بسم الله الرحمن الرحيم

بداية وصلت الي موقع السفاره الأمريكيه في بيان (( الكويت )) الساعه (( 7.45 )) صباحا على حسب الموعد اللي في طلب الفيزا

وصلت عند الباب قبل الوصول الي الشباك الخارجي يوجد شخص يتفحص الأوراق قبل الذهاب الي الشباك
و قال أوراقك سليمه لكن محتاج تصور الجواز صورتين (( التصوير عند البريد السريع عند الباب ))


بعد ما وصلت للشباك عطاني بطاقة دخول و أخذ منى البطاقه المدنيه و دخلت الي السفاره
عند الوصول أخذت رقم و كان رقمي (( 44 )) .


شفت الأرقام واصله الي الرقم (( 8 )) و كانت الساعه (( 8.10 ))


لكن بصراحه كانوا الموظفين يحركون الأرقام بسرعه و الدليل أن الساعه (( 8.50 )) وصل رقمي
عند الشباك ما فيه أي أسئله لكن عقب ما خلصت قالت لي الموظفه روح الي الشباك 6 أو 7 للبصمه


بعدها جلست في الإنتظار و قامت الأرقام تبدأ من جديد من رقم (( 1 )) و كانت الساعه (( 9 بالضبط ))

لإن الموظفين المخولين بالموافقه النهائيه دوامهم يبدأ الساعه (( 9 ))

بعدها تقريبا الساعه (( 9.35 )) دقيقه وصل رقمي لشباك المقابله و كانت الأسئله كالأتي :

سبب الزياره
وين عملك
شنو وظيفتك

وبس


بعدها قال كل شي أوكي اذهب الي الشباك رقم (( 3 ))

بعدها رحت الي الشباك و عطاني أوراقي كلها اللي قمت بطباعتها من النت
و أخذ بس الصفحه رقم (( 2 )) و قال اذهب الي البريد السريع

طلعت خارج السفاره و رجعت البطاقه اللي استلمتها بالبدايه و أخذت بطاقتي المدنيه

و ذهبت للبريد السريع و دفعت مبلغ (( 5 )) دنانير و قال تقدر تشوف وين حالة جوازك
و تتبع طريقه عن طريق الوصل و قال تقريبا تستلم الجواز بعدها بيوم أو يومين


و سلامتكم ...

مواضيع عشوائيه ممكن تكون تعجبك اخترناها لك: