السلام عليكم
اخوكم سلمان 1
من ارض السعودية
اول شي ، انا بصراحة من المتابعين جدا لهذا الموقع ، ولو اني ماسجلت الا الان
بس متابع بشكل مستمر ويومي
المهم
اشكر كل الاعضاء والمشرفين على مجهودهم الاكثر من رائع
في الحقيقة بعد هالمقدمة ابي اقولكم وش سالفتي ...
_________________________
اليوم الصبح ... اتصل علي مديري ... وقال تعال ضروري لعندي في المكتب
جيته ...
قام قال لي ... اقعد ... وقعدت ...
قال لي : نبي نرسلك على الامار ات العربية المتحده ... وبالتحديد الشارقة... نبي نرسلك على مصنع ... يعني رحلة عمل ماتستغرق الا يومين فقط بالكثير ...
على الرغم من اني انبسطت وفرحت ... الا اني شلت هم في نفس الوقت ...
طبعا المدير لازال يتكلم ... وانا قاعد احس ان هناك مشاكل بتواجهني ، قاعد اقول ياترى من اللي راح يساعدني غيركم ...
المهم ...
شوي وقال لي المدير : انتا منتا معاي ...
قلت له لا ... معاك بس ابي افكر ...
قال الرحلة على حساب الشركة ...
قلت طيب ... ابي اشوف وضعي ... قال لازم ترد لي خلال هالاسبوع ...
والله اني محتاس مادري وش اسوي !
رحت وجلست مع نفسي ، انا ادري ان هالسفره ماجتني الا لان مديري يثق فيني مقارنه بزملائي خصوصا انه ناداني من بينهم
طبعا مادري وش اسوي
انا حتى سفر ماعمري سافرت
ولا قصيت جواز سفر الى الان
مادري شلون
السفرة لمصنع في الشارقة
مادري اسكن في دبي او الشارقة
العمل يقول كل التكاليف علينا بس اهم شي تجيب الفواتير بس !
طبعا انا قلت هلاحين لو بغيت اركب تكسي شلون اطلب فواتير
مادري والله كيف اروح
هذي اول مره اروح
وش رايكم ياخوان؟
ارجوكم اعطوني التفاصيل المملة
مواضيع عشوائيه ممكن تكون تعجبك اخترناها لك:
- ¸¸❝❝¸دبـــــي بعدستي ¸❝❝
- ارجوكم هذي اول سفرة لي مع زوجي لوحدينا
- وين احصل خريطة دبي فيه ؟؟
- أبو ظبي ما اعرف فيها شيء
- بطاقة صراف سامبا الزرقاء هل ممكن السحب منها في دبي
- زيارتي لمطعم ابو السييد في دبـي ليلة راس السنه كأنك في مصــر
- عاجل بخصوص بوابه النجوم
- ماهي ارخص الشقق في دبي
- صاحب السمو الشيـــخ محمـــــد بن راشـــد يتبــرع بالـــدم
- استفسار عاجل عن فندقين في دبي
- استفسار
- خطوطنا شكرا عرب لينكـ فندق رامادا
- ما هي اجراءات استخراج تاشيرة للخادمة السفر من السعودية الي الامارات
- سؤال اسعار الذهب
- محلات الالكترونيات في دبي أو الشارقة
- معرض أبوظبي للكتاب
- لاهنتو ياخبراء الامارات من يلبي طلبي
- من يعطيني برنامج ليومين رومانسين في دبي
- متى واين يكون الافتتاح
- هل هناك مدينة ثلجية في ابوظبي
رد مع اقتباس
المفضلات