الموضوع: مساعدة في شهر العسل في اوروبا

السلام عليكم ..



ان شاء الله شهر العسل يكون في شهر 6 ميلادي وودي في رحلة اوربية منها لندن سويسرا ايطاليا حسب المسافة ..
الفترة تكون 22 يوم الى 25 يوم ..


يا ليت تحددون لي المسافات بين سويسرا وايطاليا هل هي فعلا 6 ساعات ..؟؟!


كم يوم سويسرا تكفيها ..!؟


افضل وقت ابدأ الحجوزات للطيران الفنادق ..!؟


الميزاينة هل تكفي 70 - 75 ألف ريال




بإنتظار آرائكم ..شكراً

مواضيع عشوائيه ممكن تكون تعجبك اخترناها لك:

• وما زال العشق مستمرا رحلتي الاوربية ايطاليا سويسرا فرنسا
• لاهنتو ابي تخطيط لرحلتي
• ارجوا المساعدة لو سمحتواااا 
• ارائكم في فندق بجنيف ضروري
• هام لاهل الخبرة بسويسرا
• مساعده في تنسيق المدن مع انترلاكن
• شكرا لكم مقدما
• السحر السويسري في المعابر الجبليه
• لأهل الخببببرة الرجاء المساعدة زيورخ
• شرح بالصور من إعدادي لكيفية استأجار سيارة
• استفسارات بسيطه بخصوص المدن الاوروبيه
• السكن في سويسرا ارجو المساعده
• خبراء سويسرا أو لوزان بالأخص
• يوم في سويسرا شهر عسل
• حمل الشنط في القطار نصايحكم
• رحلي الاولى الى سوسيرا محتااااار
• احتاج المساعده ضروري بليز
• محتاج نصائح من خبراء سويسرا رجاءا
• القنصلية السويسرية تمنحني يوم فقط فيزا الشينجن
• هل احتاج ليسن دولي تاجير سياره في جنيف؟؟ الرجاء المساعده

وعليكم السلام ورحمة الله وبركاته

ومبروك الزواج مقدما

المسافة بين ايطاليا الى سويسرا على حسب من اي مدينة ايطالية الى اي مدينة سويسرية

فمثلا بين ميلان الايطالية الى لوجانو السويسرية 80 كم والوقت ساعه
وبين ميلان الى انترلاكن السويسرية 294 كم والوقت 3 ساعات ونصف تقريبا

سويسرا ممكن تخصص لها اقل شي 10 ايام من الرحلة
6 ايام انترلاكن و4 ايام السكن حول بحيرة ليمان

- وقت الحجز ,, ممكن تحجز من بداية السنة الجديدة او من الان اذا حصلت عروض جيدة وتناسبكم من شركات الطيران
والفنادق الافضل تحجزونها قبل الرحلة بأكثر من ثلاث شهور وكل ما حجزت بدري يكون افضل

- الميزانية ممتازة وتكفيكم بزيادة

ممكن تكون محطتك الاولى روما 3 ليال تنتقل بعدها بالقطار الى فينيسيا ليلتين 3 ساعات ثم الى ميلان ساعتين ونصف وهي تقع على حدود سويسرا واقرب بلده سويسريه لها هي لوقانوا ساعه بالقطار من ميلان ويمكن ان تسكن في لوقانوا بدلا غن ميلان التي لا يوجد ما يميزها حيث تقضي في لوقانوا 3 ليال تخصص يوم لزيارة ميلان ويفضل استخدام السياره في سويسرا لكي تكتمل المتعه حيثت تنقل بالسياره من لوقانوا الى انترلاكن ساعتين ونصف وتقضي في انترلاكن 5 ليال ومن انترلاكن الى جنيف ساعتين ونصف بالسياره وتقضي في منطقة جنيف (مونترو-لوزان -انسي الفرنسيه ) 3 ليال بعدها تسلم السياره

