السلام عليكم جميعا ، عساكم طيبين

اختكم من الامارات ابغيكم تساعدوني في جدول الرحلة

انشاءالله سفرتنا بتكون تاريخ 15 / 8 لمدة 10 ايام من بوظبي الى مطار ميونخ والرجوع بعد من مطار ميونخ

اول شي سوينا حجزنا سيارة من اول الرحلة لاخر الرحلة والسكن بيكون في النمسا في منطقة باد جاستن

نحن حابين نسير اربع دول اللي هي النمسا و سويسرا و ايطاليا و فرنسا ومثل ماقلتكم السكن بيكون بس في باد جاستن

وبما انه اول سفره لي لاوروبا فماعندي خبرة على المناطق اللي تستاهل نزورها ، انا قريت على كذا تقرير بس صراحة تلخبطت ماعرفت كيف ارتب الجدول
بس بعطيكم المناطق اللي حابه ازورها هي زيلامسي وايد سمعت عنها و منطقة الثلج اظن اسمها كابرون وفينيسيا في ايطاليا ومحتارين بين يورب بارك وديزني لاند شو رايكم وين احسن واقرب لنا؟ ، وبالنسبة للجو كيف بيكون بارد ولا ربيع واذا شي مهرجانات او انشطة شبابية لانه كلنا شباب ماشي اطفال يعني عادي عندنا كثرة التنقل .
ياليت يكون جدول مفصل من اول يوم لاخر يوم لانه راح نعتمد عليه انشاءالله يعني يكون عن المناطق والمسافات والوقت والحدايق متى تفتح ؟ واحداثيات المناطق عسب نخزنها في القارمن ؟ وعندي سؤال هل كل تنقلاتنا تكون بالسيارة ولا شي مناطق لازم بالقطار؟؟

وانشاءالله نستمتع بالرحلة من خلال جدولكم (: من الموبايل

مواضيع عشوائيه ممكن تكون تعجبك اخترناها لك: