الموضوع: الى هونج كونج الجميلة

السلام عليكم ورحمه الله وبركاته ,

هونج كونج وما ادراك ما هونج كونج ! ، ان شاء الله في هذا الموضوع راح يكون لي اول تقرير لي في منتدى العرب المسافرون برحلة مدتها اسبوع لهونج كونج الجميله برفقة زوجتي الله يطول بعمرها .

الاماكن السياحيه ، ديزني لاند ، البوذا الكبير ، التكاسي الملونه ، الناس اللطيفه والناس الغريبه !

كل شيء صار ويانا بقوله لكم

انتظروني

مواضيع عشوائيه ممكن تكون تعجبك اخترناها لك:

• نقريري عن الصين وهونج كونج
• الجـــــــــــــولان معلومة وصور ؟
• مكتب شحن جوي
• كم يوجد معابر بين سوريا ولبنان
• استفسار عن سنغافورة لو تكرمتوا
• 20 نصيحة من أينشتاين لتصبح أكثر ذكاءً
• بخصوص الفندق
• تقـريـر عـن سنغافورة رحلات بالباخرة سوبر ستار فيرجو
• من فضلكم مطلو بمساعدة في فنادق سنغافورا
• تقرير زيارة فيتنام لوحدي صيف هـ م
• مطعم ألف ليلة وليلة في دمشق
• روائع رحلتي السريعة للزبداني عيد الحج لعامهـ
• استفسار اقرب دولة قريبه من الخليج جدول ٥ ايام
• مساعدة لسنغافورة بليييييييز
• الحاسب الآلي
• الجواز الأمريكي وفيزا سنغافورة ؟؟
• ابي اقترحاتكم للسفريه
• وأخـــــيـــرا زرت الصــــيـــــــــــن كوانزوا شنزن
• المساعدة ياخبراء المنتدى لدول جنوب شرق أسيا
• في حي الصالحية بدمشق ؟؟؟

كانت الرحلة على الخطوط الجويه الاماراتية

كانت الرحلة الكويت - دبي

دبي - هونج كونج

هونج كونج - دبي

دبي - الكويت

( موقف ما ينسي ابدا ابدا ابدا )

اول رحلة من الكويت لي دبي كانت ازعاج بصراحه ورانا هندي لي اليوم اتذكر ضحكته كان يسوولف مع شباب وازعجونا بصراحه ! ، وصلنا مطار دبي وقعدنا ترانزيت بالمطار ، كنا نتمشى انا وزوجتي بالمطار ونشوف من محل لي محل ، وقتلها الطياره متى تطير ؟ قالتلي الساعه الفلانيه قتلها بتوقيت الكويت ؟ قالتلي اي ! ، المهم قعدنا نتمشى وقربت الساعه على الطياره وقلنا نروح للبوابة ، رحنا البوابه ولا يقولون لنا اصلا البوابه مالتكم تغيرت وانتوا متأخرين يمكن الطياره طارت ( اتضح بأن زوجتي غلطانه اهي تطير بتوقيت دبي مو توقيت الكويت يعني احنا متأخرين ساعه )

انا بصراحه انصدمت ، ويصير فلم كوميدي تخيلوا شكلي وانا ماسك العربانه واركض واركض واركض واهي تركض معاي والناس تشوفنا احسهم يقولون شفيهم شلي لاحقهم :P وماشاء الله مطار دبي وايد كبير ولما ركضت المارثون بنجاح وطلعت روحي وصلت ولا البوايه ما فيها ولا احد وعرفت ان الطياره طارت عنا

بهالوقت عصبت بس مسكت اعصابي بصراحه قلت مابي اخرب السفره على زوجتي رحت وسألت قالولي تدفع 100 درهم وباجر الصبح فيه طياره ، قلتهم وجناطي اشلون بنبدل ملابسنا قالولنا لو تبون الجناط تنطرون 4 ساعات قلت لا ما نبي نتحمل يوم ، وقعدنا نفتر بدبي على فندق كل الفنادق Full الى ان حصلنا شقق فندقيه واخيرا بس وصلنا قعدنا نضحك على عمرنا وما سمعنا غير شخيرنا خخخ نمنا على طول . . .

تابعوني في باقي الرحلة

نكمل ويانا يا حلوووووووووين . . .

