الموضوع: اول مره اسافر و من مدينة الحريق جنوب غرب الرياض الى امريكااا ياهووووووه

تراني متشقق والفرحة لا تسعني
اول مره اسافر برا السعودية قد سافرت لمكة والمدينة بس وتراني انسان احب اخدم يعني ساعدت اصدقائي في سفرهم لشرق اسيا واروربا ولدول عربية وكانت امنية حياتي اسافر لمصر ولا قدرت وصرت اتمنى البحرين لاني املك عضويه هنا واليوم جاء الدور اليوم اللي اسافر فيه واركب الطيارة ووين لامريكا مررره وحده
هذا جدولي وش رايكم فيه
1 مونتانا
2 ماين
3 نيفادا
4 دزني
5 واشنطون
ابي مساعدتكم وش رايكم اجيب لبس شتوي والا صيفي ومعي 4000 الاف دولر ظنكم تكفي

مواضيع عشوائيه ممكن تكون تعجبك اخترناها لك:

• بخصوص التأشيرة السياحية ؟
• مشتريات امريكا
• هل للرخصه السعودية اهمية في امريكا ؟
• رحلتي في الى امريكا ارجو افادتي بخطة السفر
• أسئله حول فيزا الخطيب
• يوم واحد فقط في نيويوركوين اروح؟؟
• رأيكم في خطة السفر
• اسرع فيزة يوم فقط من نية السفر الى استلام الفيزة
• استفسار بخصوص الفيدكس امباكت والاخوه الباقين
• زيارتي الأولى للسفارة الأمريكية بالرياض لتجديد الجواز
• بعد انتظار يوم هذي أخرتها
• سويتات نيوبورت
• وش رايكم في خطتي
• عن واشنطن
• ماذا عن ميلواكي ؟؟؟
• السلام عليكم استفسارت ارجو من ذوي الخبرة الدخول
• ياخبراء ساعدونا مشكله
• غدا موعد المقابلة
• لخبراء نيويورك
• يا جماعة وين اماكن التسوق في نيويورك ؟؟؟؟

هل السفر بمفردك ؟ كم المدة ؟ سياحة ؟ ولا زيارة اقرباء او اصدقاء
ليش حاطط زيارة لمين ولمنتانا وواشنطن ؟ وهل تنوي النتقل بين الولايات بالسيارة ولا بالطيارة ؟

تحياتي وانا تحت امرك , , ,

ان شاء الله رايح لحالي وابكتشف امريكا وطبعا سياحه وزيارة اهم معالمها الله لا يهينك الجبل اللي في وجوه اللي كنا نشوفه في افلام الكرتون باي مدينة وابستاجر سيارة واتمشى وشريت خرائط من مكتبة جرير لامريكا بس عندي مشكلة اللي هي اللغه بس الناس تقول عادي حتى لو ما تعرف الا يس ونو واصدقائي شجعوني والصراحه كنت متحدي 4 منهم على شي وكانت الجائزه دفع تكاليف السفر لامريكا وعيوا يجون معي ولا واحد بيروح وقلت لهم عطوني الفلوس كاش قالوا لا احجز وفي المطار نعطيك 4 الاف دولر وشرطوا علي اروح بعض الولايات واصور
تكفى ياوليد طلبتك ساعدني عارف انهم مستهترين فيني بس والله لاخذ الفلوس واضحك عليهم تكفى طلبتك واذا تبي تجي معي على حساب القطه الله يحييك تكفى ياوليد الصيف قرب

الله يكثر خيرك عمي
, هل حجزت طيران لامريكا , هل استخرجت تأشيرة ؟
بعض الصور عن مونتانا http://www.arabtravelersforum.com/travel298075-2/

قدومك لواشنطن وممكن تنطلق من هناك

http://www.arabtravelersforum.com/travel330610/


http://www.arabtravelersforum.com/travel171127-15/

واحد الله يجزاه خير تكفل بالتاشيره بس و فتح حساب في السفاره لكن المشكله اني مابعد طلعت جواز وواحد ثاني الله يستر عليه ساعدني وقال يوم السبت تجي تاخذ جوازك المفروض انه طالع من الاسبوع اللي راح بس الصوره اللي جبتها خلفيتها موب بيضاء وقالوا لا زم اطلع فيزا ثانيه من اي بنك وانا قلت لهم لا لازم من البنك الامريكي قالوا هذي فيزا تختلف ياخي حاسوا مخي انتم هنا تقولون دفع الفيزا في البنك الامريكي وهم يقولون اي بنك تاخذ الفيزا

هل تقصد رسوم التأشيرة 498 ريال ؟ والتي يتم دفعها ببنك سامبا , اما بطاقة الفيزا الائتمانية لتوضح القدرة المالية للمسافر لدي السفارة . . .

الفيزا مو مشكله
المشكلة الجدول وشلون اسويه وامشي عليه والترتيب صح او لا وهل اخذ معي مترجم وكم تكلفني الرحلة اسبوع ويوم روحه ويوم رجعه

والله ماأدري في حلقة مفقودة في موضوعك!!
أسبوع واحد وبتروح لخمس مدن (مونتانا-ماين -نيفادا -دزني واشنطن)
ولاتنسى طيران 16وأحيانا 20 ساعة !
أنصحك تطول المدة .
وبعدين زي ماتكرم الاستاد وليد (الفيزا اول شئ وبعدين مخطط الرحلة وحجز الطيران)
كيف تقول ما اشيل هم الفيزا (اصعب نقطة في السفر لامريكا الفيزا وطريقة استخراجها )وادا ملاحظ أغلب استسفسارات الاعضاء عن الفيزا ,جننوني على بال ماعبيت الابليكشن !بس الحمدلله كل شئ تمام وتسهلت الامور...

اخوي لا زم ترتب أمورك عدل قبل لتقرر تروح أمريكا....ومثل ما تفضلوا الأخوان الفيزا أول شي وبعدين إنتقل لمرحلة ترتيب الرحله لأنها أصعب شي...ومن رايي أسبوع وإنت أول مره تروح لهالديرة بصراحه ما يسوى العنوة...بحبحها شوي في الأيام وإن شاء الله كل شي تمام