وتنتقل بواسطة الطيران المباشر الى لندن ساعه ونصف ويمكن ان تنتقل بواسطة القطار المباشر من جنيف الى باريس 3 ساعات ومن باريس الى لندن بواسطة القطار المباشر ساعتين بالنسبه لعدد الليالي انا افترضت الحد الادنى وبامكانك زيادة عدد الليالي حسب رغبتك وامكانياتيك
واذا كنت لا ترغب في روما وفينيسيا فيمكن ان تبداء من ميلان وتكمل الى سويسرا ولكن روما وفينيسيا افضلك من ميلان

تقبل تبريكاتي وتحياتي

الله يعطيكم العاافية ..



اخوي داايم مدري احس حيكون تعب التنقل بين القطارات ولا ..!!


طيب اذا بشيل ايطاليا يكون بدالها المانيا مثلا ايش المناطق اللي ممكن ازورها ..!


كيف وضع النقاب عادي هناك ما في مضايقات او شيئ ..!؟؟

انا رسمت لك المسار بنائا على رغباتك وتحديدك للدول وبالنسبه لرحلات القطار اذا كانت مباشره وبدون تبديلات تكون مريحه ولا يوجد فيها تعب خصوصا انكم شخصين وعفشكم قليل دائما الرحلات التي فيها تبديل للقطار هي التي تكون متعبه لانك تنقل العفش من قطار الى اخر و هناك رحلتين فقط في ايطاليا الاولى من روما الى فينيسيا وهي رحلة قطار مباشره بدون تبديل ومدتها 3:45 ومن فينيسيا الى ميلان رحلة مباشره بدون تبديل ومدتها ساعتين ونصف ومن جنيف الى باريس مدتها 3 ساعات وبما انك متخوف من ناحية النقاب نلغي باريس ويكون الانتقال من جنيف الى لندن بالطائره ولكن انصحك بمسار اخر وهو افضل خصوصا اذا كنت من محبي الطبيعه والمدن الترفيهي والتي اراها ممتعه للعرسان وتلافيا لاي مسائله بخصوص الحجاب نلغي فرنسا وايطاليا ويكون البرنامج كالتالي


الوصول الى جنيف واستئجار سياره من المطار القسم الفرنسي وتسكن على بحيرة جنيف (لوزان-جنيف-مونترو) ويمكن زيارة انسي الفرنسيه
بعد قضاء3- 4 ليال يتم الانتقال انترلاكن بالسياره ساعتين ونصف وقضاء 6 ليال
الانتقال بعدها الى منطقة بحيرة كونستانس ذات الحدود المشتركه بين سويسرا والمانيا والنمساء وتبعد عن انترلاكن اقل من ساعتين ونصف حيث يمكن بالاضافه الى كونستانس الجميله يمكن زيارة زيورخ وشلال الراين العظيم 40 دقيقه ويمكن زيارة بريقنز النمساويه وريف هايدي القريب منها وبعد قضاء 3 ليال الانتقال الى منطقة بادن بادن الالمانيه الملاصقه لحدود فرنسا من الجهة الاخرى وفي بادن بادن قمة المرح حيث يمكن الاستمتاع بملاهي اليورب بارك والبديله عن ديزني باريس ويمكن زيارة فرايبورغ الجميله والتجول في الغابات السوداء وزيارة بحيرة تسي تسي والاستمتاع ايضا باطول زحليقه صيفيه والقريبه من البحيره ويمكن زيارة هايدلبيرق الساحره اقل من ساعه وزيارة شتوتقارت ساعه وربع كما يمكن زيارة زيارة فرانكفورت واخذ جوله بالباص السياحي على اهم معالمها حيث تبعد عن بادن بادن ساعه وربع فقط بالقطار يعني تطلع لها بالقطار وهناك تسوي جوله بالباص السياحي ثم تتمشى بشارع الزل الشهير وتعود مسائا كما يمكن زيارة ستراسبورغ الفرنسيه النهريه الرائعه الشبيهه بفينيسيا والتي تقع في الوسط بين بادن بادن واليورب بارك 40 دقيقه فقط
وبعد قضاء 4 ليال يتم تسليم السياره في مطار ستراسبورغ الفرنسيه ولن يكون هناك ضريبة اختلاف دول لانك استلمتها من مطار جنيف الفرنسي
والانتقال بالطائره الى لندن وهناك خطوط طيران عالميه اقتصاديه تنقلك مباشره ryanair وكذلك خطوط طيران easyjet


هذا المسار اراه افضل لك بصراحه لانه شامل على مناطق ريفيه وطبيعيه غايه في الجمال وكذلك مدن ترفيهيه قمة في المتعه ومدن عالميه شهيره مثل جنيف وزيورخ ولندن وسهل في التنقل ومريح للعرسان ورومنسي وممتع


كما واذا رغبت اضافة محطة بين انترلاكن وكونستانس وهي لوقانوا حيث تبعد عن انترلاكن ساعتين ونصف ويمكن من خلالها الدخول الى ايطاليا وزيارة ميلان التي لا تبعد سوى ساعه واحده
ولوقانوا تبعد عن كونستانس محطتك التاليه ساعتين ونصف


ويمكن ايضا اختصار رحلتك والغاء كونستانس حيث تنتقل مباشره من انترلاكن الى منطقة بادن بادن ساعتين ونصف


هذا المسار فيه خيارات رائعه وسهله تعتمد على مدة اقامتك وميزانيتك ورغباتك


اخيرا تقبل تحياااااتي

الله يعطيك العاافية ..



سأقرر بإذن الله الجدول النهائي خلال فترة بسيطة وراح ارجع لنفس الموضوع ..


جزااااااك الله كل خير ..

السلام عليكم ..



بعد قراءة كثير من التقارير والاماكن المهمة لابد من زياراتها راح يكون مساري ..


الرياض-دبي-جنيف - استلم السيارة وانطلق الى مونترو واقضي ليلة هناك ومنها الراحة من السفر وكمان زيارة مصنع الشوكلاته والجبن في اليوم التالي لانه على نفس طريق إنترلاكن ..


بعد زيارة المصنع انطلق إلى إنترلاكن وقضاء 6 ليال هناك - الاسعار ناار مرتفعة بشكل ياليت خبرتكم في مكان نظيف وموقع ممتاز ..!!


بعد إنترلاكن انطلق الى بادن بادن 4 ليال او 5 ومنها زيارة اليوروب بارك وبحيرة تيتسي مع اني اشوفها بعيدة لانها تبعد 1و45د ولا ادري وين افضل منطقة للسكن في بادن رأيكم ..!!


فيه مطار قريب من بادن 20د اروح منه الى لندن او الافضل اروح لميونخ ليلتين ومنها اطلع على لندن ..!!؟




في مونترو حجزت هذا الفندق طبعا الغاء مجاني du Grand Lac Excelsior


بإنتظار آرائكم ..

لا زلت بإنتظار ارآكم واقتراحاتكم ...!!

الفندق في مونترو جيد وعلى البحيرة

انترلاكن اسعار الفنادق في الصيف مرتفعه وممكن تسكنون في القرى القريبة منها مادام عندكم سيارة
وموقع بوكينج بتلقون فيه الكثير من الفنداق واختارو اللي يناسبكم منها

بحيرة تتسي تبعد عن بادن بادن حوالي 136 كم ,, واقترح عليكم السكن في رست بالقرب من اليورب بارك وهي بالوسط بين
بادن بادن وفرايبورج وستراسبورج الفرنسية وممكن تخلونها مركز انطلاق الى الاماكن السياحية ,, فمثلا يوم لزيارة بادن بادن ويوم لزيارة
فرايبورج وبحيرة تتسي وزحليقة تودناو ويوم لزيارة ستراسبورج ويوم لليورب بارك

وبالنسبة للطيران فممكن تروحون لندن من مطار ستراسبورج الفرنسية عن طريق الطيران الاقتصادي ryanair
واللي تبعد عن بادن بادن حوالي 66 كم وعن رست 56 كم

وتنزل طيارات ryanair في مطار لندن ستانستد واللي يبعد عن وسط لندن 48 كم
http://www.ryanair.com/

وبالتوفيق

^^

الله يعطيك العاافية ..




مشكلة انترلاكن حتى في القرى القريبة الاسعار قريبة من بعض مع انه لسه 6 اشهر على الحجز ..


انا ما ودي في مطار ستراسبورغ بسبب النقاب لا يسون لي سالفة ولا شيء والافضل اريح بالي منهم ..

^^

الله يعطيك العاااافية ..




مشكلة الخطوط السعودية فيها ترانزيت على جدة ..


ما قللت المدة لكن ما اضفت لندن راح تكون 7 او 8 ايام ..


من ممكن اضيف ميونخ ليلتين او ثلاثة راح اقرأ اكثر عن المدينة راح احطها ضمن الجدول ..


بالنسبة لمواقع الايجار السيارات كيف اعرف انها ديزل او بنزين ..!!؟؟

يعني انت طالع من الشرقيه ؟؟؟ وبما انك الى الان ما حجزت وناوي تطلع على خطوط غير سعوديه خلي وصولك على ميونخ 3 ليال ثم الى زل امسي ومنها الى بريقنز ثم انترلاكن واخيرا منطقة بادن بادن وفيها تسلم السياره وتطلع من مطار

Karlsruhe الى لندن او تطلع من مطار فرانكفورت فهو يبعد عن بادن بادن ساعه ونصف فقط كذا رحلتك تكون مرتبه اكثر في الوصول وفي المغادره

بالنسبه لسيارات الديزل بعض الشكرات توضح لك انها ديزل مثلا اليورب كار اذا دخلت على خيار service d يبين لك هل هي ديزل او بنزين وتراها ما تفرق كثييير لا تشغل راسك فيها

انا رجعت للصفحه اللي قبل وركزت انك طالع من الرياض ياخي فيه رحلات مباشره الى جنيف عطني تواريخك واشوف لك افضل حجز

الله يعطيك العاااافية ..



اي انا بطلع من الرياض ..


عجبتني مدينة برينقز والحين احترت زيادة ..




لكن شكلي بمشي على خطتك هذي لكن ابعد زيل امسي بسبب مسافة 4 ساعات طريق متعبه راح اعوضها بإنترلاكن ..
لاحظت انه برينقز اقرب مدينة هي زيورخ ساعة وثلث ميونخ ساعتين ايش رايك ..!


بنالسبة للديزل لاني قريت لاحد الاخوة كان يقول انه الديزل يطول معك عكس البنزين وهذا اللي يفرق ..


المغادرة تكون ان شاء الله 13/6/2014 لكن العودة الى مدري بسبب الجدول ما استقريت عليه

مرحبتين والله ما ودي احيرك والان ابحاول انك تحسم الموضوع ان شاء الله شوف شيل ميونخ وزل امسي من راسك دائما زل امسي تلخبط البرنامج

واحجز في تاريخ 14 مايو يعني بعد زواجك بيوم خلي اول ليلة بفندق من فنادق الرياض مثل ماسويت انا ويوم 14 فيه رحله مباشره الى جنيف (ياحبي للرحله المباشره فعلا تريح راسك ) والعوده بتاريخ4 او 5 جولاي يعني معك 21 يوم اشوفها كافيه وسعر التذاكر لا باس فيه 3700 ريال تذكره مسترجعه مع العلم انه اذا بغيت تذكره رخيصه اقل من 2800 تقدر تحجز على ميلان ذهاب بنفس التاريخ لكن تذكره غير مسترجعه وما انصحك فيها