بعد ما قضينا يومنا في دبي الاكثر من روعه ، رحنا دبي مول وامارات مول والاوت ليت يعني عوضنا الطياره الي طارت منا ( غلطة المدام = لا تأمنون بالبنات يا شباب هههههههههههههههههههه لالا اتغشمر ههههههههههههه )

قعدنا الصبح ورحنا مبجر عشان لا تطير عنا الطياره بعد ههههههههههههههه دخلنا الطياره وارتاحت نفسيتي لاني بروح هونج كونج اخيراااااااااااااا

عصير البرتغال والبسكوت بالطياره يم يم



قعدنا نسولف ( او ) قعدت اسولف مع نفسي واشوف افلام لان زوجتي العزيزه نامت وخلتني وكنا محظوظين لان الكرسي الي يمنا فاضي فتقدرون تقولون اخذت راحتها بالنومه وخلتني انا سهران:P

وجبة سريعه لليوع القاتل



وبعد ساعات من الانتظار الي ما حبيته ..وصلنا هونج كونج .. الرحلة من دبي الى هونج كونج اخذت لها 7 ساعات .

وصلنا مطار هونج كونج ، والله بصراحه استغربت من الي يشغلون هناك ، اول شي نصهم ما يتكلمون انجليزي ( وهذي المشكله الي قابلتنا بسفرتنا ) ، وبعضهم احسهم يعرفون انجليزي بس ما يبون يتكلمون يعني تخيلوا معاملتنا بالاشاره

انا وزوجتي نشوف الناس وين تمشي ونمشي وراهم ههههههههههه ، وصلنا لختم الجواز وعبينا استمارة الدخول سألنا الموظف اول مره تسافرون لهونج كونج قلناله اي ، قالنا شنو السبب من الزياره ، خربطنا عليه وفهم انها سياحه هههههههههههههه

ومرينا ... ونزلنا لتحت ولا نشوف ناس شكثرهم متيمعين عند شيء شكله نفس القطار واول ما فتح الكل قام يركض احنا قلنا شسالفه هههههههههههههههه

هذي صورته واهو فاضي



طلع عشان يوصلنا من مكان لي مكان بالمطار والله تطور ! ، والضحك اول ما تحرك ولا زين ما طرنا من سرعته ههههههههههههههههه

طلعنا منه ولا نشوف اللوحات نبي نعرف وين اماكن التكاسي ولا نشوف اللوحه اخيرا ! TAXI



وهني بده اللغز ،







سألنا وحده واقفه ووريناها بطاقه الفندق وقالت لنا ركبو التكسي الاحمر ، ولا التكاسي على حسب المنطقه واحنا منطقتنا كولون

ترقبوا الجزء الياي

ما شاء الله رحلة مليانه مغامرات من أولها
المهم الحمد لله على السلامه و تعيش تحكي لآحفادك إن شاء الله
أرجو أن تقبلي مروري

المشاركة الأصلية كتبت بواسطة kenken
http://www.arabtravelersforum.com/tr...2/#post5464212

ما شاء الله رحلة مليانه مغامرات من أولها
المهم الحمد لله على السلامه و تعيش تحكي لآحفادك إن شاء الله
أرجو أن تقبلي مروري



نورتني يا غالي بمرورك ونورت صفحتي

تسلم

تقرير مضحك في البداية

بس شكله روووعه

موفق في اكمال التقرير

تقريرمرررة حلو من بدايته وخيرة التاخير تمشيتوا بدبي..
بانتظار باقي التقرير..

ههههههههههههههههههه
والله الحريم مشكلة.........بس مالنا غنا عنهم..............

موضوع شيق ومن المتابعين....

ممكن تفيدنا بنوع الكاميرا المستخدمة في التصوير.؟
ترا الصور وايد حلوة وواضحة!!!

شكرا لكل الي ردوا على الموضوع

منوريني والله

نكمل وياكم التقرير

وصلنا للفندق من بعد ما اخذنا التكسي الاحمر الي يودي لمدينه كولون ، وشفنا سحر هونج كونج بالليل من الجمال والبنايات الطويله والبحر الي يسحر ووصلنا الى الفندق وكان فندقنا



الفندق وايد زين ونظيف وخدمته وايد زينه والغرفه مريحه اول ما وصلنا ما عطلونا بسرعه عطونا مفتاح الغرفه والي كان رقمها مميز بس يعطونها لاصحاب الزيارات الدائمه لهونج كونج احم احم جذاب هذي اول زياره له لهونج كونج هههههههه



وهذي كانت غرفتنا الحلوووه









وعقب ما وصلنا وحطينا اغراضنا وكل شي كان الوقت متأخر تقريبا الساعه 11 بتوقيت هونج كونج وقالت المدام تبي تتمشى في شوارع هونج كونج ، طبعا بالاول قتلها مو حلوه نتمشى بالليل وبين الشوارع بس اصرت وقلت يالله نتمشى ، نزلنا وكنت اشوف شيء غريب ، تكرمون كل واحد يمشي وياه جلب وكل جلب يخرع اكثر من الثاني ! ، وريحة شوارع هونج كونج مقرفه ! اكلهم غريب وريحته اغرب ! ، طبعا هناك الواحد ما تشجع ياكل غير ماكدونالدز وبيتزا هت غيره ماكو ، والمشكله اكلهم الي ريحته خايسه منتشر بكل هونج كونج لازم كل ما تمشي لك خطوتين تشم ريحته

وهذي صوره لشارع هونج كونج الي تمشينا فيه والي فيه بقالة 7 المنتشره بكل هونج كونج



قالت المدام انها شافت ماكدونالدز بالطريج وكنا ندوره ، وكل ما اسأل احد ما يتكلم انجليزي ! شعب كامل ما يتكلم انجليزي شي يحير ! ، وفيه موقف يضايق والله ، داخل بقاله 7 المدام حبت تسأل وحده صينيه عن ماكدونالدز بس حاجتها ولا الصينيه تخترع بطريقه هيستيريه وتبعد عنا ( لان المدام محجبه ) مممم اتوقع انهم ما يحبون المسلمين ، قلنا بلا مذلتهم نروح الفندق وناكل من مطعهم

وردينا الفندق وسكرنا علينا الباب وطلبنا من مطعم الفندق وكلينا ونمنا

والتقي وياكم باجر ان شاء الله برحلة الى ساحة نجونج بينج 360 والبوذا الضخم

تصبحون على خير

المشاركة الأصلية كتبت بواسطة abu ali11
http://www.arabtravelersforum.com/tr...6/#post5466556

ههههههههههههههههههه
والله الحريم مشكلة.........بس مالنا غنا عنهم..............

موضوع شيق ومن المتابعين....

ممكن تفيدنا بنوع الكاميرا المستخدمة في التصوير.؟
ترا الصور وايد حلوة وواضحة!!!




خخخخ هلا ابو علي

التصوير كان بكاميرا المدام كانون نسيت موديلها اييبها لك باجر

حياك الله نورت

نوم العوافي...............

بإنتظار القادم!!!

نرجع وياكم ونكمل التقرير . . .

كانت وجهتنا الى ساحة نجونج بينج 360 والبوذا الضخم

طبعا للتوضيح ما عطينا اهتمام للبوذا لان مو تابع لمعتقداتنا ولا دينا الاسلامي ولكن فقط رحنا لرؤية التصميم الخرافي ولو كان لبوذا !

اخذنا تكسي من الفندق الى الساحة وانا اشوف ان تكاسي هونج كونج غاليه شوي كل مشوار 7 و 8 دنانيير كويتي ، الباص وايد ارخص بس احنا كنا ما نبي نضيع وقت وبالفعل وصلنا ولكن عشان نوصل لساحة نجونج بينج 360 الخاصه بالبوذا لابد ناخذ التلفريك عشان يوصلنا وكانت تجربه وايد حلوه انك تصعد بأرتفاع عالي جدا بين الجبال والمناظر الطبيعيه الخلابه

وهني يوم كنا صافين دور ومادري شفيها هالبنيه تخز فينا طالعه بالصوره عشان تخرعنا



بالدور كل واحد يركب للتلفريك



ودخلنا التلفريك واخذو لنا صوره وهذا الشيء الي لاحظته بكل مكان سياحي ياخذون لك صوره ويعطونك بطاقه ( تيكت ) وانت حر تقدر تروح وتاخذ الصوره مقابل مبلغ بسيط

وهني مناظر واحنا بالتلفريك











وهني صوره مع جوتيي اعزكم الله اسوي دعايه ( مو للبيع ترا خخخ ) بس المقصد تشوفون الارتفاع الي احنا فيه





وهذي عربانه فاضيه المدام مصورتها :P



صوره للبوذا الكبير من بعيد .. صرنا نقترب من الساحه





ووصلنا للساحة وكانت عباره عن محلات كثيره ومتنوعه ومطاعم ومقاهي وصرنا نتمشى بكل مكان ونصور كل شيء

كل واحد يشوف ريوله اي وحده فيهم















وهذي كانت بالنص فيها اعلام وايد



ويوم قربنا للبوذا اكتشفت ان اذا تبي تصعد له لي فوق لازم تدفع عشان تدخل وتصعد قلت ما عاش الا البوذا:P ما دفعنا لان شي ما يستاهل

تغدينا بسابوي وقررنا نرجع





ترقبوا الجزء الياي من ديزني لاند احلى مكان زرته في هونج كونج

رحلة جميلة وبإنتظار القادم.....

شكل التليفريك يخوف...خاصة الزجاج اللي تحت!!!

الله يكون في عون الحررررريم!

المناظر هناك جميله وخاصه التلفريك بانوراما وللعلم لديهم شبكة قطارات ممتازه وسهلة الاستخدام

تسلمون يا غاليين على ردكم

انتظروا ديزني لاند

رااااائع

ومتابعين معااك

مشكور وماقصرت
وبالنسبه لاسعار ديزني حلوه ولا مبالغ فيها لاني ناويه على الهدايا منها

ربي يديم عليكم و تقرير حلو و اصبتني في مقتل لما شفت صورة الوافل لميكي ,,,, بجد اشتهيته



ربي يوفقك و جزاك الله كل خير

المشاركة الأصلية كتبت بواسطة emo0o ";5472996][color="dimgray


رااااائع

ومتابعين معااك[/color]



نتشرف بمتابعتك

نورت

المشاركة الأصلية كتبت بواسطة عشقي السفر==
http://www.arabtravelersforum.com/tr...2/#post5474092

مشكور وماقصرت
وبالنسبه لاسعار ديزني حلوه ولا مبالغ فيها لاني ناويه على الهدايا منها





العفو اختي نورتي

مم اسعار ديزني زينه والله يعني التيشيرتات لاحظتهم اسعارهم 190 دولار هونج كونجي يعني يطلعون 6 دنانير كويتي

بس طبعا الاسعار تكون لا رخيصه ولا غاليه بالنص لانها من مكان مميز نفس ديزني

نورتي التقرير

المشاركة الأصلية كتبت بواسطة حياة_التميز
http://www.arabtravelersforum.com/tr...8/#post5475848

ربي يديم عليكم و تقرير حلو و اصبتني في مقتل لما شفت صورة الوافل لميكي ,,,, بجد اشتهيته



ربي يوفقك و جزاك الله كل خير



اجمعين يا غالي

اي والله لا تذكرني فيه

نورت

الله يعطيك الف عافيه اخوي على هالتقرير الجميل ...
ياني ضحكت يوم طارت عليكم الطياره ...ترة حنا الحريم نتعمد هالحركات عشان نتمشى بدبي خخخخخخخ
اعجبتني جولاتكم وخاصة التلفريك لاني ماجربته ابو الشباب كان رافض عشان البوذا خخخخخ
اما دززني يووه حكااايه مثل البزران من لعبه للثانيه تقل احد يلحقنا خخخخ
بس والله قهر ماشفت وافل ميكي خخخخ ...عوافي عليكم ..ومتابعيين ..

تقريرك ممتع واسلوبك مشوق ومسلي بس ودي اعرف ديزني لاند رحت لها بالويكند والا بنص الأسبوع وشلون الزحمه على الألعاب وشاكرلك اخو قلبي

المشاركة الأصلية كتبت بواسطة سارووونه
http://www.arabtravelersforum.com/tr...0/#post5476780

الله يعطيك الف عافيه اخوي على هالتقرير الجميل ...
ياني ضحكت يوم طارت عليكم الطياره ...ترة حنا الحريم نتعمد هالحركات عشان نتمشى بدبي خخخخخخخ
اعجبتني جولاتكم وخاصة التلفريك لاني ماجربته ابو الشباب كان رافض عشان البوذا خخخخخ
اما دززني يووه حكااايه مثل البزران من لعبه للثانيه تقل احد يلحقنا خخخخ
بس والله قهر ماشفت وافل ميكي خخخخ ...عوافي عليكم ..ومتابعيين ..

الله يعافيج يا غاليه

والحين عرفت السر عشان التمشي بدبي هااااااااااااااااا مممم انكشفتو

منوره التقرير

المشاركة الأصلية كتبت بواسطة siam
http://www.arabtravelersforum.com/tr...8/#post5476878

تقريرك ممتع واسلوبك مشوق ومسلي بس ودي اعرف ديزني لاند رحت لها بالويكند والا بنص الأسبوع وشلون الزحمه على الألعاب وشاكرلك اخو قلبي



حياك الله يا غالي

ومنورنا .. والله كان زحمه على الالعاب واحنا رحنا على يوم الاثنين

وديزني لاند للمعلومات اغلب الالعاب الموجوده فيها للصغار بس الجو الموجود والمحلات والعروض اهي الي تسلي الكبار

نرجع لكم من يديد عشان نكمل لكم التقرير

اول شي قررنا نروح ماكدونالدز الي غاب عنا جم يوم واستانسنا لما شفناه اخيرااااااااااااا

اكلنا وبصراحه بالكويت وايد احلى الاكل عندهم مالح خخخخ









قبل لا اروح للجزء الياي بقولكم بالاول شنو صار .. انا قبل لا اسافر حطيت بأيفوني برنامج يحط لكم الاماكن السياحيه في هونج كونج .. ممم زوجتي العزيزه شافت حديقة الحيوان قالت ابي اروحلها اول شيء قلت الحين انا ياي من الكويت لي هونج كونج عشان اشوف عزكم الله حيوانات ممم بس وافقت لان احنا اتفقنا يوم انا اختار المكان الي ابيه ويوم لها اهي تختار المكان الي تبيه ..

وبدت رحلة العذاب الكوميدية الغريبه ! ! !

بعد المشوار الطويل بالتاكسي من الفندق الى حديقة الحيوان اخيرا وصلنا واخذنا التذاكر ودخلنا



خريطة الحديقة التعيسه !



الحين اقولكم ليش تعيسه ! ، مشينا ومشينا ومشينا بعدين سألنا عمرنا سؤال ! ، سؤال ذهبي

وين الحيوانات ؟؟؟؟؟؟!!!!!!!!!!!!!!

كل الي موجودين حيوانات مو صجيه !!











سلحفاه كسرت خاطرنا وصورناها



ومن كثر ما ملينا من جو الحديقه المزيفه خخخ دخلنا المحل الي موجود وكان فيها هالشيء الحلو وصورناه





يالله كل واحد يحط 100 ويختار شي





وبجذي خلصنا من حديقة الحيوان الي حيواناتها ماخذين اجازه

ترقبوا الجزء القادم من افنيو اوف ستارز

تقرير جميل الله ينورعليك

المشاركة الأصلية كتبت بواسطة سندي محضار
http://www.arabtravelersforum.com/tr...6/#post5479426

تقرير جميل الله ينورعليك



تسلم يا غالي

نورت الموضوع

وانتظروا باقي التقرير قريب

ابداع لحد الان.......بإنتظار القادم....و موديل الكاميرا لأن الصور وايد حلوه وخاطري اعرف النوع....هههههه

تقرير مميز وانت اروع
انتبه من ماك وكنتاكي لانهم مايذبحون بالطريقه الاسلاميه الله يحفظك انت واهلك
تقبل مروري وتحياتي

بصراحه تقرير مميز والاحلى اسلوبك المشوق

عندي كم استفسار اذا فيه مجال جاوب واذا

مافيه ماجال كانك ماشفت شي

الفندق كم سعره وكيف موقعه والحجز من الكويت او من المطار او من نفس الفندق؟

وبنسبه لبوذى وديزني رحتو في نفس اليوم او كل واحد يوم ؟

وهل تستاهل الزياره لاني ابي اجيها من جوانزو يومين

اسف على الاطاله

تقبل تحياتي

ماشاء الله تقرير جميل وصور أجمل

المشاركة الأصلية كتبت بواسطة abu ali11
http://www.arabtravelersforum.com/tr...2/#post5487942

