوم في مدينة لاس فيغاس في الولايات المتحدة الأمريكية
- رحلتي الثانية الى بلاد العم سام نيويورك أورلاندو وميامي مايو
- خاص وللقدموا على سفارة الرياض بهالشهر
- مين اللي يعرف عن القاعده العسكريه بسننتونيو ضروووري
- السودان الخرطوم
- التامين لتدريب فى مستشفى فى امريكا
- محتاج مساعدة عاجلة جداً
- خاطب وبروح امريكا شهر عسل هل نقدم على اننا زوجين والا مستقلين؟
- استفسار بخصوص الجرين كارد حق زوجتى
- سؤال عن الأوضاع في أمريكا
- فيزتي تأخرت اجرائتها
- لو سمحتو كيف اعرف نسبة تاكس في الولايات؟
رد مع اقتباس
المفضلات