نرجع للجدول الوصول الى جنيف والسكن في لوزان 3 ليال او اي مكان حلو على البحيره


بعدها الانتقال الى انترلاكن وقضاء 6 ليال


ثم الانتقال الى بريقنز وقضاء 3 ليال


ثم الى Freiburg وقضاء 3 ليال
بعدها الى لندن من مطار بازل وقضاء 5 او 6 ليال


كذا رحلتك مرتبه ان شاء الله وما فيها مشقه ومناطق طبيعية حلوه ومدن ترفيهيه اليورب بارك ومدن صاخبه جنيف وزيورخ ولندن


توكل على الله ولا تتردد
وربي يوفقنا وياك

^^

جزاك الله كل خير .. ما قصرت ..




فعلاً هذا احسه مرتب واحلى ..




لكن Freiburg ايش ميزتها حاولت اقرأ عنها تقارير لكن معلومات قليله ..


95% راح اعتمد هذا الجدول ..

شوف اخوي منطقة بادن بادن تتكون من 3 مدن رئيسيه وهي بادن بادن وستراسبورغ الفرنسيه وفرايبورغ وجميعها رائعه للسكن لانها بلدات حيويه وسياحيه وفيها حركة سياح ونشاطات ومطاعم وشوارع مشاه ...الخ ميزة فرايبورغ قربها من مطار بازل كما ان موقعها استراتيجي فهي قريبه من اليورب بارك نصف ساعه ومن ستراسبورغ ساعه ومن بادن ساعه وربع
كما انها عاصمة منطقة الغابات السوداء وتبعد بحيرة تسي تسي في قلب العابات السوداء تقريبا 40 دقيقه وقريب منها اطول زحليقه صيفيه بالعالم 3 كم


مع العلم انك ممكن ان تتوقف عند بحيرة تسي تسي اثناء انتقالك من بريقنز الى فرايبورغ لانها تكون على الطريق الجميل الذي يخترق الغابات السوداء


والبعض يسكن في نفس روست او اليورب بارك وهي من وجهة نظري منطقه كئيبه خصوصا بعد اغلاق اليورب بارك الساعه السادسه اي قبل الغروب بساعتين حيث لا مطاعم ولا حركه ولا اي نشاط
كما ان تكاليف السكن في فرايبورغ يعتبر الارخص بالمنطقه
http://www.freiburg.de/pb/,Len/225797.html


ابحث في قوقل وستجد تقارير مصوره عنها بأذن الله

الله يعطيك العااافية ,, ما قصرت ..



إن شاء الله حجوزات الطيران اخلص منها خلال اسبوعين ,,




الفنادق حتى الان حجزت في :


[url]http://www.booking.com/hotel/ch/haus-sunshine.ar.html?aid=358324




ونفس المدة حجزت في هذا الفندق الغاء مجاني طبعاً


[url]http://www.booking.com/hotel/ch/neuhaus-golf-strandhotel.ar.html?aid=358324



رأيكم ..!!؟




في برينقز هذا الفندق جناح 3 ايام .. 4 نجوم شامل الافطار


[url]http://www.booking.com/hotel/at/messmer.ar.html?aid=358324






في فرايبورغ الى الان ما حجزت لكن قد يكون هذا الفندق ..


[url]http://www.booking.com/hotel/de/park-post.ar.html?aid=358324




4 ليال .. رأيكم ..!!؟

بالنسبه لفرايبورغ الفندق موقعه ممتاز وتقييمه من مرتفع جدا من 500 وعندك الفندق هذا عليه عرض جيد http://www.booking.com/hotel/de/frei...ml?aid=1329869


وعندك الموقع هذا ممتاز لحجز الفنادق يسوي لك مقارنه ويعطيك ارخص موقع
http://www.hotelscombined.com/Search...e=expanded%3D0

الله يعطيك الف عافية اخوي داايم ..