ابداع لحد الان.......بإنتظار القادم....و موديل الكاميرا لأن الصور وايد حلوه وخاطري اعرف النوع....هههههه



ابشر يا ابو علي

اليوم راح تشوف رد مني على نوع الكاميرا وصورتها ::

نورت

المشاركة الأصلية كتبت بواسطة صعب الحب
http://www.arabtravelersforum.com/tr...0/#post5488510

تقرير مميز وانت اروع
انتبه من ماك وكنتاكي لانهم مايذبحون بالطريقه الاسلاميه الله يحفظك انت واهلك
تقبل مروري وتحياتي



ردك المميز يا غالي

وتسلم ما تقصر نورتني

المشاركة الأصلية كتبت بواسطة ابو عفراء
http://www.arabtravelersforum.com/tr...8/#post5489118

بصراحه تقرير مميز والاحلى اسلوبك المشوق

عندي كم استفسار اذا فيه مجال جاوب واذا

مافيه ماجال كانك ماشفت شي

الفندق كم سعره وكيف موقعه والحجز من الكويت او من المطار او من نفس الفندق؟

وبنسبه لبوذى وديزني رحتو في نفس اليوم او كل واحد يوم ؟

وهل تستاهل الزياره لاني ابي اجيها من جوانزو يومين

اسف على الاطاله

تقبل تحياتي



عيوني لك يا غالي ما طلبت شي

الفندق كان سعره 200 دينار وشوي من مكتب السفريات ( سفريات الرابية ) . بس بالنت ارخص

لا كل واحد بيوم بروحه

وتستاهل ونص والله لا تطوفك يا غالي

واي شي تبيه قولي

المشاركة الأصلية كتبت بواسطة abozyad1
http://www.arabtravelersforum.com/tr...0/#post5489210

ماشاء الله تقرير جميل وصور أجمل



ردك الاجمل يا غالي ما تقصر

نرجع من يديد عشان نكمل وياكم التقرير

قررنا اليوم نروح افنيو اوف ستارز وكان الجو حيل حلو

ووصلنا اخيرا



على اساس كل ما تمشي اييلك اسم ممثل معروف عندهم وبصراحه ما عرفت ولا ممثل ههههههههههههه



اكششششششششششششن







شوفوا هالصيني الي حاط صبعه بأذنه ههههههههههه





الملك بروسلي









وبجذي خلصنا من افنيو اوف ستارز

الجزء القادم من مجمع ومنطقة مدام تسوو لمتحف الشمع

نكمل وياكم التقرير

قررنا نروج متحف الشمع مدام تسو ..

صور من التاكسي للطريق الي كان غريب شوي !





يوم وصلنا شفنا هالبيوت الي مبنيه فوق ! شي غريب !







صورة المجمع الي بداخله مدام تسو ..





يبنا لكم برد



صورة لداخل السوق وكان يحتوي على محلات وايد ..



وهالميكي ماوس حاطينه تحت دعايه لديزني لاند



انتظروا تغطيه مدام تسو

ايش سالفة مدام تسو؟؟؟؟ شوقتنا؟

ليكون تبيع هريس وسوالف مال أول؟! هههههههههه

صراحه قصه شيقه جدا
بس ياليت تذكر كل التفاصيل يعني اسعار التذاكر والتكاسي والفنادق وغريه والصور الرهيبه الي سويتها بس ياليت تكون تسردها بالترتيب كانك دفي هونج ونمشي معك


اما بالنسبة للفندق والله غالييييييييييييي مره
ياليت تدلنا على فندق ارخص بكثير يعني 100 دولار او 150 يعني مقبول نوعا ما ومو لازم يكون بكوالون وانا سمعت انها اغلى من السنترال
انا ناوي ازور هونج كونج انا و2 من اصحابي ونبي نزور ديزني ومتحف الشمع والبوذا وشارع النجوم والمحيط ونبي نجلس 3ايام فياليت وانت تزور الواقع هذا تركز بكل شي بالتفصيل الممل طبعا القصص الي صارت يعتمد عليك ذكرها بس الباقي زي الاسعار وغيره ياليت تكون دقيق احنا طالعين من الرياض لكوانزو وبعدين شنزن وبعدين هونج كونج والعوده لكوانزو

