الموضوع: زبطووووني تكفون

بسم الله الرحمن الرحيم ..
اتشرف في انضمامي لاخواني المسافرون العرب .وان شاء الله افيدكم وتفيدوني

بخش بالموضوع ..

انا معي حدود 25 الف ريال سعودي
وابي اسافر ولا ادري وين اروح

محتار بين
سويسرا,جزر المالديف .هاواي

بس مدري وش الطبخه . يعني بحياتي ماطلعة لدول بعيده
ابي اعرف وشلون ارتب حالي ومتى احجز
ووش افضل خطوط والبوكنق اسمع به ولا ادري وش
والشنغن واي شهر يفضل اروح به
يعني اي شخص يرد علي ويفهمني كل شي
جزاه الله خير واحتمال اخذه معي بالرحله

طبعا الرحله مكونه من شخصين
تكفون اثلجو صدر اخوكم المسلم بالردود

مواضيع عشوائيه ممكن تكون تعجبك اخترناها لك:

• مخالفه سويسريه
• سويـسـرا قـلت ما مثلك على الدنيا وصـيفــ لا حـشى مالك وصـوفــ
• استفسار
• استشارة لشهر العسل في سويسرا واوربا في شهر يناير
• كيف طريقة الحجز من
• الرجاء المساعدة انترلكن
• ما ندم من استشار أريد مساعدتكم ي أهل الخبرة
• مجموعة استفسارات قبل الرحله ب ايام
• هل يسمح لسن 19 سنة القيادة في سويسرا
• آنسي وماحولها رايكم فالجدول
• استفسار بخصوص شرائح البيانات واستئجار السياره
• مشورتكم تهمني ارجو التفضل بالدخول
• تنبيه مهم خذ رخصة القيادة السعودية معاك
• رأيكم يا أهل الخبرة تكفوووون
• بخصوص المخالفات في اوروبا
• تعبت وانا ادور شقه في انترلاكن مومعقوله
• سؤال بخصوص فندق دورينت لاهنتوا
• ارجووووووووووووكم آآريد مسآعدتكم بأقصى سرعة للسكن
• سؤال عن الشنقن لازم من السفارة الفرنسية
• مساعدة في ترتيب الرحلة في جنيف

وعليكم السلام ورحمة الله وبركاته ..

المالديف وهاوي اجوائها قريبه من بعض .. شمس وشواطئ ..

سويسرا غير عنهم .. جبال خضراء واجواء حلوة .. عموما افضل وقت للسفر لسويسرا من شهر 5 الى نهاية 9
وأول ماعليك تسويه الفيزا تاخذ لك موعد عشان البصمة .. واذا نويت على السنة الجاية انصحك تبدا من شهر 1 او 2 بالكثير ترتب حجوزاتك عشان تحصل اسعار زينة
افضل خطوط عندك القطرية والاتحاد والامارات .. المصرية اسعارها حلوة .. السعودية تروح دايركت ..
الفنادق عندك موقع booking تدخل بنفسك وتحط الدولة والمدينة والتاريخ ويعطيك الفنادق المتوفرة وتقييمها ويكتب لك كل شي عنها ولاجيت تحجز احرص الفندق يكون الالغاء مجاني (ماتدري وش يصير معاك وتضطر تلغي الحجز او تغيره)
طبعا المواصلات انا دايم انصح بالسيارة في أوروبا .. خاصة سويسرا بدون سيارة راحت المتعة ..

عموما انت اقرا التقارير بالمنتدى وخذ لك فكرة واي سؤال انا بخدمتك

جزاك الله خيررر . اخوي فلوسي تقعدني اكثر شي اسبوع ولا لا ؟؟ مدري والله كم التذاكر بينبي وبينك ? من الموبايل

بدون التذاكر تجلسك اسبوعين

والله سمعت سويسرا غاليه يعني اسبوع تصك ال 35 الف ..

على حسب صرفك ومعيشتك والفنادق اللي تسكن فيها .. حتى السيارة تفرق بعضهم ياخذ فخمه وغاليه وبعضهم ياخذ عملية وسعرها معقول ..
ولا تنسى ان بعضهم يتسوق هناك

المشاركة الأصلية كتبت بواسطة alzweeen
http://www.arabtravelersforum.com/tr...3/#post8032813

والله سمعت سويسرا غاليه يعني اسبوع تصك ال 35 الف ..



اخوي سافرت قبل كدا انا و زوجي لمدة 17 يوم بميزانية 30 الف
و الايام القادمة رح نسافر 12 يوم ب 25 الف

يعتمد على صرفك و اختيارك للفنادق و الطيران

المشاركة الأصلية كتبت بواسطة tab_el
http://www.arabtravelersforum.com/tr...1/#post8030571

وعليكم السلام ورحمة الله وبركاته ..

المالديف وهاوي اجوائها قريبه من بعض .. شمس وشواطئ ..

سويسرا غير عنهم .. جبال خضراء واجواء حلوة .. عموما افضل وقت للسفر لسويسرا من شهر 5 الى نهاية 9
وأول ماعليك تسويه الفيزا تاخذ لك موعد عشان البصمة .. واذا نويت على السنة الجاية انصحك تبدا من شهر 1 او 2 بالكثير ترتب حجوزاتك عشان تحصل اسعار زينة
افضل خطوط عندك القطرية والاتحاد والامارات .. المصرية اسعارها حلوة .. السعودية تروح دايركت ..
الفنادق عندك موقع booking تدخل بنفسك وتحط الدولة والمدينة والتاريخ ويعطيك الفنادق المتوفرة وتقييمها ويكتب لك كل شي عنها ولاجيت تحجز احرص الفندق يكون الالغاء مجاني (ماتدري وش يصير معاك وتضطر تلغي الحجز او تغيره)
طبعا المواصلات انا دايم انصح بالسيارة في أوروبا .. خاصة سويسرا بدون سيارة راحت المتعة ..

عموما انت اقرا التقارير بالمنتدى وخذ لك فكرة واي سؤال انا بخدمتك



طيب اخوي انا قررت ابدا من اليوم تكفى ساعدني .. بخصوص موعد بصمه وفيزا وين اروح .؟؟
ياريت من البدايه اول شي وش اسويه .. ياخوك ضايع انا وبحياتي ماطلعت
للمعلومه انا من سكان شمال السعوديه /عرعر
اعتبرها يالغالي رحلتك وادري ابي اتعبك معاي لكن تحملني الله يجزاك بالخير

المشاركة الأصلية كتبت بواسطة حياة حلوة
http://www.arabtravelersforum.com/tr...7/#post8032997

اخوي سافرت قبل كدا انا و زوجي لمدة 17 يوم بميزانية 30 الف
و الايام القادمة رح نسافر 12 يوم ب 25 الف

يعتمد على صرفك و اختيارك للفنادق و الطيران



طيب اختي . متى حجزتي لرحلتك الأولى وعلى اي خطوط . وايش الفنادق الرخيصه يعني
واي مدينه رحتو لاني انا ودي اروح للريف بس يكون قريب للمدينه
ماودي كل شي داخل الديره وازعاج ..
لاهنتي

شوفوا هذا التقرير ممكن يفيدكم
http://www.arabtravelersforum.com/travel540792/

بسم الله أول شي أخوي ميزانيتك جيدة وتكفيك بأي مكان بدك اياه لكن لازم تبحث عن فنادق سعرها معقول وعلى أرخص تذاكر طيران
وقبل لا تبدأ بأي شي تطلع الفيزا اذا بتروح أوروبا لازم تاخد موعد في هذا الموقع http://www.aletimad.com/
بعدين لازم تقرأ كتيييير كل التقارير بهذا المنتدى بتفييدك جدا وبتعرف كل شي عن الدولة اللي بتروح لها


وبالمنتدى بتلاقي تقارير مفصلة عن استخراج الفيز وعن الدول وعن كل شي بتحتاجه للسفر


الطيران في موقع اكسبيديا أعتقد انه جيد ويعرض لك أحسن الأسعار أو انك تدخل على كل خطوط لحالها وتقارن وتاخد الأرخص
والفنادق بوكنق ممتااز جدا تختار اسم المدينة بعدين تسوي تصفية حسب السعر مثلا تختار سعر الليلة من 499-250 تطلع لك فنادق جيدة وأسعارها كمان معقولة وتقدر تشوف موقع الفندق


واذا انت من النوع اللي مابتحب تبحث ممكن تروح لأي شركات سياحة في شركة ممتازة اسمها ركسون للسياحة وأعتقد أسعارها ممتازة يسوون لك كل شي


عموما هدا الكلام بدري عليه انت قرر البلد اللي بدك اياها وان شاء الله الكل بيفيدك هنا