حجزت في فريبورغ هذا الفندق ..
Hotel Rheingold





بالنسبة لحجز السيارة عادي احجز بفيزا تسوق الراجحي وعند وصولي اعطيهم فيزا العادية


لانه الان ما عندي الا فيزا تسوق لكن قبل السفر بشهرين بطلع الفيزا العادية ان شاء لله ..!!


في احد جرب قبل ولا ما ينفع ..!!؟

ما فيها مشكلة ، وصارت معي كذا مره

سواء فنادق او سيارات

ولازم يكون فيها فلوس من شان تضمن ما يلغون حجزك

^^شكرا لك ..




اي نصائح قبل الحجز لانه ان شاء الله حجز الطيران بكرة بيكون ..


الرياض جنيف - لندن الرياض


لاحظت انه في موقع الخطوط السعودية مكتوب اخر 3 مقاعد بالسعر المعروض هل معناه راح يرتفع او بيقل ولا كيف ..!!؟


بإنتظاركم ..

وينكم شباب ...!!!

يعني بيرتفع

رحت لكذا محل للخطوط الاسعار فرق عن االموقع 800 ريال تقريباً

رجعت وحجزت من الموقع والسداد يكون في مكتب الخطوط ..
لاحظت اخر خطوة مكتوب انه اسعار الوقع قد تختلف عند السداد كيف ..!!؟


لكن مدري شغالين الجمعة ولا لا ..!!؟

حاولت احجز طيران من ايزي جت لكن الخطوة الاخيرة

فقط خانات للأسم الاول والثاني فقط ما فيه رقم جواز او الجنسية او تاريخ الميلاد ..!!!


له طريقة ثانية ولا كيف ..!!؟؟

شوف هذا الموضوع ماقصر مشرفنا العزيز بيبسي كولا

http://www.arabtravelersforum.com/travel469250/

للحين ما لقيت إجابة بالنسبة لايزي جت ..!!

..

تكتب الاسم الاول واسم العائلة فقط مثل ما هو مكتوب بالجواز
وما يحتاج رقم الجواز

الحمدالله حجزت على ايزي جت وبعد اختيار المقاعد وزيادة الوزن المسموح دفعت المبلغ ..



بعد الدفع نقلني الى صفحة ثانية فيها خانات لرقم الجواز وتاريخ الميلاد والجنسية ..





بالنسبة لإيجار السيارة لقيت في موقع هرتز

لكن هذا ما فهمته ايش المقصود !!؟ [ulist][*] 155g/km CO2[/ulist]

[ulist][*] 17 km/l[*]
[/ulist]

المشاركة الأصلية كتبت بواسطة ITTI_FOR_EVER
http://www.arabtravelersforum.com/tr...6/#post8167246


بالنسبة لإيجار السيارة لقيت في موقع هرتز

لكن هذا ما فهمته ايش المقصود !!؟ [ulist][*] 155g/km CO2[/ulist]

[ulist][*] 17 km/l[*]
[/ulist]

من ضمن ايجار السيارة :


Included in the rates
[ulist][*]
Collision Damage Waiver (Excess Applies)[*]
Theft Protection (Excess Applies)[*]
Vehicle Licensing Fee and Road Tax[*]
Tax and other charges[*]
Location Service Charge[*]Unlimited Free Kilometers Included[/ulist]

اتوكل على الله واحجز !!؟



السيارة (S) Mercedes E-Class 4x4 - GPS or similar

وينكم شباب ما بقى الا حجز السيارة وهرتز بعد يومين ينتهي عرض التخفيض 33%



بإنتظاركم ..

وينكم شباب !!

انا استأجرت من سكست مرتين ولا ارسلو ايميل

لكن المفروض يرسلون لك ايميل

ورقمهم موجود عندك كلمهم وقولهم ابي أي ايصال للحجز

بالنسبة للتأمين فـ الأمر عائد لك

^^

الله يعطيك العاافية ..


طيب التأمين ما فهمته للحين يغطي ايش بالضبط ..