وشكرا تراني راح اسأل ياليت تتحملني وشكرا

المشاركة الأصلية كتبت بواسطة abu ali11
http://www.arabtravelersforum.com/tr...4/#post5496474

ايش سالفة مدام تسو؟؟؟؟ شوقتنا؟

ليكون تبيع هريس وسوالف مال أول؟! هههههههههه



خخخ بو علي هذا متحف الشمع والحين بتشوف الصور

وتفضل هذا نوع الكاميرا كانون 350D

اعذرني اخرتك وياي

المشاركة الأصلية كتبت بواسطة doctor000
http://www.arabtravelersforum.com/tr...0/#post5496760

صراحه قصه شيقه جدا
بس ياليت تذكر كل التفاصيل يعني اسعار التذاكر والتكاسي والفنادق وغريه والصور الرهيبه الي سويتها بس ياليت تكون تسردها بالترتيب كانك دفي هونج ونمشي معك


اما بالنسبة للفندق والله غالييييييييييييي مره
ياليت تدلنا على فندق ارخص بكثير يعني 100 دولار او 150 يعني مقبول نوعا ما ومو لازم يكون بكوالون وانا سمعت انها اغلى من السنترال
انا ناوي ازور هونج كونج انا و2 من اصحابي ونبي نزور ديزني ومتحف الشمع والبوذا وشارع النجوم والمحيط ونبي نجلس 3ايام فياليت وانت تزور الواقع هذا تركز بكل شي بالتفصيل الممل طبعا القصص الي صارت يعتمد عليك ذكرها بس الباقي زي الاسعار وغيره ياليت تكون دقيق احنا طالعين من الرياض لكوانزو وبعدين شنزن وبعدين هونج كونج والعوده لكوانزو

وشكرا تراني راح اسأل ياليت تتحملني وشكرا



سعر التذكره يا غالي كانت 230 دينار من مكتب سفريات الرابيه والفندق ايضا 200 وشي دينار من نفس الفندق بس نفس ما ذكرت الحجز من النت ارخص

الفنادق وايد ادخل على http://www.booking.com?aid=1329869 واختار فيه على كيفك لك حرية الاختيار

واسأل من هني لي باجر يا غالي ما عندي مانع بس انت فاهم غلط انا تراني بالكويت حاليا رديت من هونج كونج من فتره

وانتظر تقرير متحف الشمع

وبالتوفيق لك

نورت

مشكور بالغالي على صورة الكاميرا....فعلا تصويرها روعة......

يوم ممتع عند مدام تسو.....وبإنتظار ابداعاتك القادمة......

المشاركة الأصلية كتبت بواسطة abu ali11
http://www.arabtravelersforum.com/tr...2/#post5511262

مشكور بالغالي على صورة الكاميرا....فعلا تصويرها روعة......

يوم ممتع عند مدام تسو.....وبإنتظار ابداعاتك القادمة......



العفو يا بو علي

وانصحك بالكاميرا خاصتا انه نزل فيها انواع يديده

انتظر الباقي يا غالي

منور

^^ تقرير عجيب صرااحه وو انا صراحةً و ددي حييل بهونغ كونغ فما عندي أحد استشيره
فممكن شوية أسئلة :-

1- هونغ كونغ من جميع النواحي تصلح لعوايل يعني أحنا 6 أشخاص
2- و شطار بالانجليزي و بالصيني أنا مو خبيرة بكلامهم بس (السلام عليكم و اي و لا) بـس
فيعني تنصحني فيها لإن أخاف نضيع لما نطلع من الفندق و نكلم التاكسي او نروح المحطة
3- غالية أو لا ؟؟


++ (( الكاميرا بجم ؟؟ و من وين رخيص اخذها في الغانم أو يوريكا ؟؟

المشاركة الأصلية كتبت بواسطة nanari92
http://www.arabtravelersforum.com/tr...2/#post5514292

^^ تقرير عجيب صرااحه وو انا صراحةً و ددي حييل بهونغ كونغ فما عندي أحد استشيره
فممكن شوية أسئلة :-