اقدر اقدم على الفيزا من شهر 4 ولا لازم قبلها بشهر من تاريخ السفر ..!!؟

المشاركة الأصلية كتبت بواسطة ITTI_FOR_EVER
http://www.arabtravelersforum.com/tr...2/#post8179242

اقدر اقدم على الفيزا من شهر 4 ولا لازم قبلها بشهر من تاريخ السفر ..!!؟



قدم على الفيزا في اقرب فرصة

قبل الزحمة

تاريخ السفر في شهر 6 ميلادي متى اقدر اقدم ..!

الحين ايش اول شيء اسويه عشان اقدم للفيزا وكيف الطريقة ..؟!

السلام عليكم ..



بعد ما استلمت الفيزا الحمدلله عدلت على الجدول وصراحة احترت كثيير يا ليت تساعدوني باقي اسبوعين بس على السفر ..


اول شيء حجزت سيارة وممكن اكنسل الحجز لاني بجلس في جنيف 4 ايام وازور آنسي بالباص وما راح احتاج السيارة الا وانا طالع الى انترلاكن ..


كم رسوم الطريق لانه في خريطة جوجل يظهر لي رسوم طريق ..؟؟


او الافضل اروح بقطار الى انترلاكن ومن هناك اخذ السيارة ..؟؟




الجدول النهائي يكون :


جنيف 4 ايام


استلم سيارة سوالي هنا لازم ارجع للمطار استلم السيارة ولا كيف ..؟


انتقل الى انترلاكن 7 ايام ثم الى فرايبورغ 4 ايام .. رأيكم ؟!


من المطار الى وسط جنيف كم سعر التاكسي ..؟!


يا ليت تساعدووني ...


بإنتظاركم ..

وينكم شباب ...!!؟



كنسلت حجز السيارة من هرتز غير مقبول عندهم فيزا مسبقة الدفع ايش الحل ..؟؟؟!!

حاول تشوف مكاتب غير هيرتز
والافضل تحجز سيارة من مطار جنيف الجانب الفرنسي
لانك بتغادر الى لندن من مطار ستراسبورج الفرنسية

وممكن تنتقل من مطار جنيف الى الى وسط جنيف عن طريق الباص او عن طريق القطار لان التاكسي اغلى
وحوالي سعره 35 فرنك طبعا على حسب مكان الفندق

^^مشكور اخوي ..




طيب تأجير السيارة من ممكن ما احجز بسبب الفيزا سؤالي


في انترلاكن كيف انتقل الى لوزيرن مثلا او تلفريك الكابريو بقطار او باص الاماكن هذي متوفر لها نقل ..؟؟!

في انترلاكن تقدر تنتقل للوزيرن بالقطار من محطة انترلاكن الشرقية الى محطة لوزيرن
وايضا للتلفريك المكشوف من محطة انترلاكن الشرقية الى لوزيرن مع تغيير قطار في لوزيرن ومن ثم الى محطة stans
ومحطة stans بعد عن محطة التلفريك المكشوف تقريبا 300 متر

وبالموصلات العامة تقدر توصل لجميع الاماكن السياحية حول انترلاكن

وهذا تقرير للعمدة ابوعزيز جزاه الله خير بتلقون فيه طريقة الوصول للاماكن السياحية بالمواصلات العامة
http://www.arabtravelersforum.com/travel108099/

ممكن تحجزون القطار من محطة القطار نفسها قبل السفر بيوم
او حتى نفس يوم السفر

ماشاء الله صاحب الاستفسار محظوظ وش هالردود ماشاء الله المهم اني حبيت اشكره وكل من رد عليه استفدت كثير

يمديه سافر الله يستر عليه تعب من جد الله يخلف علي بالهوني مون انا الي احوس وارتب الرجلة وابو الشباب مغير يتسدح واال ابحتفالات توديع العزوبية
الله يعوضن بالجنة بس