1- هونغ كونغ من جميع النواحي تصلح لعوايل يعني أحنا 6 أشخاص
2- و شطار بالانجليزي و بالصيني أنا مو خبيرة بكلامهم بس (السلام عليكم و اي و لا) بـس
فيعني تنصحني فيها لإن أخاف نضيع لما نطلع من الفندق و نكلم التاكسي او نروح المحطة
3- غالية أو لا ؟؟


++ (( الكاميرا بجم ؟؟ و من وين رخيص اخذها في الغانم أو يوريكا ؟؟



يا هلا فيك يا غالي

مرورك الاحلى نورت

هونج كونج تصلح للعوايل بالدرجه الاولى

بالنسبه اللانجليزي الاماكن السياحيه يتكلمون مممم الشعب نصه ما يتكلم انجليزي

واذا تبي تروح مكان اكتبه بورقه او اخذ صوره له ومعظم التكاسي يتكلمون انجليزي


الكاميرا روح الغانم او يوريكا ماكو اختلاف الحسن اخر وحده نازله ال550 دي

اعتقد سعرها 200 وشي


و اي سؤال عندك عطني خبر وبالتوفيق لكم

الله يعطيك العافية تقريرك ممتع للغاية وانا حاطه في بالي هاي الاماكن اللي راح ازورها بالضبط لانى عقبها راح انتقل لجوانزور من اجل السوق

شكرا ودمنم بحفظ الرحمن اسفتدت من تقريرك

العفو يا الوفيه

وان شاء الله تستانسين بهونج كونج ونشوف تقريرج

نورتي

هل ذهبتم الى قمة البيك؟
وما اسم المجمع اللي فيه مدام تسو؟
وهل يمكن زيرة البوذا عن طريق المترو؟او الباص؟

طولت الغيبة ياخوي....

بإنتظار القادم......

المشاركة الأصلية كتبت بواسطة سندي محضار
http://www.arabtravelersforum.com/tr...0/#post5532420

هل ذهبتم الى قمة البيك؟
وما اسم المجمع اللي فيه مدام تسو؟
وهل يمكن زيرة البوذا عن طريق المترو؟او الباص؟




هلا يا غالي

لا والله ما رحنا

اسم المجمع ماذكره بس تقول للتكسي مدام تسو يوديك المجمع

ممكن كل شيء لانه الاختيارات لك تكون سواءا مترو او باص او تكسي


لك تحياتي

المشاركة الأصلية كتبت بواسطة abu ali11
http://www.arabtravelersforum.com/tr...0/#post5549760

طولت الغيبة ياخوي....

بإنتظار القادم......



سامحني يا غالي على الغيبه

والحين بنزل الجزء الاخير

كانت رحلة ممتعة قضينها وياكم
والله يحفظكم جميعا سلامي لزوجة المصون

المشاركة الأصلية كتبت بواسطة الوفية
http://www.arabtravelersforum.com/tr...2/#post5555522

كانت رحلة ممتعة قضينها وياكم
والله يحفظكم جميعا سلامي لزوجة المصون



تسلمين يا الوفيه ما تقصرين يا ذوق

الله يسلمج يارب :

ما قصرت يالغالي.....وفيت وكفيت......

التقرير جميل جدا خاصة بالصور الحلوة والشكر موصول لأختنا على التصوير.......

بالتوفيق وبإنتظار السفرات القادمة......

شكرا على التقرير الرائع
يسلمووووووو

المشاركة الأصلية كتبت بواسطة abu ali11
http://www.arabtravelersforum.com/tr...6/#post5556346

ما قصرت يالغالي.....وفيت وكفيت......

التقرير جميل جدا خاصة بالصور الحلوة والشكر موصول لأختنا على التصوير.......

بالتوفيق وبإنتظار السفرات القادمة......



حبيبي ما سويت شي

وانت بالذات يا ابو علي نورتني

تسلم

الغالي تسلم على تقريرك الرائع

ممكن مساعدة لو تكرمت ؟

السكن في هونج كونج مع أسرة لزيارة الحدائق تفضله في أي فندق وفي أي منطقة ؟

تسلم الغالي

يا هلا فيك يا الاماراتي هلا بأهل الذوق اهل الامارات الطييبين

منطقة كولون جميله وجيده جدا

وبالتوفيق

مشكور وايد على التقرير المفيد والمميز